Morgunblaðið - 15.03.2002, Síða 49

MINNINGAR
MORGUNBLAÐIÐ FÖSTUDAGUR 15. MARS 2002 49
þú takir seinna á móti okkur á þeim
stað sem þú ert á núna.
Elsku Sigga, hafðu þökk fyrir allt.
Guð geymi þig.
Elsku Auðunn, Júlíanna, Svan-
laug, Maggi og fjölskyldur. Við vott-
um ykkur dýpstu samúð svo og for-
eldrum og systkinum Sigríðar.
Kær kveðja,
Sólrún og Svanur.
Við fráfall Sigríðar Magnúsdótt-
ur, eða Siggu eins og hún var kölluð,
leita á huga minn minningar frá
þeim árum er við áttum samleið í
Grímsnesinu. Þá vorum við ungar
konur með litlu börnin okkar og lífið
var undirlagt bleiuþvotti og barna-
stússi þótt stundum gæfist líka tóm
til að lifa og leika sér.
Við Sigga kynntumst þegar þau
Auðunn og dæturnar tvær fluttu í
Grímsnesið 1977 þar sem þau hjónin
tóku við rekstri verslunar. Stutt var
á milli okkar og fljótlega urðu börn-
in okkar leikfélagar og samgangur
tíður milli bæjanna. Sigga var fé-
lagslynd og slóst í hóp okkar ungu
kvennanna í sveitinni í sund og leik-
fimi. Það var gott að fá Siggu í hóp-
inn, enda auðvelt að fá hana til að
hlæja og sprella og hún gat líka gert
grín að sjálfri sér sem er ágætur
eiginleiki í hversdagsamstrinu.
Margar óborganlegar setningar
duttu upp úr henni og urðu kveikja
að hlátursköstum sem gátu heldur
betur undið upp á sig.
Sigga var myndarleg húsmóðir,
bakaði mikið, og prjónaði á dæturn-
ar og hugsaði vel um heimilið. Hún
hafði gaman af að syngja og á þess-
um árum sungum við yfirleitt í bíln-
um á milli bæja, enda bílarnir yf-
irleitt hinir mestu skrjóðar, háværir
og auðvitað útvarpslausir. Sigga
kunni ógrynni laga og texta og því
voru bíltúrarnir yfirleitt alltof stutt-
ir því við áttum eftir að syngja mörg
lög þegar á leiðarenda var komið.
Vorið 1979 fluttum við báðar með
fjölskyldur okkar úr Grímsnesinu,
ég til Svíþjóðar og hún til Reykja-
víkur. Eftir það hittumst við helst á
þorrablótum eða í afmælum fyrir
austan og bárum þá saman bækur
okkar um börn og fjölskylduhagi.
Sigga var montin af barnabörnun-
um sínum, sem von var, og stríddi
mér á því hve ömmutitill minn lét á
sér standa meðan hennar fjölskylda
stækkaði ört.
Mér var eins og fleirum illa
brugðið þegar fréttist af alvarlegum
veikindum Siggu síðastliðið vor á
sama tíma og Auðunn maður hennar
veiktist líka af krabbameini. Örlaga-
dísirnar virtust ætla þeim þyngri
bagga að bera en nokkur sanngirni
var í og hefur þó enginn lofað manni
því að lífið sé sanngjarnt. En þau
létu ekki deigan síga og gengu sam-
an í gegnum erfiðleikana með góðri
hjálp barna sinna og tengdabarna.
Auðunn hugsaði vel um Siggu sína
og heimilið jafnframt því sem hann
gekkst undir erfiða meðferð.
Ég átti afar ánægjulega stund
með þeim á fallegu heimili þeirra í
Breiðholtinu sl. sumar, þar ríkti ró
og æðruleysi og enn sem fyrr gat
Sigga slegið á létta strengi þrátt
fyrir veikindin. Við skiptumst á
reynslusögum af barnabörnum því
nú var ég komin í hina langþráðu
ömmudeild og mér var ljóst að auð-
legð Siggu á því sviði var mikil.
Enda var greinilegt af frásögnum
hennar að fjölskyldan er samheldin
og hjálpast að sem er mikils virði,
bæði þegar vel gengur en ekki síður
þegar móti blæs.
Þótt samskipti okkar Siggu hafi
ekki verið mikil á seinni árum var
hún seig taugin sem tengdi okkur,
þessi taug sem myndaðist fyrir ald-
arfjórðungi austur í sveit, þegar sól
skein í heiði og lífið brosti við okkur,
ungum og sprækum. Það var mér þá
mikils virði að fá þessa ungu konu á
þúfuna og deila með henni hvers-
dagslegum gleði- og áhyggjuefnum
og fyrir það og öll okkar kynni vil ég
þakka henni hér að leiðarlokum.
