Morgunblaðið - 15.03.2002, Blaðsíða 50

Háteigskirkja. Samverustund eldri
borgara kl. 13 í umsjón Þórdísar, þjón-
ustufulltrúa.
Laugarneskirkja. Morgunbænir kl.
6.45–7.05 alla virka daga nema
mánudaga. Mömmumorgunn kl. 10–
12 í
umsjá Hrundar Þórarinsdóttur, djákna.
Kaffispjall fyrir mæður, góð upplifun
fyrir börn.
Kirkjuskólinn í Mýrdal. Samvera á
morgun laugardag kl. 11.15 í Vík-
urskóla.
Lágafellskirkja. Kirkjukrakkafundur í
Varmárskóla kl. 13.15–14.30.
Boðunarkirkjan, Hlíðarsmára 9. Sam-
komur alla laugardaga kl. 11–12.30.
Lofgjörð, barnasaga, prédikun og bibl-
íufræðsla. Barna- og unglingadeildir á
laugardögum. Létt hressing eftir sam-
komuna. Allir velkomnir. Biblíufræðsla
alla virka daga kl. 10, 13 og 22 á FM
105,5.
Hvítasunnukirkjan á Akureyri. Ung-
lingasamkoma í kvöld kl. 21.
Sjöundadags aðventistar á Íslandi:
Aðventkirkjan, Ingólfsstræti: Biblíu-
fræðsla kl. 10. Guðsþjónusta kl. 11.
Ræðumaður Gavin Anthony.
Biblíurannsókn og bænastund á mið-
vikudagskvöldum kl. 20. Allir hjart-
anlega velkomnir.
Safnaðarheimili aðventista, Blika-
braut 2, Keflavík: Biblíufræðsla kl.
10. Guðsþjónusta kl. 11. Ræðumaður
Maxwell Ditta.
Safnaðarheimili aðventista, Gagn-
heiði 40, Selfossi: Biblíufræðsla kl.
10.15. Guðsþjónusta kl. 11.15.
Ræðumaður Elías Theodórsson.
Samlestrar og bænastund á mánu-
dagskvöldum kl. 20. Allir hjartanlega
velkomnir.
Aðventkirkjan, Brekastíg 17, Vest-
mannaeyjum: Biblíufræðsla kl. 10.
Guðsþjónusta kl. 11. Ræðumaður Jón
Hjörleifur Jónsson.
Samlestrar og bænastund í safnaðar-
heimilinu á fimmtudögum kl. 17.30.
Allir hjartanlega velkomnir.
Loftsalurinn, Hólshrauni 3, Hafnar-
firði: Guðsþjónusta/biblíufræðsla kl.
11. Ræðumaður Björgvin Snorrason.
Biblíurannsókn/bænastund á miðviku-
dagskvöldum kl. 20. Allir hjartanlega
velkomnir.
Safnaðarstarf
KIRKJUSTARF
50 FÖSTUDAGUR 15. MARS 2002 MORGUNBLAÐIÐ
Úrval fermingargjafa
Góð fermingartilboð
FREMSTIR FYRIR GÆÐI
„KIRKJAN réttir hendur sínar út
til samfélagsins til samtals og
samvinnu.“ Opnir kirkjudagar
verða í Vídalínskirkju helgina 16.
til 17. mars.
Á kirkjudögum gefst fólki kost-
ur á að kynna sér það fjölbreytta
starf sem fram fer á vegum sókn-
arinnar og alla starfsaðstöðu
starfsfólksins. Fjölbreytt dagskrá
gefur öllum aldurshópum mögu-
leika á að finna eitthvað við sitt
hæfi. Til dæmis verður sögustund
á laugardeginum kl. 16.30 í kirkj-
unni fyrir yngsta fólkið, sem þau
heiðurshjón Margrét Ólafsdóttir
og Steindór Hjörleifsson, sjá um.
