Morgunblaðið - 04.01.2002, Qupperneq 16

HÖFUÐBORGARSVÆÐIÐ
16 FÖSTUDAGUR 4. JANÚAR 2002 MORGUNBLAÐIÐ
Á HEIMASÍÐU Hafnarfjarðar-
bæjar er nú að finna nýjan korta-
og þjónustuvef fyrir bæjarfélagið.
Á kortavefnum er hægt að finna
staðsetningu margvíslegrar þjón-
ustu og afþreyingar í Hafnarfirði
með því að smella á viðeigandi
þjónustumerki sem þá birtist á við- eigandi stað á kortinu. Á vefnum
er t.d. að finna hringljósmyndir og
ef smellt er á myndavélina á kort-
inu er hægt að sjá hringmyndirn-
ar, en þær voru sérstaklega teknar
fyrir þennan vef.
Einnig eru á vefnum gönguleiða-
kort fyrir miðbæinn, Hvaleyrar-
vatn, Helgafell, Hraunin og Krýsu-
vík. Kortin geta áhugasamir
prentað út sér að kostnaðarlausu
og haft með sér í gönguferðina.
Vefurinn í stöðugri þróun
Í fréttatilkynningu frá Hafnar-
fjarðarbæ segir að ætlunin sé að
efla og þróa þennan vef „þannig að
hann komi ávallt til með að koma
að góðu gagni fyrir þá sem hafa
áhuga á því að kynna sér Hafn-
arfjörð og nágrenni eða leita til-
tekinnar þjónustu eða afþreying-
ar.“
Til að komast á vefinn er farið
inn á slóðina www.hafnarfjordur.is
og smellt á „kortavef“ hægra meg-
in á síðunni undir flýtileiðir og
einnig er hægt að komast inn á
hann vinstra megin undir „Upplýs-
ingar“. Vefurinn var unninn af
Landmati fyrir Hafnarfjarðarbæ
og umsjón með staðháttaupplýs-
ingum og gönguleiðalýsingum
hafði Jónatan Garðarsson.
Göngu-
leiða- og
þjónustu-
kort á
Netinu
Hafnarfjörður
Á kortavefnum er hægt að finna staðsetningu margvíslegrar þjónustu
og afþreyingar í Hafnarfirði með því að smella á viðeigandi þjónustu-
merki sem þá birtist á viðeigandi stað á kortinu.
FRAMKVÆMDASTJÓRA
íþrótta-og tómstundaráðs
og borgarlögmanni hefur
verið heimilað að ganga til
samninga við Íslandspóst
varðandi leigu á húsnæði
gömlu lögreglustöðvarinnar
við Pósthússtræti 3–5, en
húsnæðið þykir henta vel
fyrir starfsemi Hins húss-
ins, miðstöðvar ungs fólks í
Reykjavík. Tillaga þessa
efnis var samþykkt í borg-
arráði fyrir helgi. Hitt hús-
ið hefur undanfarin ár ver-
ið til húsa í Geysishúsinu
við Vesturgötu sem er í
eigu Minjaverndar. Leigu-
samningur við Minjavernd
um starfsemi Hins hússins
rennur út í haust og þarf
því að finna starfseminni
nýjan samastað. Nokkur
óvissa hefur ríkt um hvert
starfsemin mun flytjast en í
tillögu sem lögð var fyrir
íþrótta- og tómstundaráð
21. desember og síðar sam-
þykkt í borgarráði fyrir
helgi kemur fram að um
nokkurt skeið hafi verið
unnið að athugunum á nýj-
um valkostum varðandi
húsnæðismál Hins hússins.
Af hálfu starfsmanna ÍTR
og Hins hússins hafa þessir
valkostir verið yfirfarnir og
lagt hefur verið mat á hús-
næði og fjármál. Einnig var
samþykkt að borgarráði og
ÍTR verði gerð grein fyrir
samningnum og kostnaði
við leigu og flutninga Hins
hússins úr Geysishúsi að
Pósthússtræti áður en mál-
inu verði lokið.
