Morgunblaðið - 15.03.2002, Blaðsíða 16

SUÐURNES
16 FÖSTUDAGUR 15. MARS 2002 MORGUNBLAÐIÐ
HITAVEITA Suðurnesja hf. hagn-
aðist um rúmar 600 milljónir kr. á síð-
asta ári. Fyrirtækið er að hefja borun
á elleftu holunni á háhitasvæðinu á
Reykjanesi til undirbúnings þátttöku
þess í orkuöflun Landsvirkjunar
vegna stækkunar Norðuráls á
Grundartanga.
Stjórn Hitaveitu Suðurnesja hf.
hefur samþykkt að leggja reikninga
félagsins fyrir síðasta ár fyrir aðal-
fund félagsins 27. mars næstkom-
andi. Samkvæmt reikningunum var
hagnaður um 613 milljónir kr. Fyr-
irtækin sem nú mynda hlutafélagið,
Hitaveita Suðurnesja og Rafveita
Hafnarfjarðar, voru rekin í tvennu
lagi á árinu 2000 og var samanlagður
hagnaður þeirra um 370 milljónir kr.
þar ár. Júlíus Jónsson forstjóri segir
að þótt reikningarnir sýni meiri
hagnað sé afkoman sambærileg því
við formbreytinguna hafi afskriftar-
stofn eigna fyrirtækjanna lækkað
verulega og minni afskriftir á árinu
2001 skýri aukinn reikningslegan
hagnað. Getur Júlíus þess að félagið
hafi orðið fyrir 190 milljóna króna
gengistapi. Að teknu tilliti til allra
þátta verði afkoma félagsins að telj-
ast viðunandi.
Velta Hitaveitu Suðurnesja hf. var
um 2,8 milljarðar á árinu. Veltufé frá
rekstri var um 1,2 milljarðar. Þá
skuldaði félagið um 2,5 milljarða um
áramótin þegar lífeyrisskuldbinding-
um hefur verið bætt við heildarskuld-
ir.
Lausafjárstaða fyrirtækisins
tiltölulega þröng
Stjórn Hitaveitunnar hefur fjallað
um fjárhags- og framkvæmdaáætlun
fyrir yfirstandandi ár. Að sögn Júl-
íusar einkennir hana tiltölulega
þröng lausafjárstaða, einkum vegna
mikilla útgreiðslna úr fyrirtækinu.
Vegna breytingar á félaginu í hluta-
félag ákváðu eigendur Hitaveitu Suð-
urnesja, sveitarfélögin á Suðurnesj-
um og ríkissjóður, að lækka höfuðstól
þess með útgreiðslu til eigendanna
sem nam samtals um 1,3 milljörðum
króna á árinu 2001 og byrjun árs
2002. Þá er áætlað að greiða um 600
milljónir kr. af lánum á árinu og verja
um einum milljarði til fjárfestinga.
Helsta einstaka fjárfesting er bor-
un á elleftu holunni á háhitasvæðinu
á Reykjanesi sem er að hefjast um
þessar mundir. Hitaveita Suðurnesja
hefur verið í viðræðum við Lands-
virkjun um að taka þátt í orkuöflun
fyrir stækkun álbræðslu Norðuráls á
Grundartanga. Júlíus á von á því að
það skýrist í haust hvort af því verð-
ur. Verði niðurstaðan jákvæð þurfi
Hitaveitan að geta undirgengist
skuldbindingar um að afhenda orku á
tilteknum degi á árinu 2004 eða 2005.
Til undirbúnings þeirri ákvörðun sé
talið nauðsynlegt að bora elleftu hol-
una á Reykjanesi til þess að afla frek-
ari upplýsinga um svæðið og geta
notað holuna til gufuöflunar fyrir
nýja virkjun ef á þurfi að halda. Júl-
íus segir að svæðið sé talið gefa yfir
100 megawatta afl. Hann telur þó að í
byrjun verði miðað við að byggja 60–
70 MW virkjun sem síðar yrði unnt
að stækka upp í 100 MW.
Um þessar mundir er forborun að
hefjast á Reykjanesi og verið að
flytja Jötun á staðinn. Nýja holan
gæti orðið 1800 til 2000 metra djúp og
kostað 170–180 milljónir kr.
Auk almennra fjárfestinga í dreifi-
kerfi fyrir heitt vatn og rafmagn í
nýjum hverfum í Hafnarfirði, Garða-
bæ og sveitarfélögunum á Suðurnesj-
um er gert ráð fyrir að byggt verði
starfsmannahús í Svartsengi og sett
upp nýtt upplýsingakerfi fyrir fyrir-
tækið í heild. Þá verður unnið að und-
irbúningi nýrrar starfsstöðvar í
Hafnarfirði.
Hitaveita Suðurnesja hf. hagnaðist um rúmar 600 milljónir á síðasta ári
Ákvörðun um
nýja virkjun
tekin í haust
Reykjanes
ÓLAFUR Ragnar Grímsson,
forseti Íslands, mun heim-
sækja endurhæfingarsambýli
Byrgisins í Rockville 10. apríl
næstkomandi. Mun hann
kynna sér starfsemina og ræða
við starfsfólk og skjólstæðinga
Byrgisins.
