Morgunblaðið - 15.12.2001, Blaðsíða 42
LISTIR
42 LAUGARDAGUR 15. DESEMBER 2001 MORGUNBLAÐIÐ
O
D
D
IH
F
H
63
81 Nóatúni 4 • 105 Reykjavík
Sími 520 3000
www.sminor.is
Ljós í miklu
úrvali fyrir
heimilið.
KARLAKÓR Reykjavíkur heldur
þrenna jólatónleika í Hallgríms-
kirkju undir nafninu Betlehems-
stjarnan. Tvennir tónleikar verða í
dag, kl. 17 og kl. 21.30, og einir á
morgun, kl. 20. Á efnisskránni verða
hefðbundin jólalög en auk þess
verða frumflutt tvö ný verk sem
unnu til viðurkenninga í nýafstað-
inni tónverkasamkeppni í tilefni af
75 ára afmæli kórsins.
„Þetta eru verkin sem hlutu önnur
verðlaun en þau eru eftir John
Speight og Hildigunni Rúnars-
dóttur. Verk Stefáns Arasonar, sem
bar sigur úr býtum, ætlum við síðan
að frumflytja í vor,“ segir Guð-
mundur Sigþórsson, formaður
Karlakórs Reykjavíkur.
„Verk Johns heitir Hodie. Það er
samið við latneskan texta og er í
senn nútímalegt, fallegt og skemmti-
legt. Stutt og hressilegt. Verkið eftir
Hildigunni kallast Heyr þú guðs son.
Það er nútímalegt í bland við gaml-
an fimmundararf sem við erum mik-
ið með í tónlist okkar. Það er samið
við gamlan texta eftir séra Einar í
Eydölum. Það er yfir því nokkuð
forn blær. Mjög skemmtilegt stykki.
Þetta eru lög sem eiga örugglega
eftir að fylgja okkur áfram.“
Guðmundur segir kórinn afar
ánægðan með það efni sem fram
kom í keppninni. „Það gæti allt eins
farið svo að við héldum sérstaka tón-
leika á næsta ári með þessum lögum
því þarna er heilmikið efni sem við
viljum endilega koma í umferð – láta
heyrast. Þessi hugmynd er þó enn á
umræðustigi,“ segir Guðmundur og
bætir við að sérstaklega ánægjulegt
sé hversu mörg ung tónskáld tóku
þátt í keppninni.
Ómissandi þáttur
Að öðru leyti verða jóla-
tónleikarnir með hefðbundnu sniði,
madrigalar og gamlar íslenskar
perlur. „Við byrjuðum á þessu tón-
leikahaldi á aðventu fyrir einum sjö
eða átta árum og nú er þetta orðið
ómissandi þáttur í starfi kórsins,
ekkert síður en vortónleikarnir.
Megintilgangurinn er sem fyrr að
koma fólki í jólaskap.“
Guðmundur gerir góðan róm að
Hallgrímskirkju, hún henti söng
kórsins vel. Þá sé orgelið í sérflokki.
„Það þarf talsverðan kraft til að
fylla þetta hús og mynda jafnvægi
við orgelið og það hefur okkur fund-
ist ganga ágætlega undanfarin ár.
Samstarfið við sóknarnefndina og
þá sem ráða daglegri starfsemi í
kirkjunni hefur líka verið ákaflega
gott, auk þess sem fólk hefur sótt
þessa tónleika mjög vel. Það er því
engin ástæða til að breyta til.“
Með kórnum á tónleikunum leikur
blásarasveit og Hörður Áskelsson
verður við orgelið. Stjórnandi verð-
ur Friðrik S. Kristinsson en einnig
kemur aðstoðarsöngstjóri kórsins,
Guðlaugur Viktorsson, við sögu í
þremur lögum sem hópur kórfélaga
syngur.
Jólatónleikar Karlakórs Reykjavíkur
Frumflytja
tvö ný verk
Morgunblaðið/Ásdís
Karlakór Reykjavíkur og blásarar á æfingu fyrir tónleikana.
