Morgunblaðið - 15.03.2002, Blaðsíða 21

VIÐSKIPTI/ATHAFNALÍF
MORGUNBLAÐIÐ FÖSTUDAGUR 15. MARS 2002 21
Fyrst skráður: 16.03.2000.
Ekinn: 7.000 km.
Litur: Silfurgrár.
18“ Turbo álfelgur, harður toppur,
Tiptronic skipting.
Glæsilegur bíll sem er hlaðinn aukabúnaði.
Porsche Boxter S
Upplýsingar:
Lexus
Nýbýlavegi 6,
sími: 570 5400.
STOFNFISKUR hf. hlaut í gær Ný-
sköpunarverðlaun ársins 2002. Það
eru Rannsóknarráð Íslands og Út-
flutningsráð Íslands sem standa fyr-
ir verðlaununum.
Fram kom við verðlaunaafhend-
inguna að Stofnfiskur er stærsti
framleiðandi á laxa- og silungs-
hrognum á Íslandi og eina fyr-
irtækið í heiminum sem getur
stjórnað kynþroska og hrygningu
og afhent frjóvguð hrogn allt árið.
Starfsstöðvar víða um heim
Stofnfiskur er með 5 starfs-
stöðvar á Íslandi auk þess að vera
með starfsemi á Írlandi, Skotlandi
og í Norður- og Suður-Ameríku.
Í fréttatilkynningu vegna verð-
launaafhendingarinnar segir að
sérstaða fyrirtækisins sé fólgin í því
að í framleiðsluferlinu fari saman
umfangsmikil kynbótaverkefni,
sem byggist á rannsókna- og þróun-
arverkefnum auk sterkrar sér-
fræðiþekkingar, framleiðsla hrogna
og seiða allt árið, sem byggist á góð-
um náttúrulegum skilyrðum, og
gott ástand í fisksjúkdómamálum,
sem endurspeglist af góðum nátt-
úrulegum aðstæðum til eldis.
Þá segir að Stofnfiskur byggi á
uppsafnaðri reynslu af rannsóknum
á eldi laxfiska sem hófst með stuðn-
ingi Tæknisjóðs (áður Rann-
sóknasjóðs) um miðjan 9. áratuginn.
Megináherslan hafi verið á að
stjórna kynþroska og stytta ætt-
liðabil og auka hraða kynbóta til að
auka vaxtarhraða og/eða end-
urheimtur í hafbeit. Eftir að haf-
beitartilraunum hafi verið hætt hafi
áherslan verið á vaxtarhraða og
gæði matfisks í eldi.
Stofnfiskur hefur fengið alls 28,7
milljónir króna í styrki úr Tækni-
sjóði. Í fyrsta lagi hefur fyrirtækið
fengið styrk til rannsókna á aðferð-
um til að stjórna kynþroska og
hrygningu á laxi og stytta ættliðabil
og hraða kynbótum til að auka vaxt-
arhraða. Einnig hefur fyrirtækið
fengið styrk til að rannsaka erfða-
fræðilegar forsendur holdgæða á
laxi og þróa gæðastaðla fyrir mat-
fisk, samvinna við Iðntæknistofnun
og Rannsóknastofnun fiskiðnaðar-
ins. Þá hefur fyrirtækið verið styrkt
til að rannsaka forsendur kynbóta á
öðrum tegundum m.a. bleikju og
sæeyra í samvinnu við Sæbýli og
Hólaskóla.
Laxahrogn mikilvægasta afurðin
Stofnfiskur hf. var stofnaður 6.
mars 1991 af Laxeldisstöð ríkisins í
Kollafirði, fyrir hönd ríkissjóðs
(75%) og af Silfurlaxi hf. (25%). Mik-
il breyting varð á rekstri félagsins
1999 samfara því að ríkissjóður
seldi 5% eignarhlut sinn auk þess
sem félagið seldi nýtt hlutafé á
markaði. Eftir þessar breytingar
var eignarhlutur ríkissjóðs um 33%.
Ríkissjóður seldi síðan allt sitt
hlutafé sitt í almennu útboði í októ-
ber 2001. Hluthafar félagsins eru í
dag 36 að tölu.
Laxahrogn munu á næstu árum
verða mikilvægasta afurð Stofn-
fisks, segir í fréttatilkynningunni.
Þar segir jafnframt að þróun í lax-
eldi hafi verið mikil á síðustu miss-
erum sem einkennist m.a. af aukinni
sérhæfingu á milli stöðva, t.d. seiða-
stöðvar, áframeldisstöðvar, hrogna-
stöðvar o.s.frv. Sérhæfingin muni
halda áfram að aukast samfara auk-
inni framleiðslu og miði það að því
að draga úr áhættu og um leið
lækka framleiðslukostnað. Þessi
staðreynd muni skapa tækifæri fyr-
ir Stofnfisk á nýjum mörkuðum.
Hjá fyrirtækinu starfa um 35
starfsmenn. Framkvæmdastjóri er
Vigfús Jóhannsson.
Veltan Stofnfisks á árinu 2001
var um 300 milljónir króna og er
áætluð um 450 milljónir ár þessu
ári. Verðmæti félagsins samkvæmt
gengi hlutabréfa er um 1,2 millj-
arðar króna.
Morgunblaðið/Ásdís
Vigfús Jóhannsson, framkvæmdastjóri Stofnfisks hf., tekur við verðlaun-
unum úr hendi Hafliða P. Gíslasonar, formanns Rannsóknarráðs Íslands.
