Morgunblaðið - 06.07.2001, Side 19

LANDIÐ
MORGUNBLAÐIÐ FÖSTUDAGUR 6. JÚLÍ 2001 19
FÉLAG eldri borgara í Austur-
Húnavatnssýslu hefur verið tekið
til gjaldþrotaskipta samkvæmt úr-
skurði Héraðsdóms Norðurlands
vestra en félagið fór sjálft fram á
gjaldþrotaskiptin. Kröfum á hend-
ur félaginu hefur hins vegar ekki
verið lýst.
Sigursteinn Guðmundsson segir
að búið sé að leggja Félag eldri
borgara niður en hann gegndi for-
mennsku í félaginu.
Hann segir að ástæðan fyrir
gjaldþrotaskiptunum sé sú, að fyrir
um 10 árum hafi verið byggð tvö
fjölbýlishús á Blönduósi með átta
íbúðum í hvoru húsi sem ætlaðar
voru fyrir eldri borgara.
Félagið gert ábyrgt
„Héraðsnefnd skipaði þriggja
manna nefnd til að athuga hvort
þörf væri á að byggja íbúðir fyrir
eldri borgara. Svo reyndist vera og
í framhaldi af því var Félag eldri
borgara stofnað í kringum það. Í
bygginganefndinni voru tveir
fulltrúar frá héraðsnefndinni og
einn fulltrúi frá eldri borgurum. Í
stuttu máli var það þannig að af
einhverjum óskiljanlegum ástæðum
var Félag eldri borgara skráð sem
eigandi íbúðanna, félag sem átti
ekki neitt fé nema það litla sem
kom inn vegna félagsgjalda. Alla tíð
var staðið í þeirri meiningu að
ábyrgi aðilinn í þessu væru sveit-
arfélögin hér í sýslunni. Þetta voru
félagslegar íbúðir og því átti það
fólk, sem flutti í burtu eða þá dán-
arbú, kröfu á að fá greitt til baka
það sem það hafði greitt, sam-
kvæmt þeim lögum sem um það
gilda. Þetta gerði héraðsnefndin
hvað fyrstu fjórar íbúðirnar varðaði
og þetta gekk ágætlega þegar við
höfðum kaupendur að íbúðunum.“
Sigursteinn segir að það hafi hins
vegar breyst þegar engir kaupend-
ur voru að íbúðunum og þær hafi
staðið auðar.
„Þá féllu lánin á Félag eldri
borgara en félagið var hins vegar
ekki í stakk búið til þess enda ekki
ætlast til þess. Við áttum bara að
sjá um félagslega þáttinn. Svo ger-
ist það að fólk flytur eða deyr og
dánarbúin krefjast endurgreiðslu
og þá snýr héraðsnefndin við
blaðinu og telur sig ekki ábyrga
fyrir að greiða þetta út, því að
nefndin vissi þá að Félag eldri
borgara væri skráður eigandi þessa
íbúða. Ég hef staðið í því í tvö ár að
reyna að fá þessu breytt og reynt
að komast að samkomulagi við
nefndina um að þetta hafi verið
misskilningur að láta félagið vera
ábyrgan aðila fyrir þessu. En það
gekk ekki.“
Fjárnám í félaginu en
héraðsnefndin sýknuð
Hann segir jafnframt að þá hafi
einn af þeim aðilum, sem átti kröfu
á endurgreiðslu farið í mál við
Félag eldri borgara og héraðs-
nefndina. Þar tapaði félagið málinu
en héraðsnefndin var sýknuð.
„Þessi aðili sem höfðaði málið vissi
að félagið hefði lítið bolmagn til að
greiða þetta og fannst eins og fleir-
um að þetta ætti að vera í höndum
héraðsnefndarinnar. Því ákveður
hann að áfrýja því til Hæstaréttar
en það fór á sama veg og því var
gert fjárnám í félaginu. Krafan var
um 1.800 þúsund krónur í heildina
vegna dráttarvaxta o.þ.h. Þess
vegna óskuðum við eftir gjaldþrota-
skiptum og að félagið yrði lagt nið-
ur sem slíkt.“
Sigursteinn segir að þar sem
íbúðirnar hafi staðið auðar hafi þær
verið leigðar út.
„Leigan fór í sjóð sem var settur
á kennitölu okkar sem við vissum
ekki og vildum ekki viðurkenna
enda vildum við að þetta yrði á hér-
aðsnefndinni. Nema hvað að það
var tekið líka. Það voru um 700
þúsund krónur. Þá var hirt af okk-
ur allt sem við áttum í félagsgjöld-
um. Lionsfélagið hérna, Rauða
fjöðrin, hafði látið okkur hafa 150
þúsund krónur til að byggja pútt-
völl fyrir gamla fólkið en það var
allt rifið af okkur.“
Illa farið með
eldri borgara
Sigursteinn segir að allt þetta
mál sé hið leiðinlegasta.
„Ég segi nú fyrir mitt leyti að
það er til skammar fyrir héraðið að
svona skuli farið með eldri borgara.
