Ársrit Ræktunarfélags Norðurlands - 02.02.1969, Blaðsíða 40

Það sést greinilega á töflunni, að flestir flokkarnir eru
búnir að vera í um 15 sm dýpi, að undanskildum þráðorm-
unum. Sérstök athugun var gerð til að kanna hvað þeir færu
djúpt niður og fara niðurstöður hér á eftir:
Dýraflokkur Sm dýpi
17,5-20 20-22,5 30-32,5 50-52,5 40-42,5
Þráðormar 25 12 7 10 4
Dýpra var ekki athugað, en samkvæmt þessu virðist mega
gera ráð fyrir að þráðormar fari a. m. k. 60 sm niður, og ekki
er ólíklegt að þá megi finna allt ofan í jarðvegsgrunninn.
Sérstök athugun á rótum leiddi í ljós, að þær fara a. m. k.
jafndjúpt og þráðormarnir, og í flestum athugunarreitunum
náðu einhverjar þeirra allt ofan í grunninn, sem þar er oft-
ast í 70—80 sm dýpt.
Þá er það alkunnugt, að ánamaðkar geta farið djúpt nið-
ur í jarðveginn, enda er venjulega talið, að þeir lifi af vetur-
inn með því að skríða niður fyrir frost. Ekki rákumst við þó
á ánamaðka neðan við um 30 sm dýpi.
Um dýpi annarra lífvera á íslandi er lítið eða ekkert vitað,
en víst má telja, að sveppir, bakteríur og líklega einnig frum-
dýr fylgi rótum og ormum niður í jarðvegsgrunninn.
Gróðurinn á yfirborði jarðvegsins hefur mjög mikil áhrif
á jarðvegslífið. Þetta er auðskilið, þegar þess er gætt, að
plönturnar leggja til meginið af þeim næringarefnum, sem
jarðvegsverurnar þrífast af. Auk þess eru plönturnar einnig
jarðvegsverur að hluta, og sækja mest af næringu sinni þang-
að. Ofrjósamur jarðvegur lilýtur því að liafa lélegan gróður
og fáskrúðugt jarðvegslíf. Síðast en ekki sízt, eiga sér stað
margvísleg efnaskipti milli rótanna og jarðvegsveranna. Al-
kunnugt er það fyrirbæri, að vissar bakteríur og sveppir leita
eftir návist róta, og lifa í meira eða minna nánu sambýli
42