Morgunblaðið - 23.06.2001, Blaðsíða 13

FRÉTTIR
MORGUNBLAÐIÐ LAUGARDAGUR 23. JÚNÍ 2001 13
AURORA, nýtt glæsiskip P&O-
skipafélagsins, kemur hingað
fimmtudaginn 28. júní í fyrsta
sinn og leggst að ytri bakkanum í
Reykjavíkurhöfn. Aurora er 76
þúsund brúttólestir að stærð og
tekur samtals 1.874 farþega.
Skipið er eitt af best búnu
skemmtiferðaskipum í heimi, en
um borð er að finna þægindi og
afþreyingu úti sem inni, sund-
laugar, hlaupabrautir, heita
potta, íþróttatæki alls konar,
fjölda veitingasala, setustofur,
fullkomið leikhús, kvikmyndahús,
dansstaði, bókasöfn, bjórkrár og
úrval verslana. Líkjast slík risa-
skip, sem geta verið á allt að 13
hæðum, helst smáborg, en í
áhöfninni eru um 850 manns.
Heimsklúbbur Ingólfs er með
umboðsskrifstofu á Íslandi fyrir
hin sameinuðu risafyrirtæki P&O
og Princess Cruises og af tilefni
heimsóknarinnar býður Heims-
klúbbur Ingólfs þrjátíu gestum til
síðdegisdrykkju um borð í glæsi-
skipinu milli kl. 14-16 fimmtudag-
inn 28. júní. Aðeins 30 boðsmiðar
verða afhentir ókeypis í skrifstofu
Heimsklúbbsins mánudaginn 25
júní. Enginn mun fá að fara um
borð í skipið án þess að vera á
boðsgestalista Heimsklúbbsins og
hafa í höndum aðgöngumiða frá
umboðsskrifstofunni.
Stærsta skemmti-
ferðaskip Bretlands í
Reykjavíkurhöfn
Skemmtiferðaskipið Aurora, eitt stærsta og glæsilegasta skemmti-
ferðaskip P&O og Princess Cruises, verður í Reykjavík í næstu viku.
FRAMKVÆMDASTJÓRN Evrópu-
sambandsins hefur tilkynnt um út-
hlutun styrkja í síðari umferð styrk-
veitinga til verkefna á Evrópsku
tungumálaári 2001.
Veittir verða styrkir til 142 verk-
efna í aðildarlöndum ESB og EFTA/
EES löndunum að upphæð tæplega
4,2 milljónir evra eða um 375 milljónir
íslenkra króna. Alls bárust 1.056 um-
sóknir.
„Eitt íslenskt verkefni, sem er á
vegum Rannsóknaþjónustu Háskóla
Íslands, hlýtur styrk og er hann um
4,5 milljónir íslenskra króna. Verk-
efnið ber heitið Nýir valkostir í
kennslu og námi tungumála og felur í
sér ráðstefnuhald í Reykjavík 8.–9.
nóvember nk. og sýningu og kynn-
ingu á kennsluefni og kennslubúnaði.
Á ráðstefnunni verður notaður fjar-
fundabúnaður sem mun gefa fjöl-
mörgum aðilum innanlands og utan
möguleika á þátttöku. Verkefnið er
unnið í samvinnu við símenntunar-
miðstöðvar, Tungumálamiðstöð Há-
skóla Íslands, Alþjóðaskrifstofu há-
skólastigsins, Menningar- og
fræðslusamband alþýðu og EAEA
sem eru evrópsk samtök um fullorð-
insfræðslu. Markmið með verkefninu
er að kynna nýjustu aðferðir í
kennslu og námi tungumála þar sem
áhersla er lögð á að koma til móts við
ólíkar þarfir nemenda.“
Mörg tungumál verði
töluð í Evrópu
„Þetta er í annað sinn sem fram-
kvæmdastjórn Evrópusambandsins
veitir styrki til verkefna á Evrópsku
tungumálaári 2001. Í fyrri umferð
styrkveitinganna í janúar síðastliðn-
um voru veittir styrkir til 43 verkefna
að upphæð rúmlega 1,7 milljónir
evra. Þá hlaut Endurmenntunar-
stofnun Háskóla Íslands styrk að
upphæð um 3,2 milljónir íslenskra
króna til aðgerða í Evrópskri viku
tungumálanáms innan fullorðins-
fræðslu sem haldin var 5.–11. maí sl.
Meginþema á Evrópsku tungu-
málaári 2001 er að í Evrópu séu töluð
fjölmörg tungumál og að svo muni
verða í framtíðinni. Jafnframt er lögð
áhersla á að kunnátta í tungumálum
veiti Evrópubúum margvísleg tæki-
færi, bæði menningarleg og efna-
hagsleg. Einnig er boðskapurinn sá
að allir geti lært ný tungumál, óháð
aldri og bakgrunni,“ segir m.a. í
fréttatilkynningu frá Háskólanum.
Rannsókna-
þjónusta HÍ
hlýtur styrk
BRAGI Árnason, prófessor við
raunvísindadeild Háskóla Íslands,
hefur verið tilnefndur til alþjóðlegra
tækniverðlauna, sem verða afhent í
Vísindasafninu í London. Verðlaun-
in verða veitt á ráðstefnunni „The
world technology summit“ í London
2. júlí nk., en þau eru veitt þeim
sem talin eru skara fram úr í heim-
inum á sviði tækni, einkum þeim
sem vinna að langtímalausnum á
sviði tækni fyrir atvinnulíf og þjóð-
félag.
Bragi hefur unnið að rannsóknum
á sviði vetnismála í áratugi. Í eitt
hundrað manna tilnefningarnefnd
verðlaunanna eru leiðandi frum-
kvöðlar úr atvinnulífinu. Meðal
frumkvöðla í nefndinni má nefna
Steve Jobs frá Apple, John Chamb-
ers frá Cisco og Masayoshi Son frá
Softbank o.fl. Verðlaunin eru veitt í
samstarfi við NASDAQ, tímaritið
Business Week, tímaritið Nature og
GlaxoSmithKline lyfjafyrirtækið.
Verðlaunin verða afhent við hátíð-
lega athöfn í Vísindasafninu í Lond-
on. „Þetta er mikil viðurkenning
fyrir frumkvæði Íslendinga á sviði
orkubera,“ segir í tilkynningu frá
Íslenskri nýorku um tilnefningu
Braga.
Bragi Árnason
tilnefndur til
tækniverðlauna
♦ ♦ ♦