Morgunblaðið - 11.02.2003, Blaðsíða 20
SUÐURNES
20 ÞRIÐJUDAGUR 11. FEBRÚAR 2003 MORGUNBLAÐIÐ
Smiðjuvegi 14 • Kópavogi • www.veislusmidjan.is • Pantanir og uppl. í síma 587 3800 og 899 2959
Þorramaturinn
eins og þú vilt hafa hann
Meira af þessu og minna af hinu
Hafðu samband eins oft og þú vilt!
Þorrablótið í sal Ferðafélagsins í Mörkinni
„EF ég stoppa núna mun ég aldrei
geta staðið upp úr stólnum. Það
finnst mér ekki koma til greina,“
segir Arnar Helgi Lárusson sem
lamaðist í mótorhjólaslysi í byrjun
september. Hann er tilbúinn að
leggja mikið á sig til að komast úr
hjólastólnum og er nú á leiðinni til
Frakklands til að gangast undir
leysigeislameðferð og stífa þjálfun.
Arnar Helgi, sem er 26 ára gamall
sjómaður í Keflavík, var í Helguvík
að æfa sig fyrir mótorhjólakeppni
að kvöldi 6. september þegar hann
datt af hjólinu og lenti úti í grjóti.
Brotnuðu fjórir fjórir svokallaðir
brjóstliðið í hryggnum og mænan
skaddaðist. Hefur Arnar síðan verið
lamaður fyrir neðan brjóst.
Kona hans, Sóley Björk Garð-
arsdóttir, var með honum í Helgu-
vík og kallaði eftir hjálp. Arnar var
lagður inn á gjörgæsludeild Land-
spítala Íslands – háskólasjúkrahúss
og fór síðan í endurhæfingu á
Grensásdeild spítalans. Endurhæf-
ingin hefur gengið vel. Arnar segir
að læknarnir hafi búist við að hann
yrði á Grensás í sex mánuði en hann
hafi ákveðið að koma sér þaðan út
eftir þrjá mánuði. Það gekk eftir
sem Arnar Helgi ætlaði sér, hann
var farinn að aka bíl eftir tvo mán-
uði og útskrifaðist af spítalanum eft-
ir þrjá mánuði. Eru það skjótari
framfarir en menn eiga að venjast.
„Ég var frá upphafi ákveðinn í að
koma mér af stað. Þetta hefur geng-
ið vel, ég meiddist lítið fyrir utan
hryggbrotið og hef sloppið að mestu
við sýkingar,“ segir hann.
Hann flutti í íbúð sem Samtök
endurhæfðra mænuskaddaðra
(SEM) eiga við Sléttuveg í Reykja-
vík og fer daglega í þjálfun á Grens-
ásdeild. Þar fær hann 45 mínútur
með sjúkraþjálfara en finnst það
ekki nóg og reynir því að mæta fyrr
til að æfa sig sjálfur.
Arnar Helgi á erfitt með að sætta
sig við það að vera bundinn ævi-
langt í hjólastól. Hann hefur því
reynt að afla sér sem mestra upplýs-
inga um læknismeðferðir og árang-
ur þeirra. „Þetta er bara vinna. Ég
ligg á Netinu, hef skrifað mörgum
læknum og fengið góð viðbrögð. Þá
hefur Auður Guðjónsdóttir komið
mér í samband við lækna. Það er
margt að gerast í þessum málum úti
í heimi og mér finnst heilbrigt að
láta reyna á hvort eitthvað af því
kemur mér að gagni,“ segir Arnar.
Hann og Sóley fara til Frakklands
1. apríl og dvelja þar í mánuð, að
minnsta kosti. Hann ætlar að gang-
ast undir leysigeislameðferð hjá
frönskum lækni og æfa stíft hjá
sjúkraþjálfara. Geislanum er beint
að orkustöðvum í líkamanum þann-
ig að boð komist til heilans þrátt fyr-
ir skaddaða mænu. Læknar Arnars
Helga hafa ekki allir trú á þessari
meðferð enda telst hún til óhefð-
bundinna lækninga en sumir eru þó
jákvæðir. „Ef ég geri ekkert í þessu
sjálfur mun ég aldrei geta staðið
upp úr hjólastólnum. Þetta verður
þá bara erfiðara og erfiðara, eftir
því sem ég eldist, og það eina sem ég
get þá gert er að finna mér þægileg-
an hjólastól. Ef ég næ árangri getur
þetta kannski nýst öðrum en ef
þetta gengur ekki þá liggur það þó
fyrir að einhver hefur reynt,“ segir
Arnar.
Það kostar mikið fé að leita sér
lækninga á eigin vegum erlendis.
Segist Arnar ekki fá neina opinbera
aðstoð til þess. Segir að það sé und-
arlegt í ljósi þess hvað það kosti rík-
ið mikið að hafa hann í hjólastóln-
um. Nefnir sem dæmi að ef hann
sýndi örlitlar framfarir, gæti til
dæmis farið að pissa án þeirra hjálp-
artækja sem nú eru nauðsynleg,
gæti það sparað ríkinu yfir 800 þús-
und krónur á ári.
Hann telur einnig koma til greina
að leita til rússneskra lækna en
skurðaðgerðir þeirra hafi hjálpað
sumum, jafnvel þannig að þeir hafi
komist á lappir eins og Arnar orðar
það. „Það er von á meðan maður
reynir,“ segir Arnar Helgi Lár-
usson.
