Morgunblaðið - 08.08.2002, Blaðsíða 12

FRÉTTIR
12 FIMMTUDAGUR 8. ÁGÚST 2002 MORGUNBLAÐIÐ
ÚRSKURÐUR félagsmálaráðu-
neytisins varðandi framkvæmd
kosninganna í Borgarbyggð kemur
að öllum líkindum til kasta dómstóla
innan tíðar en Óðinn Sigþórsson,
formaður fulltrúaráðs Sjálfstæðis-
félags Mýrasýslu, er að undirbúa
stefnu. Hann tekur þó sérstaklega
fram að það muni hann gera í eigin
nafni.
„Við erum að undirbúa að leggja
stefnuna fram í héraðsdómi og mun-
um leggja áherslu á að fá flýtimeð-
ferð í málinu,“ segir Óðinn.
Fóru langt út yfir
sjálf kæruatriðin
Óðinn segir að öll efnisatriði úr-
skurðar ráðuneytisins komi til skoð-
unar í þessu sambandi. Þó fyrst og
fremst það að í úrskurðinum sé farið
langt út fyrir sjálf kæruatriðin:
„Þeir komast að niðurstöðu sem ekki
var gerð krafa um í kærunni. Það
var gerð krafa um að eitt tiltekið at-
kvæði, sem var dæmt ógilt, yrði tek-
ið gilt. Til þess tóku þeir ekki af-
stöðu en í staðinn taka þeir eitt
utankjörstaðaatkvæði sem hafði ver-
ið dæmt ógilt og úrskurða að það
teljist vera gilt. Síðan segja þeir að
það megi ekki telja þetta atkvæði
með vegna þess að það aflétti lög-
boðinni leynd á kosningunni.“
Óðinn segir þetta atriði orka af-
skaplega tvímælis því með þessu sé
verið að leggja fyrir kjörstjórnir,
þar sem aðeins eitt utankjörfundar-
atkvæði berst, að þær megi ekki
telja það með og þannig sé verið að
svipta kjósanda atkvæðisrétti sín-
um. Nauðsynlegt sé að fá úr þessu
skorið, ekki bara vegna þessa máls
heldur einnig vegna framkvæmdar
og talningar við kosningar almennt.
Eðlilegast að kjósa
hið fyrsta
Þorvaldur Tómas Jónsson, efsti
maður á lista Framsóknarflokksins,
segir að allir hafi verið sammála um
það á kosninganóttina og dagana á
eftir að það yrði að kæra niðurstöð-
una. „Við gerðum það því að rétt
skal vera rétt. Síðan fáum við þenn-
an úrskurð þar sem ráðuneytið
gengur svo langt að krefjast nýrra
kosninga, það taldi sig ekki geta
komist að neinni annarri niðurstöðu.
Það kom okkur vissulega á óvart
vegna þess að að það var ekki í sam-
ræmi við kæru okkar.
Við létum hins vegar segjast þeg-
ar við vorum búnir að fara yfir málið,
þ.e. að ekki væri um annað að ræða
en una þessum úrskurði og það væri
til þess eins að teygja tímann og
valda óþarfa vandræðum að þrasa
meira um þetta. Bréf bæjarráðs til
ráðuneytisins er varla annað en
barnaskapur og nú kemur þetta
dómsmál. En ég tek fram að ég hef í
sjálfu sér ekkert á móti því að menn
leiti til dómstóla, aðalatriðið er að
komist sé að réttri niðurstöðu fyrir
kjósendur. Þetta snýst um réttindi
þeirra. En úrskurður ráðuneytisins
er vel rökstuddur og þar hafa menn
farið vel yfir málið. Mín skoðun er
því sú að við eigum að hætta að eyða
kröftunum og drífa í því að kjósa,“
segir Þorvaldur.
Vilja viðræður
við ráðherra
Björn Bjarki Þorsteinsson, annar
maður á lista Sjálfstæðisflokksins í
Borgarbyggð, segir að nú bíði menn
eftir svari félagsmálaráðuneytisins:
„Við búumst svo sem ekki við miklu í
tengslum við það svar, en við erum í
algerri biðstöðu meðan þetta ástand
varir og því höfum við einnig ósk um
fund með ráðherra,“ segir hann.
