Morgunblaðið - 23.06.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ LAUGARDAGUR 23. JÚNÍ 2001 15
ÞAU sátu agndofa og
hlustuðu á Rauðhettu í nú-
tímaútgáfu, 5 og 6 ára gömul
börn í Umferðarskóla barn-
anna í Hvaleyrarskóla á dög-
unum. Umferðarskóli
barnanna er sumsé byrjaður
þetta árið, en hann hefur
verið vorboði víða um land
frá 1967.
Skólinn er samstarfsverk-
efni umferðarráðs, lögreglu
og sveitarfélaga og að sögn
Maríu Finnsdóttur, fræðslu-
fulltrúa umferðarráðs, var
hann settur af stað á sínum
tíma sem tilraunastarf í Smá-
íbúðahverfi, í kjölfar óvenju
mikilla slysa á börnum árið á
undan. „Eitthvað varð að
gera og þessi tilraun í Smá-
íbúðahverfinu þótti gefa svo
góða raun að þessu var hald-
ið áfram. Svo hefur þetta
teygt sig áfram og út á land,“
segir María.
Pabbi og mamma
gera ekki rétt
Hún segir að börnin viti
meira um umferðarregl-
urnar í dag, heldur en þau
gerðu fyrir nokkrum árum,
en hún bendir jafnframt á að
þetta séu börn og þau eigi
það til að gleyma sér.
Umferðarskólinn er und-
irbúningur undir sumarið og
útileikina. Lögð er áhersla á
hvernig börnin sitji í bílnum,
gangi yfir götu, hjólin,
hjálmanotkun og fleira. „Við
heyrum mikið af sögum um
að pabbi og mamma geri
ekki rétt. Sérstaklega seinni
daginn eru þau ófeimnari og
þá koma sögurnar,“ segir
María, en skólinn stendur yf-
ir í tvo daga, klukkutíma í
senn.
Að sögn Maríu byrja börn-
in að fá bækur frá Umferð-
arráði þriggja ára. Þá kynn-
ast þau Jóa mjóa og fleiri
persónum, sem þau hitta enn
frekar fyrir í Umferðarskól-
anum. Hún segir að þau
reyni að fá sem mest frá
börnunum sjálfum. Skoðaðar
séu í glærur og sýndar að-
stæður sem þau þekkja sjálf.
Eftir fyrri daginn fara þau
heim og teikna mynd og fá
síðan lögreglustjörnu sem
viðurkenningu. Að sögn Mar-
íu eru myndirnar skemmti-
lega breytilegar eftir lands-
hlutum. Á Reykjanesi teikni
þau flugvélar og á Norður-
landi teikni þau fjöll. Í Hval-
eyrarskóla höfðu margir
efnilegir listamenn mætt
með verk sín og var greini-
legt að hugmyndirnar skorti
ekki. Þarna gaf að líta prins-
essu, sem kunni reyndar ekki
umferðarreglurnar, kastala,
að ógleymdum „löggumann-
inum“ en lögregluþjónn í
fullum skrúða var einmitt
þangað kominn til að kenna
börnunum að festa á sig
hjálma.
Úlfurinn ekki
jafnduglegur
Umferðarskólanum lauk
með brúðuleikhúsi, þar sem
ný útgáfa af Rauðhettu og
úlfinum var sýnd. Í þeirri út-
gáfu er lögð áhersla á að
Rauðhetta passi sig á bíl-
unum, en úlfurinn er ekki
jafn duglegur og verður því
fyrir bíl. En allt er gott sem
endar vel og eftir uppskurð á
spítala flyst úlfurinn í hús-
dýragarðinn.
Þeim Ingunni, Árna Kára,
Elísabetu, Hrafnkeli Þórði
og Hafdísi fannst gaman í
Umferðarskólanum og sögð-
ust hafa mikið lært. Þau
sögðust öll kunna umferð-
arreglurnar og passa sig allt-
af núna þegar þau fara yfir
götuna. Ingunni fannst
skemmtilegast að hlýða á
Rauðhettu og Hafdís kann að
setja á sig hjálminn. „Hann á
víst að vera fram á ennið, en
má ekki halla aftur,“ segir
hún.
Hafdís og Ingunn nota allt-
af hjálm. Ingunn á fjóra, en
Hafdís á einn gulan. Elísabet
og Hrafnkell Þórður vissu að
maður á ekki að hjóla á göt-
unni, heldur gangstéttinni.
Og stóru regluna voru þau
alveg með á hreinu, eða
hvað? „Stoppa áður en við
förum yfir götu ...,“ en þau
voru ekki alveg viss um hvað
ætti að gera svo.
Viss um að fræðslan
beri árangur
Guðný Hjálmarsdóttir er
leiðbeinandi í Umferðarskól-
anum. Hún segir að það sé
mikilvægt að þau viti hvort
fræðslan hafi skilað sér. Til
dæmis sé það misjafnt hvað
börn teikni og reyni þau því
yfirleitt að tengja það sem
þau sjái. Hún segir jafnframt
að þau leggi áherslu á að for-
eldrarnir komi með, þeir sem
hafi tök á því. Hins vegar sjái
leikskólarnir að mestu um að
koma með börnin. „Ef að for-
eldri kemur með barni og
spyr hvort það eigi að vera
eða ekki leggjum við áherslu
á það og færum rök fyrir því
að það sé gott að foreldri sé
með,“ segir Guðný.