Auðuni, Júlíönu, Svanlaugu og
Magnúsi og fjölskyldum þeirra fær-
um við Hjörtur innilegar samúðar-
kveðjur og biðjum þeim velfarnaðar
í framtíðinni. Blessuð sé minning
Sigríðar Magnúsdóttur.
Unnur Halldórsdóttir.
Davíð Osvaldsson
útfararstjóri
Sími 551 3485 • Fax 568 1129
Áratuga reynsla
í umsjón útfara
Önnumst alla þætti
Vaktsími allan sólarhringinn
896 8284
S. 555 4477
555 4424
Erfisdrykkjur
✝ Baldur Krist-jónsson fæddist í
Útey í Laugardal 29.
desember 1909.
Hann lést á Landa-
kotsspítala 9. mars
síðastliðinn. For-
eldrar hans voru
hjónin Kristjón Ás-
mundsson frá Skóg-
arkoti í Þingvalla-
sveit, lengst af bóndi
í Útey í Laugardal,
og kona hans Sigríð-
ur Bergsteinsdóttir
ljósmóðir frá Torfastöðum í
Fljótshlíð. Börn Kristjóns og Sig-
ríðar voru 6: Guðmundur, f. 22.
apríl 1906, d. 11. maí 1914; Berg-
steinn, f. 22. mars 1907, d. 20. jan.
1996; Kristjón, f. 8. okt. 1908, d. 6.
jan. 1984; Baldur, f. 29. des. 1909,
d. 9. mars 2002; Sigrún, f. 18. feb.
1914; og Axel, f. 26. feb. 1919, d.
8. feb. 1998. Baldur kvæntist 21.
des. 1940 eftirlifandi eiginkonu
sinni, Vilborgu Halldórsdóttur, f.
í Snjallsteinshöfðahjáleigu í
Landsveit 13. maí 1920. Foreldrar
hennar voru Halldór Teitsson sjó-
maður í Hafnarfirði og kona hans
Ingibjörg Jónsdóttir húsfreyja
frá Vindási á Rangárvöllum. Börn
Baldurs og Vilborgar eru: 1)
björg Sigurbjörnsdóttir. Börn
þeirra eru Sigurbjörn og Atli
Már. 8) Kristín, f. 4. okt. 1958.
Maður hennar er Sigurður Þór
Guðmundsson. Börn þeirra eru
Guðný Sigurrós, Ingibjörg og Ei-
ríkur Þór. 9) Friðrik, f. 22. mars
1960. Kona hans er Erla Guð-
mundsdóttir. Barn þeirra er Ein-
ar. 10) Ólafur, f. 6. des 1962.
Íþróttahreyfingin naut krafta
Baldurs, þar sem hann starfaði
við íþróttakennslu og -þjálfun í
um hálfrar aldar skeið. Baldur
var í íþróttaskólanum í Haukadal
1928–29 og Héraðsskólanum á
Laugarvatni 1929–31. 1931–32
var hann við Statens Gymnastik-
Institut í Kaupmannahöfn og lauk
íþróttakennaraprófi frá Íþrótta-
kennaraskólanum á Laugarvatni
1934. Næstu ár kenndi Baldur við
ýmsa skóla og íþróttafélög í
Reykjavík og var auk þess í hópi
Ólympíufara til Berlínar 1936.
1943–69 kenndi Baldur við Mið-
bæjarskólann, en síðan við Aust-
urbæjarskólann til 1973. Næsta
áratuginn var hann prófdómari í
sundi við grunnskóla höfuðborg-
arsvæðisins. Baldur hlaut ýmsar
viðurkenningar fyrir störf sín á
sviði íþróttamála.
Baldur og Vilborg fluttu að
Kópavogsbraut 69 árið 1947 og
bjuggu þar æ síðan. Afkomendur
þeirra eru nú 49 talsins.
Útför Baldurs fer fram frá
Kópavogskirkju í dag og hefst at-
höfnin klukkan 10.30.
Nanna, f. 24. feb.
1941. Maður hennar
er Ólafur Gamalíel
Sveinsson. Börn
þeirra eru Baldur,
Ágúst og Svala.
Barnabörn Nönnu
eru tvö. 2) Halldór, f.
23. okt. 1942. Kona
hans er Margrét
Snorradóttir. Börn
þeirra eru Sigrún,
Snorri, Stefán og
Auður. Barnabörn
Halldórs eru tvö. 3)
Ingibjörg, f. 2. feb.1944. Barn
hennar er Dagný Hermannsdóttir
og barnabörnin eru þrjú. 4) Guð-
mundur, f. 30. ágúst 1945. Kona
hans er Antonía Erlendsdóttir.
Barn þeirra er Guðmundur Ósk-
ar. Frá fyrra hjónabandi á Guð-
mundur Þóru Sólveigu og Ástríði
Jónu. Barnabörn Guðmundar eru
fjögur. 5) Bragi, f. 25. maí 1947.
