Morgunblaðið - 08.08.2002, Síða 19

SUÐURNES
MORGUNBLAÐIÐ FIMMTUDAGUR 8. ÁGÚST 2002 19
JÓHANN Einvarðsson lét af störf-
um framkvæmdastjóra Heilbrigðis-
stofnunar Suðurnesja í síðustu viku
og hefur verið gerður starfsloka-
samningur við hann. Guðlaug
Björnsdóttir hefur verið ráðin tíma-
bundið í stöðu framkvæmdastjóra.
Hallgrímur Bogason, formaður
stjórnar Heilbrigðisstofnunar Suð-
urnesja, sagði í samtali við Morg-
unblaðið að ákvörðun um starfslok
Jóhanns væri sameiginleg ákvörðun
hans og heilbrigðisráðuneytisins.
„Ástæðan fyrir því að Jóhann lætur
af störfum er sú að hugmyndafræði
hans og ráðuneytisins fer ekki sam-
an,“ sagði Hallgrímur en ítrekaði
að ákvörðunin hefði verið tekin í
góðu og væri sameiginleg ákvörðun
beggja aðila. „Jóhann ákvað að það
væri rétt að rýma fyrir nýjum
framkvæmdastjóra. Unnið hefur
verið að þessu undanfarnar vikur
og hefur allt farið fram í góðu.“
Jóhann hefur gegnt stöðu fram-
kvæmastjóra Heilbrigðisstofnunar
Suðurnesja í tíu ár. Guðlaug
Björnsdóttir, sem er að sögn Hall-
gríms starfsmaður ráðuneytisins,
mun gegna stöðu framkvæmda-
stjóra tímabundið þar til ráðið
verður í hana að nýju. Hallgrímur
sagðist eiga von á að staðan yrði
auglýst laus til umsóknar um næstu
helgi.
Jóhann sagðist í samtali við
Morgunblaðið ekki vilja ræða að-
draganda þess að gerður hefði ver-
ið við hann starfslokasamningur.
„Það náðist samkomulag milli mín
og heilbrigðisráðuneytisins um
starfslokasamning og ég held að
báðir aðilar séu sáttir við það. Ég
er búinn að vera í þessu starfi í 10
ár og í opinberri stjórnsýslu í yfir
40 ár. Það má segja að það sé kom-
inn tími til þess fyrir mig að hægja
á mér. Ég hverf frá þessu starfi
sáttur þó að ég hefði kannski viljað
tímasetja þetta dálítið öðruvísi. En
þegar upp er staðið er ég sáttur,“
sagði Jóhann.
Hugmyndafræði-
legur ágreiningur
ástæða starfsloka
Reykjanesbær
Jóhann Einvarðsson lætur af störfum
framkvæmdastjóra HSS
LÖGREGLAN í Reykjanesbæ
hefur að undanförnu stöðvað
ökumenn og minnt þá á að nota
bílbelti við akstur. Á annan tug
ökumanna hefur verið stöðvað-
ur. Lögreglan vill með þessu
stuðla að því að ökumenn nýti
þau öryggistæki sem eru í bíl-
unum en margoft hefur verið
sýnt fram á gagnsemi þeirra
þegar slys ber að höndum.
Minna á
bílbeltin
Reykjanesbær
Í SÍÐUSTU VIKU var haldinn fimm
daga fundur um áhrif loftslagsbreyt-
inga á lífríki í hafinu á norðurslóðum.
Fundurinn var haldinn í Fræðasetr-
inu í Sandgerði og sóttu hann 22
sjávarlíffræðingar og vísindamenn
frá öllum Norðurlöndunum.
Vísndamennirnir kynntu rann-
sóknir sínar sem hver og einn hefur
unnið að í sínu heimalandi. Rann-
sóknir þeirra hafa fyrst og fremst
beinst að því að kanna áhrif lofts-
lagsbreytinga á lífríki uppsjávar í
norðurhöfum. Flutt voru mörg er-
indi á fundinum og vísindamennirnir
báru saman bækur sínar um þær
breytingar sem virðast vera að eiga
sér stað á lífríkinu. Fundurinn var
styrktur af Norrænu ráðherranefnd-
inni og verða til viðbótar haldnir
fundir á öllum Norðurlöndunum.
Stig Falk Petersen sér um skipu-
lag fundanna en hann starfar hjá
norsku Heimskautastofnuninni,
Norsk Polar Institut. Að sögn Ást-
þórs Gíslasonar, sérfræðings í dýra-
fræði sjávar, voru norrænu vísinda-
mennirnir mjög ánægðir með
fundinn og aðstöðuna í Fræðasetr-
inu í Sandgerði, en Ástþór ásamt
starfsmönnum Hafrannsóknastofn-
unar höfðu veg og vanda af undir-
búningi fundarins hér á landi.
Rætt um áhrif
loftslags-
breytinga
Sandgerði
Morgunblaðið/Reynir Sveinsson
Vísindamenn frá Norðurlöndunum funduðu í Fræðasetrinu í Sandgerði.
Meðgöngubuxur
margar gerðir og litir
Póstsendum, Þumalína