Morgunblaðið - 11.02.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 11. FEBRÚAR 2003 11
HÖFÐABAKKI 9 112 REYKJAVÍK
SÍMI: 544 5330 FAX: 544 5335
FRAMSÓKNARFLOKKURINN
hefur gengið frá uppstillingu á fram-
boðslista í Reykjavíkurkjördæmun-
um fyrir alþingiskosningarnar 10.
maí nk. Eftirtaldir skipa listana:
Reykjavík norður
1. Halldór Ásgrímsson
utanríkisráðherra
2. Árni Magnússon
framkvæmdastjóri
3. Guðjón Ólafur Jónsson
lögmaður
4. Sæunn Stefánsdóttir
háskólanemi
5. Fanný Gunnarsdóttir kennari
6. Jóhann M. Hauksson
stjórnmálafræðingur
7. Rakel Rán Guðjónsdóttir
verslunarmaður
8. Guðmundur Gylfi Guðmunds-
son hagfræðingur
9. Helena Ólafsdóttir,
íþróttakennari og þjálfari
10. Gestur Guðjónsson
umhverfisverkfræðingur
11. Guðbjörg Guðjónsdóttir
leikskólastjóri
12. Hilmar Hansson
dúkalagningameistari
13. Marsibil Sæmundsdóttir
framkvæmdastjóri
14. Friðjón Guðröðarson,
fv. sýslumaður
15. Friðrik Þór Friðriksson
kvikmyndagerðarmaður
16. Sæmundur Runólfsson
framkvæmdastjóri
17. Sjöfn Sóley Þórmundsdóttir
skrifstofumaður
18. Guðmundur Geir Sigurðsson
sölumaður
19. Harpa Dögg Hannesdóttir
háskólanemi
20. Ólafur Örn Haraldsson
alþingismaður
21. Sigrún Magnúsdóttir,
fv. borgarfulltrúi
22. Finnur Ingólfsson,
fv. ráðherra
Reykjavík suður
1. Jónína Bjartmarz
alþingismaður
2. Björn Ingi Hrafnsson
skrifstofustjóri
3. Svala Rún Sigurðardóttir
gæðastjóri
4. Birna Margrét Olgeirsdóttir
hagfræðingur
5. Halldór Lárusson
framkvæmdastjóri
6. Guðmundur Freyr Sveinsson
stjórnmálafræðingur
7. Haukur Logi Karlsson
járnabindingamaður
8. Ragnar Þorgeirsson
viðskiptastjóri
9. Sigrún Sturludóttir,
f.v. kirkjuvörður
10. Ármann Höskuldsson
eldfjallafræðingur
11. Brynhildur Bergþórsdóttir
framkvæmdastjóri
12. Guðmundur Halldór Björns-
son iðnrekstrarfræðingur
13. Margrét Rún Einarsdóttir
framhaldsskólakennari
14. Auðbjörg Ólafsdóttir
stjórnmálafræðinemi
15. Hildigunnur Friðjónsdóttir,
hjúkrunarfræðingur
16. Sverrir Björnsson
viðskiptafræðingur
17. Eyþór Björgvinsson læknir
18. Jón Albert Sigurbjörnsson,
formaður Landssambands
hestamanna
19. Svava H. Friðgeirsdóttir
upplýsingafræðingur
20. Áslaug Brynjólfsdóttir,
fv. fræðslufulltrúi
21. Valdimar K. Jónsson prófessor
22. Haraldur Ólafsson,
fv. alþingismaður.
Ráðinn kosningastjóri
Gestur Kr. Gestsson hefur verið
ráðinn kosningastjóri Framsóknar-
flokksins í Reykjavík. Í fréttatil-
kynningu frá flokknum kemur fram
að Gestur er 44 ára gamall, giftur,
fjögurra barna faðir. Hann er inn-
flutningsfulltrúi hjá Samskipum og
er formaður Framsóknarfélagsins í
Reykjavíkurkjördæmi norður. Hann
sat í kosningastjórn Reykjavíkurlist-
ans fyrir hönd Framsóknarflokksins
fyrir borgarstjórnarkosningarnar í
fyrra. Í tilkynningunni segir enn-
fremur að sjö manna kosningastjórn
Framsóknarflokksins hafi tekið til
starfa í Reykjavík, en kosningabar-
átta flokksins verður rekin sameig-
inlega í kjördæmum borgarinnar.
Kosningaskrifstofa flokksins verður
í Bankastræti 5 en gert er ráð fyrir
að kosningaskrifstofur verði opnað-
ar víðar í borginni þegar nær dregur
kosningum.
Framsókn
birtir lista
í Reykjavík
SIGLAUGUR Bryn-
leifsson, rithöfundur og
gagnrýnandi, er látinn,
áttræður að aldri.
Siglaugur fæddist á
Akureyri 24. júní 1922.
Foreldrar hans voru
Brynleifur Tobíasson,
yfirkennari við
Menntaskólann á Ak-
ureyri, og Sigurlaug
Hallgrímsdóttir. Hann
lauk stúdentsprófi frá
Menntaskólanum á Ak-
ureyri 1942, stundaði
nám við norrænudeild
Háskóla Íslands 1942–
44, cand. phil. 1943 og bókfræðinám
við Zentralbibliotek í Zürich 1947–
49.
Siglaugur var stundakennari við
MA 1952–61 og amtsbókavörður á
Akureyri 1949–61. Hann stundaði
kennslustörf við gagnfræðaskóla og
grunnskóla frá 1963 til 1987, meðal
annars í Hveragerði, á Hvolsvelli,
Hrísey og Vopnafirði.
Siglaugur var mikil-
virkur gagnrýnandi og
skrifaði ritdóma um er-
lendar og innlendar
bókmenntir í Morgun-
blaðið um árabil. Eftir
hann liggja bækurnar
Deild 7 (þýðing skáld-
sögu Valery Tarsis)
1965, Svarti dauði 1970,
Galdrar og brennu-
dómar 1976 og Klem-
ens á Sámsstöðum
1978. Siglaugur ritaði
fjölda greina og rit-
gerða um menningar-
og samfélagsmál í blöð og tímarit,
m.a. Tímarit Máls og menningar,
Morgunblaðið og Lesbók Morgun-
blaðsins, Tímann og Þjóðviljann.
Siglaugur kvæntist Guðfinnu Sig-
ríði Jónsdóttur 18. júlí 1948. Þau
skildu. Kvæntist Ingibjörgu Þ.
Stephensen 20. mars 1966. Ingibjörg
lést 2001.
Andlát
SIGLAUGUR
BRYNLEIFSSON
ÍSLAND hefur hlotið inngöngu í
Heimssamband áhugamanna í
hnefaleikum, AIBA. Að sögn
Sigurjóns Gunnsteinssonar, for-
manns Hnefaleikafélags Reykja-
víkur og stjórnarmanns í hnefa-
leikanefnd ÍSÍ, hefur innganga
Íslands í AIBA í för með sér að
hægt verður að halda mót og
keppnir hér á landi sem skráð
eru innan Heimssambandsins.
Keppt við Dani í mars
Íslenskir hnefaleikamenn taka
á móti Dönum í Laugardalshöll
hinn 8. mars nk. sem er fyrsta
keppni í áhugamannahnefaleik-
um frá því hnefaleikar voru
bannaðir með lögum árið 1956.
Danirnir sem hingað koma eru
frá hnefaleikaklúbbum í Álaborg
og eru valdir með tilliti til
reynslu íslensku keppendanna.
Um 7–8 keppendur eru vænt-
anlegir frá Danmörku. Einn
kvennabardagi verður og er það
í fyrsta sinn sem kvenmenn
keppa í hnefaleikum hér á landi,
að sögn Sigurjóns.
Hátt í 300 manns æfa reglu-
bundið hnefaleika hér á landi.