Byrgið hefur til afnota hluta
af húsnæði yfirgefinnar rat-
sjárstöðvar varnarliðsins,
Rockville í nágrenni Sandgerð-
is. Forsetinn er væntanlegur
þangað um hádegisbilið, að því
er fram kemur í fréttatilkynn-
ingu frá Byrginu, og hefst
heimsóknin með hádegisverði.
Hann mun skoða sambýlið, að-
stöðu til vinnuendurhæfingar
og skólahalds, endurhæfingar-
og þjálfunaraðstöðu, vinnustaði
starfsmanna og vistarverur
skjólstæðinganna. Forsetinn
mun ræða við forstöðumann og
starfsfólk Byrgisins og við
skjólstæðinga á staðnum.
Endurhæfingarsambýlið í
Rockville starfrækir langtíma-
meðferð og skiptist meðferðin í
vímuefnameðferðarprógramm,
vinnuaðlögun, líkamsþjálfun og
nám í samvinnu við Fjölbrauta-
skóla Suðurnesja. Flestir skjól-
stæðinganna eiga sögu um
fjölda árangurslausra með-
ferða, afbrot og fangelsisvist
og hefur verið leitast við að
sníða meðferðarprógrammið
að þörfum þessara einstak-
linga, með góðum árangri, að
því er fram kemur í tilkynning-
unni.
Í Rockville dvelja nú 55 ein-
staklingar, 44 karlar og 11 kon-
ur. Það sem af er marsmánuði
hafa 11 nýir einstaklingar kom-
ið til meðferðar. Samkvæmt
skráningu Byrgisins hefur
fíkniefnaneysla aukist verulega
síðustu mánuði og þar af leið-
andi hefur afbrotum fjölgað til
muna.
Forset-
inn heim-
sækir
Byrgið
Rockville
SPARISJÓÐURINN í Keflavík hef-
ur opnað afgreiðslu í Vogum á
Vatnsleysuströnd. Formleg opnun
var í gær en starfsemi hefst í dag.
Afgreiðslan er í verslunar- og
þjónustumiðstöðinni Vogaseli. Hús-
næðið er aðeins tæpir tólf fermetr-
ar og er afgreiðslan því ein sú allra
minnsta á landinu. Vegna pláss-
leysis fór opnunarathöfnin fram á
göngum Vogasels en þangað var
íbúum sveitarfélagsins boðið.
Geirmundur Kristinsson spari-
sjóðsstjóri gat þess að Sparisjóð-
urinn væri fyrir alla Suðurnesja-
menn þótt í upphafi hefði verið
ákveðið að hafa höfuðstöðvar hans í
Keflavík og nafn hans tæki mið af
því. Hann rifjaði það upp að Spari-
sjóðurinn hefði fyrstur sparisjóða
opnað útibúi, en það var í Njarðvík.
Síðan hefði verið opnuð útibú í
Garði og Grindavík og nú í Vogum.
Sandgerðisbær væri einn eftir og
sagði Geirmundur að Sparisjóð-
urinn færi þangað líka ef aðstæður
leyfðu.
Afgreiðslan í Vogum verður opn-
in þrjá daga í viku frá klukkan 15 til
18, það er að segja mánudaga, mið-
vikudaga og föstudaga. Sagði Geir-
mundur sjálfsagt að breyta af-
greiðslutíma ef viðskiptavinir kysu
það og kvaðst vonast til þess að við-
skipti yrðu það líflegt að hægt yrði
að hafa opið lengur og helst alla
virka daga vikunnar.
Í afgreiðslunni verður þjónustu-
fulltrúi frá Sparisjóðnum og mun
hann sinna öllum fjármálaþörfum
viðskiptavina. Þá hefur hraðbanki
Sparisjóðsins verið settur upp í
Hraðbúð Esso í Vogaseli en hann
hefur til þessa verið í íþróttahúsinu.
Er hann opinn á afgreiðslutíma
verslunarinnar. Í tilefni af opnun af-
greiðslunnar færði sparisjóðsstjór-
inn Björgunarsveitinni Skyggni og
Ungmennafélaginu Þrótti 200 þús-
und kr. að gjöf, hvoru félagi.
Ein minnsta af-
greiðsla landsins
Morgunblaðið/Helgi Bjarnason
Eyþór Ólafsson varð fyrsti viðskiptavinur afgreiðslu Sparisjóðsins þeg-
ar Ásdís Ýr Jakobsdóttir tók við innleggi hans. Viðstaddar voru Jó-
hanna Reynisdóttir sveitarstjóri, móðir Eyþórs, og Steinunn Jónsdóttir.
Vatnsleysuströnd
Sparisjóðurinn í Keflavík hefur opnað nýja afgreiðslu í Vogaseli í Vogum
„MERKIÐ breytir ekki svo miklu á
innanlandsmarkaði en getur skapað
okkur mikla möguleika á erlendum
mörkuðum,“ segir Sigurður Hólm
Sigurðsson, framkvæmdastjóri S.
