Morgunblaðið - 11.02.2003, Blaðsíða 6

FRÉTTIR
6 ÞRIÐJUDAGUR 11. FEBRÚAR 2003 MORGUNBLAÐIÐ
EITT allra versta veður það sem af er vetri gekk
yfir landið í gær og olli víðtækum samgöngu-
truflunum og minniháttar eignatjóni sums stað-
ar. Ekki urðu þó slys á fólki.
Suðaustanstormur og úrhelli fylgdi í kjölfar
djúprar lægðar sem kom upp að landinu snemma
í gærmorgun og var ekkert flogið innanlands
fram eftir degi utan einnar ferðar milli Akureyr-
ar og Þórshafnar. Þá var öllum ferðum með Vest-
mannaeyjaferjunni Herjólfi aflýst.
Mesti vindhraði sem vitað var um var á Skála-
felli í Mosfellssveit, 53,4 m/sek. Þá fór vindhraði
upp í 52,8 m/sek. á Skrauthólum á Kjalarnesi, eða
um 190 km á klst.
Á Kjalarnesi varð rafmagnslaust skömmu eftir
kl. 7 í gærmorgun vegna bilunar í loftlínu sem
stóðst ekki vindálag. Starfsmenn Orkuveitu
Reykjavíkur komu rafmagni á kl. 10.30. Þá sló
Búrfellslína 1 út milli kl. 10.36 og 10.57 með þeim
afleiðingum að járnblendiverksmiðjan á Grund-
artanga og álverið í Straumsvík urðu rafmagns-
laus um tíma. Að sögn Hrannars Péturssonar,
upplýsingafulltrúa Alcan á Íslandi, varð einn
þriggja kerskála rafmagnslaus í 15–20 mínútur
og hinir skálarnir tveir voru keyrðir á hálfum af-
köstum í jafnlangan tíma. Segir hann rafmagns-
leysið þó ekki hafa haft nema mjög takmörkuð
áhrif á starfsemina. Talsmenn Járnblendifélags-
ins sögðu að rafmagnstruflanirnar hefðu ekki
haft alvarleg áhrif á starfsemina.
Rafmagnsstaurar brotnuðu
Þá sló út Vatnshamralína milli Brennimels í
Hvalfirði og Borgarfirði í nokkrar mínútur en
ekki hlaust af rafmagnsleysi. Fjórir raf-
magnsstaurar brotnuðu í Gunnarsholtslínu í
Rangárþingi eystra kl. 8.45. Höfuðstöðvar
Landgræðslu ríkisins í Gunnarsholti urðu
rafmagnslausar af þessum sökum fram til kl.
15.30 sem og fóður- og fræverkun Landgræðsl-
unnar auk vistheimilisins að Akurholti.
Nokkuð var um að fólk þyrfti á aðstoð
björgunarsveita að halda í óveðrinu. Björg-
unarsveitarmönnum tókst að afstýra teljandi
tjóni á bænum Brekkum í Mýrdal með því að
festa niður þakplötur sem tóku að losna af úti-
húsum. Óttast var að plöturnar myndu alveg
losna og fjúka á hús og hluti og valda skemmd-
um en svo fór þó ekki. Á bæjum undir Eyja-
fjöllum fuku hlutir til án þess þó að mikið tjón
hlytist af. Þá var Björgunarsveitin Dagrenn-
ing á Hvolsvelli kölluð út eftir að tilkynningar
fóru að berast um að fjúkandi þakplötur í bæn-
um og Hvolhreppi. Undir Hafnarfjalli var
mjög hvasst en umferð gekk áfallalaust. Mestu
munaði um að þjóðvegurinn var auður en í
uppsveitum var nokkuð um að bílar fykju útaf
í hálku. Hellisheiðin var öllu verri, en þar var
stormur og hríð og ekkert ferðaveður fram
eftir degi.
Starfsmenn RARIK endurnýjuðu fjóra brotna rafmagnsstaura í Gunnars-
holtslínu í kjölfar veðurofsans. Víða urðu rafmagnsbilanir í óveðrinu.
Morgunblaðið/Jónas Erlendsson
Björgunarsveitin Víkverji að störfum á bænum Brekkum 3 í Mýrdal þar
sem þakplötur losnuðu af útihúsum í storminum sem gekk yfir í gær.
Lítið um tjón þrátt fyrir veðurofsa
MIKIÐ hvassviðri gekk hér yfir í gærmorg-
un og olli töluverðu tjóni. Vindstyrkurinn
mun hafa verið hvað mestur á milli fellanna
Galtafells og Miðfells en þar verður oft afar
hvasst í norðaustanátt. Á bænum Smárahlíð
fauk þak í heilu lagi af nýlegu sumarhúsi og
skemmdi um leið töluvert þakið á íbúðar-
húsinu.
Ingibjörg Steindórsdóttir húsfreyja sagði
að mikill dynkur hefði komið og að henni
hefði brugðið mjög. Hún sagði að veðrið
hefði verið verst á milli hálftíu og tíu. Bóndi
hennar, Kristján G. Þórðarson, sem vinnur
útífrá fór, aldrei slíku vant, á nýlegum jeppa
þeirra til vinnu. Hann hefði vafalaust
skemmst mikið ef hann hefði verið á sínu
vanalega stæði. Þau hjón sögðu að tjón
þeirra væri verulegt.
