Morgunblaðið - 02.02.2001, Side 6

FRÉTTIR
6 FÖSTUDAGUR 2. FEBRÚAR 2001 MORGUNBLAÐIÐ
VERKFALL flugumferðastjóra
hefst 20. febrúar nk. og stendur í tvo
sólarhringa hafi samningar ekki tek-
ist fyrir þann tíma. Þeir hafa einnig
boðað verkfall í þrjá sólarhringa frá
28. febrúar til 3. mars.
Atkvæðagreiðsla um verkfallið fór
fram 18.–23. janúar. Á kjörskrá voru
94 og greiddu atkvæði 87 eða
92,55%. Já sögðu 74 eða 85% og nei
11 eða 13%. Auðir seðlar og ógildir
voru tveir.
Loftur Jóhannsson, formaður
Félags flugumferðarstjóra, sagði að
síðasti fundur deiluaðila á miðviku-
dag hafi verið árangurslaus. Til
næsta fundar sé boðað 12. febrúar
næstkomandi. Flugumferðarstjórar
voni auðvitað að ekki þurfi að koma
til verkfalls, en önnur ráð hafi ekki
verið fyrir hendi.
Samkvæmt lögum verður haldið
uppi nauðsynlegustu öryggisgæslu í
verkfalli flugumferðarstjóra og er 32
flugumferðarstjórum skylt að vinna í
verkfalli og skipta með sér vöktum af
þeim sökum víðs vegar um landið.
Loftur sagði að um verulegan nið-
urskurð á þjónustu yrði að ræða í
verkfalli. Þannig væru 12–13 menn
venjulega að vinna í flugstjórnarmið-
stöðinni í Reykjavík á daginn en þeir
yrðu 2–3 í verkfalli og einn á nótt-
unni í stað 4–6. Sömuleiðis yrði einn
maður í flugturninum í Reykjavík í
stað þriggja. Í Keflavík yrði einn í
turninum og annar í aðfluginu en
venjulega væru samanlagt á báðum
stöðunum 5–6. Óbreytt mönnun yrði
á Akureyri og í Vestmannaeyjum.
„Þetta hlýtur að hafa verulega
skerðingu á umferð í för með sér
þannig að öruggt sé,“ sagði Loftur
ennfremur.
Flugumferðarstjór-
ar boða verkfall
hafa karlar þó hærri laun fyrir sam-
bærileg störf. Þannig höfðu karlkyns
sérfræðingar á höfuðborgarsvæðinu
286.200 kr. í meðalmánaðarlaun fyrir
dagvinnu en kvenkyns sérfræðingar
239.400 kr. Karlkyns þjónustu-, sölu-
og afgreiðslufólk á höfuðborgar-
svæðinu hafði að meðaltali 146.700
kr. í mánaðarlaun en kvenkyns
115.600 kr.
Almennt eru laun lægri á lands-
byggðinni en á höfuðborgarsvæðinu.
Almennt verkafólk hafði að meðaltali
119.100 kr. í mánaðarlaun á höfuð-
borgarsvæðinu en 112.700 kr. á
LAUN á höfuðborgarsvæðinu
hækkuðu um 9,2% frá 3. ársfjórð-
ungi 1999 til 3. ársfjórðungs 2000 en
um 7,1% utan höfuðborgarsvæðisins.
Þetta kemur fram í niðurstöðum
launakönnunar Kjararannsóknar-
nefndar. Dagvinnulaun hækkuðu að
meðaltali um 8,3% á tímabilinu en á
sama tíma hækkaði vísitala neyslu-
verðs um 4,5%. Samkvæmt því jókst
kaupmáttur dagvinnulauna um
3,6%.
Í könnuninni kemur einnig fram
að laun karla hækkuðu á tímabilinu
um 8,1% en kvenna um 8,6%. Enn
landsbyggðinni. Iðnaðarmenn á höf-
uðborgarsvæðinu höfðu að jafnaði
190.400 kr. en á landsbyggðinni
184.100 kr. Mestur var þó munurinn
á þjónustu-, sölu- og afgreiðslufólki
sem á höfuðborgarsvæðinu hafði að
jafnaði 146.700 kr. en á landsbyggð-
inni 137.300 kr. Sérfræðingar höfðu
þó hærri laun á landsbyggðinni en á
höfuðborgarsvæðinu, eða 311.600 kr.
að jafnaði á móti 286.200 kr.
