Morgunblaðið - 06.07.2001, Side 18

SUÐURNES
18 FÖSTUDAGUR 6. JÚLÍ 2001 MORGUNBLAÐIÐ
LANDIÐ
TVEIR starfsmenn Leikskólans í
Stykkishólmi útskrifuðust sem leik-
skólakennarar við skólaslit Kenn-
arháskóla Íslands fyrir nokkru. Þær
Elísabet Lára Björgvinsdóttir og
Ásta Guðmundsdóttir hafa stundað
fjarnám í 4 ár til að fá fullgild rétt-
indi.
Samhliða námi hafa þær stundað
hálfa vinnu við leikskólann auk þess
sem þær eru mæður þriggja barna
hvor. Það hefur því verið nóg að gera
hjá þeim á námstímanum. En þær
segja að með skipulagningu og
sjálfsaga sé þetta hægt. Fjarnámið
gerði þeim mögulegt að ná sér í rétt-
indin. Það er góður kostur fyrir fjöl-
skyldufólk sem býr á landsbyggðinni
og hefur ekki tækifæri til að flytjast
búferlum í höfuðborgina og hefja
nám í dagskóla. Í haust munu fjórir
leikskólakennarar starfa við leik-
skólann í Stykkishólmi og hefur ekki
svo stór hópur kennara með réttindi
starfað við skólann áður í yfir 40 ára
sögu hans.
Lokaverkefni Ástu fjallaði um
heimspekilegt uppeldi, hvernig eigi
að gagnrýna börn og lokaverkefni
hjá Elísabetu um samþættingu tón-
listar með öðrum námsþáttum leik-
sólans. Elísabet fékk viðurkenningu
minningarsjóðs Ásgeirs S. Björns-
sonar fyrir ritgerð sína. Það er í
fyrsta sinn sem leikskólaskor hlýtur
viðurkenningu úr þeim sjóði.
Tónlistin örvar skynjun
Hluti af ritgerð Elísabetar er
rannsókn sem hún gerði í Leikskól-
anum í Stykkishólmi síðasta vetur,
þar sem fylgt var heilsvetraráætlun
um tónlistaruppeldi. Niðurstöður
rannsóknarinnar sýna að tónlist örv-
ar mjög skynjun barnanna á öðrum
þáttum náms og eykur færni þeirra.
Þar kemur líka fram að ekki endi-
lega þurfi tónlistarmenntaða kenn-
ara til að geta unnið með leikskóla-
börnum að tónlist.
Með þessar niðurstöður í fartesk-
inu ætlar leikskólinn næsta vetur að
leggja meiri áherslu á tónlistarvinnu
og tengja hana öðrum námsþáttum,
sérstaklega við lestur og stærðfræði.
Í haust verður tekið upp samstarf við
tónlistarskólann og grunnskólann
þar sem tónlistinni er ætlað að örva
aðra þætti námsins hjá nemendum.
Komið verður á fræðslufundum fyrir
kennara, gagnkvæmar heimsóknir
verða á milli skólanna og svo verður
reynt að miðla þekkingu og samnýta
starfsfólk og búnað skólanna.
Þar er verið að fara nýjar leiðir til
að efla skólastarfið til gagns fyrir
nemendur og til ánægju fyrir kenn-
arana.
Morgunblaðið/Gunnlaugur Árnason
Elísabet Lára Björgvinsdóttir fjallaði í lokaritgerð sinni um hvernig
tvinna megi saman tónlist og aðra þætti leikskólans. Á myndinni er hún
að vinna með krökkunum þar sem spilað er á hin ýmsu hljóðfæri.
Leikskólakennar-
ar öðlast réttindi
með fjarnámi
Stykkishólmur
ÍBÚAR Gerðarhrepps sem eiga fast-
eignir í landi Útskála hafa sent
hreppsnefnd erindi og óskað eftir að-
stoð hreppsins við að fá úr því skorið
hvort það standist lög að eigandi
jarðarinnar, Prestsetrasjóður, geti
einhliða ákveðið nýja viðmiðun við
ákvörðun um lóðarleigu og innheimt
aftur í tímann áður en samningur er
undirritaður.
Eigendur fasteigna eru afar
óhressir með þessi vinnubrögð og
dæmi eru um að leigjendum stórrar
lóðar hafi borist tveir 2 milljóna
króna reikningar fyrir tveggja ára
lóðaleigu. Hreppsnefnd hefur sam-
þykkt að leita lögfræðilegs álits hjá
Sigurmari K. Albertssyni hæstarétt-
arlögmanni á þessum kröfum sem
settar hafa verið fram vegna lóða-
leigu af hálfu eigenda Útskála.
