Morgunblaðið - 23.01.2003, Side 16

ERLENT
16 FIMMTUDAGUR 23. JANÚAR 2003 MORGUNBLAÐIÐ
TILBOÐ Á EGLA BRÉFABINDUM - VERÐ 310 KR / STK. Tilboðið gildir til 31. janúar 2003
Kjölmiðar
Með ártalinu
2003
PILOT SUPER
GRIP
kúlupenni
Verð 75 kr/stk
STABILO
kúlupenni
10 í pakka.
Verð 299 kr/pk
Skilblöð númeruð, lituð,
stafróf eða eftir mánuðum.
Geisladiskar í miklu úrvali☞
Teygjumöppur af
flestum gerðum
Vinnustofa SÍBS • Hátúni 10c • Sími: 562 8500 • Beinn sími sölumanna 5628501 • Fax: 552 8819 • Heimasíða www.mulalundur.is
HÓTEL BORGARNES
Sími 437 1119
hotelbo@centrum.is

Árshátíðir
Ráðstefnur
Fundir
LEIÐTOGAR Frakklands og
Þýskalands sögðu í gær að þeir
hefðu tekið höndum saman í and-
stöðu við hugsanlegan hernað í Írak
og vildu að allt yrði gert til að af-
stýra stríði. Rússneska fréttastofan
Interfax hafði eftir ónafngreindum
heimildarmanni í yfirstjórn Rúss-
landshers að hún hefði fengið áreið-
anlegar upplýsingar um að Banda-
ríkjastjórn hygðist hefja hernað í
Írak á seinni helmingi næsta mán-
aðar.
Jacques Chirac Frakklandsfor-
seti sagði á blaðamannafundi með
Gerhard Schröder Þýskalands-
kanslara í París í gær að Þjóðverjar
og Frakkar hefðu „sömu skoðun í
Íraksmálinu“. Chirac bætti við að
þeir væru í fyrsta lagi þeirrar skoð-
unar að öryggisráð Sameinuðu
þjóðanna ætti að taka ákvörðun um
hvort hefja ætti hernað í Írak eftir
að hafa fengið skýrslu um vopnaleit
eftirlitsmanna Sameinuðu þjóðanna
í landinu. „Í öðru lagi teljum við
stríð alltaf vísbendingu um að eitt-
hvað hafi brugðist eða misheppnast.
Gera þarf allt til að afstýra stríði.“
Schröder tók undir þessi orð.
„Við viljum báðir friðsamlega lausn
á Íraksdeilunni og höfum náið sam-
starf í þessum efnum,“ sagði hann.
Ætla ekki að styðja
nýja ályktun
Schröder sagði í fyrrakvöld að
Þjóðverjar, sem eiga nú sæti í ör-
yggisráðinu, myndu ekki styðja
ályktun sem heimilaði hernað í
Írak. Talsmaður þýsku stjórnarinn-
ar sagði í gær að Þjóðverjar myndu
annaðhvort greiða atkvæði gegn
ályktuninni eða sitja hjá.
Utanríkisráðherra Frakklands,
Dominique de Villepin, ýjaði að því
fyrr í vikunni að Frakkar kynnu að
beita neitunarvaldi sínu í örygg-
isráðinu gegn ályktun sem heim-
ilaði valdbeitingu í Írak. Frakkar
væru að beita sér fyrir því að ríki
Evrópusambandsins tækju sameig-
inlega afstöðu í málinu og krefðust
þess að ekki yrði gripið til hern-
aðaraðgerða nema með samþykki
öryggisráðsins. Bandaríkjastjórn er
þeirrar skoðunar að öryggisráðið
þurfi ekki að samþykkja sérstaka
ályktun til að heimila hernað í Írak.
Tony Blair, forsætisráðherra
Bretlands, sagði í gær að breska
stjórnin myndi styðja hernað í Írak
undir forystu Bandaríkjanna án
stuðnings öryggisráðsins ef eitt-
hvert aðildarríkja þess hindraði
nýja ályktun með „ósanngjörnum
hætti“ og ef hún teldi ljóst að Írak-
ar hefðu brotið gegn skilmálum síð-
ustu ályktunar öryggisráðsins í
málinu.
Ígor Ívanov, utanríkisráðherra
Rússlands, sagði að meirihluti
ríkjanna fimm sem eru með neit-
unarvald í öryggisráðinu teldu
nauðsynlegt að halda áfram tilraun-
um til að leysa deiluna með frið-
samlegum hætti eftir að yfirmaður
eftirlitsmannanna í Írak leggur
fram ýtarlega skýrslu um vopnaleit-
ina á mánudaginn kemur. Tang
Jiaxuan, utanríkisráðherra Kína,
sagði að líta ætti á skýrsluna sem
„nýtt upphaf“ en ekki lok vopnaleit-
arinnar í Írak.
