Morgunblaðið - 11.02.2003, Blaðsíða 44
Rúnar hefur verið lykilmaður ísóknarleik Lokeren í vetur og
gert 6 mörk í 15 leikjum í 1. deild-
inni. Arnar Grétars-
son hefur skorað 8
mörk í 19 leikjum og
Arnar Þór Viðars-
son 2 í 20 leikjum og
þremenningarnir hafa því gert ríf-
lega þriðjung marka liðsins. Nú hef-
ur Marel Baldvinsson bæst í hópinn
og íslensk áhrif innan liðsins aukast
því enn.
Rúnar sagði við Morgunblaðið í
gær að Lokeren hefði leikið sér-
staklega vel í fyrri hálfleiknum gegn
La Louviere. „Við skoruðum þrjú
mörk en þau hefðu hæglega getað
orðið 5–6. Við áttum skot í stöng og
slá og fengum dauðafæri sem ekki
nýttust. Í seinni hálfleik slökuðum
við fullmikið á með þeim afleiðing-
um að við þurftum að verjast á loka-
sprettinum en gerðum síðan út um
leikinn með fjórða markinu. Það má
segja að við höfum sjálfir sett óþarf-
lega mikla pressu á okkur.“
Þið eruð í fjórða sætinu eftir
þennan sigur. Hver eru markmið
liðsins í vetur?
„Takmarkið er að ná öðru sætinu
og komast þannig í forkeppni meist-
aradeildarinnar, annars þriðja sæt-
inu sem gefur þátttökurétt í UEFA-
bikarnum. Við erum fallnir út úr
bikarkeppninni og komumst því
ekki í Evrópukeppni í gegnum hana.
Club Brugge er með yfirburði í
deildinni, 14 stiga forystu sem liðið
klúðrar örugglega ekki. Það er mik-
ið eftir en baráttan um annað sætið
verður erfið, sérstaklega vegna þess
að Anderlecht sem er þar, stigi á
undan okkur, er bæði með sterkt lið
og mikla breidd. Við erum ekki eins
vel mannaðir og lendum strax í
vandræðum þegar einn eða tveir
eru fjarverandi vegna meiðsla eða
leikbanna. Í næsta leik, nágrannas-
lag gegn Beveren, verða til dæmis
bæði Arnar Grétarsson og hægri
bakvörðurinn í leikbanni og það
veikir liðið talsvert.“
Marel Baldvinsson er kominn í
ykkar raðir og hefur spilað tvo leiki.
Eykur hann ekki breiddina?
„Jú, samkeppnin um stöðurnar í
sókninni er strax orðin harðari.
Okkar mesti markaskorari, Gíneu-
maðurinn Sambegou Bangoura,
hafði ekki skorað um skeið en nú
hefur hann tekið við sér og skorað
þrjú mörk í síðustu þremur leikjum.
Paul Put þjálfari hefur mikla trú á
Marel og setti hann strax í liðið þótt
hann sé ekki kominn í fulla æfingu. Í
fyrsta leiknum var ég í banni og þá
voru Marel og Bangoura saman í
framlínunni en um helgina kom ég
aftur inn í sóknina og Marel fór þá á
vinstri kantinn. Hann tók samt virk-
an þátt í sóknarleiknum og ég dró
mig aðeins til baka í staðinn. Þetta
heppnaðist mjög vel.“
Einn Belgi í liðinu
Þið eruð með afar fjölþjóðlegt lið
og marga Afríkubúa innanborðs.
Hvernig hefur gengið að skapa liðs-
heild úr þessum hópi?
„Það er rétt, við erum aðeins með
einn Belga í liðinu, Davy De Beule á
hægri kantinum, en sá er tvítugur
og geysilegt efni. Síðan erum það
við fjórir, Íslendingarnir, Slóveni í
markinu og hinir koma allir frá Afr-
íku. Vörnin er til dæmis öll svört.
En þessi blanda gengur upp, mörg-
um til mikillar furðu. Arnar Grét-
arsson og Arnar Þór Viðarsson eru
hjartað í liðinu og stjórna spilinu á
miðjunni og eiga mestan heiður af
því hve vel þetta gengur allt saman.
Afríkubúarnir tala allir frönsku,
flæmskan er eitthvað notuð og svo
erum við með íslenskuna en það
gengur ótrúlega vel að tengja þetta
saman. Við Íslendingarnir kunnum
eitt og eitt fótboltaorð í frönsku og
það dugar til að halda uppi sam-
skiptum og koma skilaboðum á milli
manna.“
Þú hefur í vetur leikið sem sókn-
armaður, ekki á miðjunni eins og
mestallan þinn feril. Hvernig
kanntu við þessa breytingu?
„Það má segja að þetta sé sann-
kölluð draumastaða. Á pappírunum
er ég sóknarmaður í leikkerfinu 4-
4-2, en ég kem mikið til baka á miðj-
una og fæ boltann þar, þannig að
kerfið breytist í raun í 4-5-1 eða
jafnvel 4-3-3 því við erum með sókn-
djarfa kantmenn, og spilum oft
mjög áferðarfallega sóknarknatt-
spyrnu. Þegar baráttan og andlegur
styrkur eru líka til staðar gengur
þetta virkilega vel. Arnar og Arnar
Þór eru miklir vinnuhestar fyrir aft-
an mig á miðjunni, og við náum
mjög vel saman. Þeir vita nákvæm-
lega hvar ég vil fá boltann og ég
reyni að koma til baka og hjálpa
þeim á miðjunni eins og með þarf.“
Vil gjarnan leika hér áfram
Þú ert með lausan samning í vor.