Hólm í Njarðvík, en fyrirtækið hefur
fengið leyfi Norræna umhverfis-
merkisins til að nota Svaninn á Undra
hreinsiefni. Siv Friðleifsdóttir um-
hverfisráðherra afhenti leyfið við at-
höfn í fyrirtækinu í gær.
S. Hólm framleiðir fimm tegundir
hreinsiefna úr tólg sem unnin er úr ís-
lenskum lambamör, það er að segja
penslasápu, tjöruhreinsi, iðnaðar-
hreinsi, línusápu og kvoðuhreinsi, all-
ar undir vörumerkinu Undri. Fékk
fyrirtækið í gær leyfi til að nota Svan-
inn á þremur þeirra og er fjórða leyf-
ið væntanlegt næstu daga.
Fram kom í ræðu umhverfisráð-
herra við athöfnina í gær að hér á
landi hafa fengist leyfi til að nota 70
slík merki fyrir 16 vöruflokka. Flest-
ar vörurnar eru innfluttar og er S.
Hólm einungis þriðja íslenska fyrir-
tækið sem fær leyfi til að nota leyfið á
vörur sem það framleiðir. Siv sagði að
fleiri fyrirtæki myndu bætast við en
starfsfólk S. Hólm sýndi hvað það
væri framsýnt með því að vera svona
framarlega í röðinni.
Einstök aðferð
Framleiðsla á Undra hreinsiefnum
hófst fyrir fjórum árum. Ragnar Jó-
hannsson, sem þá var deildarstjóri á
Iðntæknistofnun, vann að evrópsku
verkefni sem fólst í að nota jurta-
hreinsa fyrir prentiðnaðinn. Fékk
hann þá hugmynd að vinna hreinsi-
efni úr mör og við athuganir kom í
ljós að það væri mögulegt. Um 1.000
tonnum af fitu í mör er fleygt árlega
hér á landi. Ragnar er nú stjórnarfor-
maður S. Hólm og sagði hann frá því
að sápuverksmiðjurnar hefðu ekki
haft áhuga á að hefja framleiðslu á
þessum efnum og útlit hefði verið fyr-
ir að hugmyndin lenti í bréfabindi
uppi í hillu þegar Sigurður Hólm
skipstjóri hefði komið til skjalanna og
ákveðið að taka áhættuna með því að
stofna fyrirtæki um framleiðsluna.
Sigurður segir að framleiðsla
hreinsiefna með þessari aðferð sé ein-
stök í heiminum. Framleiðslan hafi
reynst vel og fyrirtækið sé farið að
skila hagnaði. Nýtt húsnæði sem
hann byggði yfir starfsemina í Njarð-
vík er að verða of lítið. Tjöruhreins-
irinn er mesta söluvaran hér á landi
en hann er seldur í brúsum á bens-
ínstöðvum og víðar. Hann telur að
þótt umhverfismerkingin hafi ekki
mikil áhrif hér á landi muni hún koma
að gagni í framtíðinni, með meiri um-
hverfisvitund landsmanna.
Sigurður hefur verið að leita fyrir
sér með sölu á erlendum mörkuðum
og eru vörur fyrirtækisins nú á boð-
stólum í Færeyjum. Viðræður standa
yfir við norska byggingavörukeðju
um dreifingu á Undra penslasápunni
í Noregi. Sigurður segir að starfsfólk
norska málningarvöruframleiðand-
ans Jötun noti penslahreinsinn og líki
hann afar vel. Telur hann verulega
möguleika á fleiri mörkuðum, það
vanti herslumuninn og vonast Sigurð-
ur til að hann náist með aðstoð Svans-
ins.
Segir Sigurður að þegar verið sé að
bjóða þessa vöru á erlendum markaði
sé ávallt spurt að því hvort hún sé
umhverfisvæn. Ekki sé nóg að geta
sagt það, fyrirtækið þurfi að geta lagt
fram staðfestingu á því að hún sé ekki
skaðleg fyrir umhverfið. Nú sé hægt
að sýna fram á það.
S. Hólm hefur hafið framleiðslu á
hreinsiefni fyrir umboð sem flytur
inn og selur Corian-borðplötur og
vaska. Örnólfur Sveinsson, fram-
kvæmdastjóri umboðsfyrirtækisins
Orgus ehf., segir að vantað hafi efni
til að ná rétta glansinum á borðplöt-
urnar, einkum dökku litina. Í sam-
vinnu við S. Hólm hafi tekist að finna
hreinsiefni sem henti mjög vel til
þessara nota og til að hreinsa stál og
ofna. Hafi það fengið mjög góðar við-
tökur hjá framleiðendum Corian og
umboðsmönnum og vonast hann til að
geta komið því inn á þennan markað.
Skapar mögu-
leika erlendis
Morgunblaðið/Helgi Bjarnason
Ragnar Jóhannsson, stjórnarformaður S. Hólm, t.v., og Sigurður Hólm Sigurðsson framkvæmdastjóri tóku við
leyfi fyrir umhverfismerkingunni úr hendi Sivjar Friðleifsdóttur umhverfisráðherra.
Njarðvík
S. Hólm hefur fengið leyfi til að nota norræna umhverfismerkið Svaninn á Undra hreinsiefnin