Morgunblaðið - 08.11.2001, Qupperneq 6

Nokkra seli og einn kóp má sjá í
Húsdýragarðinum í Laugardal.
Morgunblaðið/RAX
GUTTORMUR og öll hin dýrin í
Fjölskyldu- og húsdýragarðinum í
Laugardal í Reykjavík eiga náð-
uga daga og eru orðin loðnari en
á sumrin enda komin í vetrarfeldi
sína. Dýrin eru þó hvergi nærri
dauð úr öllum æðum enda stend-
ur fengitíminn yfir hjá þeim sum-
um og þótt minna sé um manna-
ferðir á vetri en sumri koma þó
kringum fjögur þúsund manns í
garðinn á hverjum vetrarmánuði.
Yfir sumarið er aðsóknin hins
vegar tífalt meiri.
Í garðinum er að finna 21 dýra-
tegund. Auk húsdýranna má þar
sjá fjórar villtar dýrategundir,
þ.e. ref, mink, sel og hreindýr, og
af smádýrum má nefna ýmsa
fugla, naggrísi og kanínur. Í
svínastíunni mátti sjá flekkótta
grísi sem stafar af því að móðirin
er dökk yfirlitum en faðirinn ljós
og á þessi blanda að verða öfl-
ugri en sú einlita.
Aðalverkefni fræðsludeildar að
vetrinum er að taka á móti skóla-
hópum. Ellefu ára grunn-
skólanemar heimsækja garðinn
og taka til hendinni við ýmis bú-
störf og fá þannig nasasjón af
sveitalífi. Hóparnir kynna hver
fyrir öðrum það sem þeir hafa
reynt og með því fá allir nem-
endur innsýn í alla þætti bústarf-
anna. Þá koma átta ára nem-
endur einnig í heimsókn og fá
fræðslu við sitt hæfi. Einnig er
nokkuð um að háskólanemar
heimsæki dýrin í rannsóknaskyni
og lá til dæmis hópur líf-
fræðinema dögum saman yfir
mykjuflugum í kringum Guttorm
til að skoða atferli þeirra.
Barnalest og
jólasveinar
Nýtt tæki er komið í garðinn
sem ekki sést á sveitabæjum en
það er rafknúin lest sem gengur
um garðinn um helgar. Býðst
börnum að sitja með lestinni
fimm mínútna hring um garðinn
og segja starfsmenn ungu kyn-
slóðinni þykja þetta hið mesta ný-
mæli og spennandi.
Í desember fær garðurinn síð-
an á sig jólasvip og þar búa jóla-
sveinarnir þegar þeir koma í bæ-
inn. Verður unnt að sjá þá sýsla
við ýmis verk á þessu heimili
þeirra.
Vetrarsvipur
kominn á Hús-
dýragarðinn
Þorbjörg Kristjánsdóttir, deildarstjóri fræðsludeildar, vildi
koma einhverju að hjá hinum volduga Guttormi.
Tómas Óskar Guðjónsson, forstöðumaður Húsdýragarðs-
ins, er í góðu sambandi við geiturnar.
Nýja lestin brunar um garðinn um helgar fyrir börnin, und-
ir stjórn Gunnars Borg eða annarra starfsmanna garðsins.
Dýrin í húsdýragarð-
inum í Reykjavík hafa
nú sett upp vetrarfeld-
inn. Þar má sjá grunn-
skólanema í fræðslu-
ferðum virka daga,
stundum háskólaborg-
ara og ýmsa aðra góð-
borgara á öllum aldri.
FRÉTTIR
6 FIMMTUDAGUR 8. NÓVEMBER 2001 MORGUNBLAÐIÐ
EKKI eru enn efni til að boða tón-
listarkennara og viðsemjendur
þeirra til sáttafundar, að mati Þóris
Einarssonar ríkissáttasemjara.
Þórir kvaðst í gær hafa verið í
sambandi við deiluaðila og sagði
hann ekki efni til að boða samninga-
fund. Kvaðst hann aftur verða í sam-
bandi við deilendur í dag og kanna
hvort eitthvað hefði breyst sem gæfi
tilefni til að boða fund á ný.
Þurfi tónlistarskólar að endur-
greiða nemendum sínum hluta skóla-
gjalda vegna verkfalls tónlistarkenn-
ara mun það fara illa með þá
fjárhagslega og þeir jafnvel verða
gjaldþrota, segir Sigrún Björnsdótt-
ir, skólastjóri Nýja tónlistarskólans í
Reykjavík, í samtali við Morgun-
blaðið. Með skólagjöldum er rekstr-
arkostnaður skólanna greiddur en
laun kennara greiðast yfirleitt af
sveitarfélögunum.
