Morgunblaðið - 23.06.2001, Blaðsíða 2

FRÉTTIR
2 LAUGARDAGUR 23. JÚNÍ 2001 MORGUNBLAÐIÐ
Fylgstu
með
nýjustu
fréttum
www.mbl.isDalvíkingar fengu sín fyrstu
stig í 1. deild/B4
Íslensku liðin misheppin í 1.
umferð Evrópukeppninnar/B1
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r23.
j ú n í ˜ 2 0 0 1
TVEIR starfsmenn verktakafyrirtækisins Ker-
fóðrunar ehf. voru lagðir inn á gjörgæsludeild
Landspítalans við Hringbraut eftir að hafa
brennst í alvarlegu vinnuslysi sem varð við
sprengingu í kerskála 3 í álverinu í Straumsvík í
gærmorgun. Í fréttatilkynningu frá Jens Kjart-
anssyni, yfirlækni lýtalækningadeildar Land-
spítala – háskólasjúkrahúss, segir að báðir hafi
reynst vera með alvarlega brunaáverka. Annar
þeirra brenndist á 80% hluta líkamans en hinn á
35% líkamans. Annar fór í aðgerð á sjúkrahúsinu
í gær. Ástand þeirra er eftir atvikum en er enn
alvarlegt.
Auk lögreglu var 14 manna lið Slökkviliðs höf-
uðborgarsvæðisins sent á vettvang og fjórar
sjúkrabifreiðir og neyðarbifreið. Mikill reykur
myndaðist við sprenginguna, sem var mjög öfl-
ug, og náði reykurinn yfir um 100 metra kafla á
þaki byggingarinnar. Ekki myndaðist eldur að
ráði og beindist því starf slökkviliðsins aðallega
að því að finna hina slösuðu og meðhöndla þá.
Björgunarstarf reyndist tafsamara en ella, þar
sem misvísandi upplýsingar voru um fjölda slas-
aðra.
Rannsóknadeild lögreglunnar í Hafnarfirði
hefur tekið tildrög slyssins til rannsóknar.
Verið að undirbúa gangsetningu
rafgreiningarkers
Tilkynnt var um slysið klukkan 9.26 í gær-
morgun. Samkvæmt upplýsingum ÍSAL varð
slysið þegar verið var að undibúa gangsetningu
rafgreiningarkers í kerskála 3. Ljósbogi, eða
skammhlaup, myndaðist þar sem starfsmennirn-
ir voru að störfum með áðurgreindum afleiðing-
um. Samkvæmt upplýsingum fulltrúa Vinnueft-
irlits ríkisins, sem kannaði aðstæður á vettvangi,
er slysið að hluta til rafmagnsslys. Sprenging
varð í kerinu og var í fyrstu talið að um gas-
sprengingu hefði verið að ræða. Við nánari könn-
un kom í ljós að svo var ekki. Ennfremur var talið
í fyrstu að fjórir menn hefðu slasast í sprenging-
unni en svo reyndist ekki vera. Samkvæmt upp-
lýsingum ÍSAL var um að ræða venjubundin
verk sem vinna þarf fyrir gangsetningu allra
kera en á hverju ári eru gangsett um 100 ker.
Hafin var könnun á því í gær hvað fór úrskeiðis.
Að sögn Einars Guðmundssonar, staðgengils
forstjóra ÍSAL, var kallað eftir öllu því hjálpar-
liði sem unnt var eftir að slysið varð. „Það hófst
strax rannsókn, eins og alltaf þegar eitthvað
kemur fyrir,“ sagði Einar í samtali við Morgun-
blaðið. Sagði hann að farið yrði yfir alla öryggis-
þætti fyrirtækisins í forvarnarskyni.
Halldór Halldórsson öryggisfulltrúi ÍSAL
sagði að þrátt fyrir sprenginguna hefði lítið sem
ekkert tjón orðið í kerskálanum.
Tveir menn slasast í sprengingu í álverinu í Straumsvík
Morgunblaðið/Jón Svavarsson
Mikill reykur myndaðist við sprenginguna og náði hann yfir um 100
metra kafla á þaki byggingarinnar.
