Morgunblaðið - 06.07.2001, Blaðsíða 27

LISTIR/KVIKMYNDIR
MORGUNBLAÐIÐ FÖSTUDAGUR 6. JÚLÍ 2001 27
BAISE Moi segir sögu tveggja
kvenna, sem orðið hafa utanveltu í
þjóðfélaginu.
Þær heita Manu (Raffaela Ander-
son) og Nadine (Karen Bach). Ann-
arri hefur verið nauðgað en þær hitt-
ast fyrir tilviljun og halda í blóðugt
ferðalag um Frakkland, sem ein-
kennist af morðum og kynlífi með
ófyrirséðum afleiðingum.
Í tilkynningu frá Regnboganum,
sem frumsýnir myndina í dag, segir
að Baise Moi sé ein umdeildasta
mynd sem gerð hefur verið. Sýning-
ar á henni óklipptri hafa verið
stranglega bannaðar víða í heimin-
um sökum þess ofbeldis og kynlífs
sem í henni má finna. Í Bandaríkj-
unum fékk hún X-stimpil frá kvik-
myndaeftirlitinu og í Bretlandi var
hún bönnuð innan 18 ára og hafði þá
þriggja sekúndna bútur verið fjar-
lægður úr myndinni.
Segir að í Frakklandi hafi sýning-
ar á Baise Moi verið stöðvaðar þegar
í ljós kom að myndin var „aðeins“
bönnuð börnum innan 15 ára. Sýn-
ingar voru aftur leyfðar þegar hún
hafði verið bönnuð innan átján ára.
Hér á landi er myndin stranglega
bönnuð innan sextán ára.
Myndinni er leikstýrt af Virginie
Despentes og Coralie Trinh Thi og
byggist hún á endurminningum
Virginie Despentes sjálfrar. Sagt er
að hún hafi lifað í heimi eiturlyfja og í
kjölfarið á eiturlyfjanotkun leiðst út í
glæpi og vændi og noti þá reynslu
sem hún gekk í gegnum þegar hún
fór út í gerð myndarinnar.
Hún var sett í fangelsi en eftir að
hún losnaði aftur út ákvað hún að
koma sögu sinni á framfæri. Hún
settist niður og skrifaði dagbók eða
minningar sínar frá þessum tíma,
sem síðan varð undirstaðan að hand-
riti hennar og Coarlie Thrinh Thi.
Sagt er að myndin hafi hvarvetna
vakið athygli og sett af stað umræð-
ur um ritskoðun og um þjóðfélags-
aðstæður almennt og sérstaklega
þeirra sem hafa orðið undir í þjóð-
félaginu á einn eða annan hátt.
Leikarar: Raffaela Anderson, Karen
Bach. Leikstjórar: Virginie Despentes
og Coralie Trinh Thi.
Saga tveggja kvenna
Atriði úr frönsku myndinni
Baise Moi eftir Virginie Despent-
es og Coralie Trinh Thi.
Regnboginn frumsýnir frönsku myndina
Baise Moi með Raffaela Anderson og
Karen Bach en hún er byggð á minn-
ingum Virginie Despentes.
Wincer en þetta er þriðja Dundee-
myndin.
Myndirnar um Krókódíla-Dundee
hafa notið gríðarlegra vinsælda og
höfundur þeirra, Hogan, hélt því allt-
af fram að hann myndi gera þriðju
myndina. Með tímanum fór hann að
sakna persónunnar. „Ég velti því fyr-
ir mér hvað hann væri að bralla
núna,“ er haft eftir Hogan.
„Undanfarin þrjú ár eða svo hef ég
sagt á hverjum degi að ef hugmyndin
væri nógu góð væri ég til í að gera
þriðju myndina,“ heldur hann áfram.
„Ég hef búið í Los Angeles í nokkurn
tíma og hef komist að því að hún er
undarleg, skrítin borg og allt í einu
gerðum við okkur grein fyrir að hún
væri borgin sem Dundee ætti að upp-
lifa. Hann er mjög jarðbundinn svo
andstæðurnar gætu orðið skemmti-
legar.“
Hann fékk leikstjórann Simon
Wincer í lið með sér en áður unnu
þeir saman að myndinni Lightning
Jack árið 1994. „Þetta er ný tilfinning
fyrir mig,“ segir Wincer, sem m.a.
gerði þann frábæra sjónvarpsvestra
Lonesome Dove, „vegna þess að ég
kom ekkert nálægt gerði fyrri mynd-
anna en hafði mikla ánægju af þeim.
Paul Hogan er vinur minn en líka
framleiðandinn, stjarnan og hand-
ritshöfundurinn. Samstarfið á milli
okkar var eins og best verður á kos-
ið“.
