Morgunblaðið - 28.05.2002, Side 18

VIÐSKIPTI/ATHAFNALÍF
18 ÞRIÐJUDAGUR 28. MAÍ 2002 MORGUNBLAÐIÐ
SVESI Samtök um vernd eignarréttinda á sviði iðnaðar
AÐALFUNDUR
Samtaka um vernd eignarréttar á sviði iðnaðar,
SVESI, verður haldinn miðvikudaginn 5. júní nk. kl.
16.00 í fundarsal A&P Árnason og LOGOS
í Efstaleiti 5, 103 Reykjavík.
Dagskrá:
Venjuleg aðalfundarstörf skv. 5. gr. félagslaga.
Stjórnin
SÍLDARVINNSLAN hf. í Neskaup-
stað keypti í gær hlutabréf í SR-mjöli
hf. að nafnverði tæplega 298 milljónir
króna. Er eignarhlutur Síldarvinnsl-
unnar í SR-mjöli nú 29% eða 358
milljónir króna að nafnvirði. Eignar-
hlutur Síldarvinnslunnar í SR-mjöli
hf. var fyrir kaupin 4,6%. Ætla má að
verðmæti hlutarins sem Síldarvinnsl-
an keypti í gær sé 1,5–1,6 milljarðar
króna.
Í tilkynningum til Verðbréfaþings í
gær kom fram að seljendur bréfanna
eru m.a. Sundagarðar ehf., sem seldu
hlutafé að nafnvirði 97,3 milljónir, Ís-
landsbanki hf. sem seldi hlutafé að
nafnvirði 20,6 milljónir, Bergur-Hug-
inn ehf. í Vestmanneyjum sem seldi
44 milljónir og Magnús Kristinsson,
framkvæmdastjóri Bergs-Hugins,
sem seldi 14,4 milljónir króna. Fram
kom að hlutur Magnúsar var seldur á
genginu 5,05. Miðað við það má ætla
að verðmæti SR-mjöls sé um 5,6
milljarðar króna. Í tilkynningu á
Verðbréfaþingi kemur fram að Síld-
arvinnslan kaupir um 155,7 milljónir
að nafnverði á framvirkum samningi
með gjalddaga 12. júlí nk. og 42,2 að
nafnverði eru keyptar á framvirkum
samningi með gjalddaga 20. júní
2002.
Samherji eignast
12,86% hlut
Þá keypti Samherji hf. í gær hluta-
bréf í SR-mjöli hf. að nafnverði kr.
97,3 milljónir króna. Eignarhlutur
Samherja hf. er nú 12,86% eða 159
milljónir króna að nafnverði, en var
áður 4,99%. Samanlagður hlutur
Síldarvinnslunnar og Samherja í SR-
mjöli er því 41,82% að loknum við-
skiptunum í gær. Samherji átti
11,87% hlut í Síldarvinnslunni um
síðustu áramót.
Björgólfur Jóhannsson, forstjóri
Síldarvinnslunnar hf., segir að ástæð-
an fyrir kaupunum sé fyrst og fremst
sú að SR-mjöl sé gott og vel rekið fé-
lag. Eins vilji Síldarvinnslan vera
þátttakandi í þeim umbreytingum
sem fyrirsjáanlegar eru á íslenskum
uppsjávarmarkaði. „Það hefur verið
uppi umræða um að framundan sé
mikil hagræðing í vinnslu og veiðum
uppsjávarfisks. Þannig má búast við
sameiningum fiskimjölsverksmiðja
og að þeim fækki. Það var okkar mat
að við viljum vera þátttakendur í
þeim umbótum sem framundan eru
og erum því einfaldlega að fjárfesta í
góðu og vel reknu félagi og vonumst
þannig til að með svo stórum eign-
arhlut getum við haft áhrif á þá þróun
sem framundan er,“ segir Björgólfur.
SR-mjöl hf. er eitt stærsta sjávar-
útvegsfyrirtæki landsins á sviði upp-
sjávarfisks. Það rekur fiskimjöls-
verksmiðjur á Siglufirði, Raufarhöfn,
Seyðisfirði, Reyðarfirði og í Helgu-
vík, auk þess sem félagið rekur fiski-
mjölsverksmiðju á Hornafirði. Ætla
má að afkastageta verksmiðjanna sé
um 4.800 tonn á sólarhring.
SR-mjöl hf. hefur í gegnum tíðina
tengst útgerðarfélögum með beinum
og óbeinum hætti. Ótal útgerðir hafa
til margra ára landað nánast öllum
uppsjávarfiski hjá verksmiðjum SR-
mjöls, auk þess sem félagið hefur á
undanförnum árum eignast eignar-
hluti í mörgum útgerðarfyrirtækjum.