Björn Bjarki telur að Borgar-
byggð þurfi alls ekki á öðrum kosn-
ingum að halda, kominn sé mjög
starfhæfur meirihluti sem halda
myndi velli í nýjum kosningum.
Hann segir að mönnum þyki úr-
skurður félagsmálaráðuneytisins af-
ar sérkennilegur, svo ekki sé meira
sagt.
„Ráðuneytið var í raun að úr-
skurða í máli sem ekki var beint til
þeirra. Og þá er einng sérkennilegt
að það hafi tekið ráðuneytið sex vik-
ur að komast að þessari niðurstöðu
og að hvorki hafi heyrst hósti né
stuna frá því allan þann tíma. Menn
voru komnir hér á fullt í vinnu, búnir
að ráða framúrskarandi bæjarstjóra
og ýmis grunnvinna komin af stað.
Málið allt er því ákaflega íþyngjandi
og kostar auk þess heilmikið og ég
held að Borgarbyggð þurfi alls ekki
á því að halda að fara í aðrar kosn-
ingar. En ég tek fram að við hræð-
umst ekki kosningarnar, það er ekki
vandamálið,“ segir Björn Bjarki.
Skiptar skoðanir í Borgarbyggð um sveitarstjórnarkosningarnar
Úrskurður félagsmálaráðu-
neytisins líklega fyrir dómstóla
FÉLAGSMÁLARÁÐUNEYTINU
hafði ekki borist samþykkt bæj-
arráðs Borgarbyggðar í gær þegar
Morgunblaðið leitaði viðbragða
þar en þar er skorað á félagsmála-
ráðuneytið að endurskoða úrskurð
sinn um nýjar kosningar í Borg-
arbyggð.
Páll Pétursson félagsmálaráð-
herra sagði ráðuneytið fara yfir
erindi bæjarráðsins þegar það
hefði borist ráðuneytinu en Páll
sagðist þó telja erindið óvenjulegt
þar sem í því væri farið fram á að
ráðuneytið drægi til baka úrskurð
sem hefði verið tekinn að ákaflega
vel athuguðu máli.
Aðspurður segir félagsmálaráð-
herra ástæðuna fyrir því hversu
langan tíma það hafi tekið ráðu-
neytið að komast að niðurstöðu
einmitt hafa verið þá að menn hafi
talið málið alvarlegs eðlis og því
farið vel yfir það og komist að nið-
urstöðu sem þeir teldu sig geta
staðið við.
Páll segir að auðvitað hafi menn
rétt til þess að skjóta málinu til
dómstóla en tekur jafnframt fram
að hann telji það ekki vera skyn-
samlegt af hálfu meirihlutans í
Borgarbyggð að fara þá leið. Nið-
urstaða dómstólanna kunni ekki að
liggja fyrir fyrr en með haustinu
og þangað til löglega kjörin bæj-
arstjórn taki við geti starfandi
bæjarstjórn ekki innt af hendi
neinar greiðslur eða gengist undir
skuldbindingar fyrir hönd sveitar-
félagsins nema þá samkvæmt
heimild í fjárhagsáætlun eða með
leyfi félagsmálaráðuneytisins.
Páll segir að í ráðuneytinu séu
menn þó alveg rólegir vegna hugs-
anlegrar niðurstöðu dómstóla.
Félagsmálaráðherra um málefni Borgarbyggðar
Óskynsamlegt að fara
með málið fyrir dómstóla
HANN er nægjusamur á pláss þessi
erlendi ferðamaður sem tjaldaði
eins manns tjaldi sínu í Land-
mannalaugum á dögunum. Fyrir
ferðalanga sem ferðast fótgang-
andi eða á hjólum er mikilvægt að
ferðabúnaður sé sem léttastur svo
hann íþyngi ekki ferðafólkinu og
það komist leiðar sinnar um fjöll og
firnindi.
