Fregnir - 01.03.2004, Qupperneq 40

Fregnir. Fréttabréf Upplýsingar - Félags bókasafns- og upplýsingafrœða
1. Eldri notendum þykir ekki fýsilegt að hlusta á bók með tölvu og því þurfa Daisy spilar-
ar að vera fyrir hendi á viðráðanlegu verði fyrir hinn almenna lánþega safnsins. Stöðug
þróun er í Daisy spilurum og eflaust fæst góð lausn áður en langt um líður. Stefnt er að
því að hægt verði að lesa Daisy bækur í Mp3 spilurum og lesforritið Microsoft Reader
mun trúlega styðja Daisy-staðalinn í framtíðinni.
2. Það sem að okkur á Blindrabókasafni snýr á þessari stundu er að varpa hljóðbókakosti
safnsins af segulböndum yfir á stafrænt form. Þessu verkefni fýlgir mikil vinna og
kostnaður sem farið er að undirbúa en hefur ekki verið séð fýrir endann á hvemig
leysist.
3. Allir starfshættir í safninu munu breytast, allt frá framleiðslunni að útlánsvinnunni, og
útlit og geymslurými safnsins mun taka stakkaskiptum með einum CD diski fyrir hverja
bók í staðinn fyrir óendanlega hillumetra af hljóðbókum. Að lokum munu engar efnis-
legar bækur fýrirfinnast í safninu heldur verða þær einungis geymdar á tölvutæku formi
og sendar rafrænt til notendanna, gegnum Netið eða aðra flutningsleið.
Daisy hljóðbókatæknin er í stöðugri þróun. Búast má við að sjálft form Daisy bókar-
innar verði útvíkkað verulega með tímanum. Daisy samtökin stefna að því að gera
Daisy formið að alþjóðlegum staðli fyrir hljóðbækur framtíðarinnar. Staðallinn tæki
þá til hvers konar margmiðlunar, blindraletursbóka o.fl.
Þá er ljóst að miðlun bókanna til lesandans á eftir að þróast mikið og þar eru ódýr-
ari afspilunartæki lykilatriði. Vonir eru bundnar við að geisladiskaspilarar á almenn-
um markaði verði í framtíðinni færir um að spila Daisy bækur að einhverju leyti.
Lengra inni í framtíðinni liggja síðan möguleikar til miðlunar bókanna með rafrænum
hætti til lesandans.
Helga Olafsdóttir
forstöðumaður Blindrabókasafns Islands
Samstarfshópur bókasafnsfræðinga í framhaldsskólum
Ferðasaga 100. afmælisfundar
Samstarfshópur bókasafnsfræðinga í framhaldsskólum, SBF, var stofnaður þann 6.
mars 1985. Hópurinn heldur fundi reglulega og jafnan til skiptis í framhaldsskólum
landsins, s.s. á Akranesi, Akureyri, Reykjanesbæ og Selfossi, en þó oftast á höfuð-
borgarsvæðinu. SBF hefur í gegnum árin unnið að ýmsum sameiginlegum faglegum
hagsmunamálum bókasafna í framhaldsskólum, s.s. stefnumörkun, samræmingu
starfshátta, efnisorðagjöf, samskrármálum, tölvuvæðingu almennt, notkun Netsins og
annarra tæknilegra nýjunga sem snúa að söfnunum. Fulltrúar frá samstarfshópnum
hafa fýrir hönd hópsins tekið þátt í faglegu starfi á sviði bókasafns- og upplýsinga-
mála sem efst eru á baugi hverju sinni, s.s. yfírstandandi störf í sambandi við Lands-
kerfí bókasafna og Landsaðgang að rafrænu efni. í samstarfshópnum tíðkast það verk-
lag að skipa í fámenna vinnuhópa um tiltekin afmörkuð verkefni og leggja hópamir
síðan niðurstöður sínar fýrir samstarfshópinn í heild til umfjöllunar og samþykktar.
Þetta samstarf jókst mjög og auðveldaðist með stofnun póstlistans frh-bok@ismennt.is
7. desember 1994, en listinn er lokaður umræðuhópur bókasafnsfræðinga í framhalds-
skólum landsins. Umsjónarmaður póstlistans frá upphafi er Kristín Björgvinsdóttir
Fjölbrautaskólanum við Ármúla.
Þórdís T. Þórarinsdóttir Menntaskólanum við Sund hefúr til margra ára verið
óformlegur formaður SBF sem og gjaldkeri og tengiliður við utanaðkomandi aðila,
s.s. menntamálaráðuneyti sem skilað er ársskýrslu og gerður er við samningur árlega.
29. árg. - 1. tbl. 2004 - bls. 40