Fyrir rúmu ári fengu eigendur
fasteigna í landi Útskála bréf frá Ás-
birni Jónssyni lögmanni sem fyrir
hönd Prestsetrasjóðs tilkynnti að
lóðaleigusamningar væru útrunnir
og lagði hann til að lóðarleiga yrði
miðuð við 5% af lægsta taxta verka-
manna í Garðinum. Jafnframt var
farið fram á að eldri ógreidd lóðar-
leiga yrði greidd þar sem samningar
hafi verið útrunnir. Auk þess var
óskað eftir viðræðum um málið.
Töldu aðferðirnar
ekki heiðarlegar
Útskálar eru kirkjujörð og þar
hafa lengi verið í gangi gamlir samn-
ingar sem fyrrverandi sóknarprest-
ur hafði tekjur af. Samningarnir
voru ýmist til 35, 50 eða 99 ára, en
eftir myntbreytinguna 1981 varð
leigan mjög lítil á hverju ári. Íbúar
greiddu fyrrverandi presti leiguna
reglulega en eftir að hann fór hefur
enginn vitað hvert hefur átt að
greiða leiguna og hún ekki verið inn-
heimt. Margir samninganna eru
runnir út og hafa jafnvel verið út-
runnir árum saman. Ekkert hefur
verið aðhafst í málinu, þar til í fyrra
þegar íbúum barst fyrrgreint bréf.
Jón Hjálmarsson er einn íbúanna
og segir hann marga hafa talað við
lögfræðing Prestsetrasjóðs og sent
honum bréf þar sem óskað var eftir
að lóðaleiga yrði miðuð við þá lóða-
leigu sem Gerðarhreppur hefur tekið
stefnu um að innheimta, sem nemur
2% af fasteignamati lóðar. Erindum
íbúanna var hins vegar ekki svarað
en fyrir skömmu barst þeim gíróseð-
ill fyrir lóðarleigu og aftur tveir gíró-
seðlar hálfum mánuði síðar fyrir lóð-
arleigu áranna 2000 og 2001. Með
seðlunum fylgdi samningur um lóð-
arleigu og bréf þar sem þess er ósk-
að að íbúar undirriti lóðarsamning-
inn, en þar er miðað við að
lóðarleigan nemi 5% af lægsta taxta
verkamanna.
Að sögn Jóns töldu íbúar þetta
ekki vera heiðarlegar aðferðir. Ekki
væri hægt að innheimta lóðarleigu
fyrir samning sem ekki væri gerður
og jafnframt þótti fólk leigan of há,
auk þess sem athugasemdum og
bréfum hefði ekki verið svarað á
neinn hátt. „Þannig að þetta varð til
þess að menn hittust og ákváðu að fá
hreppinn í lið með sér til að fá fram
lögfræðilegt álit á því hvort hægt
væri að gera þetta svona.“
Fengu reikninga upp
á 4 milljónir fyrir tvö ár
Margar af lóðunum eru frá gamalli
tíð þar sem sumir íbúanna voru með
búskap sem lóðarstærð tók mið af,
jafnvel fleiri þúsund fermetrar.
Margir þessara leigjenda hafa um
skeið óskað þess að fá stærðina end-
urskoðaða til að minnka leigulóðina
en þeim erindum hefur ekki verið
svarað, að sögn Jóns. „Þannig að
þessir gíróseðlar sem komu voru allt
að tveimur milljónum fyrir hvort ár,
eða samtals fjórar milljónir fyrir tvö
ár. Síðan var þetta allt niður í um 20
þúsund krónur á ári, eins og hjá okk-
ur með 1.000 fermetra lóð.“
Eftir að þetta gerist hefur nýtt
fasteignamat komið fram, þar sem
mat á lóðum í Garðinum hækkar að
meðaltali um 147%, sem þýðir að 2%
af fasteignamati er orðið hærra en
5% af lægsta taxta verkamanna. Að
sögn Sigurðar Jónssonar, sveitar-
stjóra Gerðahrepps, vill meirihluti
hreppsnefndar hins vegar að lóðar-
leiga verði óbreytt og það verði gert
með því að lækka prósentuna til þess
að lóðarleiga verði sambærileg við
leigu hjá öðrum sveitarfélögum.
