Morgunblaðið - 06.07.2001, Qupperneq 24

ERLENT
24 FÖSTUDAGUR 6. JÚLÍ 2001 MORGUNBLAÐIÐ
MÚSLÍMSKIR hirðingjar í Kasmír-héraði á landamær-
um Indlands og Pakistans bera aldraðan hindúa í píla-
grímsför til helga hellisins Amarnath í gær. Um það bil
þrjú þúsund hindúar hófu í byrjun vikunnar árlega
pílagrímsför til þessa helgistaðar, sem er í um 17 þús-
und feta hæð í Himalajafjöllum í Kasmír. Öryggisgæsla
er ströng vegna tíðra ofbeldisverka aðskilnaðarsinna í
héraðinu.
Reuters
Pílagrímsför
DEILDARSTJÓRI innan félags-
þjónustunnar á Nýja-Sjálandi hefur
höfðað mál gegn ríkinu vegna þess
að hún var ekki endurskipuð í emb-
ætti en ráðningarsamningur hennar
rennur út á fimmtudag.
Starfsmaðurinn, Christine Rank-
in, hefur verið áberandi og að sama
skapi umdeild í starfi en hún var
skipuð í embætti af fyrri ríkisstjórn.
Rankin heldur því fram að Helen
Clark forsætisráðherra hafi haft að
engu þær siðvenjur sem viðgangast í
landinu um embættisskipanir þegar
hún ákvað að endurráða hana ekki.
Christine Rankin segir ástæðuna
vera umkvartanir undirmanns for-
sætisráðherra en hann mun hafa tjáð
Rankin að klæðnaður hennar valdi
samstarfsmönnum hennar óþægind-
um. „Hann sagði að honum hefði lið-
ið illa í návist minni frá fyrstu kynn-
um vegna klæðaburðar míns.“
Fyrir rétti viðurkenndi umræddur
starfsmaður, Mark Prebble, að hafa
gagnrýnt Rankin þegar þau hittust í
fyrsta sinn fyrir ósæmilegan og
móðgandi klæðaburð. „Mér brá hvað
hún var í flegnum fötum. Mér fannst
þau sýna óþægilega mikið, mér
fannst það ósæmilegt.“ Þá bar
Prebble að slíkur klæðnaður væri
ekki við hæfi fyrir yfirmann í opin-
beru starfi auk þess sem opinberir
starfsmenn ættu að klæðast gráum
fötum.
Málið hefur vakið mikla athygli á
Nýja-Sjálandi og nýsjálenskar kon-
ur hafa ákveðið að sýna Rankin sam-
stöðu með því að mæta til vinnu
klæddar stuttum pilsum og með
stóra lokka í eyrunum á föstudag.
Málaferli gegn nýsjálenska ríkinu
Rekin fyrir
klæðaburð
Wellington, Nýja Sjálandi. AFP.
NÁKVÆMLEGA á þeim stað þar
sem bolsévíkar myrtu rússnesku
keisarafjölskylduna fyrir nær 83
árum er mikil kirkja farin að
teygja sig til himins. Rússneska
rétttrúnaðarkirkjan og heldra
fólk í landinu eru nú seint og um
síðir að endurheimta Romanov-
fjölskylduna í sinn hóp.
Keisaradæmið var í raun
þurrkað út úr sovéskri þjóðarvit-
und í sjö áratugi uns umbóta-
stefnan (perestrojka) gerði rúss-
neskum almenningi kleift að fara
að líta aftur til keisaratímans.
Þessa dagana koma Rússar til að
votta virðingu sína á þeim stað
þar sem morðin voru framin og
þar sem kappsamir verðir bylt-
ingarinnar reyndu að breiða yfir
glæp sinn.
Þessir nútíma pílagrímar njóta
mikils stuðnings kirkjunnar og
rússneskra stórfyrirtækja, sem
reiða af hendi stórfé til fjölda
nýrra bygginga í bænum Jekater-
ínborg til heiðurs píslarvottunum.
Fyrir skömmu var komið fyrir
bitum í kirkjunni sem stendur þar
sem einu sinni rann blóð keisara-
fjölskyldunnar.
Nikulás II, Alexandra keis-
araynja, börn þeirra fimm og
fjórir þjónar voru myrt í húsi
kaupsýslumanns í Jekaterínborg
17. júlí 1918 þegar rússneskir
hvítliðar nálguðust óðfluga. Húsið
stóð til 1977 er stjórnmálaráði
sovéska kommúnistaflokksins bár-
ust fregnir um að keisarasinnar
færu í pílagrímsferðir til stað-
arins. Sá sem gaf skipun um að
húsið skyldi jafnað við jörðu var
leiðtogi flokksins á staðnum, ung-
ur maður á uppleið, Borís Jeltsín.
