Morgunblaðið - 08.11.2001, Blaðsíða 62

62 FIMMTUDAGUR 8. NÓVEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SIGURÐUR B. Stefánsson skrifar
aftur í Morgunblaðið 6. nóv. um verð-
launabílinn Ford Focus og þurfa þau
skrift smá-leiðréttingar við.
Brimborg vill ítreka það að hemla-
búnaður Ford Focus er sá sami um
alla Evrópu, þ.e. ABS-hemlar með
EBD-hemlajöfnun og diskum að
framan og skálum að aftan. Eini mun-
urinn á þýska markaðnum er að þar
er hann með diskahemlum að aftan.
Eins og Brimborg sagði í fyrri grein
sinni eru þessar upplýsingar til reiðu
fyrir Sigurð úr tæknibókum Ford og
einnig er okkur ljúft að sýna honum
þetta, því við erum einmitt með Focus
frá þýsku verksmiðjunum í sýningar-
sal okkar og sá bíll er með skálaheml-
um að aftan. Brimborg reyndi að út-
skýra í fyrri grein að það er ávallt
munur á milli markaða hvað varðar
búnað bíla og fer það eftir sérstöðu
hvers markaðar fyrir sig. T.d. er
mjög algengt í Evrópu að ekki sé
geislaspilari og rafdrifnar speglar
staðalbúnaður en þetta er nánast
undantekningarlaust staðalbúnaður
hér á landi og þ.á m. í Ford Focus.
Sigurði verður einnig tíðrætt um
framleiðsluland bílsins og vill Brim-
borg ítreka að gæðin og kröfurnar
eru nákvæmlega þær sömu hvar sem
þeir eru framleiddir. Bílar í dag eru
orðnir alþjóðlegir og því til staðfest-
ingar má nefna verksmiðjur Toyota,
Honda og Nissan í Bretlandi,
Volkswagen í Portúgal, Suzuki á
Spáni, Volvo í Belgíu og Hollandi og
svo mætti lengi telja.
Ford Focus með fjórar
stjörnur í árekstrarprófi
Eins og ég nefndi í svargrein okkar
3. nóv. hefur Focus fengið mörg verð-
laun og má nefna frábæra útkomu úr
virtu árekstrarprófi en þar fékk hann
fjórar stjörnur. Nýleg rannsókn, gerð
af sænska tryggingafélaginu Folks-
am, staðfestir að almennt koma bílar
sem fengið hafa fjórar stjörnur úr
árekstrarprófi EURONCAP betur út
í árekstrum en bílar sem hafa fengið
færri stjörnur. Ford Focus veitir því
frábært öryggi í þessum stærðar-
flokki bíla en þrátt fyrir það býður
Brimborg uppá að viðskiptavinir geti
pantað bíla með fjórum öryggispúð-
um eins og kom fram í fyrri grein
minni. Aukakostnaður er kr. 20.000
fyrir þá sem það vilja.
Ford Focus er
á mjög góðu verði
Ford telur að VW Golf sé helsti
keppinautur Ford Focus og miðar
sína verðlagningu við það. Brimborg
benti á að Focus er á lægra verði en
Golf en auðvitað eru fleiri keppinaut-
ar á markaðnum og Sigurður nefnir
til sögunnar Toyota Corolla og segir
hann ódýrari. Það er rétt enda er
Focus verðlagður á milli Golf og Cor-
olla og munar kr. 44.000 á Focus og
Corolla ef bornir eru saman 5 dyra
bílar. En þar sem Sigurði er mjög
umhugað um öryggið má benda hon-
um á, með fullri virðingu fyrir þeim
bíl, að Corolla fékk 3 stjörnur í sama
árekstrarprófi þar sem Focus fékk 4
stjörnur. Og þar sem Sigurði er einn-
ig tíðrætt um fjölda öryggispúða þá
má einnig benda honum á að Corolla
hefur einnig 2 öryggispúða. Upplýs-
ingar um þetta árekstrarpróf má fá á
heimasíðu EuropNCAP sem er:
http://www.euroncap.com/re-
sults.htm
Við þökkum Sigurði fyrir hlý orð í
okkar garð varðandi þjónustu enda
leggur Brimborg gífurlegan metnað í
að veita fagmannlega þjónustu í hví-
vetna sem Sigurður getur og hefur
staðfest. Ég vil því ítreka boð okkar
um að skoða þessi mál yfir kaffibolla
og þá getum við sýnt Sigurði svart á
hvítu staðreyndir málsins og þar með
lagt þessi skrif á hilluna.
EGILL JÓHANNSSON,
framkvæmdastjóri.
Ford Focus er vel bú-
inn og á góðu verði
Frá Agli Jóhannssyni:
FYRIR réttum áratug ritaði ég
grein í Morgunblaðið vegna sparnað-
ar í ríkisbúskapnum og þ.á m. heil-
brigðiskerfinu, og varaði við því, að
sparnaðurinn bitnaði á launum
starfsfólks eða þeim sjúku yrði fórn-
að.
Hvernig er staðan í þessum mál-
um á því herrans ári 2001? Það eru
engir peningar til. Það þarf að skera
niður. Það er verkfall hjá sjúkralið-
um. Það er ekki hægt að hækka við
þá launin. Ég vænti að ég megi segja
að sæmilega sé gert við lækna,
hjúkrunarfræðinga og aðra sérfræð-
inga. En við rekum ekki spítala án
sjúkraliða og annars þjónustufólks.
Þetta fólk þarf líka að fá góð laun.
Umönnun sjúkra er oft erfið. Frétt-
irnar segja okkur það nær daglega.
Sjúkrastofnanir eru lamaðar.
Hvernig líður fólkinu sem er veikt
við þær aðstæður?
Aðgerðum er frestað. Hvað þýðir
það fyrir manneskju sem er veik?
Hvar erum við þessi ríka þjóð stödd?
Við ætlum að fara að virkja og
byggja álver fyrir milljarða. Við get-
um gefið nokkrum einstaklingum
milljarða verðmæti í kvóta. Við erum
senn að nálgast afgreiðslu fjárlaga
fyrir árið 2002 þar sem enn á að
spara fyrir hina sjúku.
Er bara hægt að skerða niður
gagnvart sjúkum, öryrkjum, öldruð-
um, (án teljandi lífeyrisréttinda) og
öðru láglaunafólki? (Það er alltaf
hægt að skera niður í vegamálum).
Er ekki hægt að segja um neinn
valdsmann í dag eins og sagt var um
Svein dúfu „Hjartað það var gott.“
Fyrir löngu sagði Jónas Hall-
grímsson í sínu hugljúfa kvæði, „að
beztu blómin gróa í brjóstum, sem að
geta fundið til“.
Er ekki lengur til neinn valdsmað-
ur á Íslandi með hjartalag – „sem að
geta fundið til“?
EGGERT HAUKDAL,
fv. alþingismaður.
Heilbrigðiskerfið
Frá Eggerti Haukdal: