Morgunblaðið - 04.04.2002, Side 21

ERLENT
MORGUNBLAÐIÐ FIMMTUDAGUR 4. APRÍL 2002 21
EDUARDO Duhalde, forseti Arg-
entínu, minntist í fyrradag þeirra
argentínsku hermanna, sem féllu í
stríðinu um Falklandseyjar fyrir 20
árum, og ítrekaði þá kröfu landsins
til eyjanna.
„Malvínas-eyjar (Falklandseyjar)
tilheyra okkur. Við munum end-
urheimta þær,“ sagði Duhalde við
athöfnina, sem fram fór í bænum
Ushuaia, 3.000 km suður af Buenos
Aires. Tóku nokkur þúsund manns
þátt í henni, þar af margir, sem
börðust í stríðinu við Breta.
Leopoldo Galtieri, þáverandi
herstjóri í Argentínu, fyrirskipaði
innrásina á Falklandseyjar en
Bretar náðu þeim aftur á sitt vald
eftir blóðug átök í 74 daga. Kost-
uðu þau 648 argentínska hermenn
lífið og 255 breska.
Duhalde lagði áherslu á, að Falk-
landseyjar yrðu unnar aftur en þó
ekki með valdi, heldur með þol-
inmæði og seiglu og stuðningi ann-
arra ríkja í Suður-Ameríku. Sagði
hann, að samtímis væri mikilvægt
að hafa gott samband við núver-
andi íbúa eyjanna.
„Fullkomið klúður“
Falklandseyjastríðsins verður
minnst með ýmsum hætti um alla
Argentínu á næstu dögum. Martin
Balza, fyrrverandi yfirmaður hers-
ins, sem sjálfur barðist á Falk-
landseyjum, segir, að innrásin á
eyjarnar 2. apríl 1982 hafi verið
„sögulegt afrek“ en stríðið sjálft
„fullkomið klúður“. Sagði hann, að
ekki mætti spyrða saman her-
mennina, sem þar börðust, og
Galtieri og herstjórnina.
„Við skulum gleyma pólitísku
mistökunum, eins og þeim að
halda, að Bretar myndu ekkert
gera og Bandaríkjamenn ekki
styðja þá. Stríðinu var fyrst og
fremst ætlað að styrkja einræð-
isstjórn hersins með því að spila á
strengi þjóðerniskenndarinnar,“
sagði Balza.
Reuters
Uppgjafahermenn úr Falklandseyjastríðinu með argentínska fánann, tveggja kílómetra langan. Með hann fara
þeir vítt og breitt um landið til að minnast félaga sinna sem féllu í Falklandseyjastríðinu fyrir 20 árum.
Duhalde forseti
ítrekar kröfu
til eyjanna
Buenos Aires. AFP.
Argentínumenn minnast Falk-
landseyjastríðsins fyrir 20 árum
alltaf á föstudögum