Morgunblaðið - 11.02.2003, Blaðsíða 17
ERLENT
MORGUNBLAÐIÐ ÞRIÐJUDAGUR 11. FEBRÚAR 2003 17
HANS Blix, yfirmaður vopnaeftirlits-
nefndar Sameinuðu þjóðanna, sagði í
gær að ekkert nýtt væri að finna
varðandi gereyðingarvopnaeign
Íraka í skjölum sem írösk stjórnvöld
létu honum í té um helgina. Ennfrem-
ur var haft eftir Blix að samvinnuvilji
Íraka, en ekki fjöldi eftirlitsmanna,
væri það sem skipti sköpum við það
að komast að því hvort Írakar réðu yf-
ir gereyðingarvopnum. Blix flytur ör-
yggisráðinu skýrslu um eftirlitið á
föstudag. Frakkar, Þjóðverjar og
Rússar vilja fjölga eftirlitsmönnun-
um.
Mohamed ElBaradei, yfirmaður
Alþjóða kjarnorkumálastofnunarinn-
ar, IAEA, og Blix fóru í tveggja daga
heimsókn til Íraks um helgina. „Í
þetta skiptið létu þeir okkur í té skjöl
þar sem þeir tóku fyrir ný atriði. Eng-
in ný sönnunargögn í raun og veru
eftir því sem ég fæ séð en þeir hafa
engu að síður tekið fyrir málefni sem
skipta máli og ég fagna því,“ sagði
Blix við komuna til Aþenu í Grikk-
landi eftir heimsóknina til Bagdad.
ElBaradei sagði nokkuð hafa miðað
áleiðis en Írakar yrðu að sýna fullan
samstarfsvilja, sýna að viðhorf þeirra
hefði breyst. Hann virtist eins og Blix
efast um gagnið að því að fjölga eft-
irlitsmönnum. „Sérhverju átaki í að
fjölga eftirlitsmönnum ber að fagna
en við þurfum raunverulegt samstarf
af hálfu Íraka og upplýsingar sem
gagn er að frá ríkjum öryggisráðs-
ins,“ sagði hann.
Sendiherra Íraks hjá Sameinuðu
þjóðunum sagði í gær að Írakar
myndu leyfa flug U-2-njósnaflugvéla
yfir landið til að afla upplýsinga fyrir
eftirlitsmennina.
Þegar Blix var spurður hvort
vopnaeftirlitsmenn gætu gert betur
og unnið hraðar sagði hann: „Aðal-
vandinn liggur ekki í fjölda vopnaeft-
irlitsmanna heldur því hvort Írakar
sýna samstarfsvilja, eins og við höfum
margoft sagt,“ sagði Blix í gær.
Eftir heimsóknina sögðust þeir
báðir vonbetri um að möguleiki væri á
því að sinnaskipti hefðu orðið hjá
íröskum stjórnvöldum en á sunnudag
gagnrýndi Blix Íraka vegna lista sem
þeir hafa afhent yfir vísindamenn sem
eftirlitsmenn mega nú yfirheyra um
vopn landsins. Sagði Blix að stjórn
Íraks hefði lofað að bæta við mikil-
vægum nöfnum manna sem eftirlits-
menn vildu ræða við en ekki staðið við
það loforð. Fimm vísindamenn hafa
þegar verið yfirheyrðir.
Hans Blix gagnrýnir
stjórnvöld í Írak
Reuters
Hans Blix (t.v.) og Mohamed ElBaradei mæta á blaðamannafund í Bagdad.
Segir ekkert nýtt
í skjölum sem
Írakar afhentu
um helgina
Aþenu. London, Bagdad. AFP.
FORSETI Frakklands, Jacques
Chirac (t.h.), heilsar gesti sínum,
Vladímír Pútín Rússlandsforseta, í
Elysee-höllinni í París í gær. Las
Chirac upp sameiginlega yfirlýs-
ingu Frakka, Þjóðverja og Rússa
þar sem sagt var að efla ætti
vopnaeftirlit Sameinuðu þjóðanna
í Írak en ekki tilgreint hvernig
það skyldi gert.
Pútín er í þriggja daga heim-
sókn í Frakklandi. Hann hyggst
nota tækifærið til að efla sam-
stöðu ríkjanna tveggja um Íraks-
málið en þau vilja freista þess að
leysa deilurnar með friðsamlegum
aðferðum.
Pútín sagði í gær að árás á Írak
gæti haft alvarlegar afleiðingar.
„Ég er á móti stríði, sem stendur
er það mitt viðhorf,“ sagði forset-
inn. AP
Pútín í París
RAFMÓTORAR
ALLAR GERÐIR OG STÆRÐIR
w
w
w
.d
es
ig
n.
is
©
20
02 Skeifunni 2
108 Reykjavík
Sími 530 5900
www.poulsen.is
Moggabúðin
Reiknivél, aðeins 950 kr.