Morgunblaðið - 11.02.2003, Blaðsíða 13

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 11. FEBRÚAR 2003 13
Við lækkum verðið til Benidorm.
Heimsferðir bjóða nú vikulegt flug til Benidorm í sumar á
frábærum kjörum og þeir sem bóka fyrir 15. mars geta tryggt sér
allt að 40.000 afslátt fyrir fjölskylduna í valdar brottfarir, eða
10.000 kr. á manninn. Heimsferðir fagna nú 11 ára afmæli sínu á
Benidorm og engin önnur íslensk ferðaskrifstofa hefur jafn mikla
reynslu af að senda íslenska ferðamenn á þennan vinsæla stað.
Að sjálfsögðu bjóðast þér spennandi kynnisferðir í fríinu og
þjónusta reyndra fararstjóra
Heimsferða til að tryggja þér
ánægjulega dvöl í fríinu.
Bókaðu til
Benidorm
og tryggðu þér
40.000 kr.
afslátt af ferðinni
Beint flug alla miðvikudaga í sumar
11 ár á Benidorm
Glæsilegustu gististaðirnir
Skógarhlíð 18, sími 595 1000. www.heimsferdir.is
Verð kr. 37.662
M.v. hjón með 2 börn, 2–11 ára,
21. maí í viku, El Faro, með 40
þúsund kr. afslætti.
Verð kr. 49.950
M.v. 2 í íbúð í viku, El Faro, 21. maí,
með 10.000 kr. afslætti. Skattar
innifaldir.
Lægsta verðið í sólina
Fáðu bæklinginn sendann
Munið Mastercard
ferðaávísunina
LAGT er til í nýrri skýrslu nefndar
um fiskmarkaði að starfsemi inn-
lendra fiskmarkaða verði þríþætt í
framtíðinni: Gólfmarkaður (uppboð á
lönduðum afla) og tilboðsmarkaður
þar sem seljendur og kaupendur gera
tilboð um sölu eða kaup á fiski í gegn-
um síðu á Netinu, en í dag er allur
fiskur boðinn upp í einu og gildir þá
einu hvort hann er á staðnum eða
óveiddur. Telja nefndarmenn að nú-
verandi kerfi stuðli að óeðlilegri verð-
lagningu þar sem að óvissa og mis-
ræmi skapast af því að selja fisk sem
ekki er á staðnum, og á jafnvel eftir
að veiða, með fiski sem er á staðnum.
Í skýrslunni er jafnframt lagt til að
sjávarútvegsráðherra feli Fiskistofu
að hafa frumkvæði að gæðaátaki til
að bæta meðferð fisks um borð í veiði-
skipum, einkum kælingu aflans.
Sautján af átján nefndarmönnum
urðu ásáttir um þessar tillögur og
tvær að auki en einn sat hjá, Friðrik
Arngrímsson frá LÍÚ. Arthur Boga-
son, Guðjón Ármann Einarsson,
Helgi Laxdal, Hólmgeir Jónsson,
Óskar Þór Karlsson og Svanfríður
Jónasdóttir skiluðu séráliti þar sem
þau töldu að tillögurnar fjórar upp-
fylltu ekki það markmið að efla og
styrkja starfsemi fiskmarkaðanna. Á
meðal tillagna þeirra er að sjávarút-
vegsráðherra beiti sér fyrir því hjá
viðeigandi stjórnvöldum að aflagjöld
verði þau sömu hvort sem afli er seld-
ur á fiskmarkaði eða með öðrum
hætti, að eignaraðild fiskmarkaða
verði dreifð, að allur óunninn fiskur
sem fer til sölu á uppboði verði boðinn
upp á innlendum fiskmörkuðum og að
sett verði lög um fjárhagslegan að-
skilnað milli reksturs útgerðar ann-
ars vegar og fiskvinnslu í landi hins
vegar.
Skortur á samstöðu galli
Árni M. Mathiesen sjávarútvegs-
ráðherra sagðist hafa viljað sjá meiri
samstöðu hjá nefndarmönnum um til-
lögurnar og segir skort á samstöðu
vera galla á skýrslunni og niðurstöð-
unni. Um sérálitin sagði Árni að þau
hefðu mótast af því fyrir hvaða hópa
einstakir nefndarmenn tóku sæti í
nefndinni. Nefndin hafði það hlutverk
að gera úttekt á gildi fiskmarkaða og
áhrifum þeirra á íslenskan sjávarút-
veg og atvinnuþróun. Í skýrslunni má
lesa þær niðurstöður að fiskmarkaðir
hafi stuðlað að minna brottkasti fisks
þar sem þeir hafi tvímælaust leitt til
betri og hagkvæmari nýtingar fisk-
tegunda sem lítið fékkst fyrir áður.