Jón Hjálmarsson segir að íbúar
vilji auðvitað greiða sambærilega
lóðarleigu og aðrir í hreppnum og
hafi farið fram á það. „En okkur
finnst óeðlilegt að kirkjan sé að inn-
heimta hæstu mögulegu lóðarleigu
sem um getur. Öllum finnst sann-
gjarnt að borga lóðaleigu en að það
sé á sanngjörnum nótum.“
Nánast allt land í
hreppnum í einkaeign
Sigurður Jónsson sveitarstjóri
segir að um 18 aðilar eigi fasteignir í
landi Útskála, bæði atvinnufyrirtæki
og íbúar. Hann segir að sveitarfélag-
ið hafi leitað eftir því hvort það geti
fengið landið keypt en það hafi ekki
gengið eftir. Tilgangur landakaupa á
vegum hreppsins er m.a. sá að koma
reglu á fjárhæðir vegna lóðarleigu
og færa hana til samræmis við leigu
sem tíðkast í öðrum sveitarfélögum í
nágrenni Gerðahrepps.
Að sögn Sigurðar er þetta mál í
raun angi af mun stærra máli því allt
land í sveitarfélaginu er nánast í
einkaeign. „Það er nokkur sérstaða
hérna í Garðinum að fasteignaeig-
endur þurfa að leigja lóðirnar. Nán-
ast allt land er í einkaeign og sveit-
arfélagið á aðeins lítinn hluta.
Sveitarfélagið hefur verið að reyna
að marka þá stefnu að hafa ákveðna
prósentu af fasteignamati lóðar en
landeigendur hafa miðað við ákveðna
prósentu af lægsta verkamanna-
taxta. Það hefur þýtt fram að þessu
að það hefur verið helmingi hærra en
í flestum öðrum sveitarfélögum.“
Eigendur fasteigna í Útskála óánægðir með lóðaleigu
Leiga innheimt aftur
í tímann án samninga
Garður
Morgunblaðið/Eiríkur P.
BÆJARRÁÐ Reykjanesbæjar hef-
ur ákveðið að gengið verði til
samninga við SG-hús á Selfossi um
tvö hús fyrir lausar kennslustofur
við Heiðarskóla. Verð húsanna
nemur tæpum 6,5 milljónum króna
á hvort hús en hvort um sig er um
70 fermetrar. Að sögn Kjartans
Más Kjartanssonar bæjarfulltrúa
er um mjög góðar stofur að ræða
enda er gert ráð fyrir að húsin
standi við Heiðarskóla í a.m.k. tíu
ár.
Ekki næst að afhenda húsin áður
en skólinn byrjar en afhendingar-
tíminn er um miðjan september.
„Þannig að þau verða ekki komin í
upphafi skólaárs en mjög fljót-
lega,“ segir Kjartan.
Samið um nýj-
ar stofur við
Heiðarskóla
Reykjanesbær
„ÞETTA er lífið,“ segja hinir
reyndu sjómenn, Bjarni Ólafsson,
sem er 78 ára gamall og Jón Steinn
Halldórsson, sem er „aðeins“ 75
ára, en þeir hafa róið saman frá
Ólafsvík í vor á Ármanni SH, sem er
í eigu Bjarna, en hann hefur í ára-
tugi átt trillur með því nafni, og var
jafnframt póstmeistari staðarins.
Jón Steinn reri hinsvegar á
stærri bátum á sínum ferli og var
fengsæll skipstjóri, lengst af með
Jón Jónsson SH. „Við leigðum okk-
ur 10 tonn,“ segir Bjarni. „Það er
ekkert stress hjá okkur. Við höfum
látið nægja að fylla körin og farið
þá í land. Þetta er fyrsti róðurinn
sem okkur tekst þetta ekki, afli
dagsins er um 600 kg. „Það er svo
mikið um síli og líf hér úti fyrir, að
fiskurinn lítur ekki við sílinu okk-
ar.“
Þeir félagar segja ekki útilokað
að þeir leigi meiri kvóta, ef fiskirí
og aðstæður haldast góðar – og
þetta er lífið.
Ljósmynd/Helgi
Kempurnar bíða eftir að komast að til að landa. Bjarni skipstjóri brá sér
út úr stýrishúsinu og Jón Steinn stýrimaður er aftur á dekki.
Ólafsvík
„Þetta er lífið“
GOLF er vinsæl íþrótt fyrir unga
sem aldna og býður upp á heil-
næma útiveru og göngu á græn-
um völlum. Þótt kappið sé oft
mikið er þó nauðsynlegt af og til
að hvílast og virða fyrir sér nátt-
úruna og fylgjast með öðrum
golfspilurum, líkt og þessi af-
slappaði golfari á Hólmsvellinum í
vikunni.
Afslöppun í golfinu
Morgunblaðið/Eiríkur P.
Hólmsvöllur