Wincer hikaði þó þegar honum
bauðst leikstjórnin. „Hinar myndirn-
ar tvær voru svo ofboðslega vinsælar
og ég vissi að það yrði erfitt að fylgja
þeim eftir en allt hefur þetta gengið
eins og í sögu.“
Leikarar: Paul Hogan, Linda Kozlowski,
Serge Cockburn, Jere Burns, Jonathan
Banks og Paul Rodriguez. Leikstjóri:
Simon Wincer (Free Willy, The Phantom,
Operation Dumbo Drop, Harley Davidson
and the Marlboro Man, Lonesome Dove,
Crossfire Trail).
MICK Dundee (Paul Hogan) er
sannur ævintýramaður. Hann er
fantur góður krókódílaveiðimaður
sem býr í óbyggðum Ástralíu og
hann hefur meira að segja lifað af
veru í New York. En nýjasta ævin-
týrið gæti reynst honum um megn.
Hann er nefnilega kominn til Los
Angeles.
Konan hans, Sue (Linda Kozl-
owski), ákveður að taka við starfi rit-
stjóra á dagblaði föður síns í Los
Angeles en gamli ritstjórinn lést við
nokkuð dularfullar kringumstæður.
Það hefur lítið verið að gera í krókó-
dílunum hjá Dundee svo hann ákveð-
ur að skella sér með. Með í för er
einnig níu ára sonur hjóna, Mikey
(Serge Cockburn).
Og áður en langt um líður er Dund-
ee kominn í hin undarlegstu mál.
Þannig er söguþráðurinn í banda-
rísku gamanmyndinni Krókódíla-
Dundee í Los Angeles sem frumsýnd
er í dag í fimm kvikmyndahúsum.
Með aðalhlutverkin fara Paul Hogan,
Linda Kozlowski, Serge Cockburn,
Jere Burns, Jonathan Banks og Paul
Rodriguez. Leikstjóri er Simon
Dundee fer til Los Angeles
Bíóhöllin, Bíóborgin, Kringlubíó, Nýja
bíó Keflavík og Nýja bíó Akureyri frum-
sýna gamanmyndina Krókódíla-Dundee
með Paul Hogan.
Hogan og Kozlowski í þriðju
myndinni um Krókódíla-
Dundee, sem frumsýnd er í dag.
FRUMSÝNINGAR
BAISE MOI Regnboginn.
EVOLUTION
Stjörnubíó, Laugarásbíó, Bíóhöllin.
CROCODILE DUNDEE IN LOS ANGELES
Bíóborgin Bíóhöllin Kringlubíó.
Lara Croft: Tomb Raider
Bandarísk. 2001. Leikstjóri: Simon West.
Handrit: Martin Hudsucker. Aðalleikendur:
Angelina Jolie, Jon Voight, Iain Glen, Noah
Taylor. Bústinn barmur og bardagaatriði eru
í aðalhlutverki í þessari mynd sem gerð er
eftir samnefndum tölvuleik. Ófrumlegur vit-
leysisgangur, en Angelina Jolie er samt al-
vöru töffari. Bíóhöllin, Háskólabíó, Laugarásbíó.
Memento
Bandarísk. 2001. Leikstjórn og handrit:
Christopher Nolan. Aðalleikendur: Guy
Pierce, Carrie-Anne Moss, Joe Pantoliano.
Sérlega áhugaverð, um mann með ekkert
skammtímaminni. Frábærlega útsmogin og
úthugsuð, spennandi og fyndin. Bíóborgin.
Rien Sur Robert
Frönsk. 1999. Leikstjóri og handrit: Pascal
Bonitzer. Aðalleikendur: Fabrice Luchini,
Sandrine Kiberlain, Valentina Cervi, Michel
Piccoli. Undarlegir vegir ástarinnar reynast
án enda í dálítið sjarmerandi, vel leikinni og
óvenjulegri tilfinningamynd.
Háskólabíó.
Spy Kids
Bandarísk. 2001. Leikstjóri og handrit: Ro-
berto Rodriguez. Aðalleikendur; Antonio
Banderas, Carla Gugino, Alan Cumming.
Ævintýraleg, spennandi og skemmtileg
mynd fyrir alla fjölskylduna.
Laugarásbíó, Regnboginn.
Tilsammans
Sænsk. 2001. Leikstjóri og handrit: Lukas
Moodyson. Aðalleikendur: Lisa Lindgren,
Michael Nyqvist, Gustaf Hammarslen.
Raunsæ og áhrifarík lýsing og jafnframt
ádeila á Svíþjóð hippatímans. Mjög góður
leikur, ekki síst hjá börnunum sem eru ekki
síst mikilvæg frásögninni.