Ekki óskað eftir
endurgreiðslu
Sigrún Björnsdóttir segist ekki
hafa fengið óskir frá foreldrum um
endurgreiðslu en segir að verði skól-
arnir knúnir til slíkrar endurgreiðslu
sjái hún ekki annað fyrir sér en
gjaldþrot þeirra. Skólagjöldin segir
hún standa undir rekstrarkostnaði
húsnæðis, hljóðfærakaupum og við-
haldi þeirra, skrifstofukostnaði, efn-
iskaupum og fleiru. Sigrún segir að
þrátt fyrir að ekki sé kennt þurfi
skólar eftir sem áður að standa við
fjárskuldbindingar sínar
Vikuleg vinnuskylda tónlistar-
kennara í fullu starfi er alls 45,75
klukkustundir og vikuleg vinnu-
skylda grunnskólakennara er 42,86
klukkustundir. Af þessari vinnu-
skyldu tónlistarkennara er hámarks-
kennsluskyldan 19,5 klukkutímar en
hjá grunnskólakennurum er há-
markskennsluskyldan 18,67 tímar.
Inní þennan tímafjölda eru reikn-
uð vinnuhlé og kaffihlé en auk
kennsluskyldu felast í vinnutíma
tónlistarkennara verkefni á borð við
æfingatíma, viðtalstíma, námsmat,
skýrslugerð, kennarafundi, foreldra-
samstarf og fleira sem alls eru 18,52
tímar. Áðurnefnd vinnuhlé eru 3,25
tímar og kaffihlé 2,92 tímar. Þá er
gert ráð fyrir 1,56 tímum í tónleika
og samtals þýðir þetta 45,75 tíma á
viku.
Árleg vinnuskylda tónlistarkenn-
ara er 1.647 klukkustundir, þ.e. 45,75
stundir í 36 vikur og við það bætast
við 153 tímar til undirbúnings
kennslu og gerir þetta samanlagt
1.800 tíma vinnuskyldu á ári.
Sé hámarkskennsluskylda tónlist-
arkennara margfölduð með 36 vikum
er kennsluskylda þeirra alls 702
tímar yfir veturinn en hjá grunn-
skólakennurum er hún 672 stundir.
Hámarkskennsluskylda grunn-
skólakennara er sem fyrr segir 18,67
tímar á viku eða 28 kennslustundir
sem hver um sig er 40 mínútur. Eftir
55 ára aldur getur kennsluskyldan
lækkað í 24 kennslustundir eða 16
tíma og við 60 ára aldur í 19 kennslu-
tíma eða 12,67 klst. Önnur vinnu-
skylda grunnskólakennara er störf
sem skólastjóri felur honum og
reiknast 9,33 stundir á viku og síðan
önnur fagleg störf í skólanum sem
reiknast 9,14 klukkustundir á viku.
Séu frímínútur og kaffitímar reiknuð
með er vikuleg vinnuskylda alls
42,86 klst.
Tónleikum víða aflýst
Verkfallsstjórn Félags tónlistar-
skólakennara og Félags íslenskra
hljómlistarmanna hefur borist fjöldi
tilkynninga um að ákveðið hafi verið
að fresta eða aflýsa tónleikum vegna
verkfalls félagsins í kjölfar tilmæla
verkfallsstjórnarinnar um að tónlist-
arskólakennarar taki ekki þátt í tón-
listarflutningi meðan á því stendur.
Kynningarnefnd Félags tónlistar-
skólakennara og Félags ísl. hljóm-
listarmanna stendur í dag fyrir upp-
lýsingafundi fyrir nemendur og
foreldra barna í tónlistarskólum.
Verður hann í sal FÍH í Rauðagerði í
Reykjavík milli kl. 17.30 og 18.30.
Enginn fundur með
tónlistarkennurum
Í MINNISBLAÐI ríkisendurskoð-
anda kemur fram að „líklegra megi
telja en hitt“ að geyma skuli farþega-
lista flugvéla bæði Flugmálastjórnar
og Landhelgisgæslu, skv. lögum um
Þjóðskjalasafn, nema stjórn Þjóð-
skjalasafnsins hafi heimilað Flug-
málastjórn að farga þeim. Ríkisend-
urskoðun vísar þarna til laga um
Þjóðskjalasafn en Heimir Már Pét-
ursson, upplýsingafulltrúi Flugmála-
stjórnar Íslands, vísar á hinn bóginn
til loftferðalaga og segir að í þeim sé
ekkert sem kveði á um að halda skuli
farþegalistum til haga lengur en sem
flugi nemur.