Húsnæðið uppfyllir
flest skilyrði
Markús H. Guðmundsson,
forstöðumaður Hins húss-
ins, segir að húsnæðið í
Pósthússtræti 3–5 uppfylli
flest þau skilyrði sem hús-
næði undir starfsemi Hins
hússins þarfnast. „Þarna
var auglýsingastofa áður til
húsa svo raflagnir, síma-
lagnir og góð lýsing er til
staðar sem er óneitanlega
stór kostur,“ segir Markús.
„Það eina sem ég set spurn-
ingarmerki við er með að-
gengi fyrir fatlaða en stór
hluti af starfsemi okkar lýt-
ur að fötluðum. En það er
örugglega eitthvað sem má
bæta úr.“
Að mati Markúsar er
staðsetningin mjög góð og
tengir starfsemi Hins húss-
ins sem fyrr miðborgarlíf-
inu.
Markús ítrekar að málið
sé enn á frumstigi og að
enn þá hafi ekki verið
gengið til samninga við Ís-
landspóst sem á húsnæðið.
Hann segir Pósthússtræti
3–5 vera hentugasta hús-
næðið sem hann hefur skoð-
að með starfsemi Hins húss-
ins í huga undanfarnar
vikur. „Þetta er steinhús og
einangrun er góð. Í Geysis-
húsinu er ekki hægt að vera
með tónleika á Kakóbarn-
um og aðra starfsemi í
gangi samtímis. Það myndi
breytast ef við flyttum í
þetta húsnæði. Starfsemin
gæti orðið fjölþættari.“
Ef til kemur fengi Hitt
húsið um 1.600 fermetra til
afnota, að hluta til í gömlu
lögreglustöðinni en einnig á
hæðunum fyrir ofan gamla
pósthúsið. „Það myndi þýða
að einhver önnur starfsemi
kæmi þarna inn með okk-
ur,“ segir Markús og býst
við að 3-4 skrifstofur í
þessu húsnæði yrðu notaðar
undir aðra starfsemi en þá
sem fram fer á vegum Hins
hússins í núverandi mynd.
Saga húsanna við
Pósthússtræti 3 og 5
Húsið við Pósthússtræti 3
var byggt árið 1880 sem
lögreglustöð og var notað
sem slíkt um áratuga skeið.
Unnið hefur verið að end-
urnýjun á húsinu innanhúss
og með það að leiðarljósi að
koma því í upprunanlegt
horf þó ekki sé búið að end-
urnýja það allt. Innangengt
er úr húsinu yfir í Póst-
hússtræti 5 þar sem gamla
miðbæjarpósthúsið var, en
það var byggt árið 1915.
Hitt húsið flytur hugsanlega í Pósthússtræti 3–5
Morgunblaðið/Ásdís
Lögreglustöðin og pósthúsið í Pósthússtræti 3–5 gætu orðið framtíðarhúsnæði Hins hússins.
Heimilað að ganga
til samninga um leigu
Miðborg
EFTIR afslöppun og hátíð-
leik jóla og áramóta er hvers-
dagslífið tekið við á nýjan leik.
Landsmenn eru að tínast til
vinnu eftir frí og sömuleiðis
munu skólabörn mæta aftur í
grunnskólana í dag. Flestir
framhaldsskólanemendur fá
þó að sofa út í dag og þurfa
ekki að mæta í skólann fyrr en
eftir helgi.
Við höfnina í Reykjavík
gengur lífið sinn vanagang og
verkamenn, sjómenn og aðrir
sem þar starfa við útiverk eru
vafalítið fegnir því hversu
veðráttan hefur verið blíð
fyrstu daga nýja ársins. Mað-
urinn á myndinni er að sand-
blása rör og sjálfsagt fer hraði
loftsins úr slöngunni í ófáa
metra á sekúndu þó að vindur
um borg og bý í gær hafi varla
náð að hreyfa hár á höfði.
Morgunblaðið/Sverrir
Athafnalífið
við höfnina
Hafnarbakki