Þorsteinn Jónsson lög-
reglumaður segist vera viss
um að fræðslan beri árangur
og bendir á að þetta sé
frjóasti aldurinn. Hann telur
einnig að það sé mikilvægt
að foreldrarnir haldi þessu
við. „Maður finnur til dæmis
stóran mun á börnum á þess-
um aldri og svo þegar að þau
eru orðin tíu, ellefu ára og
farin að neita að nota hjálm.
Það sé svo púkó“.
Þorsteinn segir að greini-
legt sé að foreldrarnir séu
stærsta fyrirmyndin. Því sé
mikilvægt að þeir séu ekki
hjólandi út og suður hjálm-
laust.
Guðný segir að reynt sé að
breyta fræðslunni örlítið á
milli ára, fræðslan fari eftir
tíðarandanum. „Til dæmis
núna reynum við að koma
inn með hlaupahjólin, þau
verði að nota hjálmana á
þeim líka,“ segir hún og fer
að ókyrrast því hundrað
börn bíða þeirra.
Þar með hverfa þau út í
rigninguna og um leið sjást
leikskólabörn trítlandi
framhjá í skærgulum um-
ferðarvestum.
Fimm og sex ára vegfarendur læra umferðarreglurnar í Umferðarskóla barnanna
Rauðhetta
passar sig
á bílunum
Morgunblaðið/Jim Smart
Krakkarnir í Hvaleyrarskóla vita að hjálmurinn á að vera fram á ennið.
Hafnarfjörður
REYKJAVÍKURBORG hefur birt
niðurstöður viðamikillar viðhorfs- og
þjónustukönnunar og er þetta í
þriðja skipti sem borgin lætur gera
slíka könnun.
Í niðurstöðum könnunarinnar
kemur meðal annars fram að 59%
telja þjónustu borgarinnar vera
mjög eða frekar góða sem er betri
útkoma en árið 1999 þegar 53% töldu
svo vera. Þrjátíu prósent telja hana
hvorki góða né slæma og 11% frekar
eða mjög slæma.
Þá telur mikill meirihluti, eða 70%,
að viðmót borgarstarfsmanna sé
gott eða fremur gott. Tæpur helm-
ingur telur borgarstjórn standa sig
vel en 28% að starf hennar sé í með-
allagi.
Flestir vilja einka-
væða leikskóla
Skýrslan, sem Gallup vann fyrir
Reykjavíkurborg, er mjög ítarleg og
telur 116 síður. Meðal þess sem þar
kemur fram eru kostir og gallar
borgarskipulags. Af þeim sem svör-
uðu töldu flestir að borgin væri of
dreifð og að fjölmörg ónýtt tækifæri
væru í borginni. Flestir vildu flug-
völlinn burt úr Vatnsmýrinni eða 16
af hundraði. Þá vilja borgarbúar
betra gatnakerfi og tæp 12% vilja sjá
breytingu þar á á næstu 10 árum.
Athygli vekur að tæp 40 prósent
telja notkun vímuefna vera alvarleg-
asta vandamálið sem borgin muni
glíma við á næstu árum.
Fjallað er um fjölmargar einstak-
ar stofnanir borgarinnar, s.s. Leik-
skóla Reykjavíkur, grunnskólana,
Félagsþjónustuna, SVR og ÍTR.
Flestir eru ánægðir með gæði þjón-
ustu ÍTR eða 76% en fæstir með
þjónustu SVR eða 48 af hundraði og
töldu flestir svarendur að leiðakerfi
SVR væri ekki nógu gott og að ferðir
væru ekki nógu tíðar.
48% telja borgarstjórn standa sig
vel en af þeim sem telja hana standa
sig illa nefna flestir að það sé vegna
hækkunar á sköttum og öðrum
gjöldum.
Þegar spurt er hvort borgin eigi
að fela einkaaðilum í auknum mæli
að annast þjónustu fyrir hönd borg-
arinnar er nokkuð jafnt með báðum
fylkingum. Rétt rúmur helmingur
telur að borgin eigi ekki að fara út í
frekari einkavæðingu. Af þeim sem
vilja einkavæða þjónustustarfsemi
borgarinnar í meira mæli vill fimmt-
ungur einkavæða leikskólana en fast
á eftir fylgja almenningssamgöngur.
Úrtakið í könnuninni var 1200
manns og var svarhlutfall rúm 63%.
Könnunin var gerð í febrúar og mars
á þessu ári.
Viðhorfskönnun meðal borgarbúa
Notkun vímu-
efna mesta
vandamálið
Reykjavík
Morgunblaðið/Halldór Kolbeins
70 prósent telja viðmót borgar-
starfsmanna vera gott eða frem-
ur gott samkvæmt könnuninni.