Frjáls verslun - 01.07.2000, Blaðsíða 82

O L
Alma Möller er 48 ára og er verslunar-
stjóri kvenfataverslunarinnar Hjá
Hrafnhildi. Verslunin er við Engjateig 5.
Nýlega var rými verslunarinnar stækkað
úr 160 fermetrumj240 fermetra.
FV-mynd: Geir Ólafsson.
Alma Möller, Hjá Hrafnhildi
Eftir ísak Örn Sigurðsson
Alma Möller hóf störf sem
verslunarstjóri í verslun-
inni Hjá Hrafnhildi fyrir
tæpum þremur árum, í nóv-
ember 1997, rúmu ári eftir að
verslunin var opnuð á þeim
stað þar sem hún er nú. „Við
Hrafnhildur Sigurðardóttir,
sem er eigandi verslunarinn-
ar, höfum verið góðar vinkon-
ur frá því við kynntumst í
Versló 15 ára gamlar og meðal
annars verið saman í sauma-
klúbb í 32 ár,“ segir Alma.
Alma hefur verið með
annan fótinn í versluninni al-
veg frá byijun, eða frá því
Hrafnhildur hóf verslunar-
rekstur í einu herbergi á
heimili sínu fyrir 8 árum. „Ég
kom í heimsókn til að skoða
búðina og var strax drifin í að
hjálpa til. Fyrstu árin vann ég
því eingöngu nokkra tíma á
viku þar sem ég var þá í starfi
annars staðar.
Sem verslunarstjóri starfa
ég við hlið Hrafnhildar, sem
staðgengill hennar þegar svo
ber undir, og geri það sem
gera þarf í daglegum rekstri.
Auk þess fer ég á sýningar
með Hrafnhildi til innkaupa
nokkrum sinnum á ári
hverju. Við erum ekki á
flæðiskeri staddar hvað varð-
ar starfsfólk því auk okkar
Hrafnhildar starfa í verslun-
inni 8 konur, flestar í fullu
starfi, og er þetta einstakur
og samheldinn hópur. Það er
okkar lán að hafa frábært
starfsfólk sem er duglegt, lip-
urt og góðir sölumenn. Auk
þess erum við með nokkrar
góðar konur sem koma á
laugardögum og á álagstím-
um og hjálpa okkur. Þetta er
stór hópur og veitir ekki af
þessum fjölda því stefnan er
að veita mjög góða og per-
sónulega þjónustu. Starfs-
menn okkar eru á öllum
aldri, enda seljum við fatnað
fyrir konur á öllum aldri. Við
erum með mörg góð vöru-
merki, þýsk og ítölsk."
Hrafnhildur hóf verslunar-
rekstur sinn á þeim stað þar
sem hún er núna, að Engja-
teigi 5, árið 1996. Síðan hefur
verslunin verið stækkuð
tvisvar. „Það er ævintýri líkast
hvað reksturinn hefur dafnað.
Nýlegavarverslunin stækkuð
úr 160 fermetrum í 240 fer-
metra og innréttuð upp á nýtt.
Við opnuðum breytta, stækk-
aða og stórglæsilega verslun
þann 18. ágúst síðastliðinn.
Auk þess höfum við yfir að
ráða 300 fermetra rými undir
lager, skrifstofu og starfs-
mannaaðstöðu."
Alma Möller er fædd í
Sfykkishólmi 22. maí 1952 en
fluttist þaðan á fyrsta ári til
Reykjavíkur með foreldrum
sínum, Leu og Agnari Möller.
„Ég hef búið í Reykjavík síð-
an en hef sterkar taugar vest-
ur í Stykkishólm og lít á mig
sem Hólmara. Ég á íjögur
systkini, Margréti, sem er rit-
ari hjá Byko, Thomas, sem er
framkvæmdastjóri hjá Olís,
Astu, sem er alþingismaður,
og Eddu, sem er fram-
kvæmdastjóri Skálholtsútgáf-
unnar og Kirkjuhússins."
Alma lauk verslunarprófi
frá Verslunarskólanum vorið
1971 og hóf þá störf hjá Eim-
skip. „Þar vann ég sem ritari í
13 góð ár, meðal annars sem
einkaritari hjá Óttarri, föður-
bróður mínum. Árið 1985
réðst ég til starfa hjá Lög-
mönnum við Austurvöll og
var ritari hjá Skarphéðni Þór-
issyni, hæstaréttarlögmanni
og núverandi ríkislögmanni, í
12 ár. Það var frábær vinnu-
staður og eignaðist ég þar
vini fyrir lífstið. Það var því
erfitt að taka ákvörðun þegar
Hrafnhildur vinkona mín
bauð mér verslunarstjóra-
starfið í verslun sinni. Að fá
tækifæri til að söðla algjör-
lega um, eftir 25 ára starf sem
ritari, var óneitanlega freist-
andi svo ég sló til og hef ekki
séð eftir því.
Ég er búin að vera gift í
tæp 28 ár. Maðurinn minn
heitir Ólafur Valur Ólafsson
en hann er kerfisfræðingur
og starfar hjá Sjóvá-Almenn-
um. Við eigum tvö börn, Völu
Björgu, 23 ára, sem stundar
nám í rekstrarfræði við Há-
skólann á Akureyri ásamt
unnusta sínum, Valgeiri
Smára Óskarssyni, og Ólaf
Jens, sem er 17 ára og er
nemandi í Versló.
Sameiginlegt áhugamál
okkar hjónanna er ferðalög er-
lendis og erum við ekki ein á
bátí þar þvi við eigum frábæra
vini sem við ferðumst oftast
með. Við leggjum, bæði hjón-
in, dágóða upphæð í hverjum
mánuði í sameiginlegan ferða-
sjóð og förum yfirleitt eina
góða ferð á ári hveiju. Á næstu
árum komumst við ferðafélag-
arnir öll á sextugsaldurinn og
höfum við látíð reikna út með-
altal af aldri og afinælisdög-
um. Niðurstaðan er sú að við
eigum sameiginlegt afmæli í
október 2001. Þá verður
„stóra“ ferðin farin,“ segir
Alma. 33
82