Á ÞESSARI plötu er kostað
miklu til, strengjasveit úr Sinfón-
íuhljómsveit Íslands og öðrum úr-
vals hljóðfæraleikurum sem flestir
koma úr „landsliðinu“, sem er flott!
Enda munu Skagfirðingar seint
drepast úr vanmetakennd, og er
það vel – því þeir hafa svosem enga
ástæðu til þess, annálaðir söngmenn
og hestamenn. Og svo eiga þeir
heima í Skagafirði, sem er með fríð-
ustu og víðustu sveitum landsins.
Álftagerðisbræður eru líka lands-
frægir (að minnsta kosti) fyrir prýð-
isgóðan söng, en þó að góðir séu eru
þeir ekki allir jafngóðir eftir plöt-
unni að dæma. Söngskráin er nokk-
uð fjölbreytt, en misjafnlega
skemmtileg einsog gengur og jafn-
vel svolítið misvel sungin. Ekki er
það alltaf lagavali að kenna (þó ekki
sé hægt að syngja leiðinlegt lag
mjög vel), frekar e.t.v. útsetningum
eða bara að lögin henti þeim bræðr-
um einfaldlega misvel. Og stundum
finnst manni sem þeir vandi sig full-
mikið (Bláu augun þín og Kysstu
mig). Þráttfyrir nokkra fjölbreytni
fer söngskráin þó ekki beint ótroðn-
ar slóðir – nema í Hamraborginni,
sem ég held að enginn kvartett hafi
látið sér koma í hug, hvaðþá dirfst,
að hafa á söngskrá sinni. Og það
verður að segjast einsog er að þeir
sleppa ótrúlega vel frá þeim „tour
de force“, og er það fyrst og fremst
einum að þakka, sem er söngvari af
guðs náð. En hann hefur líka fínan
stuðning af sönnu bróðurþeli hinna.
Þau lög sem ég hafði einna mesta
ánægju af að hlusta á voru gamlir
slagarar, svosem Ljósbrá og Ram-
óna, ásamt írsku lögunum, svo ekki
sé minnst á Hagavagninn, lag Jón-
asar Jónassonar við asskoti snagg-
aralegan og vel ortan texta Ragnars
Jóhannessonar. Þar er líka yfirleitt
gott jafnvægi í hljómi og enginn
sem sker sig úr. Í lagi Björgvins Þ.
Valdimarssonar er „babababa …“
frekar svona þreytt trix, en í lagi
Sigfúsar Agnars Sveinssonar gætir
rússneskra áhrifa í forspili og radd-
setningu Daníels Þorsteinssonar.
Alltaf gaman að heyra vel leikið á
harmonikku (Grettir) og mandólín
(Sigurður Rúnar). Og lokalagið,
Góðar nætur, er vel sungið.
Kannski best? Það mætti kalla
nokkurn lúxus að láta heimsfrægan
saxófónleikara (Jóel Pálsson) leika
nokkra takta í upphafi lagsins
Kysstu mig (Bessa me), sem hann
auðvitað gerir mjög fallega, svo
ekki sé minnst á alla hina hljóð-
færaleikarana að ógleymdri
strengjasveitinni. Og ekki má
gleyma harmonikkuleik Grettis
Björnssonar með sínum óbrigðula
músíkalska sjarma! En umfram allt
sýnir þetta mikinn metnað (og litla
nísku!). Og sönggleði, að sjálfsögðu.
Enda eiga þeir bræður aðdáendur
marga.
Upptaka og hljóðritun fyrsta
flokks.
TÓNLIST
Geislaplata
Álftagerðisbræður. Píanó: Stefán R.
Gíslason, Daníel Þorsteinsson. Bassi:
Jón Rafnsson, Jón Sigurðsson. Harm-
onikka: Grettir Björnsson. Gítar: Gunnar
Þórðarson. Hljómborð, harmonikka, man-
dolín, harpa og gítar: Sigurður Rúnar
Jónsson. Slagverk: Sigfús Ó. Guðmunds-
son. Saxófónn: Jóel Pálsson. Strengja-
sveit: Félagar úr Sinfóníuhljómsveit Ís-
lands. Upptökur fóru fram í Fella- og
Hólakirkju í október 2001. Hljóðritun:
Studio Stemma. Upptökumeistari og
hljóðblöndun: Sigurður Rúnar Jónsson.
