Morgunblaðið - 06.07.2001, Side 44

MINNINGAR
44 FÖSTUDAGUR 6. JÚLÍ 2001 MORGUNBLAÐIÐ
KIRKJUSTARF
✝ Guðrún Kjartans-dóttir fæddist í
Hafnarfirði hinn 1.
febrúar 1943. Hún
lést 3. júlí síðastlið-
inn. Foreldrar henn-
ar voru Kjartan Guð-
mundsson vélsmiður
f. 20.10. 1911, d. 17.1.
1992 og Hugborg
Guðjónsdóttir mat-
ráðskona f. 1.7. 1914,
d. 12.12. 1990. Guð-
rún átti einn bróður,
Ómar Önfjörð f. 27.7.
1946 og býr hann í
Hátúni 10b í Reykja-
vík. Guðrún giftist Gústavi Sófus-
syni verslunarmanni árið 1964 og
áttu þau saman þrjá syni: 1) Kjart-
an, f. 29.12. 1962, maki Guðlaug, f.
14.3. 1962, börn þeirra eru Guð-
rún, f. 10.2. 1985, Ylfa Marín, f.
2.10. 1991, og Guðlaug Vala, f.
23.8. 1999. 2) Gústav, f. 27.10.
1964, maki Guðrún, f.12.6. 1969,
börn þeirra eru Kar-
en, f. 11.8. 1993, og
María, f. 11.8. 1996.
3) Sófus, f. 9.8. 1970,
maki Sólrún Adda, f.
8.2. 1968, dóttir
þeirra er Sara Lov-
ísa, f. 27.9. 1995.
Guðrún lauk námi
frá Flensborgarskól-
anum í Hafnarfirði
árið 1959 og hóf þá
störf hjá vátrygging-
arskrifstofu Sigfús-
ar Sighvatssonar í
Lækjargötu í
Reykjavík. Árið 1969
hófu hjónin rekstur matvöruversl-
unarinnar Arnarkjörs í Garðabæ,
árið 1985 lauk hún námi í snyrti-
fræði og hóf rekstur Snyrtihallar-
innar við Garðatorg í Garðabæ
ásamt innflutningi á snyrtivörum.
Útför Guðrúnar fer fram frá
Fríkirkjunni í Hafnarfirði í dag og
hefst athöfnin klukkan 15.
Okkur langar til að minnast móð-
ur, tengdamóður og ömmu sem lést
eftir langvinn veikindi á Grensás-
deild 3. júlí sl. Mamma ætlaði sér
ekki að gefast upp fyrir sínum sjúk-
dómi og í mörg ár átti hún við mikil
og erfið veikindi að etja. En síðustu 6
mánuðir voru henni erfiðastir. Rétt
fyrir andlát mömmu orðaði pabbi svo
fallega við hana að nú skyldi hún
hvíla sig og fara að sofa og það var
eins og við manninn mælt hún slak-
aði á og sofnaði svefninum langa,
sem var virkilega hennar hvíld og
friður. Nú er hún komin á undur-
fagran stað þar sem veikindi og
þjáning eru ekki til. Mamma var ein-
staklega hlý, góð og glæsileg í alla
staði. Það var ósjaldan sem hún gaf
góð ráð og vildi öllum vel. Meðan við
bræður gengum í skóla var hún alltaf
til staðar þegar við komum heim og
hugsaði vel um okkur. Foreldrar
hennar komu oft í heimsókn, þau
voru mjög náin og eigum við margar
góðar minningar frá þeim tímum.
Henni þótti gaman að ferðast jafnt
innanlands sem utan og lét hún þá
ekki veikindi sín aftra sér frá því að
fara hvort sem það var upp í sveit
eða erlendis. Pabbi hugsaði einstak-
lega vel um hana og meira en hægt
var að ætlast til, hún talaði um það
sjálf hvað hún var heppin að eiga
svona góðan mann. Þau hjónin ráku
saman matvöruverslunina Arnar-
kjör í Garðabæ.
Hún útskrifaðist sem snyrtifræð-
ingur og stofnaði sína eigin snyrti-
vöruverslun, Snyrtihöllina í Garða-
bæ, árið 1985, tveimur árum síðar
veiktist hún og varð að hætta rekstri,
hún hætti þó ekki alveg því að hún
var atorkusöm þrátt fyrir veikindin
og fór út í innflutning á snyrtivörum
og var í því í nokkur ár. Elsku pabbi,
þú hefur staðið þig eins og hetja,
stutt mömmu í gegnum öll hennar
veikindi, það var aðdáunarvert og við
erum öll þakklát fyrir það sem þú
gerðir fyrir hana, megi guð blessa
þig og veita okkur öllum styrk. Kær-
ar þakkir viljum við senda þeim sem
heimsóttu hana og þeirra sem önn-
uðust hana á Grensásdeild Landspít-
alans. Blessuð sé minning hennar.
