Morgunblaðið - 08.11.2001, Page 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 8. NÓVEMBER 2001 VERÐ Í LAUSASÖLU 190 KR. MEÐ VSK.
Fær› flú
borga›
fyrir a›
spara?
LÖGREGLAN í Kópavogi færði níu
erlenda ríkisborgara til yfirheyrslu í
gær en grunur leikur á að þeir hafi
unnið hér á landi án atvinnu- eða
dvalarleyfis.
Hjá Útlendingaeftirlitinu fengust
þær upplýsingar að stofnunin hefði
óskað eftir því við lögregluna í Kópa-
vogi að hún kannaði stöðu mann-
anna. Að öðru leyti væri málið í
höndum lögreglu. Samkvæmt heim-
ildum Morgunblaðsins unnu þeir all-
ir við að reisa nýtt fjölbýlishús í Sala-
hverfi.
Lögreglan fór á byggingarsvæðið
um hádegisbil í gær og flutti menn-
ina til yfirheyrslu. Túlkur var feng-
inn til að aðstoða lögreglu en sam-
kvæmt heimildum Morgunblaðsins
eru flestir þeirra, ef ekki allir, frá
Eystrasaltslöndunum.
Reynist grunurinn réttur um að
mennirnir hafi hvorki verið með at-
vinnu- eða dvalarleyfi er líklegt að
þeir hafi komið til landsins sem
ferðamenn.
Grétar Sæmundsson, aðstoðaryf-
irlögregluþjónn í Kópavogi, vildi
ekki staðfesta hverrar þjóðar menn-
irnir eru í samtali við Morgunblaðið í
gær. Mennirnir væru þó allir frá
löndum utan EES-svæðisins. Verið
væri að kanna hvort atvinnu- og
dvalarleyfi þeirra hefðu verið í lagi.
Grétar sagði að slíkt tæki tíma en
hann bjóst við það myndi skýrast
fljótlega.
Yfirheyrslur yfir mönnunum
stóðu yfir fram á kvöld en ekki var
ljóst hvort þeim yrði sleppt að þeim
loknum. Jafnframt voru teknar
skýrslur af atvinnuveitanda mann-
anna og öðrum yfirmönnum þeirra.
Samkvæmt heimildum Morgun-
blaðsins er málið talið umfangsmikið
og að svipuð brot hafi jafnvel staðið
yfir í alllangan tíma.
Níu erlendir ríkis-
borgarar yfirheyrðir
Grunur leikur á að
þeir hafi unnið hér
án atvinnu- eða
dvalarleyfis
PÓSTMIÐSTÖÐ Íslandspósts við
Stórhöfða var rýmd og henni lokað
um hádegisbilið í gær vegna tor-
kennilegs dufts sem fannst í ábyrgð-
arpóstsendingu sem barst frá Íran.
Mikil röskun verður á póstdreifingu
vegna þessa atviks en póstmiðstöðin
verður ekki opnuð fyrr en í fyrsta lagi
um hádegi í dag að ráði sóttvarna-
læknis.
Að sögn Einars Þorsteinssonar,
forstjóra Íslandspósts, hefur þetta í
för með sér að engin dreifing verður
á pósti í dag. ,,Við verðum svo bara að
bíða eftir niðurstöðum rannsóknar.
Vegna þessa er alveg ljóst að starfs-
menn póstmiðstöðvarinnar á Stór-
höfða 32 og allir bréfberar landsins
þurfa í rauninni ekki að mæta í vinnu
í fyrramálið, því það er ekkert að
gera fyrir þá,“ sagði hann í samtali
við Morgunblaðið síðdegis í gær.
13 starfsmenn póststöðvarinnar
voru sendir í læknisrannsókn og í
lyfjameðferð gegn hugsanlegu smiti í
gær. Póstsendingin er nú til rann-
sóknar á rannsóknarstofu Landspít-
ala – háskólasjúkrahúss í veirufræði.
Lögreglu barst í gær tilkynning
um að torkennilegt duft hefði fundist
í bögglapósti til íbúa í fjölbýlishúsi í
Reykjavík. Var maðurinn sendur í
læknisrannsókn og duftið tekið til
rannsóknar.
Í gærkvöldi voru hjón í Hafnarfirði
sett á fyrirbyggjandi lyfjameðferð
gegn miltisbrandi en maðurinn gerði
lögreglu aðvart um að hann hefði
opnað erlenda póstsendingu og feng-
ið yfir sig hvítt duft. Hjónin búa í
stórri íbúðarblokk og hefur íbúð
þeirra verið innsigluð.
Fyrirtæki hafa stóraukið öryggis-
ráðstafanir vegna póstsendinga í
kjölfar miltisbrandstilfellanna í
Bandaríkjunum og færst hefur í vöxt
að þau láti starfsmenn sína opna er-
lendan póst með hönskum. Ákveðið
var hjá Íslandsbanka í gær að allur
erlendur póstur fyrirtækisins myndi
framvegis verða flokkaður frá öðrum
pósti og opnaður í sérstöku húsi á lóð
bankans við Kirkjusand.
Búnaðarbankinn ætlar einnig að
endurskoða öryggisreglur sem
starfsmenn hans hafa unnið eftir.
Starfsmenn sem meðhöndla erlendan
póst hjá Íslandsbanka eru með
gúmmíhanska og grímur fyrir önd-
unarfærum þegar þeir opna póstinn.
Starfsmenn Eimskips, sem m.a.
taka á móti pósti til erlendra sendi-
ráða á Íslandi, hafa óskað eftir að
pósturinn komi í sérstökum grindum
svo að þeir þurfi ekki að handfjatla
hann.
Ekkert bendir til að duft sem féll
úr umslagi í Landsbanka Íslands við
Austurstræti sl. þriðjudag hafi inni-
haldið miltisbrand, skv. frumniður-
stöðum úr rannsókn á efninu.
Póstmiðstöð Íslandspósts lokað vegna dufts í ábyrgðarsendingu frá Íran
Öll dreifing á
pósti fellur
niður í dag
Morgunblaðið/Júlíus
Meinatæknarnir Hjördís Gunnarsdóttir og Sigfús Karlsson, á áhættu-
rannsóknarstofu sýkla- og veirufræðideildar Landspítala – háskóla-
sjúkrahúss, búa sig undir rannsókn á duftinu, sem barst í ábyrgðarsend-
ingu á póstmiðstöð Íslandspósts í gær.