Flagga hollustunni
Á meðan Sovétríkin voru og
hétu sýndi rétttrúnaðarkirkjan
lítinn áhuga á keisaratímanum.
Nú eru kirkjunnar menn skyndi-
lega og af miklum ákafa farnir að
flagga hollustu sinni við píslar-
vottana.
Í fyrra voru meðlimir keis-
arafjölskyldunnar teknir í dýr-
lingatölu og á staðnum þar sem
kirkjan er að rísa er íkonamynd
af fjölskyldumeðlimunum sem sjö
dýrlingum. Í skóglendi nokkra
kílómetra fyrir utan bæinn hafa
verið reistar sjö timburkirkjur yf-
ir gryfju þar sem bolsévíkarnir
reyndu að fela líkin.
„Við lítum svo á að þetta svæði
allt sé helgistaður,“ sagði Vikenty
erkibiskup, sem fyrir skömmu tók
á móti Mikael prins af Kent í
Bretlandi, afkomanda Romanov-
fjölskyldunnar, í Jekaterínborg.
Prófessor George Zaitsev, son-
ur Hvítrússa, fæddist í útlegð í
Kína og var í fámennum hópi sér-
fræðinga sem fundu bein keis-
arafjölskyldunnar árið 1978, var
óvæginn í orðum um bygginga-
framkvæmdirnar. „Þetta er of
mikið. Allt, allt of mikið,“ sagði
Zaitsev.
„Ég held að keisarinn hefði
ekki orðið hrifinn af þessu, svona
miklum byggingum á morð-
staðnum. Í mörg ár vildi kirkjan
ekki kannast við að beinin væru
af keisaranum, og sjá nú þetta,“
sagði hann og benti á einn bygg-
ingakranann. „Kirkjan, sjáðu til,
(forkólfar hennar) hafa enn sov-
éska hugsunarháttinn.“
Rússar votta myrtri keis-
arafjölskyldu virðingu sína
Jekaterínborg.
NÚ LÍTUR út fyrir að lögsaga yfir
Voga-flugvelli í Færeyjum, eina
flugvellinum á eyjunum, muni fær-
ast í hendur Færeyinga fljótlega,
þ.e. án þess að uppfyllt verði ósk
þeirra um að búið verði að gera
dýrar umbætur á vellinum áður en
danska ríkið afsalar sér eignarrétti
yfir honum.
Um margra ára skeið hafa verið
í gangi flóknar viðræður milli full-
trúa danska samgönguráðuneytis-
ins og færeysku landstjórnarinnar
um að lögsagan yfir flugvellinum
færist í hendur Færeyinga, en ekki
hefur tekizt að ljúka þeim fyrst og
fremst vegna ágreinings um kröfur
Færeyinga þess efnis, að búið verði
að gera nauðsynlegar umbætur á
honum fyrst, og það á kostnað
danska ríkisins.
Núverandi samgönguráðherra
færeysku landstjórnarinnar, Bjarni
Djurholm úr Þjóðarflokknum, átti
nýlega fund með danska sam-
gönguráðherranum Jacob Buksti
um flugvallarmálið og mælir nú
með því að landstjórnin yfirtaki
lögsöguna yfir flugvellinum um
næstu áramót, þrátt fyrir að ekk-
ert samkomulag liggi enn fyrir um
endurbætur á vellinum eða fjár-
mögnun þeirra. Ákvörðun um það
verði að sögn ráðherrans að taka á
hæsta pólitíska stigi, þ.e. af for-
sætisráðherra Danmerkur og lög-
manni Færeyja. Vísar Bjarni Djur-
holm til þess, að sama ábyrgðar-
og verkaskipting hafi verið viðhöfð
við ákvarðanir um flugvallafram-
kvæmdir á Grænlandi.
Brýnast að lengja
flugbrautina
Samkvæmt bráðabirgðamati á
þeim framkvæmdum, sem þörf er
talin á að gera til endurbóta á
Vogaflugvelli, er brýnast að lengja
flugbrautina, sem kostar á að gizka
1.870 milljónir ísl. króna og að
koma upp aðflugsgeislabúnaði, sem
kostar um 470 milljónir ísl.kr.
Samkomulag
bíður um kostun
endurbóta
Þórshöfn. Morgunblaðið.
Lögsaga yfir Vogaflugvelli brátt í
hendur Færeyinga
Rás 1
Djass
öll laugardagskvöld