Háskólabíó.
The Mummy Returns
Bandarísk. 2001. Leikstjórn og handrit:
Stephen Sommers. Aðalleikendur: Brendan
Fraser, Rachel Weisz, John Hannah. Múm-
ían snýr aftur með miklum látum. Ósvikin
fjölskylduskemmtun með mögnuðum brell-
um.
Bíóhöllin.
Nýi stíllinn keisarans – The
Emperor’s New Groove
Bandarísk. 2001. Leikstjóri: Mark Dindal.
Handrit: Thomas Schumacher. Það kveður
við nýjan tón í nýjustu Disney--myndinni,
sem fjallar um spilltan keisara sem breytist
í lamadýr og lærir sína lexíu. Bráðfyndin
mynd fyrir börn og fullorðna.
Bíóhöllin.
One Night at McCall’s
Bandarísk. 2001. Leikstjóri: Harald Zwart.
Handrit: Moon Shark. Aðalleikendur: Liv Tyl-
er, Matt Dillon, Michael Douglas. Skrautleg-
asta gamanmynd um flónin sem flækjast
inní ráðabrugg hinnar kynþokkafullu Liv Tyl-
er. Michael Douglas er eftirtektarverður.

Laugarásbíó Stjörnubíó.
Some Voices
Bresk. 2000. Leikstjóri Simon Cellan Jones.
Handrit: Joe Penhall. Aðalleikendur: Daniel
Craig, Kelly McDonald. Að ýmsu leyti at-
hyglisverð og vel leikin mynd um vanda
geðsjúkra og þeirra nánustu en gengur ekki
upp.
Háskólabíó.
Along Came a Spider
Bandarísk. 2001. Leikstjóri Lee Tamahori.
Handrit: Marc Moss. Aðalleikendur: Morgan
Freeman, Monica Potter, Michael Wincott.
Snyrtilega gerð glæpamynd um mannrán og
mistök. Vel leikin af Freeman en ótrúverðug,
með ógnarlega möskvastærð. Háskólabíó.
See Spot Run
Bandarísk. 2001. Leikstjóri: John Whitesell.
Handrit: William Kid. Aðalleikendur: David
Arquette, Michael Clarke Duncan. Meinlaus
barnamynd um hressan bolabít og heimska
tvífætlinga, ástir og uppeldismál. Dágóð til
síns brúks. Kringlubíó.
About Adam
Írsk-bandarísk. 2001. Leikstjóri og handrit:
Gerard Stanbridge. Aðalleikendur: Stuart
Townsend, Kate Huson. Gamanmynd sem
er einskonar kynlífsfarsi. Regnboginn.
Head Over Heels
Bandarísk. 2001. Leikstjóri: Mark Waters.
Handrit: John Deere. Aðalleikendur Freddie
Prinze Jr., Monica Potter. Meinlausir tilburðir
til að stæla Gluggann á bakhliðinni. Enginn
Hitchcock í sjónmáli. Bíóhöllin.
Pearl Harbor
Bandarísk 2001. Leikstjóri Michael Bay.
Handrit William Wallace. Aðalleikarar Josh
Hartnett, Ben Affleck, Kate Beckinsdale. Af-
skaplega langdregin og leiðinleg mynd
sem, þegar öllu er á botninn hvolft, fjallar
ekki um neitt. Bíóhöllin, Bíóborgin, Kringlubíó.
Say It Isn’t So
Bandarísk. 2001. Leikstjóri: J.B. Rodgers.
Handrit: Peter Gaulke. Aðalleikendur Chris
Klein, Heather Graham, Sally Field. Aula
gamanmynd í anda Farrelly-bræðra en nær
ekki markmiði sínu. Regnboginn.
Watcher
Bandarísk. 2001. Leikstjóri: Joe Sharbanic.
Handrit: David Elliot og Clay Ayers. Aðalleik-
endur: James Spader, Keanu Reeves, Ernie
Hudson, Marisa Tomei. Spennulaus mynd
um fjöldamorðingja sem hyggst klekkja á
lögreglumanni. Bragðlaust, allt saman. Háskólabíó.
Dr. Dolittle 2
Bandarísk. 2001. Leikstjóri og handrit
Steve Carr. Aðalleikendur Eddie Murphy.
Jeffrey Jones, Kevin Pollak, Kristen Wilson.
Agalega slök mynd um dýralækninn vin-
sæla. Sagan er of einföld og óáhugaverð og
húmorinn lélegur og ósmekklegur. Eddie
Murphy má fara að hugsa sinn gang.

