Morgunblaðið - 08.11.2001, Blaðsíða 4

FRÉTTIR
4 FIMMTUDAGUR 8. NÓVEMBER 2001 MORGUNBLAÐIÐ
UNGUR piltur, sem lá með tvo brotna hryggj-
arliði úti við vegkant eftir bílslys við Vatnsenda
ofan Reykjavíkur, horfði á fjölda bíla aka hjá án
þess að honum væri veitt hjálparhönd. Þetta
gerðist jafnvel þótt hann hefði gert tilraun til að
flauta á nokkra þeirra bíla sem óku hjá auk þess
sem neyðarljós bílsins sem hann hafði ekið voru
virk.
Það var á föstudagsmorgun að Ívar Heim-
isson, sem er 18 ára, var að aka í Víðidalnum
þegar hann lenti útaf veginum. „Ég var að mæta
bíl sem var á miðjum veginum en hann færði sig
ekki og ég fór því út í hægri vegkantinn. Þegar
ég var að fara inn á aftur missti ég stjórn á bíln-
um og skaust út af veginum hinum megin. Þá
lenti ég á röri sem liggur undir reiðveg þarna
hjá og bíllinn stökk yfir allan veginn og stangaði
jörðina en valt ekki.“
Ívar segir bílinn hafa endað um þrjá metra frá
aðalveginum og þar hafi hann setið í dágóða
stund. „Ég flautaði á nokkra bíla og blikkaði þá á
fullu auk þess sem ég var með neyðarljósin á.
Svona fjórir til fimm bílar keyrðu framhjá en þá
gat ég ekki lengur setið inni í bílnum vegna
verkja og varð að leggjast. Ég fór því út úr bíln-
um og þar lá ég í grasinu og horfði á nokkra bíla
fara fram hjá.“
Ívar áætlar að samtals hafi um 12–14 bílar ek-
ið fram hjá honum. Loks, eftir 25–30 mínútur,
tók hann það til ráðs að skríða aftur inn í bílinn.
„Þá gat ég þetta ekki lengur. Mér leið mjög illa,
það var skítakuldi og ég var allur í blóði og að
drepast úr verkjum. Ég var orðinn blár á vör-
unum og fingurnir gegnumfrosnir þannig að ég
þurfti að skríða aftur inn í bíl og ná í símann og
þannig náði ég að hringja í pabba. Ég þurfti
reyndar fyrst að setja símann saman því hann
fór allur í klessu, batteríið var afturí, framhliðin
frammí og síminn undir sæti.“
Ívar er þess fullviss að bíllinn hans hafi ekki
getað farið framhjá þeim sem óku hjá slys-
staðnum. „Það er enginn hæðarmunur á þessum
stað. Ég var bara þremur metrum frá veginum
og bíllinn sneri á móti umferð með húddið.“
Í byltunni brotnuðu tveir hryggjarliðir og sá
þriðji brákaðist auk þess sem Ívar nefbrotnaði.
Hann hefur hins vegar verið fljótur að hressast
og á sunnudeginum fékk hann að fara heim af
spítalanum en þarf að vera í spelku sem styður
við hrygginn þegar hann gengur. Hann segir
læknana þó vilja meina að brotin hafi versnað
við það að hann hafi þurft að hreyfa sig eins mik-
ið á slysstað og raun bar vitni. Aftur á móti er
hann þess fullviss að bílbeltin hafi bjargað því að
ekki fór verr og þakkaði sérstaklega fyrir það í
messu síðastliðinn sunnudag.
Vegfarendur sinntu ekki ungum pilti sem slasaðist við útafakstur á föstudag
Sá fjölda bíla aka hjá
Morgunblaðið/Kristinn
Ívar þakkar bílbeltunum að ekki fór verr.
GUÐNI Ingólfur Guðnason lést í
umferðarslysi í Svíþjóð á laugardag.
Guðni Ingólfur var fæddur 31. jan-
úar 1951. Hann var ókvæntur og
barnlaus.
Í sænska dagblaðinu Dagens
Nyheter er greint frá slysinu. Þar
kemur fram að bíll hans bilaði á þjóð-
vegi 73 á milli Stokkhólms og Nynås-
hamn um klukkan 17 á laugardag.
Guðni Ingólfur hugðist vekja athygli
annarra vegfaranda á sér þegar bif-
reið var ekið á hann.
Vegur 73 er sagður hættulegasti
vegkafli í Svíþjóð. Á laugardag voru
aðeins liðnir fjórir dagar frá því mað-
ur lést eftir að ekið var á hann við
biðstöð strætisvagna við veginn.
Samkvæmt upplýsingum frá
sendiráði Íslands í Stokkhólmi hafði
Guðni Ingólfur verið búsettur þar í
landi í sjö ár. Hann bjó skammt fyrir
utan Stokkhólm.