Starfsmenn með/38
REFIR og minkar og fleiri dýr Hús-
dýragarðsins í Laugardal hafa sett
upp vetrarfeldinn enda farið að
kólna og frostið að herða. Með vetr-
arkomunni þarf líka að gefa dýr-
unum reglulega enda allt að því
jarðbönn og lítið að hafa utan dyra.
Skepnurnar kippa sér hæfilega
mikið upp við mannaferðir en á vet-
urna eru það einkum grunn-
skólabörn sem sækja ýmsa fræðslu
í Húsdýragarðinn en hann er opinn
alla daga milli kl. 10 og 17. Um
fjögur þúsund manns heimsækja
Húsdýragarðinn í mánuði hverjum
að vetrinum en tífalt fleiri yfir sum-
armánuðina.
Morgunblaðið/RAX
Loðfeldur-
inn tilbúinn

Vetrarsvipur/6
FYRSTU vísbendingar úr hljóð-
endurvarpsmælingum norska olíu-
leitarfyrirtækisins InSeis á suður-
hluta Jan Mayen-hryggjarins í
íslensku lögsögunni staðfesta að
þar er að finna setlög þar sem olía
gæti hafa myndast. Dag O. Lar-
sen, leiðangursstjóri í mælingun-
um í sumar, segir að vissulega sé
möguleiki á því að þarna sé olíu að
finna.
„Aðstæður þarna eru ekki ósvip-
aðar og undan Mið-Noregi þar
sem er að finna miklar olíulindir.
Ef jarðlögin reynast einnig vera
svipuð eru góðar líkur á því að
þarna sé olía. Þetta vitum við ekki
enn og fyrr eða síðar þurfa menn
að bora til þess að fá úr því skorið
og ég tel að íslensk stjórnvöld eigi
að fara að huga að þeim mögu-
leika. Ef þróunin verður eins og
við teljum og vonum kunna að líða
tvö til þrjú ár þangað til menn fara
að leita hófanna um að fá að bora
þarna eftir olíu.“
Frekari rannsóknir
í sumar
Anders Farestveit, stjórnarfor-
maður InSeis, staðfesti í samtali
við Morgunblaðið að félagið ætli
að framkvæma frekari rannsóknir
næsta sumar. InSeis stundar ekki
olíuvinnslu heldur aðeins olíuleit
og aflar sér tekna með því að selja
olíufélögunum rannsóknarniður-
stöður.
Anders segir að félagið muni lík-
lega ræða við sex til sjö stærstu
olíufélögin. Dag O. Larsen segir að
næsta skref sé að greina betur þau
gögn sem safnað var og eiga nið-
urstöður þeirrar greiningar að
liggja fyrir einhvern tíma upp úr
áramótum.
Dag segir að til þess að fá end-
anlega úr því skorið þurfi að koma
til boranir og oft þurfi að bora víða
áður en olía finnst. „Það er byrjað
að bora eftir olíu við Færeyjar,
þar voru boraðar þrjár holur í
sumar en engin olía fannst. Ég er
hins vegar viss um að þarna eigi
eftir að finnast olía þótt ekki hafi
heppnast að finna hana í sumar.
Ég minni til dæmis á að menn hafa
leitað að olíu í Barentshafi i mörg
ár en það var ekki fyrr en á þessu
ári að það fannst almennilegt
magn af olíu.“
Fyrstu olíuleitarmælingar á Jan Mayen-hryggnum
Jákvæðar vísbendingar

Binda vonir/39
HALLDÓR Ásgrímsson utanríkis-
ráðherra lýsti því yfir á Alþingi í gær
að samkeppnisstaða Íslands kynni
að versna við upptöku evrumyntar
víða í Evrópu um næstu áramót.
Sagði hann að tilkoma evrunnar sem
eiginlegs gjaldmiðils markaði vatna-
skil í þróun Evrópusambandsins og
afleiðingin yrði sú, að samkeppnis-
staða íslenskra fyrirtækja kynni að
verða lakari en fyrirtækja innan
Efnahags- og myntbandalags Evr-
ópu.
Halldór lét þessi orð falla í svari
við fyrirspurn Rannveigar Guð-
mundsdóttur, þingmanns Samfylk-
ingarinnar. Halldór sagði kosti evr-
unnar fyrir evrópska neytendur vera
augljósa. Vextir myndu væntanlega
lækka og samanburður á verðlagi
milli landa yrði auðveldari. Hins veg-
ar yrði ekki auðveldara að tryggja
stöðugt gengi íslensku krónunnar og
einnig væri vaxtamunur milli Íslands
og viðskiptalandanna erfiður, en
áhrif hárra vaxta á samkeppnisstöðu
íslenskra fyrirtækja hefðu mjög ver-
ið í deiglunni. Taldi hann að stöðugt
þyrfti að meta kosti þess og galla að
standa utan myntbandalagsins.
Halldór Ásgrímsson utanríkisráðherra
Staða fyrirtækja getur
versnað vegna evru

Samkeppnisstaða/10