Morgunblaðið - 23.06.2001, Blaðsíða 43
KIRKJUSTARF
MORGUNBLAÐIÐ LAUGARDAGUR 23. JÚNÍ 2001 43
ÆÐRULEYSISMESSA verður í
Dómkirkjunni í kvöld kl. 20.30 í til-
efni Kirkjudaga. Hún er eins og allt-
af tileinkuð fólki sem leitar bata eftir
tólfsporaleiðinni.
Á dagskrá er að vanda reynslu-
saga úr baráttunni fyrir bata. Sr.
Karl V. Matthíasson prédikar og sr.
Jakob Ágúst Hjálmarsson leiðir
samkomuna. Þær Ragnheiður Sverr-
isdóttir djákni og Bryndís Valbjarn-
ardóttir guðfræðingur leiða fyrir-
bæn. Sylvía Rún Ómarsdóttir, ung
söngkona úr Grundarfirði, syngur
einsöng. Anna Sigríður Helgadóttir
og Kristjana Stefánsdóttir, Guð-
mundur Sigurðsson og Gunnar
Hrafnsson sjá að öðru leyti um tón-
list.
Eins og sjá má er góðs að vænta
eins og jafnan á æðruleysismessum
sem hafa aflað sér vinsælda fyrir ein-
lægni og gleði þrátt fyrir allt sem við
er að stríða í þessu lífi. Við horfum í
þessum guðsþjónustum fram til
þeirrar hjálpar sem er í vændum og
bregst ekki.
Akureyringar í
Dómkirkjunni
SUNNUDAGINN 24. júní kl. 11
verður guðsþjónusta í Dómkirkjunni
í Reykjavík í tengslum við Kirkju-
daga. Prestar og kór frá Akureyr-
arkirkju messa í Dómkirkjunni. Í
messunni þjóna: Sr. Svavar Alfreð
Jónsson sem prédikar og sr. Jakob
Ágúst Hjálmarsson, sr. Hjálmar
Jónsson og sr. Elísabet Jónína Þor-
steinsdóttir sem þjóna fyrir altari.
Barnakór Akureyrarkirkju syngur
við messuna, einnig Dómkórinn, og
Marteinn H. Friðriksson organisti
leikur á orgel.
Hvatt er til að Akureyringar og
Dómkirkjufólk grípi tækifærið til
þess að rækja kynni og vináttu sín á
milli og komi og njóti góðrar stundar
í Dómkirkjunni.
Kirkja og börn í borg
NÚ ER tveimur af fjórum sumar-
námskeiðum Dómkirkjunnar lokið.
Undirtektir hafa verið með eindæm-
um góðar og fullt var í bæði júnínám-
skeiðin. Næstu sumarnámskeið
verða haldin í byrjun ágúst og verða
sem hér segir: 30. júlí-3. ágúst kl.
9:00-13:00, 7. ágúst-10. ágúst kl. 9:00-
13:00 Þessi námskeið byggjast á
frískandi útiveru, leikjum, sögum,
kristinni fræðslu og ferðum um borg-
ina. Námskeiðsgjaldi er haldið í lág-
marki, vikan kostar 1.500 kr. á barn,
en hafi það verið þátttakandi í kirkju-
starfi Dómkirkjunnar yfir veturinn
borgar það 1.000 krónur. Hámarks-
fjöldi á námskeiði eru 25 börn.
Umsjón með námskeiðunum hefur
Bolli Pétur Bollason æskulýðs-
fulltrúi Dómkirkjunnar og honum til
aðstoðar er Gerður Bolladóttir og
unglingar úr æskulýðsstarfi Dóm-
kirkjunnar.
Innritun í ágústnámskeiðin stend-
ur yfir. Í júnímánuði fer innritun
fram í síma 5622755/ 8645372 milli kl.
9:00-12:00. Í júlímánuði fer innritun
eingöngu fram í síma 8645372 og þá á
sem kristilegustum tíma.
F.h. Dómkirkjunnar,
Bolli Pétur Bollason.
Sameining Odda-
og Digranes-
prestakalla
Í TILEFNI af Kirkjudögum á
Jónsmessu fáum við í Digra-
nesprestakalli messuheimsókn frá
Oddaprestakalli. Í stað þess að
heimamenn annist helga þjónustu í
kirkjunni okkar mun sr. Sigurður
Jónsson þjóna ásamt organista,
barnakór og kórum Odda- og
Þykkvabæjarsókna. Það ætti að vera
kærkomið tækifæri fyrir Digranes-
söfnuð að njóta messu eins og hún er
sungin að þeirra hætti. Sóknarbörn
prestakallanna eru hvött til þess að
koma og taka þátt í messunni sem
hefst kl. 20:30.
Kaffisopi verður í safnaðarsal að
messu lokinni.
Prestarnir.