Beið bana í
umferðar-
slysi í Svíþjóð
SAMKEPPNISSTOFNUN birti
Goða Gunnarssyni, framkvæmda-
stjóra Costgo, bréf í gær þar sem
óskað var eftir eintaki af pöntunar-
lista fyrirtækisins sem boðinn hefur
verið almenningi í símasölu síðustu
daga. Í bréfinu var þess krafist að
eintakið bærist stofnuninni fyrir
klukkan 16:00, að öðrum kosti yrði
dagsektarúrræðum samkeppnislaga
beitt.
Ósk þessi var ítrekuð með tveimur
símtölum til Goða og kvittaði hann
fyrir móttöku bréfsins. Þrátt fyrir
þessar ítrekanir barst pöntunarlist-
inn ekki fyrir lokun skrifstofu Sam-
keppnisstofnunar í gær og segir
Anna Birna Halldórsdóttir hjá stofn-
uninni að ákvörðun um dagsektir
verði tekin í dag. Upphæð dagsekta
er ekki stöðluð en tekin afstaða til
hvers einstaks máls.
Undir nánu eftirliti lögreglu
Lögreglan í Reykjavík hefur málið
til athugunar og segir Ómar Smári
Ármannsson aðstoðaryfirlögreglu-
þjónn að náið sé fylgst með fram-
gangi málsins. „Ef og þegar ástæða
verður til grípum við inn í atburða-
rásina,“ sagði Ómar Smári.
Engar kærur hafa enn borist til
lögreglunnar út af málinu en Ómar
Smári segir marga hafa hringt með
fyrirspurnir út af pöntunarlistanum.
Dagsekt-
um beitt
á Costgo
♦ ♦ ♦
VEGURINN milli Djúpavogs og
Hornafjarðar lokaðist í gærkvöld
þegar þrjú snjóflóð féllu í Hvalnes-
skriðum og Þvottárskriðum.
Að sögn lögreglunnar á Höfn
lentu engir bílar í flóðunum. Búist
var við að fleiri flóð gætu fallið í nótt
og var því ekki talið óhætt að ryðja
veginn í gærkvöld en stefnt var að
því að gera það í dag.
Snjóflóð í
Hvalnes- og
Þvottárskriðum
an í ábendingar siðanefndar um að
ákveðin álitaefni heyrðu ekki undir
hana. Sigurður Guðmundsson land-
læknir vék sæti í málinu og var Lúð-
vík Ólafsson, héraðslæknir í Reykja-
vík, settur landlæknir í kærumálinu í
kjölfarið.
Kæran er í mörgum liðum og telst
Högni hafa brotið 11. gr. læknalaga
um varfærni og nákvæmni við útgáfu
vottorða í nokkrum tilvikum. Meðal
annars með því að láta hjá líða að
geta tengsla sinna við ákærða í
hæstaréttarmálinu, en hann hafði
verið læknir hans frá því ákærða
voru kynnt sakarefni tveimur árum
og þremur mánuðum fyrr.
Högni er einnig talinn hafa brugð-
ist í því að sýna þá varkárni og ná-
kvæmni í útgáfu vottorðs sem af
honum er krafist og þannig brotið
11. gr. læknalaga með því að beita
niðurstöðum faraldursfræðilegra
rannsókna á tiltekinn einstakling af
ónákvæmni og á óvísindalegan máta
og með fullyrðingum sínum um að
ástand kæranda samrýmdist ekki
vísindalegri þekkingu og væri annað
en búast mætti við.
Þá segir að umfjöllun Högna um
SAMKVÆMT niðurstöðu setts
landlæknis, Lúðvíks Ólafssonar,
telst Högni Óskarsson geðlæknir
hafa brotið 11. gr. læknalaga í nokkr-
um atriðum með álitsgerð er hann
gaf að beiðni verjanda fyrir Hæsta-
rétti í dómsmáli er varðaði ásakanir
um meint kynferðisbrot föður gagn-
vart dóttur sinni.
Forsaga málsins er sú að Hæsti-
réttur sneri við dómi héraðsdóms og
sýknaði föðurinn haustið 1999, en
meðal málsgagna var skýrsla sem
Högni hafði unnið að beiðni verjanda
föðurins og var ætlað að fjalla um
skýrslu sérfræðinga sem skoðað
höfðu stúlkuna og gera sérfræðileg-
ar athugasemdir við meðferð meiri-
hluta héraðsdóms á skýrslum sér-
fræðinga þeirra sem til voru kvaddir
og vera gagn í hæstaréttarmálinu, að
því er fram kemur í greinargerð
setts landlæknis.
Í kjölfar hæstaréttardómsins var
Högni kærður til Læknafélags Ís-
lands vegna greinargerðar sinnar.