Þessar tölur byggjast á upplýsing-
um um laun 5.410 einstaklinga. Ekki
koma fram upplýsingar um heildar-
laun.
Launakönnun Kjararannsóknarnefndar
Ólík launaþróun varð
á milli landshluta
DÖNSK yfirvöld afhentu í gær Ís-
lendingum, Grænlendingum og
Færeyingum formlega 6.790 fm
pakkhús á Grænlandsbryggju í
Kaupmannahöfn, sem hýsa mun
sendiráð og opinbera fulltrúa land-
anna þriggja, auk þess að vera
menningar- og rannsóknarmiðstöð
þjóðanna í Kaupmannahöfn. Húsið
verður gert upp og er áætlað að
starfsemi geti hafist í því fyrri
hluta árs 2003. Bryggjunni og hús-
inu hefur verið gefið nýtt nafn,
Norðurbryggja.
Kostnaður áætlaður
yfir 400 milljónir
Hverri þjóð hefur verið úthlutað
1.000 fm í húsinu og hafa Græn-
lendingar og Færeyingar ákveðið
að nýta sér það að fullu. Íslend-
ingar hafa enn sem komið er fest
sér 750 fm undir sendiráð í suður-
endanum en eiga auk þess forgang
að 500 fm til viðbótar fyrir íslenska
aðila, að sögn Guðmundar Árnason-
ar, deildarstjóra í forsætisráðu-
neytinu. Útflutningsráð hefur tekið
þátt í undirbúningi verkefnisins og
hefur verið rætt um að íslensk fyr-
irtæki geti nýtt sér húsnæðið. Fær-
eyingar, einir þjóðanna þriggja,
hafa ákveðið að að leggja áherslu á
rannsóknarþáttinn.
Kostnaður er áætlaður um 60
milljónir danskra kr. eða um 420
milljónir íslenskra króna. Útgerð-
armaðurinn A.P. Møller leggur
fram um 20 milljónir dkr. til verks-
ins sem verður boðið út um mitt
þetta ár. Þjóðirnar þrjár skipta
með sér kostnaði, þar af greiða Ís-
lendingar um 17 milljónir dkr eða
um 170 milljónir ísl.
Í norðurenda hússins verður veit-
ingastaður, sem stefnt er að því að
bjóði upp á rétti gerða úr hráefnum
frá löndunum þremur. Á jarðhæð-
inni verður upplýsingamiðstöð og
sýning á náttúru og menningu land-
anna. Þá eru sýningarsalir á efstu
hæð. Stefnt er að því að leigutekjur
standi undir rekstri hússins.
Húsið er gjöf danska ríkisins til
sjóðsins sem stofnaður var til að
vinna að verkefninu og voru fjár-
mála- og efnahagsmálaráðherrar
Danmerkur, Pia Gjellerup og Mari-
anne Jelved, ásamt fulltrúum Norð-
urbryggju á blaðamannafundi í
pakkhúsinu í gær, þar sem verk-
efnið var kynnt formlega. Báru ráð-
herrarnir lof á framtakið og þá
ekki síður útfærslu hugmynd-
arinnar.
Brú milli Danmerkur
og gömlu nýlendnanna
Vigdís Finnbogadóttir, forseti
stjórnar Norðurbryggju, líkti Norð-
urbryggju við brú á milli Danmerk-
ur og gömlu nýlendanna. „Húsið
verður auga sem beindist í norður,
það á að vera lifandi og áhugavert
fyrir ungt fólk.“
Norðurbryggja hét áður Íslands-
bryggja en þar hafði Íslands- og
Grænlandsverslunin aðsetur. Pakk-
húsið var reist árið 1767 og var
kennt við Grænlandsverslunina.
