Morgunblaðið - 13.12.2002, Blaðsíða 63

UMRÆÐAN
MORGUNBLAÐIÐ FÖSTUDAGUR 13. DESEMBER 2002 63
AÐ undanförnu hafa sjálfstæðis-
menn í Mosfellsbæ farið mikinn um
fjármál bæjarins. Er helst á þeim að
skilja og þannig birtist það almenn-
ingi, að bæjarfélagið sé á barmi
gjaldþrots. Byggja þeir málflutning
sinn á árshlutauppgjöri fyrir fyrstu 6
mánuði þessa árs og leiðast verulega
af leið í túlkun sinni á þeirri niður-
stöðu. Árshlutauppgjörið segir að-
eins til um stöðuna á þeim tíma-
punkti en ekkert um árið í heild þar
sem dreifing kostnaðar og tekna er
mjög mismunandi eftir mánuðum
ársins. Ekki hafa sjálfstæðismenn
haldið á lofti megin niðurstöðum í
skýrslu endurskoðunarskrifstofunn-
ar sem er eftirfarandi: „Þrátt fyrir
skuldsetningu bæjarsjóðs sam-
kvæmt árshlutareikningi 30. júni
2002 teljum við að þegar horft er til
heildareignar og framtíðarmögu-
leika sveitarfélagsins sé staða bæj-
arsjóðs í heildina litið traust.“ Er
þetta í samræmi við það sem fyrrum
meirihluti G- og B-lista hefur haldið
fram og er einnig niðurstaða eftir-
litsnefndar með fjármálum sveitar-
félaga. Samkvæmt fjárhagsáætlun
þessa árs, sem sett var fram af fyrri
meirihluta, var gert ráð fyrir að að
rekstur bæjarsjóðs tæki til sín um
83% af skatttekjum fyrir fjármagns-
liði. Venja er að fjáhagsáætlun árs-
ins sé endurskoðuð að hausti og þá
gerðar ráðstafanir ef rekstur og
framkvæmdir eru að fara út fyrir
þann ramma. Ekki hefur meirihluti
sjálfstæðismanna séð ástæðu til að
endurskoða fjárhagsáætlunina sem
hlýtur að túlkast þannig að hún sé
ekki að fara úr böndunum þegar til
alls ársins er litið.
Að svíkja kosningaloforð
Í ljósi þessa velta menn því fyrir
sér hver sé tilgangur sjálfstæðis-
manna með slíku offorsi og gífuryrð-
um um fjárhagsstöðu bæjarins. Að
mínu mati er það nokkuð ljóst. Í
fyrsta lagi eru sjálfstæðismenn að
réttlæta málflutning sinn í kosninga-
baráttunni sl. vor og virðast ekki
komast út úr þeirri umræðu en gera
sér ekki grein fyrir þeim skaða sem
þeir valda bæjarfélaginu með slíkum
málflutningi. Í öðru lagi sjá sjálf-
stæðismenn að þeir geta ekki staðið
við kosningaloforð sín frá því í vor og
eru því að undirbúa að réttlæta það
fyrir bæjarbúum með tilvísan í fjár-
hagsstöðu bæjarins og kenna fyrri
meirihluta um allt saman. Sjálfstæð-
ismenn boðuðu í kosningabaráttunni
að auka framlag frá rekstri með
sparnaði í kerfinu sem næmi tugum
milljóna, að auka þjónustu við bæj-
arbúa, sem í raun felur í sér aukinn
rekstrarkostnað og fjárfestingar, og
að auka ekki álögur á bæjarbúa. Nú
kveður við annan tón hjá sjálfstæð-
ismönnum og hafa þeir m.a. boðað
hækkanir á þjónustugjöldum sem
gætu numið tugum þúsunda hjá
barnafjölskyldum. Allt er það fyrr-
um meirihluta að kenna.
Fjárfestingar og þjónusta
Þó sjálfstæðismenn vilji láta svo
líta út þá hefur ekkert nýtt komið
fram um skuldastöðu bæjarins. Hún
hefur komið fram í ársreikningum
hvers árs sem sjálfstæðismenn hafa
skrifað undir. Það er einnig ljóst til
hverra hluta lántökum hefur verið
varið sem er fyrst og fremst til upp-
byggingar grunnskóla, leikskóla og
aðstöðu til íþrótta og tómstunda sem
fyrrum meirihluti sjálfstæðismanna
hafði vanrækt. Árunum 1995 til 2001
numu fjárfestingar bæjarins um 3,4
milljörðum þar af var fjármagnað frá
rekstri um 1,8 milljarða. Aukning
nettó skulda bæjarins nam um 1,6
milljörðum. Skuldir bæjarins námu
um 1 milljarði á núverandi verðlagi
er meirihluti G- og B-lista tók við á
árinu 1994. Grunnskólahúsnæði var
aukið um 35% og grunnskólinn ein-
setinn, deildum á leikskóla hefur
fjölgað um 70% og biðlistum barna 2
ára og eldri hefur verið útrýmt. Árið
1994 voru um 49% barna á leikskóla-
aldri í leikskóla, nú eru um 90%
þeirra í leikskóla og 1994 voru um
22% þeirra sem voru í leikskóla í
heils dags vistun en eru nú um 80%.
Nýtt íþróttahús var byggt á tíma-
bilinu.
Það er ljóst að Mosfellsbær er
kominn yfir erfiðasta hjallann í upp-
byggingu á aðstöðu til þjónustu við
bæjarbúa þó ýmislegt sé eftir. Því er
séð fyrir endann á þeirri miklu fjár-
festingu sem bærinn hefur þurft að
standa í. Það skiptir miklu að það
mikla uppbyggingarstarf sem unnið
hefur verið á undanförnum árum
verði ekki skemmt með skammsýni
og illa ígrunduðum og fljótfærnisleg-
um aðgerðum sem því miður virðist
felast í fyrirhuguðum aðgerðum
sjálfstæðismanna.
Er Mosfellsbær
gjaldþrota? Nei!
Eftir Jónas
Sigurðsson
„Nú kveður
við annan
tón hjá sjálf-
stæðis-
mönnum.“
Höfundur er bæjarfulltrúi G-lista
Samfylkingar og VG í Mosfellsbæ.
„LEIFTURSÓKN gegn verð-
bólgu“ voru vígorð Sjálfstæðis-
flokksins í kosningabaráttu fyrir Al-
þingiskosningar í lok áttunda
áratugarins. „Leiftursókn gegn lífs-
kjörum“ öskraði forsíða Þjóðviljans
heitins daginn eftir, þegar áróðurs-
meistarar blaðsins höfðu farið hönd-
um um slagorð Sjálfstæðismanna.
Okrað á neytendum
Þá var barist við verðbólgubálið
sem öllu virtist ætla að eyða. Nú er
barist gegn okurvöxtum og svívirði-
legu matarverði. Neytendur á Ís-
landi greiða hærra verð fyrir nauð-
þurftir og lánsfé en nokkur önnur
vestræn þjóð. Nema ef vera skyldu
Norðmenn, félagar okkar í EES-
samstarfinu. Í aðdraganda kosning-
anna næsta vor á umræðan fyrst og
fremst að hverfast um verð á mat-
vælum og lánsfé því sem almenning-
ur hefur aðgang að til að koma þaki
yfir höfuð fjölskyldna sinna. Leift-
ursóknin í vetur á að vera gegn þeim
bölvaldi sem lífskjaraokrið er.
Hvað er til ráða? Hvað þarf að
koma til að slá á okrið sem tröllríður
samfélaginu? Vel má vera að full að-
ild að Evrópusambandinu yrði til
þess. Það á eftir að koma í ljós þegar
og ef Íslendingar ganga til viðræðna
um aðild að breyttu bandalagi eftir
stækkunina austur. Áframhaldandi
EES-samstarf verður allavega ekki
til þess, þar sem aðeins er tíma-
spursmál hvenær Norðmenn draga
sig þaðan út og sækja um aðild að
ESB. Þessum staðreyndum horfa
stjórnvöld framhjá og ekkert er gert
til að undirbúa þau vatnaskil sem
framundan eru í utanríkismálum Ís-
lendinga.
Lífskjörin og
leiftursóknin
Eftir Björgvin G.
Sigurðsson
Höfundur skipar 3. sæti á
framboðslista Samfylkingarinnar
í Suðurkjördæmi.
„Nú er barist
gegn okur-
vöxtum og
svívirðilegu
matarverði.“
Helgarferð til London
fyrir 2 kostar um
100.000kr.
- gæti breytt lífi þínu