Morgunblaðið - 15.12.2001, Síða 74

FRÉTTIR
74 LAUGARDAGUR 15. DESEMBER 2001 MORGUNBLAÐIÐ
KAFFITÁR hefur verið opnað í
versluninni Galleríi Sautján á
Laugavegi 91. Nýjustu uppskerur
af gæðakaffi (specialty coffee) frá
Mið- og Suður-Ameríku, Afríku
og Indónesíu er hægt að fá þar
malað eða ómalað. Mokkakönnur,
pressukönnur og gjafakörfur og
textíllína Kaffitárs 2002 eru dæmi
um vörur sem eru í boði á kaffi-
húsinu.
Kaffitár í Galleríi Sautján býð-
ur uppá sama kaffidrykkja- og
matseðil og Kaffitár í Bankastræti
og í Kringlunni. Boðið er upp á
tertur frá Konditori Copenhagen
og eldhúsi Kaffitárs í Njarðvík. Í
hádeginu í Galleríi Sautján er
boðið uppá heita grænmetisrétti.
Afgreiðslutími er frá kl. 11 til
18 alla virka daga og einnig á
laugardögum.
Í desember verður opið eins og
hjá verslunum í miðbænum.
Kaffitár er kaffibrennsla í
Njarðvík sem stofnuð var 1990 og
sérhæfir sig eingöngu í fram-
leiðslu á gæðakaffi, segir í frétt
frá Kaffitári.
Ása Petterson verslunarstjóri og Sonja Grant, framkvæmdastjóri kaffibúða Kaffitárs.
Kaffitár í Gall-
eríi Sautján
ÍSLANDSPÓSTUR vill minna
landsmenn á að síðasti skiladagur til
þess að póstleggja jólapakkana inn-
anlands er mánudagurinn 17. desem-
ber svo að þeir komi til viðtakanda
fyrir jól. Móttökustaðir eru öll póst-
hús á landinu og einnig er Íslands-
póstur með nýja móttökustaði í
Kringlunni og í Smáralind í desem-
ber þar sem hægt er að póstleggja
jólapakkana, þar er opið samkvæmt
verslunartíma.
Pósthús á höfuðborgarsvæðinu og
á Akureyri eru opin lengur í desem-
ber; 15.–16. desember kl. 13–18; vik-
una 17.–21. desember kl. 9–18; laug-
ardaginn 22. og sunnudaginn 23.
desember verður opið kl. 10–18; á að-
fangadag er opið kl. 9–12. Pósthúsið á
Akranesi, í Borgarnesi, á Egilsstöð-
um, Húsavík, Höfn, Ísafirði, í Kefla-
vík, á Sauðárkróki, Selfossi og í Vest-
mannaeyjum er opið vikuna 17.–21.
desember kl. 9–18 og helgina 22.–23.
desember kl. 13–16.
Aðrir afgreiðslustaðir verða með
óbreyttan afgreiðslutíma í desember.
Á aðfangadag eru öll pósthús á
landinu opin frá kl. 9–12, segir í frétt
frá Íslandspósti.
Skiladagur á
jólapökkum
innanlands
OPIÐ verður í Kringlunni alla daga
til kl. 22 fram að Þorláksmessu.
Yfir 150 verslanir og þjónustuað-
ilar bjóða fram þjónustu sína í
Kringlunni. Bílastæðum hefur verið
fjölgað fyrir jólin og geta viðskipta-
vinir Kringlunnar lagt á viðbótar-
stæði í nágrenni Kringlunnar.
Jólasveinn dagsins verður í
Kringlunni alla daga fram að jólum
kl. 17 á sviðinu á 1. hæð. Piparköku-
húsasýningin er í Kringlunni fram til
17. desember, segir í frétt frá
Kringlunni.
Opið til 22 í
Kringlunni til jóla
TÓNLISTARSKÓLI Ísafjarðar
stendur fyrir jólaskemmtun í staðinn
fyrir hina hefðbundnu jólatónleika
nemenda. Nemendur og kennarar
flytja tónlist auk hins hefðbunda
jólafagnaðar. Jólaball verður í
Hömrum kl. 16. „Litlu jól“ tónlistar-
skólans á Suðureyri verða í Bjarn-
arborg á morgun kl. 16. Þá verður
aðventustund í Flateyrarkirkju kl.
16. Á miðvikudag verður jóla-
skemmtun í grunnskóla Súðavíkur
kl. 16 og kl. 20 verða ,,Litlu jól“ í
útibúi Tónlistarskólans á Þingeyri.
Jólahátíð Tónlist-
arskóla Ísafjarðar
Röng mynd
Þau leiðu mistök urðu í Morgun-
blaðinu í gær, að með grein Jóhanns
Helgasonar, jarðfræðings, sem bar
fyrirsögnina „Brautarteinar frá
Sveifluhálsi til Straumsvíkur“ á bls.
54, birtist röng mynd, af alnafna
hans, sem er nýlátinn. Höfundur
greinarinnar er beðinn velvirðingar,
svo og aðstandendur hins látna. Hér
er birt myndin, sem átti að fylgja
greininni.
LEIÐRÉTT
Jóhann Helgason
HIÐ árlega jólaball Félags áhuga-
fólks um Downs-heilkenni verður
haldið sunnudaginn 16. desember kl.
17–19 í húsi iðnaðarins við Hallveig-
arstíg. Jólastuðsveitin „Snillingarn-
ir“ heldur uppi fjöri. Að sjálfsögðu
koma jólasveinarnir á staðinn með
góðgæti í pokahorninu.
Allir eru velkomnir og aðgangur
ókeypis, segir í fréttatilkynningu.
Jólaball í húsi
iðnaðarins
ÁLFTAGERÐISBRÆÐUR syngja
á jólatónleikum á Eiðistorgi á Sel-
tjarnarnesi í dag, laugardaginn 15.
desember, kl. 14, og kynna jafnframt
nýja hljómdiskinn „Álftirnar kvaka“.
Tónleikarnir hefjast á söng Kórs
Seltjarnarneskirkju og síðan leikur
Lúðrasveit tónlistarskólans nokkur
lög.
Álftagerðisbræður
syngja á Eiðistorgi
ÞINGMENN Vinstrihreyfing-
arinnar – græns framboðs, þau
Jón Bjarnason, Árni Steinar
Jóhannsson, Kolbrún Halldórs-
dóttir og Steingrímur J. Sigfús-
son, verða á ferð um Skagafjörð
og Siglufjörð mánudaginn 17.
og þriðjudaginn 18. desember.
Þau munu heimsækja vinnu-
staði og sveitarstjórnir og efna
til opins stjórnmálafundar á
mánudagskvöldið.
Fundurinn verður á Strönd-
inni, Sauðárkróki, kl. 20.30. Þar
verður rætt um stjórnmál líð-
andi stundar og um stefnu og
áherslur Vinstri grænna í sveit-
arstjórnarmálum. Arna Björg
Bjarnadóttir, sagnfræðinemi
við Háskóla Íslands, flytur
ávarp sem ber yfirskriftina:
Skagafjörður, framtíðarsýn
heimamanns.
Allir eru velkomnir, segir í
fréttatilkynningu.
Þingmenn
VG funda á
Norðurlandi