Frjáls verslun - 01.01.1998, Blaðsíða 6

RITSTJÓRNARGREIN
FRÁ FRÆÐUM TIL ATHAFNA
Félag viðskiptafræðinga og hagfræðinga fagnar 60
ára afinæli sínu um þessar mundir. Það á sér merka
sögu þótt það sé hvorki hagsmunafélag né stéttarfé-
lag heldur félag fólks með sams konar menntun.
Engin ástæða er til að breyta félaginu.
Félagið ættí þó að setja sér eitt skýrt
markmið í tílefiii afmælisins: Að hvetja
félagsmenn tíl meiri athafnasemi; hvetja
þá til að fara í auknum mæli út í eigin
rekstur.
Tæplega 2.300 félagar eru í Félagi
viðskiptafræðinga og hagfræðinga.
Síðastiiðin 10 ár hafa um 115 við-
skipta- og hagfræðingar útskrifast á
ári. Það fjölgar þvi ört í félaginu. Þótt
ekki beri á atvinnuleysi á meðal fé-
lagsmanna fer launamunur á milli
þeirra vaxandi. Þar kemur tvennt tíl.
Störf þeirra eru íjölbreytt og hitt er að fyrirtæki
ráða oft viðskiptafiræðinga í störf sem ekki þarf
beinlínis viðskiptafræðinga í.
Langflestir viðskipta- og hagfræðingar vinna hjá
öðrum; hjá athafnamönnum, flármálafyrirtækjum
og hinu opinbera. Sárafáir eru hins vegar athafna-
menn í skilningi þess orðs; í eigin rekstri. Þeir eru
flestír sérfræðingar og atvinnustjórnendur. Raunar
er þetta ekki séríslenskt fyrirbæri. Hins vegar er
það svo að fáir frumkvöðlar og athafnamenn eru
með langskólanám að baki. En eiga þessir tveir
hópar þá ekki samleið? Vissulega. Ekki stendur tíl
að þeir komi í stað hvors annars því þeir bæta
hvorn annan upp. Engu að síður er mikilvægt að
hvetja fleiri tíl að fara út í eigin rekstur. Þannig
verða til fleiri störf!
Innan Viðskipta- og hagfræðideildar Háskóla Is-
lands - sem og Verslunarskóla Islands - hefur ver-
ið vísir að því að ýta undir athafnasemi nemenda;
undirbúa þá og hvetja tíl að stoftia fyrirtæki. Þetta
ber að virða! Athafhasemi verður þó aldrei kennd til
fulls í skólum. Hún er persónubundin. Sumir hafa
það einfaldlega í sér að stofna eða kaupa fyrirtæki
og standa í eigin rekstri - aðrir ekki. Samt er það at-
hyglisvert að þegar lítíl fyrirtæki eru
auglýst tíl sölu þá eru það yfirleitt aðr-
ir en viðskiptafræðingar sem hringja -
og það þótt þeir séu fagmenn í rekstri
fyrirtækja!
Viðskiptadeild Háskóla Islands var
breytt fyrir nokkrum árum. Henni var
skipt upp í viðskiptadeild og hagfræði-
deild. Þessi skiptíng gerir námið sér-
hæft strax á fyrsta ári. Það var á marg-
an hátt betra áður þegar sérhæfingin
hófst á síðari stígum námsins. Það er
góð lexía fyrir nemendur í hagfræði að
læra um rekstur fyrirtækja og það
sama á við um nemendur á fyrirtækjasviði; nám í
hagfiræði er þeim nauðsynlegt.
Stóraukin samkeppni er nú á milli skóla sem
kenna rekstur fyrirtækja. Auk Háskóla Islands býð-
ur Verslunarskóli Islands upp á háskólanám í fag-
inu og sömuleiðis er mjög athyglisverð kennsla í
rekstrarfræði, í Samvinnuháskólanum á Bifröst og
Tækniskóla Islands. Þessi aukna samkeppni er
mjög af hinu góða og er líklegri en ella til að leiða
námið að þörfum atvinnulífsins.
Astæða er tíl að óska Félagi viðskiptafræðinga og
hagfræðinga tíl hamingju með hin merku tímamót.
Félagsmenn þess eru ein mikilvægasta auðlind ís-
lensks atvinnulífs. Engu að síður getur atvinnulífið
ekki verið án athafnamanna; manna sem fram-
kvæma og taka áhættu. Fáum fleiri athafnamenn
fram á sjónarsviðið frá afmælisbarninu!
Jón G. Hauksson
ISSN 1017-3544
Stofnuð 1939
Sérrit um viðskipta-, efinahags- og atvinnumál - 59. árgangur
RTTSTJÓRI OG ÁBYRGÐARMAÐUR: Jón G. Hauksson - AUGLÝSINGASTJÓRI: Sjöfn Sigurgeirsdóttir -
BLAÐAMAÐUR Páll Ásgeir Ásgeirsson - UÓSMYNDARAR Geir Ólafsson og Kristín Bogadóttir - UMBROT: Ágústa
Ragnarsdóttir. - ÚTGEFANDI: Talnakönnun hf. - RITSTJÓRN, AUGLÝSINGAR OG AFGREIÐSLA: Borgartúni 23,105
Reykjavík, sími: 561-7575, fax: 561-8646-ÁSKRIFTARVERÐ: 3.315 kr. fyrir 6.-11. tbl. -10% lægra áskriftarverð efgreitt er með
kreditkorti. - LAUSASÖLUVERÐ: 699 kr. nema bókin 100 stærstu sem er á 1.995,- - DREIFING í bókaverslanir og söluturna
á Stór-Reykjavíkursvæðinu annast fyrirtækið Sala og dreifing, sími: GSM 89-23334. - FILMUVINNA, PRENTUN OG
BÓKBAND: Prentsmiðjan Grafík hf. - UTGREININGAR Prentmyndastofan hf. - Öll réttindi áskilin varðandi efni og myndir.
6