Frjáls verslun - 01.04.2000, Qupperneq 64

VINNUSTAÐIR
í fyrra og er í þeim tekið fram hvar vista skuli gögn eftir því
hvort um trúnaðarupplýsingar er að ræða eða hvort starfs-
menn almennt skuli hafa aðgang að þeim. Yfirmaður þarf að
fá heimild frá innri endurskoðanda eða starfsmannastjóra til
að fá aðgang að gögnum sem vistuð eru á persónubundnu
drifi starfsmanns. Avallt skal leita samþykkis viðkomandi
starfsmanns til að skoða gögn á þessu drifi ef þess er nokk-
ur kostur. I reglum fyrirtækisins er einnig tekið fram að
starfsfólkið beri ábyrgð á öllu efni sem það sendir eða tekur
á móti í fyrirtækinu og að það skuli gæta almennrar kurteisi
í tölvupósti. Ekki er heimilt að senda keðjubréf úr póstkerfi
fyrirtækisins og ekki má heldur nota það við sölumennsku
eða safnanir. Almennt er óheimilt að senda hópsendingar en
tilteknir aðilar hafa heimild til þess, svo sem starfsmannafé-
lagið og starfsþróunardeild. Oheimilt er að senda efni sem
getur sært blygðunarkennd viðtakanda.
„Reglurnar voru meðal annars settar vegna þess að mik-
ið var um fjöldasendingar á alla í íyrirtækinu og pósthúsið
var hreinlega að springa. Yfirmenn í fyrirtækinu óskuðu
líka eftir því að settar væru einhverjar reglur um þetta. í
framhaldi af því ákváðum við að kynna okkur hvað önnur
fyrirtæki væru að gera í þessum efnum og settum svo þess-
ar reglur í fyrra. Þeim hefur verið vel tekið enda um almenn-
ar umgengnisreglur að ræða,“ segir Hrönn Hrafnsdóttir,
deildarstjóri í starfsþróunardeild Eimskips.
Misjafnt er hvort starfsmenn hafa aðgang að Netinu eftir
því hvers eðlis störfin eru og hvert mat yfirmanna er á að-
gengisþörf undirmanna. I sumum tilvikum eru störfin
þannig vaxin að starfsmennirn-
ir þurfa að nota Internet-
ið mjög mikið. „Það fer
eftir mati viðkom-
andi yfirmanns
hversu mikinn að-
gang starfsmaður-
inn fær en oftast
er það auðsótt
mál að hafa að-
gang að Inter-
netinu. Þar að
auki ákvað stjórn
félagsins að bjóða
öllum starfsmönn-
um hér á landi
tölvu til notkun-
Hrönn Hrafnsdóttir, deildarstjóri í starjsþróunardeild Eimskiþs.
„Reglunum hefur verið vel tekið, enda um almennar umgengnisreglur
að rœða. “
ar á heimilum sínum og þannig munu allir starfsmenn hafa
möguleika á að vera tengdir við Netið,“ segir Hrönn.
Bann Víð dreífingu Samskip er eitt þeirra íyrirtækja sem
huga að því setja reglur um vefnotkun starfsmanna þar sem
vart hefur orðið við „misnotkun" hjá þeim starfsmönnum inn-
an fyrirtækisins sem nota tölvu í vinnunni. Á Netinu hafa
starfsmenn fylgst með fréttamiðlunum og ýmsu öðru en því
sem beinlínis viðkemur vinnunni og allt að því misnotað
Netið. „Þetta byrjaði með tölvupóstinum, þá urðum við vör
við að það fóru að flæða inn brandarar,“ segir Jakobína Jóns-
dóttir starfsmannastjóri. „Við ráðum því náttúrulega ekki
hvað starfsmenn fá í tölvupósti til sín en þegar vafasamar
myndir fóru að flæða inn þá var ákveðið að banna að dreifa
þessu efni. Nú erum við að skoða hvort takmarka beri að-
gengi að Netinu."
ótækt að hafa ekki reglur Um 500 starfsmenn eru hjá Stjórn-
arráðinu og tölvunotkun almenn. Lagðar hafa verið fram til-
lögur um skipun vinnuhóps um rafræna stjórnsýslu, tölvu-
póstmál og notkun veraldarvefsins. „Bent hefur verið á að það
sé ótækt að hafa ekki skýrar reglur sem öllum séu kunnar um
tölvupóst og vefnotkun. Vonandi tekur þessi vinnuhópur til
Hjalti Sölvason, framkvœmdastjóri ráðgjafasviðs Nýherja, telur að
líta beri á Netið sem uþþlýsinga- og afþreyingarmiðil og starjs-
menn þurfi að greina þar á milli.