Morgunblaðið - 17.05.2001, Qupperneq 31

ERLENT
MORGUNBLAÐIÐ FIMMTUDAGUR 17. MAÍ 2001 31
TVEIMUR árum eftir að Poké-
mon-æðið reið yfir Bandaríkin -
fangaði athygli barna og lagði
undir sig fjölskyldulífið - er
næsta japanska æðið á leiðinni.
Um er að ræða svonefnt Yu-Gi-
Oh og ef marka má hversu skjótt
það náði vinsældum í Japan má
búast við að áður en langt um líð-
ur komi það af stað uppþotum,
lögsóknum og peningavandræð-
um í Bandaríkjunum.
„Haldið fast í peningaveskið,“
kveinaði Robert Butterworth,
barnasálfræðingur í Los Angeles
í Bandaríkjunum. Sextán ára son-
ur hans, Anton, hefur nú þegar
eytt meira en 650 dölum eða um
65 þúsund krónum í Pokémon-
dót.
Undanfarin þrjú ár hafa tölvu-
leikir og myndir af Yu-Gi-Oh-
skrímslum farið sem eldur í sinu
um Japan og valdið uppákomum
sem helst jafnast á við það furðu-
legasta í Pokemon-æðinu.
Fyri tveimur árum var Yu-Gi-
Oh-mót haldið í Tókýó og mættu
á það 55 þúsund manns, börn og
foreldrar - 15 þúsundum fleiri en
búist var við - og allir vildu
kaupa pakka með myndum, sem
gefnar höfðu verið út í takmörk-
uðu upplagi. Ráðist var á inn-
gönguhliðin, leikvangurinn um-
kringdur og fyrirtækið Konami,
sem framleiðir herlegheitin,
neyddist til að kalla út óeirða-
lögreglu. Að minnsta kosti tveir
slösuðust og tugir leituðu að-
hlynningar á sjúkrastofu leik-
vangsins.
Í síðustu viku höfðuðu for-
eldrar barnaskólanema í Tókýó
mál á hendur foreldrum eldra
barns í skólanum og kröfðust átta
milljóna króna skaðabóta af
þeim, vegna þess að eldra barnið
hafði rænt af hinu yfir 400 Yu-Gi-
Oh myndum.
Þess er vænst að leikurinn ber-
ist til Bandaríkjanna á næstu
mánuðum og að tölvuleikurinn
verði kominn á markað þar fyrir
jól. Stuttermabolirnir, myndirnar,
nestisboxin og allt hitt sem þessu
fylgir kemur væntanlega í byrjun
næsta árs.
Litlar líkur eru á að nokkur
leikur nái jafn miklum vinsældum
og Pokémon, sem seldist fyrir ríf-
lega 4,5 milljarða Bandaríkja-
dala. En þeir sem fylgjast með í
þessum iðnaði segja að Yu-Gi-Oh
eigi mesta möguleika á að jafna
metin við Pokémon.
Yu-Gi-Oh, sem þýðir Leikja-
kóngur, eða eitthvað því um líkt,
hóf göngu sína fyrir fimm árum
sem teiknimyndasyrpa í japönsku
tímariti. Síðan hefur umfang þess
vaxið óðfluga og nú er það orðið
að lífsmynstri. Yfir 3,5 milljarðar
af myndum hafa verið gefnar út í
Japan, og sjö milljón tölvuleikir,
samkvæmt upplýsingum fram-
leiðandans. Yu-Gi-Oh teiknimynd-
ir eru sýndar vikulega í sjón-
varpi, og föt og leikföng í stíl
seljast vel og hefur slíkur varn-
ingur jafnvel sést á uppboðs-
vefnum E-Bay.
Konami hefur gefið út þrjú
þúsund gerðir af myndum, og
safnarar í Japan eru duglegir að
kaupa þær. Fimm í pakka kosta
sem svarar 125 krónum. Takaf-
umi Tanaka, verslunareigandi í
Yokohama, segir að margir ungir
viðskiptavinir kaupi heilu kass-
ana í von um að fá sjaldgæfar
myndir, sem eru verðmætar.
Mjög sjaldgæf mynd er „Bláeygði
ofurdrekinn“, sem sigurvegarinn
í Japansleikunum fékk í verðlaun,
og seldist hún á uppboðsvef
Yahoo! í Japan fyrir um þrjár
milljónir króna.
Tekur Yu-Gi-Oh
við af Pokémon?
Tókýó. Los Angeles Times.
Ein Yu-Gi-Oh-myndanna.