Siðanefnd félagsins taldi Högna ekki
hafa gerst brotlegan við siðareglur
lækna, en stjórn félagsins ákvað að
skjóta málinu til landlæknis með vís-
áfallastreitu sé ónákvæm og byggð á
röngum staðhæfingum um sálfræði-
skýrslu sérfræðings um kæranda og
sé til þess fallin að blekkja dómara
Hæstaréttar. Umræða hans um
áfallastreitu sé til þess fallin að
draga óverðskuldað úr trúverðug-
leika viðkomandi sem sérfræðings í
dómsmáli. Með rangri fullyrðingu
um hvað standi í skýrslu sérfræð-
ingsins brjóti Högni 11. gr. lækna-
laga þar sem segi að lækni beri að
sýna varkárni og nákvæmni við út-
gáfu vottorða og annarra læknayfir-
lýsinga. Hann teljist einnig hafa
brotið læknalög með fullyrðingum
um að viðkomandi sérfræðingar sem
að málinu komi hafi ekki þekkt til
rannsókna um geymd minninga og
með röngum staðhæfingum um að
kynferðislegt ofbeldi leiddi til trufl-
ana á þroskaferli.
Þá segir að enda þótt þekkingu
Högna á gægjuhneigð sé ábótavant
verði því ekki jafnað við alvarlegan
misbrest á að halda við þekkingu
sinni. Hins vegar sýni hann ekki þá
gát sem honum beri við útgáfu lækn-
isvottorðs og teljist því hafa brotið
gegn ákvæðum 11. gr.
Greinargerð setts landlæknis í kærumáli vegna dóms
Geðlæknir telst hafa
brotið 11. gr. læknalaga
HÖGNI Óskarsson geðlæknir segir
að úrskurður setts landlæknis sé
með eindæmum, bæði vegna form-
galla og efnislegrar meðferðar.
Högni sagði að vinnulag setts
landlæknis hafi verið með ólíkindum.
Til að mynda hafi andmælaréttur
hans ekki verið virtur, sem honum
beri samkvæmt lögum.
Þá hafi ákæruatriði ekki verið
skilgreind heldur hafi settur land-
læknir sagt í bréfi að því yrði ekki
endanlega svarað fyrr en að verklok-
um. Hann væri þannig settur í þá
stöðu að senda inn einhverja al-
menna greinargerð um málið. Öllu
verra væri hins vegar að þau efn-
islegu rök, sem væri að finna í grein-
argerð setts landlæknis, stæðust
mörg hver ekki að neinu leyti.
„Ég hef ekki haft tíma til þess að
svara greinargerð setts landlæknis
atriði fyrir atriði, sem ég náttúrlega
mun gera. Ég mun kanna réttar-
stöðu mína í þessu máli. Ég mun
einnig alveg örugglega gera kröfu
um að þessi úrskurður verði ógiltur
því að hann er einfaldlega á litlum
eða engum rökum reistur og oft
röngum og að sjálfsögðu mótmæli ég
mjög ákveðið þessum slælegu og
ófaglegu vinnubrögðum Lúðvíks
Ólafssonar,“ sagði Högni ennfremur.
Mun krefjast ógildingar
FLUGSTJÓRASTÖÐUR í innan-
landsflugi og uppsagnir hjá Flugleið-
um og Flugfélagi Íslands voru til
umræðu á félagsfundi Félags ís-
lenskra atvinnuflugmanna í gær-
kvöld. Að sögn Franz Ploders, for-
manns félagsins, er deilt um það
hvernig túlka beri samkomulag, sem
gert var árið 1999, um brottför Flug-
leiðamanna úr innanlandsflugi.
„Það eru hópar innan beggja flug-
félaganna sem eru kannski ekki al-
veg sáttir við sína stöðu og það eru
deildar meiningar um það hverjir
eiga að fljúga á Fokkerum innan-
lands í framtíðinni,“ segir Franz.
Hann segir að árið 1999 hafi verið
gert samkomulag um það hvernig
Flugleiðamenn skyldu fara úr innan-
landsfluginu.
„Þeir eru ekki ennþá farnir þar
sem ekki hefur gengið nógu vel að
færa þá yfir á þotur vegna þess að
verkefnin hafa ekki verið eins mikil
hjá Flugleiðum eins og til stóð fyrir
tveimur árum. Nú er samdráttur og
þá er spurningin í grófum dráttum
sú hvort flugmenn Flugfélags Ís-
lands eigi að taka þessar stöður þeg-
ar Flugleiðamenn fara eða aðrir
Flugleiðamenn,“ segir Franz og seg-
ir að starfsaldurslistar spili þarna
inn í.
Flugmenn
ræða upp-
sagnir