Morgunblaðið - 13.01.2001, Blaðsíða 77

FÓLK Í FRÉTTUM
KVIKMYNDAKLÚBBURINN
Filmundur stendur í stórræðum
þessa dagana í góðu samstarfi við
Alliance Française – íslenskt félag
sem stofnað var 1911 og er ætlað að
efla áhuga og þekkingu Íslendinga
á franskri menningarstarfsemi.
Þessir tveir hópar hafa sannarleg
gert skurk í þeim málum því að á
fimmtudaginn var opnuð stór og
mikil hátíð helguð franskri kvik-
myndagerð sem mun standa yfir
dagana 11. – 22. janúar í Háskóla-
bíói.
Franskar myndir hafa í gegnum
tíðina haft á sér þann stimpil að
vera leiðinlegar; uppfullar af atrið-
um þar sem eitthvert lið er að
hræra í kaffibollunum sínum í tíu
mínútur. Kvikmyndalandslagið í
Hollywood virðist þó vera að gera
því franska gott þar sem margar
nýlegar stórmyndir þaðan eru
nokkuð listrænar að eðli og inntaki
– eiginleiki sem gæti hjálpað til við
að fella niður þessa innstimpluðu
fordóma í garð franskra mynda.
Hvað sem hægt er að segja um
þessi mál hefur Filmundur ætíð
lagt áherslu á að ná til sem flestra,
án þess þó að glata niður þeim
markmiðum sínum að vera „alvöru“
kvikmyndaklúbbur, samanber Þor-
gerði Sigurðardóttur, starfsmann
Filmundar. Á þessari hátíð er enda
að finna margskonar myndir, allt
frá sprelligosamyndum yfir í níst-
andi harmræn drömu. Allt eru
þetta nýlegar myndir, sú elsta er
frá árinu 1995. „Einnig er skemmti-
legt að sjá að fjórir leikstjóranna
eru konur,“ segir Þorgerður.
„Þannig að það virðist vera upp-
gangur í því þarna í Frakklandi.“
Miðaverð er 500 kr. inn á allar
sýningar en einnig verður boðið
upp á tíu miða kort á kr. 3500.
Myndirnar
Hér á eftir fer stutt yfirlit yfir
þær átta myndir sem í boði verða.
Place Vendôme e. Nicole Garcia.
(1998)
Myndin fjallar um auðugan
skartgripasala sem deyr dularfull-
um dauðdaga. Ekkja hans, leikin af
Catherine Deneuve sem fer á kost-
um, ákveður að halda rekstri bónda
síns áfram en þarf að berjast bæði
við eigin drykkjusýki svo og rúss-
nesku mafíuna sem er hefur vafa-
söm tengsl við andlát eiginmanns-
ins.
Vénus beauté (institut) e. Tonie
Marshall. (1999)
Var valin besta kvikmynd Frakk-
lands á síðasta ári. Ljúfsárt og
beinskeytt gaman-drama sem ger-
ist á snyrtistofu þar sem konur á
hinum og þessum aldri deila með
sér sigrum og sorgum tilverunnar.
Post-coitum animal
triste e. Brigitte Roüan. (1997)
Eldheit ástarmynd sem skartar
djörfum tæknibrellum og hefur
vakið verðskuldaða athygli fyrir
nýbreytni í tökum og myndmáli.
Fjallar um tveggja barna móður
sem stundar framhjáhald með
ítölskum pípulagningamanni sem
því miður er ekki jafn heitur og frú-
in fyrir ástarævintýrinu.
Le Cousin e. Alain Corneau.
(1998)
Engin venju-
leg sakamála-
mynd sem hlotið
hefur mikið lof
og var m.a. til-
nefnd til fimm
Cesarverðlauna.
Orðið „frændi“
vísar til þeirra glæpamanna sem
hljóta skerf af eiturlyfjasölu þeirri
sem þeir klaga til lögreglunnar.
Myndin fjallar um hættulegt samb-
and lögreglumannsins Gérard og
bófans Nounours að
þessu leytinu til.
Serial Lover e. Ja-
mes Huth. (1998)
Gamanmynd sem
fjallar um sakamálahöf-
undinn Claire sem þarf
svo sem ekki að kvarta
fyrir utan stakt lánleysi
í karlamálum. Hún
bregður á það ráð að
bjóða nokkrum karl-
kyns vinum sínum heim
til sín og afræður að
velja einn þeirra sem
tilvonandi eiginmann.
En þá fara voveiflegir
atburðir að gerast...
Le Pari e. Didier
Bourdon og Bernard
Campan. (1997)
Sprenghlægileg grín-
mynd með einu þekkt-
asta spaugpari Frakk-
lands, þeim Didier
Bourdon og Bernard
Campan. Mágar tveir
sem keðjureykja hand-
sala með sér veðmál um
að þeir geti hætt í eit-
urhólkunum í tvær vik-
ur. Þeir lenda að sjálf-
sögðu í miklum
hrakförum; geðpirring-
ur og magakýlingar
voma yfir þeim en þeir
halda engu að síður
ótrauðir áfram í átt að
lokatakmarkinu.
Le Fils préfere e.
Nicole Garcia. (1995)
Fráskilin maður lifir
sorgum hlöðnu lífi.
Faðir hans liggur fár-
veikur á sjúkrahúsi og í
kjölfarið þarf maður-
inn, Jean-Paul, að tak-
ast á við ýmis vandamál
í fjölskyldunni og upp-
götvar í leiðinni ýmis
leyndarmál. Meðal leik-
ara er Jean-Marc Barr
sem sést hefur í myndum eins og
The Big Blue, Breaking the Waves
og Dancer in the Dark.
Y-aura-til de la neige a Noel? e.
Sandrine Veysset. (1997)
Stórbrotið drama sem fjallar um
sjö barna móður sem er kúguð af
landeiganda sínum. Hann er faðir
barna hennar og
elskhugi en býr
þó með annarri
konu og á börn
með henni einn-
ig. Söguhetjan
og börnin henn-
ar eru einungis
ódýrt vinnuafl í
huga landeigandans sem bannar
þeim að yfirgefa búgarðinn. Ástríki
konunnar til barnanna er þeirra
eina lífsviðurværi.
Frönsk
filmu-
flóra
Í hönd er að fara viða-
mikil kvikmyndahátíð,
helguð franskri kvik-
myndagerð. Arnar Egg-
ert Thoroddsen fór í
saumana á henni með
Þorgerði Sigurðardótt-
ur, fulltrúa kvikmynda-
klúbbsins Filmundar.
Catherine
Deneuve
(til hægri)
í hlut-
verki sínu
í mynd-
inni Place
Vendôme.
Þorgerður Sigurðardóttir er starfsmaður
Filmundar, kvikmyndaklúbbs sem stofnaður
var fyrir tæpu ári og hefur verið mikilsvirk-
ur í starfsemi sinni æ síðan.
Frönsk kvikmyndahátíð framundan
Atriði úr myndinni Serial Lover.
Morgunblaðið/Árni Sæberg
MORGUNBLAÐIÐ LAUGARDAGUR 13. JANÚAR 2001 77