Kona hans er Guðrún Lísa Er-
lendsdóttir. Börn þeirra eru Sig-
rún, Þröstur og Bjarki. 6) Sigríð-
ur, f. 19. feb. 1951. Maður hennar
var Sverrir Jónsson sem nú er lát-
inn. Börn Sigríðar eru Vilborg,
Elín og Bergsveinn. Barnabörnin
eru fimm. 7) Þorgrímur, f. 25. feb.
1953. Kona hans er Jenný Guð-
Í dag kveð ég þig afi eftir langt og
farsælt ævistarf. Þitt aðalstarf var
íþróttakennsla og ég var ekki gamall
þegar ég ákvað að ég ætlaði að feta í
fótspor þín. Löngu seinna þegar ég
sótti um skólavist við Íþróttakenn-
araskólann á Laugarvatni held ég að
það hafi glatt þig og ég veit að þú
sendir með mér nokkur góð orð
austur. Á þeim slóðum lágu rætur
þínar og þú varst alla tíð tengdur
þeim tilfinningaböndum. Svo
skemmtilega vildi til að vorið 1994
þegar ég útskrifaðist varst þú heiðr-
aður því 60 ár voru liðin frá þinni út-
skrift. Þú varst íþróttamannslega
vaxinn, liðugur og með mýkt í hreyf-
ingum. Þekking þín og skilningur á
beitingu mannslíkamans var líka
einstök. Tónlist var þér einnig í blóð
borin og hafðirðu mikið yndi af
henni. Létt lund, réttsýni og ljúf-
mennska voru einkennismerki þín
bæði í daglegu lífi og starfi. Þann
vitnisburð hafa margir fyrrverandi
nemendur þínir sem ég hef hitt gefið
þér og þannig tókst þér að ávinna
þér virðingu þeirra og aðdáun.
Gaman var að ræða við þig um
íþróttir. Þú hafðir þjálfað, sinnt
dómgæslu og komið að stofnun og
uppbyggingu íþróttafélaga. Öllu
þessu komstu í verk ásamt því að ala
upp tíu börn og sinna ýmsum erf-
iðisstörfum í hjáverkum. Oft hlýtur
vinnudagurinn hjá ykkur ömmu að
hafa verið langur. Margar sögurnar
sagðirðu mér og ekki var laust við
að ég væri að rifna úr monti yfir að
eiga afa sem hafði afrekað svo
margt. Skemmtilegast var að heyra
þig lýsa för þinni á Ólympíuleikana í
Berlín 1936 þar sem þú með þínu
glögga auga tókst strax eftir, þegar
þú leist æfingabúðir Þjóðverja aug-
um, að verið var að ala upp hermenn
en ekki íþróttastjörnur. Mörgum
fannst þetta hin mesta fásinna en
annað kom heldur betur á daginn.
Eins var stórkostlegt að heyra þig
lýsa hvernig þú byggðir upp kennslu
og þjálfun því það var ekki bara
langt á undan sinni samtíð heldur
eru aðferðirnar fullgildar í dag. En
allt tekur einhvern tíma enda og nú
er ferð þinni lokið. Á síðustu miss-
erum hrakaði heilsunni en margoft
komstu læknum á óvart með ótrú-
legum krafti og viljastyrk. Þeim sem
þekktu þig vissu hins vegar að þessi
styrkur var þér alla tíð eiginlegur.
Vænt þótti mér um að dóttir mín Ír-
is Björk, sem nú er sex mánaða,
fékk að hitta þig nokkrum sinnum
og þá sá ég glampa í augunum á þér
enda varstu alla tíð afskaplega barn-
góður. Ég mun segja henni frá þér
þegar fram líða stundir. Að leiðar-
lokum langar mig til að þakka þér
fyrir allt og hugurinn er jafnframt
hjá ömmu sem nú kveður lífsföru-
naut sinn. Hvíl í friði.
Ágúst Ólafsson.
BALDUR
KRISTJÓNSSON
✝ Leó Sigurðssonfæddist á Akur-
eyri 7. júlí 1911.
Hann lést á Hjúkr-
unarheimilinu Seli
laugardaginn 9.
mars síðastliðinn.
Foreldrar hans voru
Anna Jósepsdóttir
og Sigurður Bjarna-
son. Þau eignuðust
fjögur börn, Kjart-
an, Jósep, Leó og
Kristínu og er að-
eins Jósep enn á lífi.
Leó kvæntist Láru
Pálsdóttur 19. maí
1934. Hún lést 24. ágúst 1986.
Þau eignuðust sex börn: Sigurð-
ur, f. 23. ágúst 1934, maki Ester
Randvers, f. 25. nóvember 1937,
d. 1970, þau eignuðust þrjú
börn. Haukur f. 30. október
1937, maki Ragnhildur Aron-
sóttir f. 30. júní 1942, d. 1996,
þau eignuðust fimm börn.