SR-mjöl á 100% hlut í útgerðarfélag-
inu Valtý Þorsteinssyni ehf. á Akur-
eyri sem gerði út Þórð Jónasson EA,
53% hlut í útgerð Guðmundar Ólafs
ÓF, 50% hlut í útgerð Ásgríms Hall-
dórssonar SF, 45% hlut í útgerð
Hugins VE, 38% hlut í útgerð Bjarna
Ólafssonar AK og 37% hlut í Langa-
nesi hf. sem m.a. gerir í Björgu Jóns-
dóttur ÞH.
Þá seldi Fjarðabyggð í gær hluta-
bréf í Síldarvinnslunni að nafnverði
30 milljónir króna á genginu 5,5 eða
fyrir um 165 milljónir króna. Eign-
arhlutur Fjarðabyggðar í Síldar-
vinnslunni er nú 2,6% en var áður
5,2%.
Síldarvinnslan
eignast 29% hlut
í SR-mjöli
Keypti hlutabréf
fyrir rúma 1,5
milljarða í gær
SR-mjöl er eitt stærsta sjávarútvegsfyrirtæki landsins á sviði uppsjávar-
fisks, á fimm fiskimjölsverksmiðjur og tengist útgerð fjölmargra uppsjáv-
arveiðiskipa á beinan og óbeinan hátt.
Morgunblaðið/Kristinn
AFKOMA af reglulegri starfsemi
Flugleiða og dótturfélaga fyrir
skatta batnaði um 745 milljónir
króna á fyrsta ársfjórðingi 2002 frá
sama tímabili árið áður. Forstjóri fé-
lagsins segir að þetta séu skýrar vís-
bendingar um að aðgerðir sem félag-
ið greip til í vetur væru að skila
árangri.
Fyrstu þrjá mánuði þessa árs var
tap af reglulegri starfsemi Flugleiða
fyrir skatta 1.553 milljónir króna en
var 2.298 milljónir króna á sama
tímabili í fyrra. Í fyrra kom félaginu
til tekna 690 milljóna króna lækkun
tekjuskatts, sem er ekki til að dreifa í
uppgjörinu nú og því urðu lokanið-
urstöður rekstrarreiknings fyrstu
þrjá mánuði ársins 1.608 milljóna
króna tap. Fjármunamyndun frá
rekstrinum hefur batnað töluvert
milli ára, eða sem nemur um einum
milljarði króna. Veltufé frá rekstri á
tímabilinu var 683 milljónir króna, en
var 1.704 á sama
tímabili í fyrra.
Rekstrartekjur
Flugleiða námu 6.879
milljónum króna á
fyrstu þremur mán-
uðunum í ár, en voru
6.616 milljónir króna í
fyrra. Gjöld voru
8.338 milljónir króna
nú, en 8.693 á sama
tíma 2001. Tap fyrir
vexti, afskriftir og flugvélaleigu nam
275 milljónum króna nú, en var 1.109
milljónir á sama tíma í fyrra, sem er
umtalsverður rekstrarbati.
Glögg batamerki
Afkoman fyrstu þrjá mánuði 2002
er betri en áætlanir gerðu ráð fyrir. Í
nýjum endurskoðuðum áætlunum
Flugleiða er gert ráð fyrir að hagn-
aður verði af rekstri félagsins á árinu
2002. Þó er veruleg óvissa um eft-
irspurn og afkomu á
síðasta ársfjórðungi.
„Við erum að sjá
glögg batamerki í
rekstrinum á sama
tíma og alþjóðaflug-
rekstur á víða erfitt
uppdráttar,“ segir
Sigurður Helgason,
forstjóri Flugleiða.
„Við munum því
halda áfram þeim
breytingum sem við hófumst handa
um að gera á starfseminni í vetur því
enn er töluvert í að afkoman sé við-
unandi. Batamerkin eru skýrust í al-
þjóðafarþegaflugi og innanlandsflugi
Flugfélags Íslands. Einnig hefur
verið góð afkoma af nýju dótturfélagi
Flugleiða, Flugleiðir-Leiguflug.“
Í frétt frá Flugleiðum segir að
vegna mikillar árstíðasveiflu í flutn-
ingum sé jafnan töluvert tap af starf-
seminni á fyrsta fjórðungi ársins, en
á móti komi mikill hagnaður af sum-
arvertíðinni, sem nú fer í hönd.
Meginástæður batnandi rekstrar-
afkomu Flugleiða séu annars vegar
þær breytingar sem gerðar voru á
rekstri félagsins eftir 11. september
og hins vegar hagstæðari ytri skil-
yrði.
Félagið hefur minnkað fram-
leiðslu sína og sætaframboð verulega
yfir vetrarmánuðina og lækkað ýms-
an rekstrarkostnað. Þetta hefur leitt
til þess að farþegum hefur fækkað,
en eins og að var stefnt hefur fækk-
unin fyrst og fremst orðið á arð-
minnstu leiðunum yfir Norður-Atl-
antshaf. Þá brást félagið við
markaðsaðstæðum eftir 11. septem-
ber með því að stórauka markaðs-
sókn fyrir íslenska ferðaþjónustu,
meðan flestir aðrir drógu úr mark-
aðsstarfsemi. Þetta var gert í sam-
vinnu við íslensk stjórnvöld og kem-
ur Flugleiðum og ferðaþjónustunni
til góða nú og hefur skapað nýja
sóknarstöðu. Bókunarstaða fyrir
sumarið er góð, einkum hvað varðar
bókanir til Íslands.
Aðgerðir, sem gripið var til á síð-
asta ári til að snúa við rekstri Flug-
félags Íslands, sem er dótturfélag
Flugleiða, eru nú einnig að skila sér
og afkoma fyrirtækisins var 140
milljónum króna betri fyrstu þrjá
mánuði ársins en á sama tímabili í
fyrra.
Ytri skilyrði í rekstri félagsins
breyttust til batnaðar á milli ára.
Gengi gjaldmiðla er því hagstæðara
en á sama tíma á fyrra ári. Þar skipt-
ir mestu innbyrðis gengi dollars og
Evrópumynta. Eldsneytisverð hefur
einnig lækkað frá því á fyrsta árs-
fjórðungi 2001.
1.553 milljóna tap af reglu-
legri starfsemi Flugleiða
Afkoman batnar um 745 milljónir króna á fyrsta ársfjórðungi HÆRRA hlutfall farþega á leið til Ís-lands og frá Íslandi og minnkandi
umsvif á Norður-Atlantshafsmark-
aðnum einkenndi millilandaflug
Flugleiða í aprílmánuði og á fyrstu
fjórum mánuðum ársins 2002. Það
er í samræmi við breyttar áherslur í
markaðsstarfi félagsins á erlendum
mörkuðum. Aukin áhersla hefur í
vetur verið lögð á sölu Íslandsferða,
en minni áhersla en fyrr á sölu ferða
milli Bandaríkjanna og Evrópu þar
sem farþegar hafa aðeins stutta við-
komu á Keflavíkurflugvelli.
Farþegum sem áttu erindi til Ís-
lands eða frá Íslandi fækkaði um
9,9% í apríl, en þeim sem fljúga yfir
Norður-Atlantshafið um Ísland
fækkaði um 36,3%. Farþegum í milli-
landaflugi Flugleiða fækkaði í heild
um 23,7% í apríl í samanburði við
sama mánuð á síðasta ári. Þeir voru
92.878 nú en voru 121.683 í apríl
2001. Farþegum á almennu farrými
fækkaði um 25,0% en á við-
skiptafarrými fækkaði farþegum
um 0,2%.
Félagið hefur lagað framboð sitt
að minnkandi eftirspurn og í apríl
minnkaði sætaframboð Flugleiða
um 15,7% og salan um 25,8%, sem
leiddi til þess að sætanýting var í
mánuðinum 9,1 prósentustigu lakari
en í apríl 2001. Hún var 66,8% í apríl
í ár, en 75,8% á síðasta ári.
18,5% fækkun í innanlandsflugi
Farþegum í innanlandsflugi Flug-
félags Íslands, dótturfyrirtækis
Flugleiða, fækkaði í aprílmánuði um
18,5%, úr 26.036 farþegum í fyrra í
21.228 í ár. Þá fækkaði fluttum tonn-
um hjá Flugleiðum-Frakt, dótturfyr-
irtæki Flugleiða, um 15,2%.
Aukin áhersla á farþega til og frá
Íslandi og minnkandi umsvif á Norð-
ur-Atlantshafsmarkaðnum ein-
kenndi millilandaflug Flugleiða á
fyrstu fjórum mánuðum ársins 2002.
Flugleiðir drógu framboð í heild
saman um 20,4%, en farþegum
fækkaði fyrst og fremst á leiðum yf-
ir Norður-Atlantshafið með viðkomu
á Íslandi eða um 36,7%, en um 6,4% á
markaðnum til og frá Íslandi. Í heild
fækkaði farþegum í millilandaflugi
Flugleiða úr rúmlega 390 þúsund í
rúmlega 304 þúsund eða um 22,1%.
Farþegum
Flugleiða
fækkaði um
23,7% í apríl