Stofnfiskur hf.
hlýtur Nýsköpunar-
verðlaun 2002
HAGNAÐUR Íslenskra aðalverk-
taka hf. (ÍAV) og dótturfélaga þess á
árinu 2001 nam 182 milljónum króna
eftir skatta og lækkaði um 11% milli
ára. Hagnaðurinn árið áður var 203
milljónir. Hagnaður fyrir fjármagns-
liði, skatta og afskriftir (EBITDA)
var hins vegar 219 milljónum króna
hærri í fyrra en árið áður, eða 1.016
milljónir en 797 milljónir á árinu 2000.
Stefán Friðfinnsson, framkvæmda-
stjóri ÍAV, segist sérstaklega ánægð-
ur með hagnað fyrirtækisins fyrir
fjármagnsliði, skatta og afskriftir.
Veiking íslensku krónunnar hafi hins
vegar sett strik í reikninginn fyrir fé-
lagið. Hins vegar sé ánægjulegt hvað
reksturinn hafi gengið miklu betur á
seinni hluta ársins 2001 en á fyrri
hluta þess.
Afkoman batnaði um 396
milljónir á síðari hluta ársins
Rekstrartekjur samstæðu ÍAV
námu 8.559 milljónum króna á árinu
2001 en 9.737 milljónum á árinu 2000.
Rekstrargjöld lækkuðu einnig milli
ára, úr 8.940 milljónum árið 2000 í
7.543 milljónir í fyrra. Hagnaður fyrir
fjármagnsliði og skatta nam 706 millj-
ónum á móti 487 milljónum árið áður.
Þá nam hagnaður félagsins fyrir
skatta 102 milljónum en var 301 millj-
ón á árinu 2000. Fjármagnsliðir voru
neikvæðir um 629 milljónir árið 2001
en 194 milljónir árið áður. Í tilkynn-
ingu félagsins segir að þessi þróun
skýrist að mestu af því að skuldir fé-
lagsins séu að stærstum hluta bundn-
ar erlendum gjaldmiðlum og sé geng-
istap af skuldum félagsins vegna
áhrifa veikingar íslensku krónunnar
433 milljónir.
Veruleg umskipti urðu í rekstri
ÍAV á síðari hluta ársins 2001 en sam-
kvæmt 6 mánaða uppgjöri var tap
tímabilsins á rekstri 214 milljónir og
hafi afkoman því batnað um 396 millj-
ónir króna á síðari hluta ársins.
Heildareignir samstæðu ÍAV námu
8.274 milljónum í árslok 2001 en voru
8.769 milljónir í árslok 2000. Bókfært
eigið fé í árslok 2001 var 3.095 millj-
ónir en í upphafi árs 2.990 milljónir,
en í október síðastliðinn keypti félagið
eigin bréf fyrir 233 milljónir. Eigin-
fjárhlutfall hækkaði úr 34% í 37% á
árinu og innra virði hlutafjár hækkaði
úr 2,1 í 2,3.
Eignarhald á lóðum
skilar nýjum tækifærum
Í tilkynningu Íslenskra aðalverk-
taka segir að félagið hafi lagt traustan
grunn að áframhaldandi uppbygg-
ingu eigin verka með kaupum og þró-
un á byggingarlöndum með framtíð-
aruppbyggingu íbúðarhverfa og
athafnasvæða. Stefnt sé að áfram-
haldandi þróun á byggingarlöndum
og sé stefna fyrirtækisins að auka
hlutfall þróunarverkefna. Sá kostnað-
ur og fjárbinding sem tengist eign-
arhaldi á lóðum og byggingarrétti eigi
að skila félaginu nýjum tækifærum og
framtíðararðsemi, þó skammtíma-
sveiflur á fjármálamörkuðum geri
eignarhald á langtímafjárfestingum
dýrt til skemmri tíma litið, líkt og
gerðist á árinu 2001.
Stjórn ÍAV gerir tillögu til aðal-
fundar, sem haldinn verður miðviku-
daginn 27. mars næstkomandi, að
greiddur verði 9% arður til hluthafa.
Hagnaður Íslenskra aðalverktaka hf. 182 milljónir króna
Veiking krónunnar
setti strik í reikninginn
Hagnaður Omega Farma
tvöfaldast milli ára
HAGNAÐUR Omega Farma ehf.
nam 229 milljónum króna á árinu
2001, sem er ríflega tvöfalt meiri
hagnaður en árið áður er hagnaður-
inn var 106 milljónir. Velta fyr-
irtækisins var einnig yfir tvöfalt
meiri í fyrra, eða 1.089 milljónir en
497 milljónir árið 2000. Áætlanir
fyrirtækisins gera ráð fyrir að velt-
an á þessu ári aukist enn frekar og
verði um 3 milljarðar króna.
Samkvæmt upplýsingum frá
Omega Farma er meirihlutinn af
sölu fyrirtækisins á síðasta ári til-
kominn vegna útflutnings á lyfjum
og lyfjatengdu hugviti. Salan innan-
lands jókst hins vegar um 37% milli
áranna 2000 og 2001 og hefur hún
haldið áfram að aukast því á fyrstu
tveimur mánuðum þessa árs var
salan innanlands um 38% meiri en á
sama tímabili í fyrra.
Allur rannsóknar- og þróunar-
kostnaður Omega Farma er gjald-
færður. Rekstrargjöld fyrirtækisins
jukust um 144% milli áranna 2000
og 2001 og námu 749 milljónum í
fyrra.