Morgunblaðið - 11.03.2001, Qupperneq 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 11. MARS 2001 VERÐ Í LAUSASÖLU 165 KR. MEÐ VSK.
STJÓRN Landssímans hefur tekið
ákvörðun um að fresta um eitt ár
áformuðum húsbyggingum við Suð-
urlandsbraut í Reykjavík. Fyrirtæk-
ið áformaði að reisa þar 12.000 fer-
metra byggingu undir höfuðstöðvar
sínar.
„Upphaflega stefndum við að því
að hefja framkvæmdir um þetta
leyti. Af ýmsum ástæðum og kannski
einkum vegna mikillar þenslu á
byggingamarkaði og yfir höfuð í
efnahagslífinu höfum við komist að
þeirri niðurstöðu að það væri ekki
skynsamlegt að fara út í þetta á
þessum tíma. Við erum stöðugt að
endurskoða okkar plön og okkar eig-
in húsnæðisþörf og munum halda því
áfram,“ sagði Þórarinn V. Þórarins-
son, forstjóri Landssímans.
Landssíminn og Orkuveita
Reykjavíkur undirrituðu samning
fyrir ári um sölu á lóðum og fast-
eignum á Suðurlandsbraut 34 og í
Ármúla 31. Það var fyrirtækið
Tækniakur, sem er eignarhaldsfélag
í eigu Símans og Landsafls, fast-
eignafélags Íslenskra aðalverktaka,
sem keypti eignirnar. Um er að ræða
26.000 fermetra lóð og byggingar
sem eru samtals um 11.000 fermetr-
ar og var kaupverðið um milljarður
króna. Áformað var að Tækniakur
byggði skrifstofuhúsnæði fyrir
Landssímann.
Þórarinn sagði að upphaflega
hefði ekki verið áformað að nýta Ár-
múla 31 undir skrifstofurými, en nú
hefði verið tekin ákvörðun um að
breyta því húsi í skrifstofuhúsnæði
og framkvæmdir væru hafnar. Dótt-
urfyrirtæki Landssímans, Mið-
heimar, hefði tekið það á leigu og
væntanlega færu fleiri þangað inn.
Þórarinn sagði að skipulagsfor-
sendur á þessum stað hefðu breyst
þar sem borgaryfirvöld hefðu tekið
ákvörðun um að leyfa meiri nýtingu
við Ármúlann. Menn þyrftu að gefa
sér tíma til þess að skoða alla mögu-
leika þar. Hann sagði að ekki væri
búið að teikna bygginguna sem
Landssíminn áformar að byggja á
þessum stað.
Síminn frestar bygging-
aráformum um eitt ár
NORSKA iðnaðarsamsteypan Elkem Salten hef-
ur ákveðið að láta loka einum af þremur ofnum í
járnblendiverksmiðju sinni í Sørfold í Noregi
vegna lágs verðs á kísiljárni á mörkuðum. Engar
áætlanir eru hins vegar um að loka fleiri verk-
smiðjum Elkem, hvorki á Íslandi né í Noregi, að
sögn Svein Sundsbø, yfirmanns upplýsingamála
Elkem-samsteypunnar. Elkem á 51% í Íslenska
járnblendifélaginu á Grundartanga.
Sundsbø sagði að fara yrði allt aftur til upphafs
síðasta áratugar til að finna dæmi um jafnlágt
markaðsverð á kísiljárni. Hann kvaðst ekki hafa
tölur handbærar um verð en sagði að dregið hefði
úr eftirspurn og framboð væri því of mikið. Með
því að loka einum ofni minnkaði framboðið á mark-
aðnum og vonandi kæmi það öðrum verksmiðjum
Elkem til góða. Sagði Sundsbø að ákveðið hefði
verið að láta lokanir koma niður á norskri verk-
smiðju fremur en erlendis, en sextíu manns var í
gær sagt upp í verksmiðjunni í Sørfold.
Lokunin hefur verið harðlega gagnrýnd af
verkalýðsfélögum starfsmanna sem segja lok-
unina munu kosta Elkem tugi, jafnvel hundruð
milljóna ísl. kr.