Upphaf þessa máls má rekja til
Gísla S. Einarssonar, alþingismanns-
,en hann hefur óskað eftir því að
gefnu tilefni að Ríkisendurskoðun
kanni notkun flugvélar Flugmála-
stjórnar í maí sl. Segist Gísli hafa
fengið ábendingar um „ónauðsynlega
notkun vélarinnar á vegum ráðu-
neyta“ á því tímabili. Hefur hann efnt
til umræðu utan dagskrár um þetta
málefni á Alþingi í dag þar sem sam-
gönguráðherra, Sturla Böðvarsson,
verður til andsvara.
Ekki heimild Þjóðskjalasafns
Í minnisblaði ríkisendurskoðanda,
dagsettu 6. nóvember 2001, segir
m.a.: „Þó svo að flugrekstraraðilum
sé ekki skylt skv. loftferðalögum að
geyma farþegalista getur verið að
flugrekstraraðilum í eigu ríkisins
verði eftir sem áður talið skylt að
geyma þessa lista og þá með vísan til
laga nr. 66/1985 um Þjóðskjalasafn.“
Síðan segir í minnisblaðinu að ljóst sé
skv. 5. gr. laganna að Stjórnarráðið
og þær stofnanir sem undir það
heyra skuli afhenda Þjóðskjalasafn-
inu skjöl sín til varðveislu. „Ljóst er
því að skilaskylda skv. lögunum nær
til Flugmálstjórnar. Ef ofangreint
lagaboð er túlkað rúmt, eins og mér
býður í grun að gera beri, verður að
telja líklegra en hitt að geyma skuli
farþegalista flugvéla bæði Flugmála-
stjórnar og Landhelgisgæslu, nema
að stjórn Þjóðskjalasafnsins hafi
heimilað Flugmálastjórn að farga
þeim eða slíkt sé heimilt skv. sérstök-
um reglum, sem settar hafa verið um
ónýtingu skjala, sbr. nánar 7. gr. lag-
anna. Mér er á hinn bóginn ókunnugt
um hvort slík heimild hafi verið veitt
eða reglur settar um förgun,“ segir í
minnisblaði ríkisendurskoðanda.
Varðandi síðastnefnda atriðið hef-
ur Bjarni Þórðarson, fyrir hönd Þjóð-
skjalasafns Íslands, sent Gísla S.
Einarssyni erindi, þar sem því er
svarað til að stjórnarnefnd Þjóð-
skjalasafns hafi ekki veitt heimild til
„grisjunar á skjölum Flugmála-
stjórnar“, eins og það er orðað. Í er-
indinu segir: „Flugmálastjórn hefur
ekki skilað skjalasafni sínu til Þjóð-
skjalasafnsins en skjöl sem orðin eru
eldri en 30 ára eru skilaskyld. Stjórn-
arnefnd Þjóðskjalasafnsins hefur
ekki veitt heimild til grisjunar á
skjölum Flugmálastjórnar.“
Gísli spyr Þjóðskjalasafnið einnig
að því hvort hjá safninu liggi fyrir af-
rit af farþegalistum flugrekenda á Ís-
landi og er svar Bjarna Þórðarsonar
fyrir hönd safnsins eftirfarandi:
„Nei. Gögn flugrekenda á Íslandi ut-
an Flugmálastjórnar og Landhelgis-
gæslu eru ekki skilaskyld til Þjóð-
skjalasafns.“
Nýjar reglur væntanlegar
Þegar haft var samband við Heimi
Má Pétursson, upplýsingafulltrúa
Flugmálastjórnar, vegna þessa máls
ítrekaði hann að í loftferðalögum
væri ekkert sem kvæði á um það að
halda ætti farþegalistum til haga
lengur en sem flugi næmi.
Heimir Már benti þó á að í þessum
mánuði yrði reglugerð samgöngu-
ráðuneytisins frá árinu 1976 um
mannflutninga með loftferðum
breytt á þá leið að þar yrði í fyrsta
skipti að sögn Heimis kveðið á um að
geyma skyldi farþegalista og þá í
þrjú ár. „Þessar reglur munu varða
atvinnuflug en við munum samt sem
áður miða við þær í rekstri flugvélar
Flugmálastjórnar,“ sagði hann.
Áhöld um hvort geyma
skuli farþegalista