Einnig segir þar að fáir viðskiptavinir
fiskmarkaða telja að skylda eigi út-
gerðir til að selja allan botnfiskafla á
fiskmarkaði og stjórnendur fisk-
markaða séu einnig andvígir þeim
hugmyndum.
Árni M. Mathiesen sagði á fund-
inum að sér fyndist koma mjög skýrt
fram í skýrslunni mikilvægi fisk-
markaðanna en jafnframt talsvert
beinskeitt gagnrýni á starfsemi
markaðanna. „Ég held að það sé efni
til þess að þetta verði tímamóta-
skýrsla en það fer eftir hvernig til
tekst að vinna úr tillögunum,“ sagði
Árni en skýrslan fer nú til umræðu í
ráðuneytinu.
Miklir
fiskflutningar
Í niðurstöðum skýrslunnar má lesa
að áhrifa fiskmarkaða gæti mjög í því
að flutningur á afla milli landssvæða
hefur stóraukist undanfarin ár og er
sérlega mikill á öllu vestanverðu
landinu, en fram kom að 65% af seld-
um afla fiskmarkaða eða um 60.000
tonn á ári eru flutt milli landsvæða.
Mest kemur mest frá Vesturlandi og
Vestfjörðum. Um 40% af aflanum eru
flutt til höfuðborgarsvæðsins eða um
30.000 tonn á ári. Einnig kom fram í
niðurstöðunum að 95–100.000 tonnn
eru seld á fiskmörkuðum árlega og
árið 2001 var söluverðmætið 14,7
milljarðar. Það sama ár voru 128 selj-
endur (skip) með um helming sölu-
verðmætis en alls voru seljendur um
1.700. Afli af togurum var 6% af seldu
magni markaða. Jafnframt kom fram
að af botnfiskaflanaum eru aðeins um
20% seld á fiskmörkuðum en um 15%
af flatfiskaflanum.
Skýrsla nefndar um fiskmarkaði
Leggur til
þrískiptingu
fiskmarkaða
Morgunblaðið/Kristinn
Kristján Pálsson, formaður nefndar um fiskmarkaði, kynnir niðurstöður
skýrslunnar á blaðamannafundi með sjávarútvegsráðherra í gær.
VÖRUM fyrir um 2 milljarða króna
er stolið árlega úr verslunum hér á
landi og 1–2 milljarðar að auki teljast
til óeðlilegrar rýrnunar. Alls hverfa
því vörur að andvirði á fjórða millj-
arð króna úr verslunum árlega, en
það jafngildir því t.d. að matvöru-
verslun Hagkaupa í Kringlunni sé
tæmd meira en einu sinni í viku, eða
67 sinnum á ári. Þetta var meðal þess
sem fram kom á fjölsóttri ráðstefnu á
vegum Samtaka verslunar og þjón-
ustu (SVÞ) undir heitinu „Öryggi í
verslunum“ í gær.
Á ráðstefnunni var fjallað um
hvernig verslanir geta minnkað svo-
kallaða óþekkta rýrnun, sem felur í
sér rán, kortafals og mistök í pönt-
unum. Emil B. Karlsson hjá SVÞ
sagði að af gestafjöldanum megi sjá
að málefnið sé mikið hagsmunamál
fyrir verslunareigendur. Upphaflega
hafi verið gert ráð fyrir að milli 30 og
50 manns myndu sækja ráðstefnuna
en þeir hafi á endandum orðið á
þriðja hundrað.
Að sögn Emils er talið að óþekkt
rýrnun nemi að meðaltali 1,75% af
veltu verslana í Evrópu. Hann sagði
marga kaupmenn telja hlutfallið
jafnvel enn hærra hérlendis. Í Nor-
egi nemur rýrnunin 1,59% af veltu að
sögn Thor M. Bjerke öryggissér-
fræðings sem hélt erindi á ráðstefn-
unni. Hann sagði að gripið hefði ver-
ið til ýmissa aðgerða í Noregi sem
væru að skila góðum árangri. Ís-
lenska átakið „Varnir gegn vágest-
um“ er t.a.m. gert að norskri fyrir-
mynd. Bjerke sagði að fræðsla
starfsfólks væri mikilvægasta vopnið
gegn rýrnun. Réttur öryggisbúnað-
ur í verslunum skipti miklu þegar um
rán væri að ræða en rétt viðbrögð
starfsfólks væru þó enn mikilvægari.
Fræðsla starfsfólks
mikilvægasta vopnið