Morgunblaðið - 15.12.2001, Blaðsíða 79
BRÉF TIL BLAÐSINS
MORGUNBLAÐIÐ LAUGARDAGUR 15. DESEMBER 2001 79
HELGI FILIPPUSSON ehf
HEILDVERSLUN
Tunguhálsi 7. Sími: 567 1210
Margt fallegt
til jólagjafa
á góðu verði
Glös - Kerti - Borðar - Silkiblóm -
Jólavörur - Skreytingarefni og margt fleira
Verið velkomin
Opið virka daga
13-18
laugard. og sunnud.
11-17 til 22des.
Lager-
sala
í Árbæ
að Tunguhálsi 7.
Þurrkuð og kæst skata, tindabikkja,
saltsíld, kryddsíld,
stórlúða og stór humar
Opið í dag laugardag
F iskbúðin Hafrún, Sk iphol t i 70 .
F i skbúðin Hafrún
Opið virka daga frá kl. 10—18
laugardag frá kl. 10—18
20% jólaafsláttur
af náttfötum
og undirfötum
Margar stærðir
Sími 567 3718
SATHYA Sai Baba fæddist 23.
nóvember 1926 í litlu þorpi á Suð-
ur-Indlandi sem heitir Puttaparthi.
Strax við fæðingu hans fóru að
gerast undarlegir hlutir eins og að
hljóðfæri á heimili foreldra hans
tóku að spila af sjálfsdáðum. Sat-
hya þótti undurfagurt barn og má
geta þess að daginn eftir fæðingu
hans eða 24. nóvember 1926 þá
rauf Sri Aurobindo, sem er vel-
þekktur meistari á öllu Indlandi,
þagnareið sinn sem hann var búinn
að halda í mörg ár og sagði:
„Drottinn hefur fæðst á jörðina“,
og hélt hann síðan áfram með
þagnarbindindið. Frá unga aldri
hóf Sai Baba að gera kraftaverk
eins og að búa til gotterí handa
vinum sínum og blýanta og strok-
leður og þess háttar hluti. Hann
var líka vanur að klifra upp í tré
sem er í þorpinu og kallast óskat-
réð en þaðan tíndi hann hina og
þessa ávexti handa leikfélögum
sínum sem biðu með eftirvæntingu
fyrir neðan tréð, sumir ávaxtanna
voru jafnvel utan uppskerutíma.
Þegar Sai Baba var 14 ára þá yf-
irgaf hann fjölskyldu sína og sagði
að fylgjendur sínir biðu sín og sett-
ist undir tré eitt í þorpinu og hóf
þar með verkefni sitt. Hann stofn-
aði síðar ashram (ashram er heil-
agur staður þar sem andlegur
meistari eða gúru tekur á móti
fylgjendum sínum) í þorpinu sem
hefur stækkað ört og getur tekið á
móti tugum þúsunda ef ekki
hundruðum þúsunda manns. Á af-
mælisdögum Sai Baba koma
hundruð þúsunda og jafnvel millj-
ónir manna til að vera hjá honum
og hylla hann, allstaðar að úr
heiminum. Hann segir sjálfur um
verkefni sitt að hann sé kominn til
að endurreisa réttlæti (dharma) á
jörðu og leiða okkur til Guðs, sem
hann segir að bíði handan horns-
ins, í hjörtum mannanna. Eina sem
við í raun og veru þurfum að gera
er að leita inn á við því þar er hið
eina sanna Guðsjálf. Hann segir
ennfremur að hraðasta og örugg-
asta leiðin til að ná takmarkinu ná-
ist með því að elska alla og þjóna
öllum. Þetta er í raun mun hraðari
leið heldur en t.d. að stunda Yoga-
æfingar og hugleiðslu. 1 mánuður í
hugleiðslu jafnast á við 2 daga í
óeigingjarnri þjónustu við mann-
kynið eða náungann á einhvern
hátt. Það er nefnilega þannig að
þegar við þjónum öðrum með kær-
leik í hjarta þá erum við bara að
þjóna sjálfum okkur því við erum
öll eitt. Ein sál, eitt mannkyn.
Sai Baba er í dag 77 ára og verð-
ur hér á jörðinni þar til 96 ára
aldri er náð að hans eigin sögn.
Það er hægt að segja með sanni að
með lífi sínu hafi hann sýnt okkur
leiðina og hvernig við ættum í raun
og veru að lifa lífinu því hann segir
að í dag hugsi fólk aðallega um að
græða, græða, græða, á meðan við
ættum í raun að vera að gefa, gefa,
gefa. Sai Baba er búinn að byggja
þrjá spítala á Indlandi og það sér-
staka við þessa spítala er að allir
sem koma á þá fá fría læknisþjón-
ustu, ásamt lyfjum og hjúkrun og
öllu tilheyrandi. Hann segir að all-
ir eigi að eiga rétt á læknisþjón-
ustu. Hann hefur einnig stofnað yf-
ir 25 skóla í heiminum, allt frá
barnaskólum til háskólastigs. Auk
þess að kenna hin almennu fræði
þá er þó áherslan lögð á siðferð-
isþroska hjá börnunum og það að
byggja upp góðan og jákvæðan
karakter hjá þeim. Hann segir að
aðaláherslan eigi að vera á að
vekja siðferðisvitund hjá börnun-
um og notar hann til þess hin 5
mannlegu gildi sem eru sannleik-
ur, réttlæti, friður, kærleikur og
ekkert ofbeldi.
Sai Baba er einnig kominn fyrir
öll trúarbrögð í heiminum og þó
svo hann sé hér hjá okkur í dag
segir hann að við þurfum ekki
endilega að fylgja þessu formi
heldur getum við haldið í þá trú
sem okkur er kærust og það form
og það nafn sem við höfum valið
okkur. Hann er frekar hér til að
styrkja okkur í trú okkar á þann
Guð sem við trúum á, með kærleik
sínum og kraftaverkum. Hann seg-
ir að þó að Guð sé aðeins einn þá
hafi hann mörg nöfn og mörg form.
Hver segir að Guð svari bara einu
nafni?
PÁLL ERLENDSSON,
Fjallalind 4, Kópavogi.
Kraftaverka-
maðurinn Sai Baba
Frá Páli Erlendssyni: