Morgunblaðið - 11.02.2003, Qupperneq 40

40 ÞRIÐJUDAGUR 11. FEBRÚAR 2003 MORGUNBLAÐIÐ






 




 
  

 
  

          !

 
  "
#
$
 
% 
  
&     
'
(  '
)


   !
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EKKI fer á milli mála að alþingis-
kosningar eru í uppsiglingu að vori
komanda, miðað við prófkjör og ann-
að tilstand við uppstillingu á lista
stjórnmálaflokkanna. Þótt enn séu
16 vikur til kosninga gengur mikið á.
Borgarstjórinn, Ingibjörg Sólrún,
skiptir um hest í miðri á. „Það sem
helst hann varast vann varð að koma
yfir hann.“ Þetta voru hennar eigin
orð við síðustu borgarstjórnarkosn-
ingu og átti hún þar við Sjálfstæð-
isflokkinn. Lengi er hægt að vera
vitur eftir á. Ef rétt hefði verið að
staðið þá hefði Össur Skarphéðins-
son átt að víkja og láta hana um að
leiða listann. En svona er pólitíkin.
Allir vilja ota sínum tota. Það sem
skiptir þó mestu máli er, að stjórn-
málamenn veljist þannig að þeir
standi við orð sín og gjörðir en séu
ekki hvorki hráir né soðnir. Það er
enginn vandi að standa fyrir utan
garð og hrópa úlfur, úlfur eða segja,
nú get ég og þið hafið bent mér á
réttu leiðina. Við eigum því miður
ekki góðar minningar frá vinstri
stjórnum á Íslandi.
Framsóknarflokkurinn er búinn
að vera í stjórnarsamstarfi í 8 ár og
það er segin saga, að alltaf þegar
hann er í stjórn með Sjálfstæðis-
flokknum tapar hann fylgi. Því leng-
ur sem slíkt samstarf varir þeim
mun meira fylgi tapar hann. Hvernig
sem á því stendur er flokkurinn nú í
talsverðri hægri sveiflu undir stjórn
Halldórs Ásgrímssonar og er hann
nú að gjalda þess ásamt EB-rugls-
ins. Því segi ég, Halldór, líttu þér
nær.
Sú ríkisstjórn sem nú er að kveðja
á vori komanda hefur gert marga
góða hluti að mínum dómi í andstöðu
við máttvana stjórnarandstöðu. Þar
á ég sérstaklega við flokkinn Vinstri
græna, sem ættu reyndar að heita
Vinstri rauðir. Þar er á ferðinni
flokkur sem er á móti öllu og öllum.
Þetta er í reynd gamli Kommúnista-
flokkur Íslands með sömu megin-
stefnu síðastliðin 70 ár – á móti fram-
förum eins og virkjunum. Er það
nema von að fólk hræðist slíkan
flokk sem stöðugt gengur undir nýj-
um nöfnum til að villa á sér sýn. Ég
man þá tíð þegar herinn kom fyrst til
Keflavíkurflugvallar og bauðst til að
byggja höfn í Njarðvíkum, leggja
veg frá Keflavík til Reykjavíkur og
upp í Hvalfjörð. Þetta mátti alls ekki
þiggja að dómi flokksmanna þessa
flokks. Þótt búið sé að finna enn eitt
nafnið á flokkinn breytast innviðirn-
ir ekkert. Frá þessu fólki kemur
ekkert annað en glamur. Því vara ég
við stefnu þess flokks og tel hana
jafnvel hættulega þjóð og landi.
Ég undirritaður leyni því ekki að
sem vinstri framsóknarmaður óska
ég þess að flokkur minn fái góða
kosningu í komandi alþingiskosning-
um og að stjórnendur hans sjái sig
um hönd og færi stefnuna heldur til
vinstri við það sem verið hefur. Góð-
ur styrkur Framsóknarflokksins er
til heilla þjóðinni.
AUÐUNN H. JÓNSSON,
Seilugranda 8.
Að vera á móti
öllu og öllum
Frá Auðuni H. Jónssyni
LANDSBANKINN hefur sent frá
sér allmyndarlegan bækling, hvar
hann hvetur landsmenn til að
spara. Einnig hefur bankinn í
gangi auglýsingaherferð í fjölmiðl-
um um sama efni.
Sparnaður er góður og gildur,
en væri það ekki umpólun á Ís-
lendingseðlinu að fara eftir öllum
þeim ráðum sem bankinn gefur og
Hallgrímur Helgason rithöfundur
nefnir snilldarlega í bæklingnum
„skandinavískan eðalsmáborgara-
skap“? Landsbankinn hvetur við-
skiptavini sína til að snapa sér frí-
ar eldspýtur á börum, hringja
stutt, svo vinirnir sjái á númera-
birti að viðkomandi hafi hringt,
eða taka með sér poppkorn í bíó.
Þrátt fyrir mörg hundruð ráð
um sparnað stenst Landsbankinn
ekki mátið og býður viðskiptavin-
um sínum greiðsludreifingu á sum-
arfríinu í staðinn fyrir að hvetja þá
til að sitja heima og spara.
Í bæklingnum og í auglýsingum
sínum vegur Landsbankinn að
starfsheiðri tveggja stétta, hár-
greiðslufólks og snyrtifræðinga, og
bendir á að með því að sniðganga
þjónustu þeirra geti fólk sparað
meira. Landsbankinn hafði ekki
þor til þess að benda fólki á að
segja upp áskrift sinni að dag-
blöðum, vegna þess að það væri til
dagblað sem borið er út frítt, eða
þá að benda á að með skyldu-
áskrift sjónvarpsins gætu menn
sparað sér áskrift að frjálsu stöðv-
unum. Ég sakna þess að Lands-
bankinn minnist ekki einu orði á
hvernig hægt er að spara sér stór-
ar fjárhæðir þegar ferðast er til
útlanda. Ætli þau atriði séu of
tengd honum?
Ég er hér með tillögu fyrir
Landsbankann um hvernig hann
getur náð fram auknum sparnaði
fyrir viðskiptavini sína. Ef hann
leitar tilboða í hlandkolluklipping-
ar, eins og þá sem við sjáum í
sjónvarpinu, fyrir starfsmenn sína
og viðskiptavini gæti hann frið-
mælst við hárgreiðslufólk, sem
finnst að sér vegið með þessum
auglýsingum, og náð fram auknum
sparnaði fyrir viðskiptavini sína.
Þá mælist ég til þess að stjórn-
endur bankans ríði á vaðið fyrstir
og fái sér klippingu. Ég efast ekki
um að viðskiptavinir öldurhúsanna
mundu gauka að þannig klipptu
fólki hálfkláruðum ölglösum eða
jafnvel afgöngum frá málsverði
sínum. Kvikmyndahúsin gætu sett
á sparipalla hálfkláraða popp-
kornspoka, sem þannig klipptir
gætu gengið að. Þannig gætu þeir
sparað meira og þyrftu ekki að
taka með sér að heiman.
ERLINGUR B.
THORODDSEN,
Aðalbraut 2, Raufarhöfn.
Sparibók
Landsbankans
Frá Erlingi B. Thoroddsen