„Hefst á síðari
helmingi febrúar“
Donald Rumsfeld, varnarmála-
ráðherra Bandaríkjanna, undirrit-
aði fyrirmæli um að tvö flugmóð-
urskip til viðbótar yrðu send á
Persaflóasvæðið um helgina. Fimm
flugmóðurskip verða því á Persa-
flóasvæðinu eða á leiðinni þangað í
næstu viku og sérfræðingar segja
að Bandaríkjamenn verði brátt með
nægan herafla á svæðinu til að
hefja miklar loftárásir á Írak.
Bretar hafa sent 30.000 hermenn
og fimmtán herskip á Persaflóa-
svæðið.
Interfax hafði eftir háttsettum
manni í yfirstjórn rússneska hers-
ins að hernaðurinn myndi hefjast
þegar Bandaríkjamenn og banda-
menn þeirra væru með alls 150.000
hermenn á Persaflóasvæðinu. Hann
sagði að hermennirnir væru nú um
100.000.
„Samkvæmt upplýsingum okkar
er ráðgert að hefja aðgerðirnar á
síðari helmingi febrúar,“ sagði
heimildarmaðurinn. „Ákvörðunin
hefur verið tekin en ekki gerð opin-
ber.“
Embættismaðurinn bætti við að
Bandaríkjastjórn gerði ráð fyrir því
að hernaðinum lyki innan mánaðar.
Íraskar loftvarnabyssur skutu í
gær niður ómannaða bandaríska
njósnavél sem flaug yfir Írak frá
Kúveit. Er þetta í annað skipti á
tæpum mánuði sem Írökum tekst
að granda slíkri njósnavél.
Frakkar og Þjóðverjar taka höndum saman í andstöðu við hernað í Írak
Vilja að allt verði gert
til að afstýra stríði
Rússar telja að stjórn Bush hafi
þegar ákveðið hernað í febrúar
París, Bagdad. AFP, AP.
SLÖKKVILIÐSMAÐUR fylgist með húsi verða
skógareldi að bráð í Viktoríu-ríki í Ástralíu.
Skógareldar geisa enn víða í Ástralíu og sam-
kvæmt síðustu fréttum hafa þeir kostað fjóra
um bæjum í gær, hafi verið kveiktir af ásettu
ráði. Yfirvöld sögðu að brennuvarganna væri
enn leitað og þeir ættu yfir höfði sér allt að 25
ára fangelsisdóma.
menn lífið. Alls 532 hús eyðilögðust í höfuðborg-
inni, Canberra, og nágrenni hennar og áætlað er
að tjónið nemi andvirði 7,2 milljarða króna.
Talið er að tveir eldar, sem ógnuðu enn nokkr-
Reuters
Skógareldar ógna enn bæjum í Ástralíu
SVO gæti farið að Verkamannaflokk-
urinn í Noregi legði til að sótt yrði um
aðild að Evrópusambandinu, ESB,
fyrir þingkosningarnar árið 2005, að
sögn Aftenposten. Bjarne Håkon
Hanssen, fulltrúi á Stórþinginu, hefur
verið andstæðingur aðildar en Jens
Stoltenberg flokksleiðtogi skipaði
Hanssen, sem er frá Norður-Þrænda-
lögum, í vikunni formann nefndar
sem á að koma af stað umræðum í
flokknum um aðildarmálin. Sjálfur er
Stoltenberg mikill stuðningsmaður
aðildar og er talið að hann voni að
Hanssen muni snúast hugur á næst-
unni og ákveða að mæla með aðild.
Þeir tveir eru sagðir nánir vinir.
Stuðningur meðal norsks almenn-
ings við að sótt verði enn á ný um að-
ild hefur vaxið mjög að undanförnu og
nýlega sögðust 67% aðspurðra í könn-
un vilja aðild að ESB. Norðmenn hafa
tvisvar fellt aðildarsamninga í þjóð-
aratkvæðagreiðslu, 1972 og 1994.
Í gildandi stefnu Verkamanna-
flokksins segir að flokkurinn áskilji
sér allan rétt í afstöðunni til aðildar.
En ef sótt verði um aðild á ný verði
stækkun sambandsins að vera komin
á fullan skrið og jafnframt að vera
ljóst að umtalsverð viðhorfsbreyting
hafi orðið meðal Norðmanna. Bæði
skilyrðin eru nú fyrir hendi.
Ljóst þykir að samþykki Verka-
mannaflokkurinn á landsfundi, sem
verður annaðhvort haustið 2004 eða
eftir áramótin 2005, að sótt skuli um
aðild verður Hægriflokkurinn, sem er
fylgjandi aðild að sambandinu, kom-
inn í slæma stöðu. Hann á sæti í sam-
steypustjórn borgaraflokkanna undir
forystu Kjells Magne Bondevik í
Kristilega þjóðarflokknum sem er
andvígur aðild. Aðildarmálin hafa því
ekki verið á dagskrá í stjórnarsam-
starfinu þrátt fyrir skýra stefnu
Hægriflokksins.
Ætla að
fara í saum-
ana á ESB-
stefnu
Noregur