Fregnir - 01.03.2004, Side 20

Fregnir. Fréttabréf Upplýsingar - Félags bókasafns- og upplýsingafrœða
almennings. Með aukinni símenntun, vaxandi íjarkennslu og aukinni grósku á sviði
vísinda og lista eykst einnig mikilvægi upplýsingamiðlunar bókasafna.
Félagsmenn Upplýsingar gera sér góða grein fyrir þeim miklu breytingum, sem
hafa orðið á starfssviði þeirra og fagna þeim. Sífellt auknar kröfur eru gerðar til starfs-
fólks bókasafna. Starf félagsmanna Upplýsingar mun í sífellt ríkara mæli beinast að
því að kunna skil á upplýsingaveitum, gagnabönkum og því efni sem finna má á Net-
inu auk hefðbundinna miðla. Endurmenntun og símenntun starfsfólks safnanna er því
mikilvægur þáttur í allri viðleitni, sem miðar að virkri þátttöku allra í upplýsingasam-
félaginu.
Möguleikar bókasafnanna sem eins af homsteinum samfélagsins, t.d. til stuðnings
símenntunar og til að jafna aðgengi þegnanna að upplýsingum, em hvergi nærri full-
nýttir. Með tilkomu upplýsingatækninnar og aðgangs að rafrænu efni hafa skil milli
bókasafnategunda minnkað og þau hafa nú sem aldrei fyrr möguleika á að mynda eitt
heildrænt þjónustukerfi en óhindraður aðgangur að upplýsingum er gmndvallaratriði
fýrir þróun jafnt á sviði menntunar, menningar, vísinda og lýðræðis og bókasöfn em
lykillinn að jöfnun á aðstöðu fólks við að afla sér efnis jafnt til menntunar, vísinda-
starfsemi, fróðleiks og dægradvalar.
Þórdis T. Þórarinsdóttir
NORDBOK - Nordisk litteratur- og bibliotekskomité
Norræna bókmennta- og bókasafnanefndin
NORDBOK er ein af fagnefndum Norrænu ráðherranefndarinnar. Aðrar slíkar em
Norræna safnanefndin, Teater og dans i Norden, Norræna tónlistamefndin og fleiri.
NORDBOK er ætlað að vera ráðherranefndinni til ráðgjafar á sviði almennings-
bókasafna og bókmennta, ásamt því að stuðla að framgangi norrænna bókmennta og
styðja samvinnu norrænna almenningsbókasafna.
Aðild að nefndinni er bundin tungumálum, en ekki landsvæðum. Þannig eiga aðild
að nefndinni: Danir, Grænlendingar, Finnar, Finnlandssvíar, Færeyingar, íslendingar,
Norðmenn, Samar og Svíar, auk Álandseyinga, sem hafa fulltrúa með málfrelsi og til-
lögurétt, en ekki atkvæðisrétt.
Fulltrúar íslands nú em Hólmkell Hreinsson (aðalfulltrúi) og Aðalsteinn Ásberg
Sigurðsson (varamaður) og Olga Guðrún Ámadóttir sem er fulltrúi í NABO sem er
fagnefnd Nordbok sem sér um úthlutun þýðingarstyrkja.
Af fulltrúum íslands undanfarin ár má nefna: Mörtu Richter, Hrafn Harðarson,
Árna Ibsen og Þórdísi Þorvaldsdóttur.
Auk þess að vera til ráðgjafar um málefni bókasafna er nefndinni ætlað að standa
vörð um norræn tungumál og styrkja samvinnu milli Norðurlandanna, nágrannalanda
þeirra og Evrópu allrar á sviði bókmennta og bókasafnamála og stuðla að útbreiðslu
bókmennta lítilla málasvæða innan Norðurlandanna (færeysku, grænlensku og sam-
ísku).
Til að ná markmiðum sínum úthlutar NORDBOK árlega styrkjum, annarsvegar til
þýðinga og hinsvegar til verkefna á svið bókmennta og bókasafnamála.
Þýðingarstyrkjunum er úthlutað tvisvar á ári með umsóknarfrest 1. apríl og 1.
október. Styrkjum til verkefna á svið bókmennta og bókasafna er úthlutað einu sinni á
ári með umsóknarfrest 1. apríl. Þar fyrir utan er hægt að sækja um styrki vegna rithöf-
29. árg. - 1. tbl. 2004 - bls. 20