Á sunnudeginum kl. 12.30 kemur
rauði leiktækja-strætisvagninn
frá KFUM og K, okkar góðu sam-
herjum í safnaðarstarfinu.
Hinar sjö starfsnefndir kirkj-
unnar munu kynna störf sín.
Nefndir þessar eru uppbyggðar
af sjálfboðaliðum úr bæjarfélag-
inu sem vilja leggja kirkjunni
sinni lið og stuðla að framgangi
hennar.
Til sýnis verða embættisklæði
presta og djákna í samræmi við
liti kirkjuársins. Til sýnis verða
gjafir sem kirkjunni hafa borist.
Saga sóknarinnar og beggja
kirkna Garðasóknar, Garðakirkju
og Vídalínskirkju, verður kynnt.
Merkilegt málþing verður um
meistara Jón Vídalín, í kirkjunni.
Málverkasýning eftir Gísla Hol-
gersson. Helgimyndir sýndar eft-
ir Guðfinnu Hjálmarsdóttur.
Sýndir munir úr starfi eldri
(heldri) borgara. Tónlistaratriði,
upplestur og margt fleira verður
til skemmtunar.
Kirkjudögunum lýkur síðan á
sunnudagskvöld kl. 20, með veg-
legum hátíðartónleikum þar sem
tónlist verður við allra hæfi. Kór-
söngur, hljóðfæraleikur og gospel
t.d.
Fólk er hvatt til að koma og
fylgjast með skemmtilegri dag-
skrá eftir því sem áhugi og tími
leyfir.
Veitingar verða í boði Garða-
sóknar báða dagana.
Útbreiðslu- og kynningarnefnd
Garðasóknar.
Thomas Sloan
í Krossinum
THOMAS Sloan er þekktur gosp-
eltónlistarmaður sem hefur gert
víðreist. Hann hefur sungið inn á
tugi hljómplatna sem hafa bless-
að milljónir manna. Thomas
Sloan er trúlega þekktastur fyrir
vinnu sína fyrir sjónvarp, en
hann hefur verið mikilvirkur í
þeim geiranum.
Mike Sloan mun þjóna á sam-
komumí Krossinum í Kópavogi á
laugardagskvöldið kl 20.30 og
sunnudaginn kl. 16.30 ásamt pre-
dikaranum Curtis Silcox.
Opnir kirkju-
dagar í
Vídalínskirkju
HESTAR
LANDBÚNAÐARRÁÐHERRA
skipaði árið 1999 nefnd til að endur-
skoða lög um búfjárhald, forðagæslu
og fleira. Meðal þeirra sem sátu í
nefndinni var Sigríður Björnsdóttir,
dýralæknir hrossasjúkdóma hjá emb-
ætti yfirdýralæknis. Hún segir að í
nýja frumvarpinu sé tekið á mörgum
atriðum sem snerta hestahald og
reynt að samræma eftirlit með bú-
fjárhaldi og gera það skilvirkara.
Ein breytingin sem lögð er til með
frumvarpinu er að stækka búfjáreft-
irlitssvæðin og fækka þeim. Nauðsyn-
legt er talið að samræma búfjáreftirlit
um land allt og er Bændasamtökum
Íslands falið það hlutverk. Lögð er
áhersla á hæfi búfjáreftirlitsmanna
og að minnka þá nálægð sem verið
hefur í búfjáreftirlit.
Sveitarfélög skrái
alla sem halda búfé
Lagt er til að dregið verði úr forð-
agæslueftirliti hjá þeim sem allt hefur
verið í lagi hjá síðustu ár. Þeim er
sjálfum treyst til að skila inn
skýrslum með upplýsingum um fjölda
búfjár og heildarmagn fóðurforða. Þá
er gert ráð fyrir að hætt verði að fara í
eftirlitsferðir til þeirra sem taka þátt í
innra eftirliti eða gæðastýringu sem
viðurkennd er af Bændasamtökunum
en að þeir skili inn skýrslum á haustin
eins og aðrir. Haldið skal uppi sér-
stöku eftirliti hjá þeim sem gerðar
hafa verið athugasemdir hjá.