Sófus, Sólrún og Sara Lovísa.
Hinsta stundin var fögur þrátt
fyrir tregann, eftirsjána og söknuð-
inn. Mér fannst strax þegar við feng-
um að sjá þig aftur að andlit þitt lýsti
létti og fegurð innri friðar.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Elsku besta tengdamamma, ótal
minningar æða hring eftir hring í
huga mínum. Minningar sem í huga
mínum ná langt aftur eða allt til þess
tíma þegar við fyrst hittumst. Ég var
bara nítján ára. Þú varst ung og
glæsileg bústýra í Arnarkjöri og þú
varst mamma hans Kjartans. Í kjöl-
farið fylgdu öll þau skipti sem ég
heimsótti þig í Snyrtihöllina og við
spjölluðum saman eða þú sýndir mér
stolt nýjar vörur sem þú hafðir verið
að fá fyrir verslunina eða snyrtistof-
una. Ég tala ekki um allar prufurnar
sem þú gafst mér og leiðbeiningarn-
ar. Minningar mínar og kærleikur í
þinn garð eru þó fyrst og fremst
tengdar þakklæti. Þakklæti fyrir það
hversu vel þú tókst á móti mér, sem
ég vissi alltaf að þú myndir gera,
þegar leiðir okkar Kjartans lágu
saman á ný. En ekki síst þakklæti
fyrir það hversu yndisleg þú varst
við Ylfu Marínu. Þú gerðir hana
strax að ömmu- og afabarni ykkar
Gústa og komst fram við hana í alla
staði sem væri hún þitt eigið barna-
barn. Fyrir það mun ég að eilífu vera
þér óendanlega þakklát. Þessa síð-
ustu mánuði hef ég tengst þér enn
sterkari og persónulegri böndum en
áður ef eitthvað er. Mér hlýnar um
hjartarætur þegar ég sé fyrir mér
hvernig birti yfir þér þegar ég kom
til þín, hvort sem ég var ein eða með
stelpurnar. Ég verð klökk þegar ég
hugsa til þess hvernig þú reyndir
alltaf í vanmætti þínum að laga peys-
una mína eða hvað sem ég var í, setja
lásinn á hálsmeninu mínu á réttan
stað eða hárið á bak við eyrun þegar
ég kom á of miklu spani. Ég sakna
þess að finna mjúkan vanga þinn og
hlýlegt klapp þitt þegar við sátum
bara og vorum bara.
Ég minnist þess með hlýju hvern-
ig stolt þitt og sjálfsvirðing, sem
þrátt fyrir fötlun þína vegna veikind-
anna skein í gegn. Hversu gott þér
fannst að láta dekra við þig, viðbrögð
þín við hinum ýmsu fréttum og
ánægju þína þegar voraði og við fór-
um út í sólina. Ég veit að þessar
stundir skiluðu sér því að þú sagðir
mér það á þinn hátt. Þessar stundir
ásamt hinum þegar þú varst ekki
orðin svona mikið lasin mun ég varð-
veita í hjarta mínu og seinna þegar
Guðlaug Vala stækkar deilum við
þeim líka með henni því eins og ég
sagði þér svo oft er svolítil Gunna í
henni. Elsku Gunna mín, ég er þess
fullviss að nú þegar þú ert laus úr
viðjum líkamans og fegurð skapar-
ans umlykur þig líður þér vel. Með
þá vissu í hjarta bið ég algóðan Guð
um að styrkja Gústa, sem stóð eins
og klettur við hlið þér öll þessi ár,
fjölskylduna alla, ættingja og vini í
missi sínum og söknuði.
Þín tengdadóttir,
Guðlaug.
Hún Gunna okkar var glæsileg
kona og veraldarvön að sjá. Hún
fylgdist með tísku auk þess sem hún
hafði auga fyrir fallegu gulli og
skarti. Enda rak hún snyrtivöru-
verslun um árabil og á þeim velli var
hún fagmaður fram í fingurgóma.