Morgunblaðið/Jón Svavarsson
Lögreglan hafði talsverðan viðbúnað við álverið í Straumsvík í kjöl-
far slyssins í gærmorgun.
Lagðir inn á gjörgæsludeild
með alvarlega brunaáverka
BORGARSTJÓRN Reykjavíkur samþykkti í
fyrradag tillögu þar sem segir að forsenda þess að
ráðist verði í virkjunarframkvæmdir á vegum
Orkuveitu Reykjavíkur og Landsvirkjunar sé að
fyrir liggi ítarlegar rannsóknir á umhverfisáhrif-
um framkvæmda. Rannsóknirnar hafi verið
kynntar almenningi og kostur gefinn á athuga-
semdum, samanber lög um mat á umhverfisáhrif-
um.
„Einnig að fyrir liggi vandaðir arðsemisútreikn-
ingar fyrir hverja einstaka framkvæmd, svo vega
megi og meta efnahagslegan ávinning hverrar
framkvæmdar andspænis þeim áhrifum sem hún
hefur á umhverfi og náttúru. Þá hvetur borgar-
stjórn til málefnalegrar og lýðræðislegrar um-
ræðu um kosti og galla einstakra framkvæmda
með það að markmiði að stuðla að sem víðtækastri
sátt um þær ákvarðanir sem teknar verða,“ segir í
tillögunni.
Fjórtán borgarfulltrúar samþykktu tillöguna
sem Ingibjörg Sólrún Gísladóttir borgarstjóri
lagði fram í kjölfar þess að Ólafur F. Magnússon
borgarfulltrúi Sjálfstæðisflokks flutti tillögu þar
sem lýst er andstöðu við að Reykjavíkurborg sem
45% eignaraðili í Landsvirkjun taki þátt í fyrir-
hugaðri Kárahnjúkavirkjun, án þess að áður hafi
verið gerðar ítarlegri rannsóknir á umhverfis-
áhrifum virkjunarinnar.
Ingibjörg Sólrún sagði að hún teldi ekki tíma-
bært að borgarstjórn ályktaði í þessa veru þar sem
margir borgarfulltrúar hefðu líklega ekki gefið sér
tíma til að kynna sér matsskýrslu um umhverfis-
áhrif framkvæmdanna og kynnt sér arðsemi fram-
kvæmdarinnar. Ólafur sat hjá við afgreiðslu til-
lögu borgarstjóra þar sem hann var ekki sáttur við
orðalagið þar sem segir að meta verði efnahags-
legan ávinning andspænis þeim áhrifum sem
framkvæmdin hefur á umhverfi og náttúru.
Samrýmist illa grundvallarhugsjónum
sjálfstæðisstefnunnar
Ólafur sagði að hver Reykvíkingur bæri ábyrgð
á 600 þúsund krónum í fjárfestingunni ef miðað er
við að virkjunin kosti um 100 milljarða og að
Landsvirkjun virki fyrir eigin reikning. „Það sam-
rýmist illa grundvallarhugsjónum sjálfstæðis-
stefnunnar að ráðast í stærstu og áhættusömustu
opinberu framkvæmd Íslandssögunnar sem er
Kárahnjúkavirkjun. Fyrirætlun um að íslenskur
almenningur í formi skatta, Reykvíkingar í formi
útsvars og lífeyrissjóðir landsmanna beri kostnað
og áhættu vegna vafasamra fyrirætlana um risa-
virkjanir og risaálver á Austurlandi eru þess eðlis
að ég hafna þeim bæði sem einstaklingur og sem
sjálfstæðismaður,“ sagði Ólafur í ræðu sinni.
Árni Þór Sigurðsson sagði að honum virtist með
ólíkindum að ríkisvaldið virtist ætla að knýja í
gegn svo mikla röskun á umhverfinu í þágu stór-
iðju sem margt benti til að sé þjóðhagslega óarð-
bær. Hann sagði mikilvægt að fórnarkostnaður
umhverfisins væri tekinn með í reikninginn.