Sumarguðsþjón-
ustur í Hafnar-
fjarðarkirkju
ÞÁ ER komið hásumar og lífið allt
tekur á sig nýjan svip. Frá og með
næstkomandi sunnudegi verða guðs-
þjónustur Hafnarfjarðarkirkju því
með öðru sniði en tíðkast um vetur.
Verða þær haldnar undir heitinu
sumarguðsþjónustur. Sumarguðs-
þjónustan er með léttu og sumarlegu
sniði. Áhersla er lögð á tónlist og
bænahald, en einnig hefur hver sum-
arguðsþjónusta ákveðið þema. Þema
fyrstu sumarguðsþjónustunnar er
frásögnin af lífi og dauða Jóhannesar
skírara. Einnig verður barn borið til
skírnar. Prestur er sr. Þórhallur
Heimisson en organisti Natalía
Chow. Eftir sumarguðsþjónustuna
er kaffi í safnaðarheimilinu. Njótum
saman sumarmorguns og Jónsmessu
í Hafnarfjarðarkirkju.
Þórshafnarbúar
í Breiðholtskirkju
Á MORGUN, sunnudaginn 24.
júní, tekur hópur Þórshafnarbúa
þátt í messu í Breiðholtskirkju í
Mjódd kl. 11:00.
Sr. Sveinbjörn Bjarnason sóknar-
prestur á Þórshöfn prédikar og þjón-
ar fyrir altari ásamt sr. Gísla Jón-
assyni og meðlimir úr kór
Þórshafnarkirkju syngja ásamt kór
Breiðholtskirkju. Að messu lokinni
er öllum kirkjugestum boðið að
þiggja léttan málsverð í safnaðar-
heimili kirkjunnar.
Þessi heimsókn er í tengslum við
Kirkjudaga á Jónsmessu, en í fram-
haldi af þeim munu ýmsir söfnuðir á
landsbyggðinni heimsækja söfnuð á
höfuðborgarsvæðinu þennan dag og
taka þátt í helgihaldi þeirra. Það er
okkur í Breiðholtssókn sérstök
ánægja að fá að taka á móti hópnum
frá Þórshöfn. Gefst þar kærkomið
tækifæri til að þakka fyrir frábærar
móttökur á Þórshöfn er við sóttum
staðinn heim í safnaðarferð í lok maí
og tókum þátt í guðsþjónustu í Þórs-
hafnarkirkju 27. maí. Vonandi eru
þessar heimsóknir aðeins upphafið
að nánara samstarfi þessara tveggja
safnaða á komandi árum.
Við viljum sérstaklea hvetja þá
sem ættaðir eru frá Þórshöfn og ná-
grenni, en búsettir hér á höfuðborg-
arsvæðinu, að nota þetta tækifæri til
að hitta hópinn frá Þórshöfn með því
að taka þátt í messunni og eiga síðan
með honum góða stund í safnaðar-
heimilinu á eftir.
Verið öll hjartanlega velkomin í
Breiðholtskirkju.
Sr. Gísli Jónasson.
Melstaðarprestakall
í Kópavogskirkju
GÓÐIR gestir norðan úr Húnavatns-
sýslu koma í heimsókn á sunnudag í
Kópavogskirkju og annast guðsþjón-
ustu dagsins kl. 11:00.
Séra Guðni Þór Ólafsson prestur í
Melstaðarprestakalli og prófastur í
Húnavatnsprófastsdæmi prédikar
og þjónar fyrir altari. Kórar Mel-
staðarprestakalls syngja en í kórn-
um eru félagar úr kirkjukórum Mel-
staðarkirkju, Staðarbakkakirkju og
Víðidalstungukirkju. Organisti og
kórstjóri er Pálína Fanney Skúla-
dóttir.
Sr. Ægir Fr. Sigurgeirsson.
Safnaðarstarf
Fella- og Hólakirkja. Samræmd
heildarmynd, sýning á glerlistaverk-
um og skrúða kirkjunnar opin kl.
13:00-18:00 Opið hús fyrir 8., 9. og 10.
bekk kl. 20:00-23:00.
Vídalínskirkja. Opið hús á þriðju-
dögum. Farið verður nk. þriðjudag
26. júní í Grafarvogskirkju. Kirkjan
skoðuð og kaffi drukkið. Lagt verður
af stað frá Kirkjuhvoli kl. 13:30 og
komið til baka um kl. 16:00.
KEFAS: Þriðjudag: Almenn bæna-
stund kl. 20:30. Miðvikudag: Sam-
verustund unga fólksins kl. 20:30.
Allir hjartanlega velkomnir.
Æðruleysis-
messa í Dóm-
kirkjunni
Morgunblaðið/Jim Smart
JÓHANNS Þóris Jónssonar verður
minnst með veglegu alþjóðlegu skák-
móti í ráðhúsinu í Reykjavík í haust.