Heimili þeirra Gunnu og Gústa bar
smekkvísi hennar enn fremur glöggt
vitni og það var alltaf gott að koma
þangað í heimsókn. Við tókum jafnan
eftir því hvað allt var í röð og reglu
og ekki brást að höfðinglegar veit-
ingar voru bornar fyrir gesti er bar
að garði þeirra hjóna. Ekki má
gleyma blómlegum garðinum með
nuddpottinum. Það má því segja að
ákveðinn heldri blær hafi fylgt henni
Gunnu, alltaf svo elskuleg og indæl.
Sérstaklega eru okkur minnisstæðar
samverustundirnar á Álfaskeiðinu
þar sem fjölskyldurnar komu saman
á jólum og við önnur hátíðleg tæki-
færi. Þá var glaðst á góðri stund,
spilað og fleira skemmtilegt gert.
Þessar minningar og svo ótalmargar
fleiri ylja okkur um ókomna tíð. Við
kveðjum þig að sinni, elsku Gunna
okkar, og vottum Gústa, Kjartani,
Gústa yngri, Sófusi og fjölskyldum
okkar dýpstu samúð. Megi algóður
Guð styrkja ykkur á erfiðum tímum.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Ómar bróðir, Sigrún
og Hugborg.
GUÐRÚN
KJARTANSDÓTTIR
Í TILEFNI goslokanna 3. júlí 1973
verður göngumessa á Heimaey
sunnudaginn 8. júlí. Göngumessan
hefst í Landakirkju kl. 10.30 með
forspili, signingu og einum sálmi.
Þaðan verður gengið upp í gíg Eld-
fellsins, að krossinum, en rútuferð
verður frá Landakirkju fyrir þá sem
vilja taka þátt í messunni en treysta
sér ekki til að ganga. Í gígnum held-
ur guðsþjónustan áfram með prédik-
un, bæn og söng undir forystu Kórs
Landakirkju og stjórnanda, sem er
Michelle Gaskell. Úr gígnum verður
gengið ofan að Skansinum. Guðs-
þjónustunni lýkur með blessun og
eftirspili í Stafkirkjunni um tólfleyt-
ið. Á leiðinni bætum við steinum í
„vörðu minninganna“. Eftir þessa
göngumessu gæðum við okkur á
bollasúpu í garðinum við Stafkirkj-
una. Fólk getur komið inn í guðs-
þjónustuna á öllum stöðum og tekið
þátt í þeim hluta hennar sem hentar.
Göngumessa er í eðli sínu guðs-
þjónusta á ferð og getur verið merki-
leg upplifun að finna á þennan hátt
fyrir hreyfingunni í söfnuði Guðs í
Vestmannaeyjum. Eyjamenn er sér-
staklega hvattir til að koma og minn-
ast gleðinnar, en ekki síst til að
þakka Drottni með þessum hætti
fyrir goslokin ’73. Allir ferðamenn og
gestir Eyjanna eru einnig hjartan-
lega velkomnir því jarðeldarnir á
Heimaey snertu alla landsmenn á
einn eða annan hátt á sínum tíma.
Eru allir hvattir til að klæða sig eftir
veðri og vera vel búnir til fótanna.
Sr. Kristján Björnsson.
Safnaðarstarf
Langholtskirkja. Kirkjan er opin til
hljóðrar bænagjörðar í hádeginu.
Fella- og Hólakirkja. Samræmd
heildarmynd, sýning á glerlistaverk-
um og skrúða kirkjunnar opin kl. 10–
16.
Hafnarfjarðarkirkja. Opið hús í
Strandbergi laugardagsmorgna. Trú
og mannlíf, biblíulestur og kyrrðar-
stund.
Boðunarkirkjan, Hlíðarsmára 9.
Samkomur alla laugardaga kl. 11–
12.30. Lofgjörð, barnasaga, prédik-
un og biblíufræðsla þar sem ákveðið
efni er tekið fyrir, spurt og svarað.
Barna- og unglingadeildir á laugar-
dögum. Létt hressing eftir samkom-
una. Allir velkomnir.
Kefas, Dalvegi 24. Samkoma í kvöld
kl. 20. Ræðumaður Björg R. Páls-
dóttir.
Frelsið, kristileg miðstöð. Föstu-
dagskvöld kl. 21 Styrkur unga fólks-
ins. Dans, drama, rapp, prédikun og
mikið fjör.
Sjöundadags aðventistar á Íslandi:
Aðventkirkjan, Ingólfsstræti: Bibl-
íufræðsla kl. 10.Guðsþjónusta kl. 11.