Húsið er friðað og verður gert upp
með tilliti til þess. „Maður finnur
þegar í stað fyrir anda verslunar-
innar og tengslum við þjóðirnar.
Fjármálaráðherranum fannst hún
finna fiskilykt þegar hún kom fyrst
hingað en ég tengi lyktina fremur
ull og ímyndaði mér ennfremur
vængjaþyt fálkanna sem seldir
voru hingað,“ sagði Vigdís en
kvaðst þó efast um að friðun húss-
ins næði til anganinnar í trébitum
og veggjum pakkhússins.
Morgunblaðið/Urður
Vigdís Finnbogadóttir í menningarhúsinu í Kaupmannahöfn sem gefið hefur verið nafnið Norðurbryggja.
Íslendingar, Færeyingar og Grænlendingar undirbúa
opnun menningarhúss í Kaupmannahöfn
Fá Norðurbryggju
að gjöf frá Dönum
Kaupmannahöfn. Morgunblaðið.
STÝRIMENNIRNIR þrettán, sem
sagt hafa upp störfum hjá Landhelg-
isgæslunni, hafa þriggja mánaða
uppsagnarfrest og ganga því að öllu
óbreyttu frá borði í apríllok. Ekki
hefur verið tekin ákvörðun hjá
Landhelgisgæslunni um hvort stöð-
ur þeirra verða auglýstar lausar en
talsmenn gæslunnar segjast vona að
málið leysist farsællega og menn nái
sáttum.
Einn stýrimannanna sagði í sam-
tali við Morgunblaðið að hann
hyggðist vinna út uppsagnarfrestinn
og að hann og félagar hans gerðu sér
einnig grein fyrir því að ríkið hefði
lögleg úrræði til að framlengja frest-
inn um þrjá mánuði til viðbótar svo
starfslokatíminn gæri allt eins orðið
hálft ár. Þrátt fyrir þetta væru menn
farnir að líta í kringum sig og ein-
hverjir hefðu þegar fengið atvinnu-
tilboð. Spurður hvort hugsast gæti
að hann afturkallaði uppsagnarbréf
sitt svaraði hann: „Ef mér verða boð-
in mannsæmandi laun fyrir þá
ábyrgð og vinnu sem ég framkvæmi
hef ég sannarlega áhuga á að halda
áfram starfi mínu hjá gæslunni.
Starfið hér er mjög krefjandi en
skemmtilegt þótt starfsumhverfið og
launin séu það ekki.“ Hann teldi sig
auk þess í fullum rétti til að ákveða
hvar hann ynni enda gengi það ekki
lengur að menn fengju borguð þau
laun sem nú tíðkuðust. Stýrimaður-
inn vildi ekki láta nafns síns getið en
hann hefur starfað hjá Landhelgis-
gæslunni um tíu ára skeið.
Eins og Morgunblaðið greindi frá í
gær telur ríkið að uppsögn stýri-
mannanna sé ólögmæt vinnustöðvun
en þeirri túlkun var mótmælt þar
sem um einstaklingsbundna ákvörð-
un hefði verið að ræða hjá þeim
mönnum sem sögðu upp og ákvörð-
un þeirra óháð yfirstandandi samn-
ingaviðræðum og samninganefnd-
inni og Farmannasambandinu því
óviðkomandi.
Uppsagnir hjá Landhelgisgæslu
Óljóst hvort
stöðurnar verða
auglýstar
VINNUSLYS varð á hjólbarðaverk-
stæði Sólningar í Kópavogi síðdegis í
gær. Slysið varð með þeim hætti að
starfsmenn voru að festa felguhring
á dekk vinnuvélar. Felguhringurinn
skaust skyndilega frá dekkinu og
hafnaði í andliti eins starfsmannsins.
Að sögn lögreglu var maðurinn með
töluvert mikla áverka í andliti en hélt
þó meðvitund. Hann var fluttur á
slysadeild til aðhlynningar.
Vinnuslys
hjá Sólningu
í Kópavogi
♦ ♦ ♦