Frjáls verslun - 01.05.1996, Blaðsíða 23

vert af fiski af Coldwater núna og keðjan hafi verið einn af
stærstu viðskiptavinum fyrirtækisins um árabil. „Áður en
að veitingastaðimir skiptu um eigendur árið 1979 nam sala
Coldwater til Arthur Treacher um 9 þúsund tonnum á ári.
Þetta var á þeim árum sem best gekk í rekstri keðjunnar
og hún var með um 800 veitingastaði. Aðallega var um að
ræða þorskblokk sem skorin var niður í sneiðar. Eftir að
keðjan skipti um eigendur fór hún að nota ufsa. Það var ein
af ástæðum þess að það fór að ganga illa hjá henni.“
Magnús Gústafsson telur að Arthur Treacher’s sé að
koma fram með rétta hugmynd á réttum tíma. „Til þessa
hafa neysluvenjur Bandaríkjamanna lítið breyst þrátt fyrir
umræðu árum saman um mikilvægi hollrar fæðu. Það eru
þó vísbendingar um að þetta sé að breytast. í tilbúnum
réttum hefur mesta söluaukningin verið í fiski sem er
grillaður eða tilbúinn til eldunar. Þá hefur áhuginn á grilluð-
um fiski á dýrari veitingastöðum aukist verulega. Þess
vegna tel ég að nú sé nú rétti tíminn til að fara af stað með
þessa hugmynd á skyndibitamarkaðnum. Það er þó geysi-
hörð samkeppni í veitingahúsarekstri. En ég vona að þessi
nýja nálgun skili árangri. Það yrði gott fyrir okkur og aðra
fiskseljendur."
SALA Á ÞORSKIHEFUR DREGIST VERULEGA SAMAN
Fiskneysla í Bandaríkjunum hefur nánast haldist
óbreytt í mörg ár þó að neysla eftir tegundum hafi breyst
nokkuð. Það hefur helst orðið aukning í ræktuðum sjávar-
afurðum af ýmsu tagi á kostnað annarra tegunda. Sala á
þorski í Bandaríkjunum dróst verulega saman á síðasta
áratug, eða um nærri 40%. Ástæðumar eru verðhækkun
vegna minna framboðs og aukin eftirspurn annars staðar
frá í heiminum.
í viðskiptum við keðju eins og Arthur Treacher’s skiptir
stöðugt framboð miklu máli - hvað þá þegar farið er af stað
með nýja markaðshugmynd. Stöðugleiki í framboði getur
skipt sköpum um að íslensk fisksölufyrirtæki í Banda-
ríkjunum fái hlutdeild í sölu til Arthur Treacher’s. En
keðjan mun að sjálfsögðu leitast við að kaupa fisk í hæsta
gæðaflokki á sem lægstu verði.
Hinn nýi forstjóri Arthur Treacher’s, Frank Brown.
Hann er gamall harðjaxl í rekstri skyndibitastaða eftir
að hafa starfað fyrir keppinaut Arthur Treacher’s,
Captain D’s, í um sautján ár.
ÍSLENDINGAR GETA KEYPT í ARTHUR TREACHER’S
íslendingar munu geta fjárfest í Arthur Treacher’s.
Guðmundur Franklín segir að bréfin gangi kaupum og
sölum á opnum tilboðsmarkaði vestanhafs og fjárfestar
geti keypt bréfin í gegnum sinn verðbréfasala á íslandi.
Hann telur að fjárfestar á íslandi ættu að fylgjast með
Arthur Treacher’s í framtíðinni.
„Ég tel að þátttaka íslendinga við yfirtöku fyrirtækisins
sé rökrétt skref. Við erum fiskveiðiþjóð og eigum að gæta
hagsmuna okkar á öllum stigum. Þess vegna er eðlilegt að
við fylgjum hráefninu eftir - allt til þess að það er selt á
diska til neytenda á erlendum markaði," segir Guðmundur
Franklín.
Þökkum fyrirtækjum góöar
undirtektir viö söfnun upplýsinga í
100 STÆRSTU áb undanförnu.
Sími: 561 7575 • Fax: 561 8646
23