Ræðumaður Styrmir Ólafsson.
Safnaðarheimili aðventista, Blika-
braut 2, Keflavík: Sameiginleg sam-
koma í Hafnarfirði.
Safnaðarheimili aðventista, Gagn-
heiði 40, Selfossi: Biblíufræðsla kl.
10. Guðsþjónusta kl. 11. Ræðumaður
Eric Guðmundsson.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Guðsþjónusta kl. 11. Ræðumaður
Maxwell Ditta. Loftsalurinn, Hóls-
hrauni 3, Hafnarfirði: Guðsþjónusta
kl. 11. Biblíufræðsla kl. 12. Ræðu-
maður Garth Anthony.
Landakirkja í Vestmannaeyjum.
Göngumessa
á goslokahátíð
NÝVERIÐ lauk Gunnar Ásberg
Helgason, í Lambhaga við Hellu,
stúdentsprófi frá Fjölbrautaskóla
Suðurlands á Selfossi. Prófið væri
ekki í frásögur færandi ef ekki
kæmi til ótrúleg þrautseigja og
lífsvilji Gunnars Ásbergs sem
greindist með krabbamein í heila
þegar hann var 14 ára gamall.
Eftir heilaskurðaðgerð, sem
bjargaði lífi unga mannsins, kom í
ljós að Gunnar Ásberg varð sjón-
laus, hreyfihamlaður og með
skerta heyrn af völdum sjúkdóms-
ins. Hann lét það ekki á sig fá held-
ur ákvað að halda áfram að
mennta sig fyrir lífið.
Barböru Cassani, forstjóra lág-
fargjaldaflugfélagsins Go, barst til
eyrna hetjuleg framganga Gunn-
ars Ásbergs á menntabrautinni.
Hún ákvað að Go myndi verðlauna
nýstúdentinn með flugferð fyrir
tvo til London en þangað hefur
hann aldrei komið. Árdís Sigurð-
ardóttir, ráðgjafi hjá KOM ehf.,
sem annast kynningarmál fyrir Go,
afhenti nýstúdentinum farmiðana
til London á heimili hans í Lamb-
haga.
Árdís Sigurðardóttir afhendir Gunnari Ásberg farmiðana.
Go verðlaunar stúdent
fyrir þrautseigju
FULLTRÚAR Landspítala – há-
skólasjúkrahúss og Íslandssíma
hafa skrifað undir samning þess efn-
is að Landspítalinn flytur talsíma-
og farsímaþjónustu sína til Íslands-
síma.
„Íslandssími átti lægsta tilboð í
þessa tvo þætti fjarskiptaþjónustu
fyrir Landspítalann. Ríkiskaup
efndu til útboðs um fjarskiptaþjón-
ustu Landspítalans og fór það fram í
mars og apríl.
Eftirtaldir aðilar buðu í tal- og
farsímaþjónustuna:
Talsímaþjónusta:
Íslandssími hf. kr. 29.616.907,
Fjarskiptafélagið Títan hf. kr.
31.721.674,
Lína.Net kr. 43.950.235,
Landssími Íslands hf. kr.
48.947.707.
Farsímaþjónusta:
Íslandssími hf. kr. 7.336.500,
Tal hf. kr. 9.626.000,
Landssími Íslands hf. kr.
10.769.520.
Skrifað var undir samning sl.
fimmtudag en hann er til sjö ára.
Með samningnum nær Landspítal-
inn fram verulegum sparnaði í fjar-
skiptamálum. Í útboðsgögnum er
gert ráð fyrir að fjöldi símtala í tal-
símaþjónustu fari upp í 30 þúsund á
dag eða allt að 4.000 á klst. Þá er
gert ráð fyrir að fjöldi símtala í far-
símaþjónustu fari upp í 700 á dag.
Hafist verður handa við tengingar á
sjúkrahúsunum innan tíðar en línu-
fjöldi í talsímaþjónustu verður 270
og fjöldi farsíma 250.
Þjónusta Íslandssíma nær til allra
sjúkrahúsa og stofnana Landspítala
– háskólasjúkrahúss, þ.m.t. Land-
spítalann við Hringbraut, Borgar-
spítala í Fossvogi, Landakot, Vífils-
staði, Klepp og fleiri stofnana,“
segir í fréttatilkynningu frá Ríkis-
kaupum.
Landspítali – háskólasjúkrahús
flytur símaþjónustu til Íslandssíma
Verulegur sparnað-
ur næst fram með
útboði símaþjónustu