Morgunblaðið - 11.02.2003, Blaðsíða 18

HÖFUÐBORGARSVÆÐIÐ
18 ÞRIÐJUDAGUR 11. FEBRÚAR 2003 MORGUNBLAÐIÐ
ÚTBOÐSGÖGN vegna nýrra mis-
lægra gatnamóta Reykjanesbraut-
ar, Stekkjarbakka og Smiðjuvegar
voru afhent í gær. Gert er ráð fyrir
að tilboð verði opnuð 10. mars næst-
komandi og framkvæmdir hefjist
fljótlega eftir það. Áformað er að
hleypa akandi umferð á gatnamótin
1. nóvember næstkomandi.
Það eru Vegagerðin, Reykjavík-
urborg og Kópavogsbær sem standa
sameiginlega að framkvæmdunum
en þær fela í sér gerð tveggja brúa
á Stekkjarbakka yfir Reykjanes-
braut, gerð undirganga undir
Stekkjarbakka og göngubrúar yfir
Reykjanesbraut auk vegagerðar,
stígagerðar og landmótunar í kring.
Að sögn Hafliða Jónssonar, verk-
efnisstjóra hjá Reykjanesumdæmi
Vegagerðarinnar, hefur gerð gatna-
mótanna verið flýtt frá því sem áður
var. Í raun sé verið að taka gatna-
mótin fram fyrir önnur en það eru
mislæg gatnamót Vesturlandsvegar
og Nesbrautar.
Hann segir umferð við Stekkjar-
bakka kalla á þessar framkvæmdir
sem fyrst. „Það er mikið umferð-
aröngþveiti þarna. Núna eru þrjú
gatnamót á þessu svæði með til-
heyrandi töfum á Reykjanesbraut-
inni sem hverfa alveg við þessar
framkvæmdir.“ Samkvæmt Fram-
kvæmdafréttum Vegagerðarinnar
er búist við að umferðaröryggi á
svæðinu verði mun meira við til-
komu gatnamótanna við Stekkjar-
bakka, eða allt að 40–50% fækkun
eignartjónsóhappa og slysa.
Stór göngubrú móts við Mjódd
Hafliði segir einnig að eðlilegt sé
að fylgja eftir mislægu gatnamót-
unum við Breiðholtsbraut og
Reykjanesbraut með mislægum
gatnamótum á þessum stað. „Upp-
haflega var þetta ein áfangaskipt
framkvæmd þar sem fyrsti áfanginn
var mislægu gatnamótin við Breið-
holtsbraut og þessi gatnamót annar
áfangi. Seinna er svo fyrirhugað að
setja göngubrú þar sem undirgöng-
in eru núna yfir í Mjódd og það er
eiginlega síðasti hlutinn af þessari
framkvæmd.“ Ekki er vitað hvenær
ráðist verður í gerð þeirrar brúar að
hans sögn og bendir hann á að brúin
sé talsvert stór og því dýr fram-
kvæmd. Jafnvel séu uppi hugmynd-
ir um að láta brúna enda inni í versl-
unarmiðstöðinni í Mjódd en enn eigi
eftir að útfæra þær hugmyndir bet-
ur og hanna mannvirkið.
Önnur minni göngubrú neðan við
gatnamótin er þó hluti af fram-
kvæmdinni nú. „Áður var gert ráð
fyrir að gönguleiðin yrði yfir aðra
ökubrúna og að hún færi í undir-
göng og nokkrar krókaleiðir. Núna
er stefnan sú að fá gangandi umferð
frá svona stórum umferðaræðum
þannig að þarna var ákveðið að
setja göngubrú neðar og ná göngu-
leiðinni í burtu frá mannvirkjun-
um.“
Aðspurður segir Hafliði nákvæma
kostnaðaráætlun ekki gefna upp
fyrr en tilboð verði opnuð en gróf-
lega sé áætlað að framkvæmdin
kosti í kring um 800 milljónir. Það
er verkfræðistofan Línuhönnun sem
hefur séð um hönnun mannvirkj-
anna í samvinnu við teiknistofurnar
Studio Granda og Landmótun. Sem
fyrr segir er áætlað að hleypa um-
ferð á gatnamótin 1. nóvember
næstkomandi og að framkvæmdum
verði að fullu lokið 1. júlí árið 2004.