Tvö hnefaleikafélög eru starf-
andi innan ÍSÍ, Hnefaleikafélag
Reykjavíkur og Reykjanesbæj-
ar.
Þá hefur Hnefaleikafélag
Garðabæjar sótt um inngöngu
og á Akranesi, Ísafirði, Akureyri
og í Vestmannaeyjum er í bígerð
að stofna hnefaleikafélög, að
sögn Sigurjóns.
Ráðgert er að halda fyrsta Ís-
landsmótið í áhugamannahnefa-
leikum í haust.
Ganga í Heims-
samband hnefa-
leikamanna
STARFSFÓLK Hagstofu Íslands
hélt formlega upp á flutning stofn-
unarinnar í nýtt húsnæði í Borg-
artúni 21a sl. föstudag. Hallgrímur
Snorrason hagstofustjóri segir alla
meginstarfsemina nú komna undir
eitt þak. Áður hafi hún farið fram á
nokkrum stöðum í kringum af-
greiðsluna við Skuggasund og Lind-
argötu. Þröngt hafi verið um starfs-
fólk og nýjar kröfur kölluðu á betri
aðstöðu. Með flutningnum megi
einnig segja að samruna Þjóðhags-
stofnunar og Hagstofunnar sé lokið.
Hallgrímur segir að húsnæðið
henti vel og hafi verið innréttað
með hliðsjón af starfseminni. Fólk
hittist meira á milli deilda og for-
sendur fyrir góðri samvinnu séu
fyrir hendi.
Sem dæmi nefnir Hallgrímur að
sérstök spyrladeild sé starfrækt í
Borgartúni. Áður hafi þessi þjón-
usta verið aðkeypt t.d. þegar vinnu-
markaðskannanir voru gerðar
tvisvar á ári. Samhliða þessu sé far-
ið að mæla hreyfingar á vinnumark-
aði jafnt og þétt allt árið og nið-
urstöður birtar ársfjórðungslega.
Auk þess bjóði þetta upp á aðra
skráningu upplýsinga sem aflað er í
gegnum síma.
Skipurit Hagstofunnar hefur líka
tekið breytingum eftir að sérstakt
þjóðhagsreikningasvið var stofnað.
Hallgrímur segir stefnt að því í
framtíðinni að þjóðskrá og fyr-
irtækjaskrá flytji annað innan
stjórnsýslunnar og aðaláhersla
verði lögð á svokallaða hagsýslu-
skráningu. Hann segir að stofnunin
hafi tileinkað sér ný og agaðri
vinnubrögð með birtingaráætlun
upplýsinga, sem sé í takt við þróun á
markaðnum. Notendur vita hvenær
von er á nýjum upplýsingum og allir
sitja við sama borð.
Ný og endurbætt
heimasíða opnuð
Hagstofuráðherra, Davíð Odds-
son, fagnaði þessum tímamótum
með starfsfólki. Að því tilefni var
líka opnuð ný og endurbætt heima-
síða. Hallgrímur segir mikinn fjölda
fólks nýta sér upplýsingar frá Hag-
stofunni og vefurinn opni greiða
leið til að miðla því efni. Hag-
stofuvefurinn sé nú einfaldari í
notkun fyrir alla. Þar er hægt að
velja úr þær upplýsingar sem óskað
er eftir að fá birtar og sækja eyðu-
blöð sem þarf að nota við ýmiss kon-
ar skráningu. Uppbygging vefjarins
er hnitmiðuð og einföld sem gerir
alla leit árangursríka. Hallgrímur
segir að þetta nýti skólafólk sér,
jafnt starfsmenn sem nemendur,
samtök á vinnumarkaði, ýmis hags-
munasamtök og fjármálastofnanir.
Morgunblaðið/Þorkell
Hagstofan í nýtt húsnæði
Morgunblaðið/Þorkell
Hallgrímur Snorrason sýnir Davíð Oddssyni, ráðherra Hagstofunnar, nýju húsakynnin í Borgartúni.