Mótið verður haldið 23. október til 1.
nóvember, en Jóhann Þórir Jónsson
hefði orðið sextugur 21. október.
Á mótinu gefst efnilegum íslensk-
um skákmönnum kostur á að vinna
sér inn áfanga að alþjóðlegum titlum,
en gert er ráð fyrir að keppendur
verði alls um 30, þar af helmingurinn
titilhafar.
Teflt verður í ráðhúsi Reykjavíkur
og miðast undirbúningur við að um-
gjörð mótsins verði sem allra vegleg-
ust. Ekki liggur fyrir hvaða útlendu
meistarar verða með á mótinu, en
m.a. verður leitað eftir þátttöku er-
lendra titilhafa sem tefla í fyrrihluta
deildakeppni Skáksambandsins í
haust. Stefnt er að því að fá sem
flesta íslenska stórmeistara, en
margir þeirra eru því miður hættir
atvinnumennsku í skák. A.m.k. einn
þeirra hefur sýnt áhuga á að auka aft-
ur taflmennskuna og vonandi dregur
hann fleiri með sér því ekki er vafa-
mál að þátttaka íslensku stórmeist-
aranna vegur þungt í hugum skák-
áhugamanna.
Fyrirkomulag mótsins verður
þannig, að tefldar verða tíu umferðir
eftir Monrad-kerfi og teflt verður
samkvæmt nýjustu tímamörkum
FIDE. Umferðafjöldinn er óvenju-
legur, en mun algengara er að tefldar
séu níu umferðir. Viðbótarumferðin
eykur hins vegar möguleika á titil-
áföngum, en mikill áhugi hefur bloss-
að upp meðal ungra skákmanna á að
ná slíkum áföngum. Gert er ráð fyrir
ágætum verðlaunum, en ekki er búið
að ákveða heildarupphæðina.
Sérstök framkvæmdanefnd hefur
verið sett á laggirnar vegna mótsins,
en þótt Skáksambandið sé ábyrgt
fyrir framkvæmdinni mun nefndin
leggja áherslu á að virkja sem flest
skákfélög til samvinnu um mótshald-
ið. Formaður framkvæmdanefndar
er Guðmundur G. Þórarinsson, fyrr-
verandi forseti Skáksambandsins og
bróðir Jóhanns Þóris, en aðrir nefnd-
armenn eru Ríkharður Sveinsson,
Einar S. Einarsson, Helgi Ólafsson
og Hrafn Jökulsson.
Jóhann Þórir Jónsson gaf út og rit-
stýrði tímaritinu Skák í nærfellt 35 ár
og gaf auk þess út fjölda skákbóka.
Hann var jafnframt ötulasti móts-
haldari sem Íslendingar hafa eignast.
Hann hélt m.a. 49 helgarskákmót
víða um land auk 10 alþjóðlegra skák-
móta. Margt fleira mætti telja til, en
hann var einn af helstu máttarstólp-
um skákarinnar hér á landi meðan
hans naut við. Hann lést 2. maí 1999.
Sigurður Daði á titilveiðum
Sigurður Daði Sigfússon teflir um
þessar mundir á skákmóti í Kecsk-
emet og er einn í efsta sæti eftir 7
umferðir. Hann hefur fengið 4½ vinn-
ing og þarf 2 vinninga í síðustu 3
skákunum til að ná áfanga að alþjóð-
legum meistaratitli. Sigurður Daði
sigraði ungverska alþjóðlega meist-
arann Ferenc Berebora (2.404) í sjö-
undu umferð og var það þriðja vinn-
ingsskák hans í röð. Sex skákmenn
tefla á mótinu, tvöfalda umferð, allir
við alla. Að þessu móti loknu tekur
Sigurður Daði þátt í öðru alþjóðlegu
skákmóti með sama sniði sem hefst
25. júní.
Helgarskákmót TR
Taflfélag Reykjavíkur gengst fyrir
helgarskákmóti 23.-24. júní í sam-
vinnu við Skáksamband Íslands.
Mótið er eitt fimm móta í helgar-
mótasyrpu Skáksambands Íslands
og veitir stig í „helgarmótapottinum“
þar sem veitt eru vegleg verðlaun.
Tefldar verða 9 umferðir, atskákir
með 30 mínútna umhugsunartíma.
Mótið hefst laugardaginn 23. júní
klukkan 13. Skráning fer fram á
skákstað kl. 12:45.
Úr mótaáætlun
Skáksambandsins
23.6. TR&SÍ. Helgarskákmót.
1.7. Hellir. Bikarmót Striksins.
Alþjóðlegt skákmót
til minningar um
Jóhann Þóri Jónsson
SKÁK
R á ð h ú s
R e y k j a v í k u r
MINNINGARMÓT UM
JÓHANN ÞÓRI JÓNSSON
23.10.–1.11. 2001
Daði Örn Jónsson