Útboðsgögn vegna mislægra gatnamóta Stekkjarbakka og Reykjanesbrautar afhent í gær
Umferð hleypt
á brýrnar
1. nóvember
Tölvumynd/Onnó
Neðst til hægri má sjá göngubrú sem koma á í þessum áfanga, þá nýju gatnamótin og efst eru mislæg gatnamót
Breiðholtsbrautar og Reykjanesbrautar. Gert er ráð fyrir að seinna meir komi stór göngubrú yfir Reykjanes-
brautina á móts við Mjóddina.
Mjódd
GÖTUHEITI í Norðlingaholti munu
taka mið af náttúrunni og flest hafa
endinguna -vað nái tillaga nafna-
nefndar borgarinnar fram að ganga.
Guðlaugur Þór Þórðarson, borgar-
fulltrúi Sjálfstæðisflokks, gagnrýnir
þó tillöguna og telur tilhlýðilegra að
láta götuheiti í hverfinu taka mið af
sögunni enda hafi verið lögð á ráðin
um stofnun Alþingis á Þingnesi, sem
er þar í grennd. Stefán Jón Hafstein,
borgarfulltrúi R-listans, segist sam-
mála Guðlaugi.
Götuheiti í Norðlingaholti komu til
umræðu á borgarstjórnarfundi í síð-
ustu viku en tillaga nafnanefndarinn-
ar var lögð fyrir fund skipulags- og
byggingarnefndar í lok janúar. Gerir
tillagan ráð fyrir að hverfið sjálft
verði kallað Norðlingaholt eins og
svæðið er jafnan kallað í daglegu tali
og götuheiti verði látin taka mið af
landslaginu og náttúrunni í kring.
Þannig myndu tvær meginbrautir
hverfisins heita Norðlingabraut og
Bugða, og er þar vísað til nafna á
svæðinu. Aðrar götur hefðu nafna-
endinguna -vað og segir í tillögu
nefndarinnar að með því sé skírskot-
að „til langra ferðalaga hvort sem
var til þinghalds eða lestarferða, þar
sem farið var yfir fjölda vatnsfalla,
stórra og smárra. Sem dæmi um
götuheiti má nefna Reiðvað, Hólm-
vað, Kambavað, Kólguvað og svo
mætti lengi telja.
Guðlaugur Þór sagði á borgar-
stjórnarfundinum að hann teldi rétt-
ara að vekja athygli á sögu og menn-
ingu svæðisins enda væru til mjög
góðar heimildir um hana. „Á þessu
svæði er staður sem heitir Þingnes
sem menn telja traustar heimildir
fyrir að sé fyrirrennari Alþingis.
Þarna er talið að menn hafi lagt á
ráðin um stofnun Alþingis og þar
spilaði stórt hlutverk Þorsteinn Ing-
ólfsson, sonur Ingólfs Arnarsonar.
[…] Á þessum fallega stað í borginni
eigum við að vekja athygli á því að
þarna var áður Kjalarnesþing, sem
Reykjavík tilheyrði, og var undan-
fari Alþingis.“
Komi hugmyndum
sínum til nefndarinnar
Steinunn Valdís Óskarsdóttir, for-
maður skipulagsnefndar, benti á að
tillögurnar kæmu frá nefnd, sem
skipuð væri sérfræðingum, og oftast
eða alltaf hefði náðst samkomulag
milli meiri- og minnihluta borgarinn-
ar um þær nafngiftir sem nefndin
styngi upp á. Vegna athugasemda
Guðlaugs á fundi skipulagsnefnar
hefði málið aftur verið sent til sér-
fræðinganefndarinnar til umfjöllun-
ar og hvatti hún Guðlaug, hefði hann
sterkar pólitískar skoðanir á því hver
götuheiti í Norðlingaholtinu ættu að
vera, til að snúa sér til nefndarinnar
með hugmyndir sínar. „Myndi ég
verða fyrst kvenna til að fagna því og
skoða þær með mjög jákvæðum
huga,“ sagði hún. Lýsti Guðlaugur
Þór sig reiðubúinn til að setjast niður
með nefndinni og koma hugmyndum
sínum milliliðalaust á framfæri.