Morgunblaðið/Ingó
Tjaldað
fyrir einn
ÓSKAR Magnússon, forstjóri
Íslandssíma, segir ástæðulaust
af forsvarsmönnum verkalýðs-
hreyfingarinnar og neytenda
að lýsa yfir áhyggjum af hækk-
unum á gjaldskrá Landssím-
ans. Neytendur geti einfald-
lega snúið sér til annarra
fjarskiptafyrirtækja, s.s. Ís-
landssíma sem bjóði lægra
verð á þessum markaði og hafi
ekki hækkað gjaldskrá sína.
,,Það er eins og menn hafi
gleymt því að það er sam-
keppni á þessu sviði,“ segir
Óskar.
Í Morgunblaðinu sl. laugar-
dag lýstu Halldór Björnsson,
varaforseti ASÍ, og Jóhannes
Gunnarsson, formaður Neyt-
endasamtakanna, áhyggjum
sínum vegna gjaldskrárhækk-
ana Landssímans og rafmagns-
veitnanna um mánaðamótin.
,,Það virðist gæta einhvers
misskilnings hjá þessum ráða-
mönnum,“ segir Óskar. ,,Það er
í sömu andránni talað um að-
finnsluverðar hækkanir hjá
Landssímanum og Orkuveit-
unni, en þar er ólíku saman að
jafna vegna þess að þegar
Orkuveitan hækkar sína gjald-
skrá hefur þú ekki í önnur hús
að venda en þegar Landssím-
inn gerir það ertu hins vegar
ekki í neinum sérstökum vand-
ræðum vegna þess að þú getur
fengið sömu þjónustu annars
staðar. Þess vegna segi ég að
verkalýðsleiðtogar og forsvars-
menn neytenda þurfa ekki að
hafa áhyggjur af þessu máli.
Einfaldasta ráðið hjá þeim er
auðvitað að segja fólkinu að
skipta við þá sem ekki hækka
og eru ódýrari,“ segir hann.
Óskar fullyrðir að Íslands-
sími bjóði símaþjónustu á
lægra verði en Landssíminn.
,,Við teljum okkur geta sýnt
fram á það hvenær sem er, en
gerum það enn frekar núna eft-
ir að Landssíminn hefur hækk-
að en ekki við. Munurinn hefur
stóraukist og Íslandssími hefur
engar ráðagerðir uppi um
hækkanir.“
Betri kjör ef hópar færa
viðskipti sín til Íslandssíma
Hann segir jafnframt að það
sé sjálfsagt og eðlilegt að ef
verkalýðshreyfingin tæki það
upp hjá sjálfri sér að beina við-
skiptum sínum í stórum stíl til
Íslandssíma, megi félagsmenn
hennar búast við að njóta þess í
enn betri kjörum en þeim
standi til boða í dag. ,,Það er
ekki nema eðlilegt að ef það
koma þúsundir félagsmanna þá
munum við auðvitað láta þá
njóta góðs af því,“ segir Óskar.
Forstjóri Íslands-
síma um áhyggjur
verkalýðsleiðtoga
Geta snúið
sér til ann-
arra sem
bjóða
lægra verð
ÖKUMAÐUR bifhjóls sem lögreglan
stöðvaði í fyrrinótt eftir ofsaakstur á
yfir höfði sér sviptingu ökuleyfis og
þunga sekt fyrir hraðaksturinn og að
hafa ekki sinnt stöðvunarboði lög-
reglumanna úr Kópavogi og Reykja-
vík.
Ökumaðurinn mældist á 145 km
hraða og kom inn á ratsjá Kópavogs-
lögreglunnar við Arnarnesbrú. Aftan
á hjóli hans sat tæplega tvítug stúlka
en sjálfur er ökumaðurinn um þrí-
tugt.
Hann sinnti í engu stöðvunarboði
tveggja lögreglubifreiða og reyndi að
stinga lögregluna af en náðist á end-
anum við Eskihlíð í Reykjavík. Hann
var færður á lögreglustöð til skýrslu-
töku og látinn laus að því loknu.
Tekinn á
ofsahraða
á bifhjóli