Útgefandi: Álftagerðisbræður ehf. Dreif-
ing: Edda – miðlun og útgáfa. ÁBCD-003.
ÁLFTIRNAR KVAKA Sönggleði
Oddur Björnsson
Borgarleikhúsið Edda miðlun og
útgáfa efnir til barnahátíðar kl. 14 og
16. Edda Heiðrún Backman syngur
lög eftir Atla Heimi Sveinsson. Rit-
höfundarnir Kristín Helga Gunn-
arsdóttir, Ólafur Gunnar Guð-
laugsson, Auður Jónsdóttir og
Þórarinn Leifsson, Þórarinn Eld-
járn, Sigrún Eldjárn og Guðmundur
Ólafsson lesa úr nýútkomnum bókum
sínum og prakkararnir Snuðra og
Tuðra mæta. Dagskrárnar taka um
40 mín.
Bergstaðastræti 33b (Emanúels-
hús) Lovísa Lóa Sigurðardóttir opn-
ar sýningu á vinnustofunni sinni.
Sýningin verður opin frá kl. 12–20 og
lýkur á þriðjudag. Á sýningunni eru
olíumyndir á striga að mestu unnar á
þessu ári.
Gallerí Ófeigur, Skólavörðustíg 5
Félagar í Meistara Jakob hafa gert
tímabundna hústöku í sýningarsal á
loftinu hjá Ófeigi í sama húsi. Hús-
takan stendur til janúarloka á næsta
ári. Auk hefðbundins opnunartíma
frá kl. 11–18 verður opið frá mánu-
deginum 17. desember öll kvöld til kl.
22 fram að jólum.
Bústaðakirkja Kvennakórinn Létt-
sveit Reykjavíkur heldur sína árlegu
aðventutónleika kl. 15. Þeir verða
endurteknir á morgun kl. 17. Á efnis-
skrá eru bæði innlend og erlend jóla-
lög í anda léttsveitarinnar. Gestir
Léttsveitarinnar verða Sigurjón Jó-
hannesson, tenór, Bjöllukór Bústaða-
kirkju og Tómas R. Einarsson bassa-
leikari. Stjórnandi Léttsveitarinnar
er Jóhanna V. Þórhallsdóttir.
Laugarneskirkja Sönghópurinn
Fatíma heldur tónleika kl. 15. Gesta-
söngvarar verða meðlimir kvart-
ettsins Góðir í boði. Á fyrri hluta tón-
leikanna syngur Fatíma íslensk og
erlend þjóðlög, dægurlög, negra-
sálma o.fl. Seinni hluti tónleikanna
verður helgaður jólunum þar sem
Fatíma og Góðir í boði munu syngja
jólasöngva úr öllum áttum. Fatíma
samanstendur af 11 konum og kvart-
ettinn Góðir í boði skipa: Björn
Björnsson, Gústav H. Gústavsson,
Ólafur M. Magnússon og Sævar
Kristinsson. Stjórnandi og undirleik-
ari hópanna er Sigrún Grendal.
Nýlistasafnið, Vatnsstíg 3b Mynd-
listarnemar á öðru ári í Listaháskóla
Íslands opna sýningu kl. 14. Nem-
arnir hafa tekið þátt í námskeiði er
kallast „Borgir og staðleysur“ undir
stjórn Einars Garibalda Eiríkssonar
prófessors, sem einnig er sýning-
arstjóri sýningarinnar. Sýningin er
opin í dag frá kl. 14–20, á morgun kl.
14–18.
Söngkvartettinn Rúdolf heldur
þrenna tónleika í Reykjavík og ná-
grenni dagana 15.–17. desember.