Hrannar B. Arnarsson, sem eins og Árni Þór er
borgarfulltrúi R-lista, sagði að hann gæti ekki fall-
ist á fyrirhugaðar framkvæmdir ætti hann að taka
afstöðu á grundvelli þeirra gagna sem lögð hafa
verið fram, bæði vegna áhrifa sem þær hafa á um-
hverfið og þeirra útreikninga sem gerðir hafa ver-
ið um arðsemina.
Vilhjálmur Þ. Vilhjálmsson, borgarfulltrúi
Sjálfstæðisflokks, sem situr í stjórn Landsvirkj-
unar, sagði að hann teldi að á þessu stigi lægju fyr-
ir eins vandaðir arðsemisútreikningar um þessa
framkvæmd og unnt væri, og að arðsemin mundi
skýrast betur þegar lægi fyrir hvaða verð fengist
fyrir orkuna.
Rætt um forsendur virkjanaframkvæmda í borgarstjórn
Ítarlegra rannsókna og arð-
semisútreikninga krafist
HÉRAÐSDÓMUR Reykjavíkur
dæmdi í gær íslenska ríkið til að
greiða Eilífi Friði Edgarssyni 200
þúsund krónur í skaðabætur vegna
særandi málsmeðferðar yfirvalda á
máli, sem varðaði meint skart-
gripasmygl Eilífs í nóvember 1997.
Þá voru 67 smaragðar teknir af
honum við komu til landsins frá
Kólumbíu, en verðmæti þeirra
nam um 20 þúsund krónum. Hann
sætti ákæru Lögreglustjórans í
Reykjavík vegna málsins en var
sýknaður af henni í apríl í fyrra.
Eilífur er fæddur í Kólumbíu og
hefur verið búsettur hérlendis
undanfarin ár. Í kjölfar sýknu-
dómsins höfðaði hann skaðabóta-
mál og krafðist 650 þúsund króna
bóta.
Héraðsdómur féllst á það með
Eilífi, að málsmeðferðin í heild og
útgáfa ákæru hefði misboðið rétt-
lætiskennd hans og verið særandi
fyrir hann. Hins vegar þótti ekki
sýnt fram á, að uppruni hans hefði
haft áhrif á málsmeðferðina á þann
veg að hann hefði ekki, eins hann
hélt fram, notið jafnræðis á við
aðra þegna landsins eða réttlátrar
málsmeðferðar.
Þorgerður Erlendsdóttir héraðs-
dómari kvað upp dóminn. Lögmað-
ur stefnanda var Gísli Guðni Hall
hdl. en til varnar stefnda, ríkinu,
var Guðrún M. Árnadóttir hrl.
200 þúsund
í bætur
vegna sær-
andi máls-
meðferðar
EFNAHAGSBROTADEILD ríkis-
lögreglustjóra hefur gefið út ákæru
á hendur fyrrverandi sparisjóðs-
stjóra Sparisjóðs Ólafsfjarðar fyrir
stórfelld umboðssvik, bókhaldsbrot
og brot á lögum um ársreikninga í
starfi. Ákæran var þingfest í Hér-
aðsdómi Norðurlands eystra í gær
og tók ákærði sér frest til 3. júlí til að
tjá sig um sakarefnið.
Ákærði er sakaður um að hafa
stefnt fé sjóðsins í stórfellda hættu
með veitingu lána og ábyrgða til
fjölda tilgreindra aðila þar sem hluti
ábyrgða og lánveitinga var, auk þess
að vera umfram heimil viðmiðunar-
mörk, ekki færður í bókhaldi sjóðs-
ins.
Í ákærunni gerir Sparisjóður
Ólafsfjarðar kröfu til þess að ákærði
verði dæmdur til að greiða sjóðnum
21,8 milljónir króna, en sjóðurinn
hefur þurft að afskrifa stórar fjár-
hæðir vegna hinna meintu brota.
Sakaður
um að hafa
stefnt fé
sjóðsins í
hættu