Einnig er lagt til að sveitarstjórnir
haldi skrá yfir þá sem halda búfé inn-
an umdæmis sveitarfélagsins og
þannig verði til heildarskrá yfir alla
sem halda búfé. Gert er ráð fyrir að
sveitarstjórnir sendi uppfærða skrá
árlega til búnaðarsambanda, héraðs-
dýralækna og BÍ. Skráningar þessar
verði síðan að gagnagrunni um alla
sem halda búfé.
Graðhestar frá 10
mánaða í vörslu allt árið
Það vekur athygli að samkvæmt
frumvarpinu er aldur graðhesta sem
ber að hafa í vörslu allt árið lækkaður
í 10 mánuði í stað 12 mánaða áður.
Ástæða þessarar breytingar er sú að
talið er að folar verði kynþroska vet-
urgamlir og með þessu er talið tryggt
að þeir séu í öruggri vörslu strax að
vori. Vegna þess að seinfæddir folar
hafa ekki náð árs aldrei á þeim tíma
er lagt til að aldurinn verði færður
niður í 10 mánaða.
Þá er eining gerð sú breyting að
lögreglustjóri skuli í stað hreppstjóra,
enda eru þeir orðnir fáir í landinu,
hlutast til um að graðhestar sem ekki
eru í öruggri vörslu séu handsamaðir
og þeim komið í örugga vörslu. Við
ítrekuð brot, eða þriðja brot, skal vera
heimilt að selja graðhest nauðungar-
sölu samkvæmt lögum, en síðan sé
heimilt að fella hann verði hann ekki
seldur. Nauðsynlegt var talið að þetta
ákvæði kæmi inn í lögin.
Einnig vekur athygli sú ábyrgð
sem sett er á hendur umráðamönnum
lands ef búfé kemst inn á þau svæði
þar sem lausaganga er bönnuð. Hann
ber ekki einungis ábyrgð á að hand-
sama það, heldur einnig að fóðra það
og geyma þar til umráðamaður þess
sækir það. Umráðamaður búfjár ber
þó allan kostnað sem af þessu hlýst.
Ef umsjónarmaður búfjár hefur ekki
fundist eða sinnt fyrirmælum innan
tveggja sólarhringa frá tilkynningu
er hægt að afhenda það lögreglu-
stjóra sem ráðstafar því í samráði við
sveitarstjórn.
Aukin ábyrgð hjá
héraðsdýralæknum
Séu gripir í hagagöngu á eyðijörð-
um eða landspildum þar sem ekki er
föst búseta skal umráðamaður búfjár
ætíð tilgreina tilsjónarmann sem
sveitarstjórn hefur samþykkt. Til-
sjónarmaður sér um fóðrun og eftirlit
með aðbúnaði búfjár og beitilöndum
þess. Tilsjónarmaður skal skráður á
viðkomandi skýrslu. Umráðamaður
lands ber ábyrgð á fullnægjandi upp-
Frumvarp til laga um búfjárhald, forðagæslu og fleira
Dregið úr eftirliti
sé aðbúnaður og
fóðrun í góðu lagi
Morgunblaðið/Kristinn
Nú liggur fyrir Alþingi frum-
varp til laga um búfjárhald,
forðagæslu og fleira. Eins og
gefur að skilja er margt í
þessu frumvarpi sem snertir
alla þá sem hafa umsjón með
hestum. Ásdís Haraldsdóttir
gluggaði í frumvarpið og
ræddi við Sigríði Björnsdóttur
dýralækni hrossasjúkdóma.
UNDIRBÚNINGUR fyrir Lands-
mót hestamanna sem haldið verð-
ur á Vindheimamelum í Skagafirði
er í fullum gangi. Helstu fram-
kvæmdum á svæðinu var að mestu
leyti lokið í fyrra en nú er verið að
ljúka við að innrétta stóðhesta-
húsið sem rúmar 39 hesta í eins
hesta stíum.
