Morgunblaðið - 06.07.2001, Page 17

SUÐURNES
MORGUNBLAÐIÐ FÖSTUDAGUR 6. JÚLÍ 2001 17
STRAUMAR
T Í S K U V E R S L U N I N
Laugavegur 55, Sími 561 8414.
Útsalan
hefst í dag
30-60% afsláttur
HITAVEITA Suðurnesja hefur nú
tekið að sér alla vatnsöflun fyrir
sveitarfélögin á Suðurnesjum og út-
vegar samkvæmt því vatnsveitum
bæjanna vatn að bæjarmörkum og
selur í tonnum eftir mæli, sam-
kvæmt nýgerðu samkomulagi um
vatnsöflun. Ný vatnslögn hefur ver-
ið tekin í notkun til Sandgerðis en
Gerðahreppur og Vogar ætla að
bíða með að kaupa vatn af Hitaveit-
unni þótt hrepparnir séu aðilar að
samkomulaginu.
Júlíus Jónsson, forstjóri Hitaveitu
Suðurnesja, segir að fyrirtækið hafi
um 1980 tekið að sér vatnsöflun fyr-
ir Grindavík og dælt þar vatni inn á
kerfið en sveitarfélagið hafi síðan
séð um rekstur vatnsveitunnar. Upp
úr 1990 var síðan samið við Vatns-
veitu Suðurnesja, sem sér um Kefla-
vík, Njarðvík og Keflavíkurflugvöll,
um að annast dælingu og rekstur á
aðveitumannvirkjum.
Samkvæmt nýja samningnum
tekur Hitaveita Suðurnesja við öll-
um þessum mannvirkjum og annast
alla vatnsöflun fyrir sveitarfélögin.
Þó munu ekki öll sveitarfélögin vera
með í byrjun. Garður og Vogar hafa
t.d. ekki ennþá óskað sérstaklega
eftir þessari þjónustu Hitaveitunn-
ar. Þessi sveitarfélög geta hvenær
sem er óskað þess að fá vatn frá
Hitaveitunni innan tiltekins tíma.
Júlíus segir að Vogar séu að skoða
sitt vatnsveitukerfi og kanna ástand
þess og koma í veg fyrir leka áður
en farið verður út í að kaupa vatn
samkvæmt tonnamæli.
Ný lögn til Sandgerðis tekur
mið af tengingu við Garðinn
Hitaveitan lagði á síðasta ári nýja
vatnslögn út í Sandgerði, sem er
tengd kerfi Hitaveitunnar, og er nú
farið að dæla vatni um nýju lögnina.
„Þannig að við berum ábyrgð á allri
vatnsöflun fyrir þessar 6 vatnsveit-
ur sem á svæðinu eru, auk Keflavík-
urflugvallar,“ segir Júlíus.
Vatn Hitaveitunnar kemur úr
einu vatnsbóli sem sér um Grinda-
vík, Keflavík, Njarðvík, Keflavíkur-
flugvöll og Sandgerði núna. Það er
sama vatnsbólið og notað er fyrir
orkuverið, þar sem Hitaveitan fær
ferskvatn til upphitunar. Í Garði og
Höfnum eru sérstök vatnsból og
sérstök vatnsveita sem ekki er
tengd kerfi Hitaveitunnar enn þá.
Að sögn Júlíusar verða Hafnir lík-
lega seint tengdar Hitaveitukerfinu
en lega nýju vatnsæðarinnar til
Sandgerðis tekur mið af því að
Garðurinn geti tengst á auðveldan
hátt og var nýja lögnin hönnuð með
það í huga að hún passaði sem best
sem tenging fyrir bæði Garð og
Sandgerði.
Samið um vatnsöflun við Hitaveituna
Sér um vatnsból
og útvegar vatn
að bæjarmörkum
Reykjanes
SAMÞYKKT var á bæjarráðsfundi
í gær með þremur atkvæðum
meirihlutans gegn tveimur atkvæð-
um minnihlutans að gerður verði
skriflegur samningur um vináttu-
samstarf milli Reykjanesbæjar og
varnarliðsins á Keflavíkurflugvelli
en þessir aðilar hafa átt með sér
margvíslegt samstarf á undanförn-
um árum. Kjartan Már Kjartans-
son, bæjarfulltrúi meirihlutans,
segir að gerð slíks samnings snúist
fyrst og fremst um að gera form-
legt og skriflegt samkomulag um
að festa í sessi vináttusamstarf
þessara aðila.
„Vegna þess að samskiptin á
milli íbúa á varnarsvæðinu annars
vegar og ýmissa stofnana og deilda
Reykjanesbæjar og fyrirtækja hér
hins vegar eru alltaf að verða meiri
og meiri. Yfirmenn varnarliðsins
koma og fara og menn lenda stund-
um í því að þurfa að byrja upp á
nýtt við að koma á tengslum og
trausti, vegna þess að það er ekk-
ert til yfir þetta. En kerfið hjá
hernum, eins og hjá okkur að sumu
leyti, er þannig að hlutirnir ganga
oft betur fyrir sig ef til er eitthvert
formlegt samkomulag.“
Kjartan segir ekkert nýtt vera í
samkomulaginu, það sé fyrst og
fremst verið að mynda einhvern
ramma utan um samstarfið.
Reykjanesbær hafi t.d. oft fengið
að nota mannvirki varnarliðsins,
m.a. hafi sundfólk fengið að æfa í
50 metra innilaug varnarliðsins og
nemendur í grunnskólum hafi
skipst á heimsóknum. „Þetta hafa
verið talsverð samskipti og öll
mjög jákvæð og við viljum halda
því áfram,“ segir Kjartan.
Vináttusamstarf við Varnarliðið
Festir jákvætt
samstarf í sessi
Reykjanesbær