Stefán Jón Hafstein borgarfulltrúi
kvaddi sér þá hljóðs og lýsti yfir full-
um stuðningi við hugmyndir Guð-
laugs. „Það er hárrétt hjá honum að
við eigum að halda á lofti þeim menn-
ingarverðmætum sem þarna eru í
grennd. […] Hvort þarna er tæki-
færið að segja fólki sögu lands og
þjóðar í götuheitum veit ég ekki en
ég vil biðja Guðlaug Þór Þórðarson
að hnippa í mig líka þegar hann hefur
talað við þessa sérfræðinganefnd.“
Tekist á um götuheiti sem taka mið
af náttúru í stað sögunnar
Stofnun Alþingis
ákveðin í grennd
við hverfið
Norðlingaholt
GOLFKLÚBBURINN Keilir fékk
hvatningarverðlaun ferðaþjónust-
unnar í Hafnarfirði fyrir góða
frammistöðu þegar þau voru afhent
við hátíðlega athöfn á fimmtudags-
kvöld. Átta ferðaþjónustuaðilar
voru tilnefndir til hvatningarverð-
launanna. Auk Keilis voru það álfa-
göngufyrirtækið Horft í Hamarinn,
Fjarðarkaup, Fjörukráin, Hafn-
arborg, Hópbílar, Íshestar og gull-
smiðirnir Sigga og Timo.
Ferðamálanefnd tilnefnir til
hvatningarverðlaunanna og ferða-
þjónustuaðilar í Hafnarfirði greiða
atkvæði.
„Tilgangurinn með því að veita
verðlaunin er að hvetja ferðaþjón-
ustufyrirtæki til dáða og vekja at-
hygli á ferðaþjónustu í Hafnarfirði,“
segir í frétt frá Hafnarfjarðarbæ.
Golfklúbburinn Keilir hefur á
undanförnum árum markvisst
byggt upp góða og sérstaka aðstöðu
á Hvaleyri.
Vallarstæðið er einstakt, samofið
hraunlandslagi við úthaf. Þar er nú
völlur í fullri stærð, æfingavöllur,
æfingaskýli og klúbbhús með veit-
ingaaðstöðu og golfbúð, sem einnig
leigir gestum búnað.
Á þrítugasta afmælisári klúbbsins
árið 1997 var unnið að stefnumótun
þar sem m.a. kemur fram að klúbb-
urinn leggur áherslu á markaðsmál
og að leggja Hafnarfirði lið sem
ferðamannabæ.
Golfklúbburinn Keilir hlaut til-
nefningu fyrir þá stefnu sína að efla
þjónustu við gesti, erlenda sem inn-
lenda, og öfluga þátttöku í al-
þjóðlegu markaðsstarfi.
Morgunblaðið/Kristinn
Jón Kr. Óskarsson, formaður ferðamálanefndar (t.v.), og Guðmundur Friðrik Sigurðsson, formaður Golfklúbbsins
Keilis, fagna hvatningarverðlaununum. Listaverkið sem er eftir Einar Má Guðvarðarson er verðlaunagripur
hvatningarverðlauna sem handhafi varðveitir í eitt ár.
Golfklúbburinn
Keilir hlýtur hvatn-
ingarverðlaun
Hafnarfjörður
EIGENDUR sveitakráarinnar
Ásláks í Mosfellsbæ, sem stend-
ur við hlið veitingastaðarins
Kentucky Fried Chicken, hafa
hug á að byggja hótel eða mótel
við krána. Teikningar af fyrir-
hugaðri byggingu voru kynntar
fyrir skipulags- og bygginga-
nefnd bæjarins í vikunni.
Nefndin tók jákvætt í erindið
enda uppfyllir starfsemin
ákvæði deiliskipulags miðsvæð-
is. Leggur nefndin til við um-
sækjendur að þeir óski eftir við-
ræðum við bæjaryfirvöld um
stækkun lóðarinnar sem er for-
senda deiliskipulagsbreytingar-
innar.
Vilja
byggja
hótel við
Áslák
Mosfellsbær