Erfiðleikar framundan hjá
Íslenska járnblendifélaginu
Frank Björklund, framkvæmdastjóri Íslenska
járnblendifélagsins, sagði í samtali við Morgun-
blaðið í gær að aðgerðirnar í Noregi myndu ekki
hafa áhrif á verksmiðjuna hér á Íslandi. Hann
sagði hins vegar að lokunin í Noregi væri greini-
legt merki um erfitt ástand á mörkuðum og Ís-
lenska járnblendifélagið þyrfti virklega að berjast
fyrir stöðu sinni í framtíðinni. Að þessu sinni hefði
Salten-verksmiðjan verið veikust vegna þess hve
framleiðslukostnaður þar væri mikill á sama tíma
og verð á mörkuðum væri í lágmarki. Að sögn
Björklund eru menn að berjast við að halda niðri
framleiðslukostnaðinum í verksmiðjunni á Grund-
artanga á meðan verð fyrir framleiðsluna er í svo
miklu ósamræmi við framleiðslukostnaðinn. Tak-
ist að halda kostnaðinum niðri á þessu ári megi
hins vegar búast við betri tíð á næsta ári.
„Ég er bjartsýnn til lengri tíma litið, en við þurf-
um auðvitað að takast á við vandamál framundan
eins og margar aðrar verksmiðjur. Markaðshorf-
ur á þessu ári eru ekki góðar en búast má við betra
ástandi á mörkuðum árin 2002 og 2003. Ef við lif-
um af árið 2001 mun ástandið batna og ég tel og
vona að sú verði raunin.“
Elkem segir 60 manns upp störfum í kísiljárnverksmiðju í Noregi
Engin áform um lokun
verksmiðjunnar á Íslandi
Kaupmannahöfn. Morgunblaðið.
ÆGIR er oft úfinn á vetrarvertíð-
um eins og áhöfnin á Óla á Stað GK
fékk að reyna þegar báturinn var
að veiðum á Kötlugrunni. Skipverj-
ar drógu þorskanet við aðstæður í
kaldasta lagi, að sögn Gunnlaugs
Ævarssonar skipstjóra.
Hann sagði vertíðina hafa verið
ljómandi góða það sem af er, þó
fiskiríið hafi verið upp og ofan eins
og gengur á þessum árstíma.
„Það er búið að vera ágætis
kropp og nokkuð góður fiskur.
Veðrið hefur jafnframt verið
þokkalegt og hafa menn ekkert
misst úr í vetur vegna veðurs.“
Ljósmynd/Þorgeir Baldursson
Ágætis kropp á Kötlugrunni
FLENSA virðist vera í hámarki
á höfuðborgarsvæðinu um þess-
ar mundir og segir Atli Árnason,
formaður Læknavaktarinnar og
yfirlæknir á heilsugæslustöðinni
í Grafarvogi, að mjög miklar
annir hafi verið á Læknavakt-
inni. Álag hafi stóraukist, aðal-
lega vegna flensutilfella.
Atli segir álagið hafa aukist í
símaþjónustu Læknavaktarinn-
ar, fleiri hafa heimsótt vaktina
en á meðaldögum og að mun
meira sé um vitjanir. Hafa tveir
bílar verið í notkun síðustu daga
en yfirleitt er nægilegt að vitj-
unum sé sinnt á einum bíl. Segir
hann álagið hafa farið vaxandi
allt frá byrjun mánaðarins og
verið í hámarki síðustu daga.
„Þessi stofn er að minnsta kosti í
hámarki, B-stofninn, en það er
hugsanlegt að aðrir stofnar ber-
ist einnig hingað á næstunni.“
Hár hiti í nokkra daga eru
helstu einkenni flensunnar og
segir Atli mikilvægt að sjúkling-
ar innbyrði sem mest af vökva
og liggi fyrir. Sérstaklega þurfi
að gæta þess að börn fái nógu
mikinn vökva. Varasamt sé að
fara of snemma af stað eftir
veikindi og séu mörg dæmi um
að mönnum hafi slegið niður.
Geti það leitt til ýmissa verri
veikinda, t.d. kinnholubólgu,
eyrnabólgu og lungnabólgu.
Flensan
talin í
hámarki
RÓLEGT er nú á fæðingardeild
Landspítala – Háskólasjúkrahúss
eftir óvenjumargar fæðingar á árinu
2000. Að sögn Guðrúnar Eggerts-
dóttur yfirljósmóður varð vart við
það strax um áramótin að fæðingar
fóru niður í meðaltal eftir mikla törn
mánuðina og árið á undan.
Fjöldi fæðinga á deildinni hefur
undanfarin ár verið kringum 2.800
en í fyrra voru þær um þrjú þúsund
og fjölgaði um 6,9% frá 1999. Guðrún
gat þó ekki sagt til um hvort tilvilj-
anir hefðu ráðið þessari fjölgun eða
hvort foreldrar hefðu skipulagt
barneignir í fyrra þegar ártalið var
með sérstakara móti.
Álagið
minna á fæð-
ingardeild