Morgunblaðið - 13.04.2002, Qupperneq 27

ERLENT
MORGUNBLAÐIÐ LAUGARDAGUR 13. APRÍL 2002 27
Setning ráðstefnunnar
Árni Tómasson, bankastjóri Búnaðarbankans
Ávarp
Jón Kristjánsson, heilbrigðis- og trygginga-
málaráðherra
Skattlagning lífeyristekna
Gylfi Magnússon, dósent við Viðskipta- og
hagfræðideild Háskóla Íslands
Fjármálaþjónusta við eldri borgara
Sólon R. Sigurðsson, bankastjóri Búnaðarbankans
Eignir og tekjur eldri borgara
Ásgeir Jóhannesson, ráðgjafi
Kaffiveitingar
Breytt aldurssamsetning og kostnaður
vegna snemmtöku eftirlauna
Tryggvi Þór Herbertsson, forstöðumaður
Hagfræðistofnunar
Hrörnun almannalífeyriskerfisins
Benedikt Davíðsson, formaður Landssambands eldri
borgara
Niðurstöður nýrrar Gallupkönnunar
um fjárhag eldri borgara
Pallborðsumræður
www.bi.is
Þátttaka er ókeypis. Tilkynna þarf þátttöku fyrir kl.14:00,
mánudaginn 15. apríl í síma 525 6342.
Hvernig er fjárhagsleg staða
eldri borgara á Íslandi?
Búnaðarbankinn efnir til ráðstefnu um
fjármál eldri borgara í Súlnasal Hótels Sögu,
þriðjudaginn 16. apríl frá kl. 13:30 –17:00
Ráðstefna um
fjármál eldri borgara
mann í flokki frjálsra demókrata í
Þýskalandi, en hann sat þá í fram-
kvæmdastjórn ESB.
„Náinn bandamaður“
Í skjölunum segir, að Kohl hafi
verið „náinn bandamaður tóbaksiðn-
aðarins frá 1978“ og hann hafi fallist
á, að fyrirhugað bann ætti að falla
undir ákvörðun einstakra ríkis-
STÓRU tóbaksfyrirtækin höfðu á
sínum tíma samband við Helmut
Kohl, fyrrverandi kanslara Þýska-
lands, Margaret Thatcher, fyrrver-
andi forsætisráðherra Bretlands, og
nokkra háttsetta embættismenn í
Evrópusambandinu og báðu þau að
koma í veg fyrir bann við tóbaksaug-
lýsingum innan sambandsins. Kem-
ur þetta fram í grein, sem birtist í
dag í breska læknablaðinu Lancet.
Tóbaksiðnaðurinn leit á þetta fólk
sem mikilvæga bandamenn í barátt-
unni gegn fyrirhuguðu auglýsinga-
banni að því er fram kemur í gögn-
um, sem fyrirtækin hafa neyðst til að
opinbera vegna málaferla í Banda-
ríkjunum.
Í þeim segir, að fyrirtækin hafi
ákveðið að grípa til sinna ráða 1989
þegar fyrirhugað auglýsinga- og
kostunarbann var kynnt. Komu þau
strax auga á, að fá ríki gætu komið í
veg fyrir bannið í ráðherraráði ESB
þar sem krafist er tilskilins meiri-
hluta. Auk þeirra Kohls og Thatch-
ers fengu tóbaksfyrirtækin til liðs
við sig þá Kenneth Clarke, þáver-
andi heilbrigðisráðherra Bretlands,
og Martin Bangemann, frammá-
stjórna. Thatcher hafi fordæmt
bannið sem „afskipti“ af innanríkis-
málum aðildarríkjanna.
1992 breytti tóbaksiðnaðurinn um
áætlun að því er fram kemur í
gögnunum. Hann setti saman sína
eigin útvötnuðu tillögu um bannið og
með hjálp Bangemanns var henni
komið á framfæri innan fram-
kvæmdastjórnarinnar. Ári síðar var
hún orðin að hinni formlegu tillögu.