Félagar úr Björgunarsveitinni Eyvindi á
Flúðum komu á staðinn og hjálpuðu Krist-
jáni bónda að tína saman brakið. Yfirbyggð-
ur flutningabíll fó út af og á hliðina á móts
við bæinn Núpstún og fjórir bílar fuku út af
veginum nokkru norðan við bæinn Galtafell.
Ekki er vitað um slys á fólki eða skemmdir
á bílum.
Þá fuku þakplötur af gömlu aflögðu
fjárhúsi á bænum Dalbæ og nokkrar
skemmdir urðu á bæjunum Miðfelli I og II.
Víðar fauk margt lauslegt á bæjum. Þá urðu
nokkrar skemmdir á gróðurhúsum á Flúð-
um.
Upp úr hádegi fór veðrið að ganga niður.
Þessi veðurhvellur var ekki skollinn á þegar
skólabílar hófu akstur sinn þannig að börn í
Flúðaskóla voru aldrei í hættu.
Morgunblaðið/Sigurður Sigmundsson
Félagar úr björgunarsveitinni Eyvindi hjálpuðu Kristjáni í Smárahlíð að tína saman brakið.
Á bænum Smárahlíð fauk þak í heilu lagi af nýlegu sumarhúsi.
Þakið fauk af sumarhúsi
Morgunblaðið/Sigurður Sigmundsson
Þakplötur fuku af gömlu aflögðu fjárhúsi á bænum Dalbæ.
Hrunamannahreppi. Morgunblaðið.
Í MÖRGUM smærri byggðarlögum á
landsbyggðinni er enginn afsláttur
veittur af bensíni þar sem ekki er
hægt að velja milli þjónustu og sjálfs-
afgreiðslu.
ESSO, Skeljungur og Olís hafa öll
þá stefnu að veita aðeins afslátt af
bensíni sé um sjálfsafgreiðslu að
ræða.
Í smærri byggðarlögum geta við-
skiptavinir oft á tíðum ekki valið á
milli þjónustu og sjálfsagreiðslu.
Talsmenn allra fyrirtækjanna þriggja
segja að sjálfsafgreiðsla sé þó að
hasla sér sterkari völl út á landi þar
sem flestir séu tilbúnir að borga
minna fyrir bensín á kostnað þjón-
ustu.
Samkvæmt upplýsingum Samúels
Guðmundssonar, framkvæmdastjóra
fjárfestingar- og áhættustýringar-
sviðs Olís, hefur fyrirtækið unnið
hratt að því að undanförnu að koma
upp sjálfsafgreiðslu á landsbyggðinni.
Enginn afslátt-
ur af bensíni á
smærri stöðum
LÖGMAÐUR Sambands tónskálda
og eigenda flutningsréttar (STEF)
gerir ráð fyrir að senda í dag kröfu
til sýslumannsins í Reykjavík um að
sýslumaður haldi uppi lögbanni sem
sett var á tónlistarflutning á Kaffi
Reykjavík í lok janúar. Að sögn
Gunnars Stefánssonar, innheimtu-
stjóra STEFs, er tónlist leikin á
skemmtistaðnum í trássi við lög-
bannið.
Lögbannið var sett á vegna síend-
urtekinna brota á samningi STEFs.
Að sögn Gunnars hefur Guðríður
Svavarsdóttir, sem upphaflega var
veitingaleyfishafi og stjórnarfor-
maður Háaleitis, lýst því yfir að hún
starfi ekki lengur fyrir félagið og
sótt um leyfi hjá STEFi til að leika
tónlist á Kaffi Reykjavík undir nafni
nýs rekstraraðila. Gunnar segir að
það dugi ekki að stofna nýtt félag um
reksturinn og halda ótrauðir aftur af
stað, án þess að gera upp skuldina
við STEF. Þá hafi ekki verið gerður
samningur við hið nýja félag um tón-
listarflutning.
Samkvæmt lögum um lögbann er
það skylda sýslumanns að halda uppi
lögbanninu, að kröfu þess sem fór
fram á það. Jóhannes Rúnar Jó-
hannsson hrl., lögmaður STEFs,
sagði í samtali við Morgunblaðið í
gær að verið væri að afla gagna en
væntanlega yrði krafa send sýslu-
manninum í Reykjavík í dag.
Að sögn Gunnars er mánaðargjald
Kaffis Reykjavíkur til STEFs rúm-
lega 26.000 krónur og um 15.000
krónur til Sambands flytjenda og
hljómplötuframleiðenda.
Ekki náðist í forsvarsmenn Kaffis
Reykjavíkur í gær.
Segja tónlist
leikna í
trássi við
lögbann
KARLMAÐUR var handtekinn að-
faranótt laugardags, grunaður um
tvær líkamsárasir í miðbænum.
Tilkynning kom um að ráðist hefði
verið á unga stúlku á Laugavegi,
henni hrint í götuna og síðan sparkað
í andlit hennar og er hún líklega
kinnbeinsbrotin. Stúlkan kvaðst
ekkert kannast við manninn. Lög-
reglumönnum tókst að rekja slóð
hans í snjónum og fannst hann þar
sem hann faldi sig á bakvið rusla-
tunnu í næstu götu. Talið er að hann
hafi einnig barið mann á veitingastað
í Þingholtsstræti fyrr um nóttina
með þeim afleiðingum að hinn slasaði
var fluttur á slysadeild. Árásarmað-
urinn var færður í fangageymslu.
Handtekinn
vegna tveggja
líkamsárása
♦ ♦ ♦
♦ ♦ ♦