Sverrir, f. 15. júlí 1939, maki
Auður Magnúsdóttir, f. 2. júní
1942, og eiga þau fjögur börn.
Anna, f. 14. janúar
1943, maki Björn
Kristjánsson, f. 14.
nóvember 1941, og
eiga þau tvö börn.
Fanney, f. 22. ágúst
1944, maki Már
Karlsson, f. 27.
september 1947, og
eiga þau þrjú börn.
Páll, f. 7. október
1948, maki Herdís
Pétursdóttir, f. 13.
ágúst 1948, og eiga
þau tvö börn.
Barnabörn Leós og
Láru eru alls 19.
Leó var kunnur útgerðarmað-
ur á Akureyri en hann hóf störf
hjá föður sínum eftir gagn-
fræðapróf en faðir hans gerði
þá út fjögur skip. Leó tók við
útgerð föður síns eftir andlát
hans 1939 og starfaði á þeim
vettvangi til ársins 1988, þá orð-
inn 77 ára að aldri.
Útför Leós fer fram frá Ak-
ureyrarkirkju í dag og hefst at-
höfnin klukkan 13.30.
Mig langar að minnast afa með
örfáum orðum. Afi var útgerðar-
maður á Akureyri. Sem barn fannst
mér alltaf gaman að koma á Odd-
eyragötuna í glæsilega húsið þeirra
afa og ömmu. Ég sé þau fyrir mér
standa uppi við handriðið og taka á
móti okkur eða standa við gluggann
í fallegu borðstofunni og njóta út-
sýnisins niður á bryggju.
Þar sem við bjuggum í Reykjavík
varð sambandið við afa og ömmu
ekki náið, en alltaf var notalegt að
koma til þeirra í heimsókn.
Fimm ára gömul fór ég í eftir-
minnilega ferð til Danmerkur með
mömmu, pabba, Ingu Láru systur
og afa og ömmu á Akureyri. Mér er
sérstaklega í fersku minni ferð á
veitingastað einn í Kaupmannahöfn
þegar ég, litla frekjan neitaði að
borða það sem ég átti að fá af mat-
seðlinum og fór í fýlu, en afi bjarg-
aði málunum og pantaði það sem ég
hafði viljað og þá var afi bestur, það
þurfti lítið til að gleðja litlu afa-
stelpuna.
Eftir að amma Lára dó árið 1986
varstu einmana, en ótrúlega varstu
duglegur að fara út að ganga og
hugsa um heilsuna. Þegar ég var á
ferðinni á Akureyri sumarið 1991
var gott að koma til þín í heimsókn,
þar sem þú tókst svo vel á móti mér,
Gylfa og strákunum okkar, Gylfa
Aroni og Alexander Aroni. Við eig-
um góðar myndir úr þeirri heim-
sókn af þér og strákunum við píanó-
ið í fallegu stofunni og verður
gaman fyrir þá að eiga þær í minn-
ingunni um langafa sinn á Akureyri.
Síðustu árin varstu veikur af als-
heimer og hættir að þekkja þína
nánustu ættingja, en í júlí síðast-
liðnum þegar við mættum öll á
hjúkrunarheimilið á Akureyri til að
fagna með þér 90 ára afmælinu
þínu, er ég sannfærð um að þú viss-
ir af okkur öllum hjá þér.
Þótt líkaminn falli að foldu
og felist sem stráið í moldu,
þá megnar Guðs miskunnarkraftur
af moldum að vekja hann aftur.
(Stef. Thor. – Sbj. E.)
Elsku afi minn, hvíl í friði.
Hildur Hauksdóttir,
Va Beach, VA.
LEÓ
SIGURÐSSON
Handrit afmælis- og minningargreina skulu
vera vel frá gengin, vélrituð eða tölvusett.
Sé handrit tölvusett er æskilegt, að disk-
lingur fylgi útprentuninni. Auðveldust er
móttaka svokallaðra ASCII-skráa, öðru
nafni DOS-textaskrár. Ritvinnslukerfin
Word og Wordperfect eru einnig auðveld í
úrvinnslu. Senda má greinar til blaðsins í
bréfasíma 569 1115, eða á netfang þess
(minning@mbl.is) — vinsamlegast sendið
greinina inni í bréfinu, ekki sem viðhengi.
Nánari upplýsingar má lesa á heimasíðum.
Það eru vinsamleg tilmæli að lengd greina
fari ekki yfir eina örk A-4 miðað við með-
allínubil og hæfilega línulengd – eða 2.200
slög. Höfundar eru beðnir að hafa skírnar-
nöfn sín en ekki stuttnefni undir greinunum.