Morgunblaðið - 20.08.2002, Qupperneq 21

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 20. ÁGÚST 2002 21
HAGNAÐUR Granda hf. og dóttur-
fyrirtækis þess, Faxamjöls hf., nam
1.199 milljónum króna fyrstu 6 mán-
uði ársins en á sama tíma árið 2001
nam tap félagsins 82 milljónum
króna. Rekstrartekjur samstæðunn-
ar á tímabilinu námu 3.357 milljónum
króna samanborið við 2.292 milljónir
króna á sama tíma á síðasta ári, en þá
voru skipin bundin við bryggju í 50
daga vegna verkfalls sjómanna.
Rekstrargjöld námu 2.341 milljón
króna samanborið við 1.657 milljónir í
fyrra.
Rekstrarhagnaður fyrir afskriftir
var 1.016 milljónir króna eða 30% af
rekstrartekjum samanborið við 635
milljónir króna fyrir sama tímabil ár-
ið áður. Veltufé frá rekstri nam 833
milljónum króna, sem er 25% af
rekstrartekjum, samanborið við 520
milljónir króna á sama tíma árið áður.
Hagnaður af sölu Snorra Sturlu-
sonar nam um 85 milljónum króna og
er hann meðtalinn í rekstrartekjum
undir öðrum tekjum í rekstrarreikn-
ingi. Á sama hátt er farið með björg-
unarlaun að fjárhæð 40 milljónir
króna, að því er fram kemur í tilkynn-
ingu frá Granda.
Fjármunatekjur námu
588 milljónum króna
Rekstrarhagnaður samstæðunnar
af eigin starfsemi var 689 milljónir
króna samanborið við 335 milljónir
króna á sama tíma árið áður.
Í tilkynningu kemur fram að skuld-
ir samstæðunnar eru að meginhluta í
erlendum gjaldmiðlum. Á tímabilinu
lækkaði gengi mikilvægra gjaldmiðla
gagnvart krónunni og speglast geng-
isbreytingarnar í lækkun gengisvísi-
tölunnar um 9%. Af þessum sökum
nam gengishagnaður af erlendum
skuldum samstæðunnar 683 milljón-
um. Fjármunatekjur samstæðunnar
námu 588 milljónum króna en fjár-
magnsgjöldin námu 305 milljónum
króna á sama tímabili í fyrra. Á árinu
2001 kom hagnaður af sölu hlutabréfa
að fjárhæð 558 milljónir króna til frá-
dráttar fjármagnsgjöldum.
20,42% í Þormóði ramma – Sæbergi
seld á 1.354 milljónir
Hlutdeildarfélög Granda eru sex
samkvæmt milliuppgjöri. „Þormóður
rammi – Sæberg hf. var rekinn með
góðum hagnaði. Hjá fyrirtækjunum í
Mexíkó gekk starfsemin illa. Dálítill
hagnaður varð á rekstri Deris S.A. í
Chile. Rekstur Stofnfisks hf. gekk
samkvæmt áætlun. Nú er í fyrsta
skiptið tekin hlutdeild í afkomu Har-
aldar Böðvarssonar hf. og Hraðfrysti-
húss Eskifjarðar hf., fyrir 2. ársfjórð-
ung, og voru bæði rekin með hagnaði
á tímabilinu. Alls var hlutdeild
Granda í rekstrarafkomu hlutdeildar-
félaga jákvæð um 203 milljónir króna.
– Hagnaður fyrir frádrátt tekjuskatts
nam 1.480 milljónum króna. Gjald-
færðar eru 281 milljón króna í tekju-
skatt,“ að því er segir í tilkynningu.
Grandi hf. seldi í gær öll hlutabréf
sín í Þormóði ramma - Sæbergi hf. að
nafnverði 265.506.508 krónur á geng-
inu 5,10 Afli fjárfestingarfélagi hf.
Söluverð hlutarins er því rúmlega
1.354 milljónir króna. Eignarhlutur
Afls er nú 40,45% í Þormóði ramma -
Sæbergi en eignarhlutur Granda er
nú 0% en var 20,42%.
Í byrjun árs 2002 fékk Grandi af-
hentan frystitogarann Venus HF 519,
sem keyptur var með aflaheimildum
er námu um 3.000 þorskígildis-
tonnum. Kaupverð skips og aflaheim-
ilda nam samtals 1.621 milljón króna.
Á sama tíma var Snorri Sturluson RE
219 afhentur nýjum eigendum ásamt
veiðarfærum og aflaheimildum sem
námu 1.045 þorskígildistonnum. Sölu-
verð skips, veiðarfæra og aflaheim-
ilda nam samtals 878 milljónum króna
og er það greitt með hlutafé í Ísfélagi
Vestmannaeyja hf. Í maí sl. fjárfesti
Grandi í Haraldi Böðvarssyni hf. fyrir
27 milljónir króna og í Hraðfrystihúsi
Eskifjarðar hf. fyrir 33 milljónir
króna. Með þessum fjárfestingum
fóru eignarhlutar í þessum félögum
yfir 20% og eru þeir nú færðir til eign-
ar samkvæmt hlutdeildaraðferð.
Eigið fé Granda hf. var þann 30.
júní sl. 5.510 milljónir króna og hefur
það hækkað um 872 milljónir króna
frá ársbyrjun 2002. Eiginfjárhlutfall
er 39%. Stjórn Granda hf. hefur
ákveðið að hætta verðleiðréttum
reikningsskilum frá og með ársbyrj-
un 2002. Ef beitt hefði verið verðleið-
réttum reikningsskilum hefði hagn-
aðurinn verið 85 milljónum króna
meiri og eigið fé félagsins verið um
130 milljónum króna hærra í lok tíma-
bilsins.
Grandi með 1.199
milljónir í hagnað
Afl kaupir allan
hlut Granda
í Þormóði
ramma – Sæbergi