Tóbaksfyrirtækjunum tókst síðan
með ýmsum þrýstingi að tefja af-
greiðslu þeirrar tillögu í fimm ár.
Fólst hann meðal annars í miklum
áróðri hjá um 300 blaðamönnum,
sem skrifa sérstaklega um Formúl-
una en þar er tóbaksiðnaðurinn mjög
stór kostunaraðili.
Tillagan var loks samþykkt 1998
en í október 2000 var henni hafnað í
Evrópudómstólnum, sem sagði, að
hún fæli í sér afskipti af innanrík-
ismálum aðildarríkjanna.
Fengu háar fjárhæðir
Í skýrslu um rannsókn þessa máls,
sem var unnin fyrir bandaríska
rannsóknamiðstöð og læknadeild
Kaliforníuháskóla í San Francisco,
er ekki sagt, að lög hafi verið brotin
eða fólk keypt en á það er bent, að
þegar þau Kohl og Thatcher höfðu
látið af embætti, fengu þau miklar
greiðslur frá tóbaksfyrirtækjunum
fyrir ráðgjöf og önnur störf. Kemur
þetta fram í skjölunum, sem eru að-
allega frá Philip Morris, Rj Reyn-
olds og British American Tobacco.
Stóru tóbaksfyrirtækin reyndu að koma í veg fyrir auglýsingabann í Evrópusambandsríkjunum
Fengu Kohl og Thatch-
er til liðs við sig
París. AFP.
Meira en
100 manns
falla í árás-
um maóista
í Nepal
Katmandu. AFP.
MEIRA en hundrað manns biðu
bana, þeirra á meðal 84 lögreglu-
menn, í árásum þúsunda liðsmanna
uppreisnarhreyfingar maóista í
Nepal í gær. Eru þetta mannskæð-
ustu árásir uppreisnarmannanna
frá því í febrúar þegar þeir urðu 128
lögreglumönnum að bana.
Háttsettur embættismaður í Nep-
al sagði að nær 3.000 uppreisnar-
menn hefðu ráðist á tvær lögreglu-
varðstöðvar í frumskógarhéraðinu
Dang.
35 lögreglumenn lágu í valnum í
varðstöð í Satbaria við bústað
Khums Bahadur Khadka innanrík-
isráðherra. Khadka var staddur í
höfuðborginni, Katmandu, og fór til
héraðsins til að meta ástandið.
49 lögreglumenn til viðbótar biðu
bana í árás á varðstöð í Lamahi.
Að minnsta kosti tólf uppreisnar-
menn féllu í árásunum. Þá brunnu
sex óbreyttir borgarar inni þegar
uppreisnarmenn kveiktu í rútu í
frumskógarhéraðinu.
Uppreisnarmenn kveiktu einnig
elda í frumskóginum til að hindra að
herinn gæti sent liðsauka í varð-
stöðvarnar með þyrlum.
Krefjast afsagnar
forsætisráðherrans
Líklegt þykir að blóðsúthelling-
arnar veiki stöðu Shers Bahadurs
Deuba forsætisráðherra, sem hefur
átt undir högg að sækja þar sem
hópur flokksbræðra hans í Þjóð-
þingsflokki Nepals hefur krafist
þess að hann segi af sér og gripið
verði til harðari aðgerða gegn upp-
reisnarmönnunum.
Deuba komst til valda í júlí og
náði strax samkomulagi við upp-
reisnarmennina um vopnahlé.
Friðarumleitanir hans fóru þó út um
þúfur, einkum vegna kröfu upp-
reisnarmannanna um að konung-
dæmið verði afnumið. Þeir hófu
uppreisnina fyrir sex árum og
stefna að því að stofna alþýðulýð-
veldi í anda Maós.
Skæruliðarnir rufu vopnahléð í
nóvember með árásum á nokkrar
her- og lögreglustöðvar og stjórnin
setti neyðarlög nokkrum dögum síð-
ar. Gyanendra konungur fyrirskip-
aði einnig hernum að berjast við
uppreisnarmennina, en áður hafði
stjórnin aðeins beitt lögreglunni í
átökunum.