Bæjarbúar almennt skilja ekki
þessa afstöðu héraðsnefndar, að
hún skuli ekki leysa þetta, því það
er hluti af þeirra málum að sjá um
eldri borgara í sýslunni.“
Félag eldri borgara í A-Húnavatnssýslu gjaldþrota
„Til skammar fyrir hér-
aðið,“ segir formaðurinn
Austur- Húnavatnssýsla
ÍÞRÓTTAVÖLLURINN á Egils-
stöðum var formlega vígður um
helgina og gefið nafnið Vilhjálms-
völlur, til heiðurs Vilhjálmi Ein-
arssyni íþróttakempu og fyrrum
rektors Menntaskólans á Egils-
stöðum. Ólöf Árnadóttir á heið-
urinn af nafngiftinni, en efnt var til
samkeppni um heiti vallarins.
Að loknu ávarpi bæjarstjóra
Austur-Héraðs, Björns Hafþórs
Guðmundssonar og Ágústu Björns-
dóttur formanns framkvæmda-
nefndar landsmóts, var völlurinn
formlega vígður og þá blessaður af
sr. Jóhönnu Sigmarsdóttur.
Kostnaður við gerð íþróttamann-
virkja á Egilsstöðum vegna Lands-
móts UMFÍ nemur 73 milljónum
króna, að teknu tilliti til framlags
ríkisins sem nam 35 milljónum
króna. Um er að ræða endurgerð
knattspyrnuvallar, 6 hlaupabrauta
og frjálsíþróttaaðstöðu á tartan-
efni, æfingavöll og byggingu sem
hýsir búningsaðstöðu, tækja-
geymslu og félagsaðstöðu Íþrótta-
félagsins Hattar.
Ágústa segir að hin glæsilegu
mannvirki geri nú þegar sitt til að
kynna svæðið og þegar séu farnar
að berast fyrirspurnir um móta-
hald. Ætlunin sé að nýta þetta sem
tæki til að draga að fólk, bæði til
búsetu og í atvinnuskyni fyrir
heimamenn. Áhersla er lögð á að
íþróttamannvirkin muni þjóna
Austfirðingum öllum.
Morgunblaðið/Steinunn
Vilhjálmur Einarsson og Bjarmi Hreinsson klippa á borða og vígja
þannig nýjan og glæsilegan Vilhjálmsvöll á Egilsstöðum.
Íþróttamannvirki formlega vígð að
lokinni uppbyggingu fyrir landsmót
Völlurinn heitir
Vilhjálmsvöllur
Egilsstaðir
Á ÞESSUM tíma árs eru margir
komnir í sumarfrí. Þar á meðal
eru börnin á leikskólanum Sól-
völlum í Grundarfirði. Margt
skemmtilegt var gert á síðasta
degi fyrir sumarfrí. Farið var í
ýmsa leiki, grillaðar voru pylsur í
hádeginu, svo var farið í göngu-
túr og krakkarnir fengu ís frá
Esso og versluninni Kósy svo eitt-
hvað sé nefnt. Veðrið spillti ekki
fyrir, sól og blíða.
Morgunblaðið/Guðlaugur Alberts
Sumarfrí
Grundarfjörður
MYNDLISTARSÝNING verður
opnuð í trjásafninu í Hallormsstað-
arskógi í dag, föstudaginn 6. júlí.
Þetta er samvinnuverkefni Félags
íslenskra myndlistarmanna og Skóg-
ræktar ríkisins á Hallormsstað. Sýn-
ingin nefnist „Í skugga trjánna“ þar
sem 15 listamenn setja upp verk af
ýmsum toga, en efniviðurinn er að
mestu tekinn úr umhverfinu.
Með þessu sýningarframtaki er
verið að gefa listamönnum tækifæri
til að vinna verk úr náttúrunni. Sýn-
ingin er lögð út meðfram göngustíg-
um í trjásafninu þannig að gestir geti
auðveldlega nálgast verkin.
Myndlist
sýnd í
skóginum
Hallormsstaður
14. JAZZHÁTÍÐ Egilsstaða
verður haldin um helgina. Árni
Ísleifsson hefur verið skipuleggj-
andi hátíðarinnar frá upphafi.
Í gærkvöldi spiluðu Sunnan-
sex; þau Einar Bragi Bragason,
Ragnar Eymundsson, Ragnheið-
ur Sigjónsdóttir, Friðrik Theó-
dórsson og Árni Ísleifsson.Ung-
liðaband Jazzsmiðju Austurlands
hitaði upp og spilar einnig í
kvöld. Aðalnúmer kvöldsins er
jazzsöngkonan Kristjana Stefáns-
dóttir, sem hefur undanfarna vet-
ur verið við söngnám í Hollandi.
Hún er talin vera ein fremsta
jazzsöngkona landsins í dag. Með
henni spila Gunnar Hrafnsson,
Einar Valur Scheving og Agnar
Már Magnússon.
Laugardagskvöldið verður til-
einkað blústónlist og hefja Guð-
geir Björnsson og félagar leikinn.
Þá tekur við Blúsbrot Garðars
Harðarsonar, með gítarsnilling-
inn Guðmund Pétursson í broddi
fylkingar.
Tónleikarnir verða í Valaskjálf
á Egilsstöðum og hefjast kl.
21:00. Kynnir er Friðrik Theó-
dórsson.
Um kl. fjögur í dag verður svo
boðið upp á jazzsveiflu á sólarver-
önd Café Nielsen á Egilsstöðum.
Jazzhátíð Egils-
staða í 14. sinn
Egilsstaðir