Laugarásbíó, Kringlubíó, Regnboginn.
Pokémon 3
Bandarísk 2001. Leikstjóri Michael Haign-
ey. Handrit Haigney og Norman Grossfeld.
Þriðja Pokémon-myndin er einsog þær fyrri;
realísk stuttmynd kemur á undan háskaæv-
intýrinu þar sem Pokémonar berjast og Ash
bjargar málunum. Óaðlaðandi og óspenn-
andi að öllu leyti.

Bíóborgin.
Valentine
Bandarísk. 2001. Leikstjóri: James Blanks.
Handrit: Tom Savage. Aðalleikendur: Denise
Richards, David Boreans. Hryllilega
óspennandi hryllingsmynd með réttdræpum
persónum. ½
Bíóhöllin.
Bíóin í borginni
Sæbjörn Valdimarsson/Arnaldur Indriðason/Hildur Loftsdóttir
STÓR loftsteinn skellur á jörðinni
en á honum er ókunnugt efni sem
ruglar þróunarsögu jarðarinnar og
upp spretta alls kyns furðuskepnur,
er vísindamenn kunna lítil ráð við.
Þannig er söguþráðurinn í
bandarísku ævintýra- og gaman-
myndinni Evolution eða Þróun,
sem frumsýnd er í fimm kvik-
myndahúsum í dag. Með aðal-
hlutverkin fara David Duchovny,
Orando Jones, Seann William Scott
og Julianne Moore. Leikstjóri er
Ivan Reitman.
„Ég hef alltaf haft mikinn áhuga
á vísindaskáldskap,“ segir Reitman,
„eða allt frá því að ég horfði á
klassíska vísindatrylla eins og It
Came from Outer Space og War of
the Worlds og Invaders from Mars
í sjónvarpinu síðdegis á laugardög-
um. Mig hefur lengi dreymt um að
gera vísindamynd úr nútímanum en
á þann hátt sem fellur best að því
sem ég geri sem gamanmyndahöf-
undur.“
Úr varð Evolution. Þegar Reit-
man fékk handritið fyrst í hendur
var það ekki gamanmynd heldur
dramatísk spennumynd. Reitman
sá hins vegar í því tækifæri til þess
að spauga með geimverur og vís-
indaskáldskap og fékk höfundinn,
Don Jakoby, ásamt tveimur öðrum
til þess að endursemja handritið
með gamanmynd í huga.
„Það er gamansemin sem er
hjartað og sálin í myndinni,“ segir
Reitman. „En það er jafnnauðsyn-
legt í svona mynd að hafa tækni-
brellurnar sem fullkomnastar og
vísindaskáldskapinn í lagi.“
Hann fékk David Duchovny úr
sjónvarpsþáttunum Ráðgátum til
þess að fara með eitt aðalhlutverk-
anna, Ira. Félagi hans í myndinni
er leikinn af Orlando Jones og heit-
ir hann Harry. Um persónur þess-
ar segir Jones: „Harry og Ira vinna
við sama háskóla og eru greinilega
að bíða eftir einhverju betra að
gera. Þeir líta svo á að loftsteininn
sé meiriháttar vísindalegur við-
burður og tækifæri fyrir þá til þess
að komast til áhrifa; ég meina þeir
eru að uppgötva geimverur á jörð-
inni. Svo komast þeir auðvitað að
því að það er kannski svolítið of
spennandi fyrir þá.“
Julianne Moore fer með aðal-
kvenhlutverkið en Reitman segir
hana „einu bestu kvikmyndaleik-
konu heimsins“. Og bætir við: „Það
sem er svo gott við Julianne er að
hún er gersamlega óttalaus. Hún er
óhrædd við að takast á við hvaða
hlutverk sem er.“ Moore segist
hafa haft mikla ánægju af að leika í
myndinni. „Þetta er svolítið sem ég
hef ekki gert áður,“ segir hún en
síðasta mynd hennar var fjölda-
morðingjatryllirinn Hannibal. „En
ég vissi að ég gæti treyst á Ivan
Reitman, sem kann sitt fag.“
Leikarar: David Duchovny, Orando
Jones, Seann William Scott og Jul-
ianne Moore. Leikstjóri: Ivan Reitman
(Ghostbusters, Meatballs, Stripes,
Twins, Kindergarten Cop, Junior,
Dave).
Ný þróunarsaga
Stjörnubíó, Laugarásbíó, Sambíóin
Álfabakka, Borgarbíó Akureyri og Nýja
bíó Keflavík frumsýna bandarísku æv-
intýramyndina Evolution.
Moore, Jones og Duchovny í gamanmyndinni Evolution,
sem frumsýnd er í dag.