Arnar Helgi Lárusson leggur mikið á sig til að reyna að ná bata eftir mótorhjólaslys
Það er von á
meðan maður
reynir
Morgunblaðið/Helgi Bjarnason
Arnar Helgi Lárusson býr sig undir það að færa sig úr handknúna ökutæk-
inu yfir í það vélknúna.
Keflavík
LÆGSTA tilboð í framkvæmdir á
lóð fyrirhugðrar stálröraverksmiðju
í Helguvík reyndist 227 milljónum
króna undir kostnaðaráætlun. Ís-
lenskir aðalverktakar hf. buðu best.
Á vegum Reykjaneshafnar er
verið að undirbúa móttöku á stál-
röraverksmiðju sem bandarískt fyr-
irtæki hyggst reisa í Helguvík. Hef-
ur höfnin tekið að sér að sprengja
lóð sem fyrirtækinu er ætluð niður í
hæð hafnargarðsins í Helguvík. Er
þetta mikil framkvæmd. Auk
sprenginga og efnisflutninga af lóð-
inni mun verktakinn lengja og end-
urbæta sjóvarnargarð í Njarðvík.
Ánægður með niðurstöðuna
Sex verktökum var gefinn kostur
á að bjóða í framkvæmdirnar í lok-
uðu útboði og voru tilboð opnuð í
gær. Íslenskir aðalverktakar bjóð-
ast til að taka verkið að sér fyrir
tæpar 322 milljónir króna sem eru
tæp 59% af kostnaðaráætlun ráð-
gjafa Reykjaneshafnar. Kostnaðar-
áætlunin hljóðar upp á rúmar 548
milljónir og er lægsta tilboð því
tæpum 227 milljónum undir áætlun.
Næstlægsta tilboð er frá Suður-
verki, 65 milljónum yfir tilboði Að-
alverktaka, og hin tilboðin eru mun
hærri, það hæsta rúmar 600 millj-
ónir.
Pétur Jóhannsson hafnarstjóri
kveðst ánægður með niðurstöðu út-
boðsins. Segir hann allar líkur á að
tilboði ÍAV verði tekið. Eftir sé þó
að fara yfir tilboðin og leggja þau
fyrir atvinnu- og hafnaráð og bæj-
arstjórn. Það verður gert síðar í
þessari viku og byrjun næstu.
Gert er ráð fyrir að verktaki geti
hafið framkvæmdir við fyrsta
áfanga verksins um næstu mánaða-
mót. Hann felur í sér styrkingu og
lengingu á grjótvarnargarðinum í
Njarðvík. Þarf að opna núverandi
grjótvörn, bæta í hana grjóti úr
Helguvík og endurhlaða.
Þegar eigendur fyrirhugaðrar
stálröraverksmiðju leggja fram
tryggingar fyrir kostnaði við lóð-
arframkvæmdirnar verður unnt að
hefjast handa við verkið í heild.
Pétur vonast til að tryggingarnar
muni liggja fyrir í lok þessa mán-
aðar eða í næsta mánuði. Í útboðinu
er gert ráð fyrir að lóðin verði tilbú-
in tíu mánuðum eftir að erlenda fyr-
irtækið leggur fram tryggingar sín-
ar en Pétur lætur þess getið að
Íslenskir aðalverktakar hafi boðist
til að skila verkinu af sér þremur
mánuðum fyrr, fyrir sama eininga-
verð.
COVI
Framleidd verða rör úr völsuðu stáli sem flutt verður til landsins í stórum
rúllum.
Sprengingar á lóð stálröraverksmiðju
Lægsta tilboð
227 milljónum
undir áætlun
Helguvík
Fjölskyldur Arnars og Sól-
eyjar standa fyrir söfnun til
þess að Arnar komist í með-
ferð til Frakklands. Stofnaður
hefur verið reikningur í Spari-
sjóðnum í Keflavík þar sem
einstaklingar og fyrirtæki
geta lagt sitt af mörkum.
Reikningurinn er númer 1109-
05-409500. Hann er á nafni
Arnars Helga Lárussonar en
kennitala hans er 200576-
3819.
Söfnun til að
Arnar komist út
TALSVERÐUR erill var á
vaktinni hjá lögreglunni í
Keflavík aðfaranótt sunnu-
dags.
Tveimur mjög ölvuðum
mönnum, hvorum í sínu mál-
inu, var ekið til síns heima en
tilkynnt hafði verið um þá þar
sem þeir áttu mjög erfitt með
gang, segir í dagbók lögregl-
unnar.
Í tvígang var kvartað undan
hávaða í fjölbýlishúsi. Afskipti
voru höfð af fólki sem er grun-
að um vörslu og neyslu fíkni-
efna.
Rétt fyrir klukkan hálf sex
um morguninn var óskað eftir
aðstoð lögreglu utan við vín-
veitingahúsið H38 við Hafn-
argötu í Keflavík vegna lík-
amsárásar og eignaspjalla.
Einn var nefbrotinn og búið
var að brjóta rúðu í húsnæði
skammt frá. Lögreglan telur
að málavextir liggi nokkuð
ljósir fyrir.
Ökumenn
áttu erfitt
um gang
Keflavík