Fyrstu tónleikarnir verða í Norræna
húsinu kl. 15 í dag, á morgun í Sel-
fosskirkju kl. 16 og í Vinaminni á
Akranesi mánudagskvöld kl. 20.
Á efnisskránni er íslensk jólatónlist.
Meðlimir Söngkvartettsins Rúdolfs
eru Sigrún Þorgeirsdóttir, sópran,
Soffía Stefánsdóttir, alt, Skarphéð-
inn Hjartarson, tenór, og aðalútsetj-
ari kvartettsins, Þór Ásgeirsson,
bassi.
Árbæjarkirkja Jólatónleikar Tónlist-
arskóla Árbæjar eru tvennir, kl. 11
og kl. 12.30. Um eitt hundrað nem-
endur nema við Tónlistarskóla Ár-
bæjar á öll helstu hljóðfæri.
Kópavogskirkja Kór Kópavogs-
kirkju og Kór Hafnarfjarðarkirkju
halda sameiginlega aðventutónleika
kl. 17. Flutt verða jólalög frá ýmsum
löndum og tímabilum, þar á meðal
verkið „Sjá himins opnast hlið“ eftir
Julian Hewlett, organista við Kópa-
vogskirkju. Stjórnandi er organisti
Hafnarfjarðarkirkju, Natalía Chow.
Þá verð flutt lög eftir J.S. Bach,
Händel, Mozart, Bárdos, John Jou-
bert, Adolphe Adam, Atla Heimi
Sveinsson og Fjölni Stefánsson.
Stjórnendur og undirleikarar á tón-
leikunum verða Julian Hewlett og
Natalía Chow.
Gallerí Reykjavík Árný B. Birg-
isdóttir myndlistarmaður og Óttar
Hrafn tónlistarmaður opna sýningu á
vatnslitamyndum og tónverkum kl.
15. Sýningin hefur yfirskriftina
Draumeind og er árangur samvinnu
listamannanna við sama viðfangsefni.
Galleríið er opið frá kl. 12–22 til jóla
og til kl. 23 á Þorláksmessu.
Gallerí Örnólfur, á horni Snorra-
brautar og Njálsgötu. Pétur Gautur
verður með jólasýningu á nýjum
verkum á vinnustofu sinni. Arkitekt-
arnir Steffan og Kristín Brynja
kynna danska IQ-lampa eða „Gáfna-
ljós“. Sýningin er opin alla daga fram
að jólum, kl. 16–18.
Í DAG
Söngkvartettinn Rúdolf.
Sjá einnig Staður og stund á mbl.is
AÐ mati New York Times er Slóð
fiðrildanna eftir Ólaf Jóhann Ólafs-
son meðal athyglisverðustu skáld-
sagna ársins.
Niðurstöður
blaðsins voru
birtar í jólaút-
gáfu bókablaðs
þess (Holiday
Section) sem ný-
lega kom út en
þar er að finna
uppgjör á bóka-
árinu sem nú er
að líða. Þar eru
dregnir fram fá-
einir tugir bóka sem blaðið telur
hafa skarað fram úr á árinu en ár-
lega koma út þúsundir skáldsagna í
Bandaríkjunum.
Þetta er í fjórða sinn sem New
York Times beinir kastljósi sínu að
Slóð fiðrildanna síðan í janúar á
þessu ári.
Washington Post og Entertain-
ment Weekly vöktu einnig á dög-
unum sérstaka athygli lesenda
sinna á kiljuútgáfu Slóðarinnar sem
nýverið kom á markað.
Í kjölfarið á velgengni Slóðar
fiðrildanna hefur Random House nú
tryggt sér réttinn á bók Ólafs Jó-
hanns, Fyrirgefningu syndanna, í
kilju en hún kom út innbundin í
Bandaríkjunum 1994.
Fyrirgefning syndanna var fyrst
gefin út á Íslandi 1991. Þá eru
samningaviðræður hafnar við
bandarísk forlög um útgáfu á Höll
minninganna.
Meðal athygl-
isverðustu
bóka ársins
Ólafur Jóhann
Ólafsson
Slóð fiðrildanna