Að sögn Hjartar Einarssonar
formanns framkvæmdanefndar
Landsmóts 2002 á ýmislegt eftir
að gera á svæðinu áður en lands-
mótið hefst. Í vor og sumar þarf
að fara yfir allt svæðið og gera
andlitslyftingu á því, eins og hann
orðaði það, og einnig að fara yfir
vellina. Þá þarf að leggja rafkerfi,
tölvu- og símakerfi og verður mik-
ið lagt upp úr að öll þessi kerfi
verði í góðu lagi á mótinu.
„Þó margt eigi eftir að gera fyr-
ir landsmótið virðist allt vera sam-
kvæmt áætlun. Allir sem koma að
undirbúningnum eru áhugasamir
og duglegir. Við réðum nýlega
framkvæmdastjóra fyrir mótið,
Lárus Dag Pálsson, og ég vænti
mikils af starfi hans. Ég get því
ekki annað en verið bjartsýnn,“
sagði Hjörtur.
Hjörtur segir að þrátt fyrir
plássið í stóðhestahúsinu dugi það
engan veginn fyrir alla stóðhesta
sem væntanlegir eru á mótið.
Samið hefur verið um pláss fyrir
þá á nálægum bæjum, auk þess
sem eigendur stóðhesta hafa sjálf-
ir útvegað pláss fyrir hesta sína.
Hann segist hafa orðið var við
mikinn áhuga á að koma hrossum
á landsmótið, enda séu landsmótin
hápunktur hestamennskunnar og
fólk hafi metnað til að standa sig.
Hann segist ekki eiga von á öðru
en flestir ef ekki allir sem eigi
hross sem ná lágmarkseinkunnum
inn á landsmótið komi með þau.
Þessa dagana er verið að kanna
áhuga hrossaræktenda á að vera
með ræktunarbússýningu. „Við er-
um að kanna baklandið,“ sagði
Hjörtur. „Okkur þótti það nauð-
synlegt til að auðvelda okkur að
skipuleggja ræktunarbússýning-
arnar. Best væri ef allir sem
áhuga hafa geti verið með, en ef
áhuginn verður mjög mikill verður
nauðsynlegt að takmarka fjölda
búa, því við höfum ekki ótakmark-
aðan tíma í dagskránni.“
Hjörtur segir víst að það kosti
mikið að halda landsmót, en hann
segir aðstandendur mótsins gera
sér ljóst hvað þurfi til að halda
gott mót án þess að vera með
skýjaborgir. „Við ætlum að reyna
að hafa allt sem snýr að móts-
gestum og keppendum í lagi.
Kappkostað verður að bjóða upp á
góðar veitingar og þjónustu. Þá
verður mikil áhersla lögð á gott
mannlíf og að mótið verði fjöl-
skylduvænt. Meðal annars verður
sett upp tívolí fyrir börnin og
bryddað verður upp á ýmsum nýj-
ungum sem koma í ljós þegar nær
dregur.
Við gerum ráð fyrir að flestir
gisti í tjaldvögnum, hjólhýsum og
tjöldum á svæðinu, en auk þess er
hægt að fá gistingu á hótelum,
gistiheimilum og í bændagistingu.
Að vísu er þegar orðið fullt í gist-
ingu víða, en í rauninni lítum við
svo á að hægt sé að gista á svæð-
inu milli Blönduóss og Akureyrar.
Svo dæmi sé tekið er um 50 mín-
útna akstur til Akureyrar og 45
mínútna akstur á Húnavelli og
þykir mörgum það ekki mikið.
Ferðamálafulltrúi Skagafjarðar,
Guðbjörg Guðmundsdóttir, er að
taka saman gistimöguleika á
svæðinu og er hægt að fá allar
upplýsingar um þá hjá henni.
Undirbúningur fyrir Landsmót
2002 gengur samkvæmt áætlun