Morgunblaðið - 17.05.2001, Qupperneq 69

NO SUCH THING, mynd banda-
ríska leikstjórans Hals Hartleys,
sem tekin var að stórum hluta upp
á Íslandi með íslenskum leikurum,
var frumsýnd á mánudagskvöldið á
þeim hluta hátíðarinnar sem gengur
undir nafninu Un Certain Regard.
Myndarinnar hafði verið beðið með
mikilli eftirvæntingu enda á Hart-
ley sér allstóran og dyggan aðdá-
endahóp, einmitt í hátíðargeiranum.
Myndin var fyrst sýnd á sunnu-
daginn fyrir blaðamenn og þá þegar
varð ljóst að skoðanir um myndina
yrðu skiptar, eins og reyndar hefur
átt við nær allar myndir Hartleys.
Myndin er, eins og lýst hefur verið,
nútímaævintýri. Viðfangsefni sem
Hartley hefur ekki komið að áður.
En þegar öll kurl eru komin til
grafar ber myndin flest þau ein-
kenni sem prýtt hafa myndir Hart-
leys til þessa og eins og áður sagði,
eru ekki allra.
Það vekur athygli hversu margir
íslenskir listamenn koma að mynd-
inni. Friðrik Þór Friðriksson sem
lagði fjármagn til allrar undirbún-
ingsvinnu er titlaður framleiðandi.
Leikmyndahönnuður er Árni Páll
Jóhannsson og Helga I. Stefáns-
dóttir er skrifuð fyrir búningunum.
Auk þeirra bregður fyrir fjölmörg-
um íslenskum leikurum. Fremstur í
flokki er Baltasar Kormákur sem
leikur eina af stærstu rullum mynd-
arinnar, vísindamanninn dr. Art-
aud, á farsakenndum nótum. Meðal
annarra leikara sem bregður fyrir
má nefna Björn Jörund Friðbjörns-
son, Kristbjörgu Kjeld, Helga
Björnsson, Þröst Leó Gunnarsson,
Bessa Bjarnason, Margréti Áka-
dóttur, Jón Tryggvason, Jón Hjart-
arson og Maríu Ellingsen, svo ein-
hverjir séu nefndir. Mæla þeir
flestir á ensku við söguhetjur
myndarinnar, skrímslið (Robert
Burke) og stúlkuna Béatrice (Sarah
Polley) sem reynir að hafa upp á
því.
Eins og fyrr segir hafa viðtökur
við myndinni verið misjafnar.
Margir fylgjenda hans eru yfir sig
hrifnir af því að hann sé nú loksins
að víkka sjóndeildarhringinn og
tækla umhugsunarefni sín á
breiðari grundvelli. Fagblöðin sem
fylgjast með gangi í mála í Cannes,
blöð á borð við Variety og Screen
International, virðast hinsvegar
vera á einu máli um að Hartley
valdi ekki þeirri stefnubreytingu
sem hann velur með þessari nýju
mynd sinni og virðist kunna illa við
að fara mikið út fyrir það smábæj-
arsamfélag í Bandaríkjunum, sem
hann var vanur að velja myndum
sínum sem sögusvið á árum áður.
Hinsvegar er útliti myndarinnar
hælt, sér í lagi tökum í hrjóstrugu
og kuldalegu landslagi Íslands. Auk
þess verður ekki hjá því komist að
nefna að sá sem veitist hvað harka-
legast að myndinni er sami maður
og fann Myrkradansaranum flest til
foráttu á hátíðinni í fyrra, Derek
Elley gagnrýnandi Variety. Einu
jákvæðu orðin í öllum heila dómn-
um lætur hann reyndar falla um
aðra mynd, 101 Reykjavík Baltas-
ars Kormáks, hann notar tækifærið
og segir hana unaðslega, þegar
hann getur þáttar Baltasars í No
Such Thing, en Elley gaf þeirri
mynd rífandi dóma á síðasta ári.
Það er samt allsendis óvíst að
misjafnir dómar um No Such Thing
muni skaða hana. Hal Hartley er
alltof sérstakur leikstjóri og um-
deildur til að svo sé. Myndir hans
hafa ætíð verið umdeildar og hinir
fjölmörgu fylgjendur hans munu
varla láta neikvæða umfjöllum telja
sér hughvarf og vilja líkast til
dæma fyrir sig sjálfir.
Morgunblaðið/Halldór Kolbeins
Íslendingar koma á frumsýninguna (f.v.), Þorfinnur Ómarsson, Baltasar
Kormákur, Valgerður Sverrisdóttir og Friðrik Þór Friðriksson.
Baltasar Kormákur í hlutverki sínu í No such thing.
Skrímslið fellur í
grýttan jarðveg
Cannes. Morgunblaðið.
No Such Thing frumsýnd á kvikmyndahátíðinni í Cannes
FÓLK Í FRÉTTUM
MORGUNBLAÐIÐ FIMMTUDAGUR 17. MAÍ 2001 69
w
w
w
.h
ar
dc
an
dy
.c
om
Aðrir útsölustaðir:
Top Shop Lækjargötu, Snyrtistofa Hönnu Katrínar Laugavegi,
snyrtivörudeildir Hagkaups Kringlunni, Skeifunni, Spönginni, Smáratorgi og
Akureyri og Gallery Förðun Keflavík.
Kynnum spennandi nýjungar í
HARD CANDY
Nýir litir í vinsælu Caffeine varalitunum
Nýir litir í glimmer-púðurblýöntum
Nýir litir í stökum augnskuggum
Nýtt - Glitter rollon í andlit
i liti í i l ff i lit
i liti í li - l t
i liti í t
tt - litt ll í lit
✧
✧
✧
✧
Kynning í Mjódd, fimmtudag og föstudag. , .