Er eitthvað farið að ræða framhald-
ið hjá þér?
„Það er mjög rólegt yfir þessum
málum ennþá. Ég ræddi við forset-
ann í síðustu viku og við hittumst
aftur fljótlega. Hann er ekkert að
flýta sér og ég er ekki farinn að
verða stressaður yfir þessu ennþá.
Ég hef trú á því að mér verði boðinn
nýr samningur og vil gjarnan vera
hér áfram og sjá hversu langt verð-
ur hægt að ná með þetta lið. Ef Arn-
ar og Arnar Þór verða hér áfram,
eins og útlit er fyrir, er þetta mjög
spennandi.“
Þú hefur á síðustu dögum verið
orðaður við þitt gamla félag, KR,
hér heima. Er eitthvað til í þessum
sögum?
„Ég hef heyrt þessar sögur og
það er ekkert til í þeim. Það hefur
aldrei komið til tals og ég hef ekki
heyrt í neinum frá KR. Það væru
hæg heimatökin ef til kæmi þar sem
bróðir minn er einn af forsvars-
mönnum KR. Þetta kæmi ekki til
greina nema allt færi á versta veg
hjá mér í sumar og enginn myndi
vilja mig hér úti.“
Það er nóg um að vera hjá lands-
liðinu í ár og 100. landsleikurinn
nálgast óðum hjá þér. Ertu eitthvað
að draga í land á þeim vígstöðvum?
„Já, það er í mörg horn að líta og
ég er vissulega farinn að hugsa að-
eins um 100. leikinn. Það verður víst
ekkert af því að við fáum æfingaleik
á næstunni og verðum þá að fara
beint í Skotana á Hampden Park í
Glasgow í lok mars og reyna þar að
bæta aðeins okkar hag í riðlinum.
Jú, ég er farinn að huga aðeins að
endapunktinum með landsliðinu og
hef ekki sett stefnuna lengra en að
ljúka þessari keppni sem nú er í
gangi. Þegar henni lýkur mun ég
ræða framhaldið við fjölskylduna og
aðra, ef þess verður óskað að ég
leiki áfram með landsliðinu. Það
hefur mikill tími farið í það um langt
árabil, langar fjarverur frá fjöl-
skyldunni, og ég mun því hugsa
minn gang mjög vel þegar þar að
kemur,“ sagði Rúnar Kristinsson.
Morgunblaðið/Brynjar Gauti
Rúnar Kristinsson á ferðinni með knöttinn í Evrópuleik gegn
Skotum á Laugardalsvellinum.
Rúnar Kristinsson í toppslag
með Lokeren í Belgíu
„Ég er í
sann-
kallaðri
drauma-
stöðu“
RÚNAR Kristinsson landsliðsfyrirliði hefur verið áberandi í belgísku
knattspyrnunni frá því hann gekk til liðs við Lokeren fyrir rúmlega
tveimur árum. Rúnar, sem verður 34 ára í haust og hefur spilað 96
landsleiki fyrir Ísland, hefur sjaldan leikið betur en um þessar
mundir. Um helgina skoraði hann tvö mörk í sigri á La Louviere, 4:2,
í belgísku 1. deildinni og var einu sinni sem oftar valinn í lið vik-
unnar í þarlendum fjölmiðlum. Lokeren er í toppslag deildarinnar
og staða liðsins er að stórum hluta þökkuð framlagi Íslendinganna
sem nú eru fjórir talsins hjá félaginu.
Eftir
Víði
Sigurðsson
’ Ég er vissulega farinn að hugsa aðeinsum 100. leikinn. Það verður víst ekkert
af því að við fáum æfingaleik á næstunni
og verðum þá að fara beint í Skotana á
Hampden Park í Glasgow í lok mars. ‘
’ Við Íslendingarnirkunnum eitt og eitt
fótboltaorð í frönsku
og það dugar til að
halda uppi sam-
skiptum og koma
skilaboðum á milli
manna. ‘
ÍÞRÓTTIR
44 ÞRIÐJUDAGUR 11. FEBRÚAR 2003 MORGUNBLAÐIÐ
ALLT útlit er fyrir að skíðamað-
urinn Hermann Maier keppi ekki
meira á þessu keppnistímabili og er
ástæðan sú að hann þarf að gangast
undir aðgerð á fætinum sem brotn-
aði illa í bílslysi fyrir hálfu öðru ári.
Fjarlægja þarf nagla sem er í beini
Maiers.
Maier hefur komið flestum á
óvart það sem af er vetri og náði
hann m.a. silfri á Heimsmeistara-
mótinu í St. Moritz en nú hefur hann
snúið heim til Austurríkis. þeir sem
keppa fyrir Austurríki á miðviku-
dag í stórsvigi eru þeir Stephan
Eberharter, Hans Krauss, Christian
Mayer og Benjamin Raich.
Hermann
Maier er
úr leik
MAREL
Baldvins-
son, lands-
liðsmaður í
knatt-
spyrnu, var
dýrasti leik-
maðurinn
sem keypt-
ur var af
belgísku fé-
lagi í jan-
úar. Á þeim mánuði sem þarlend fé-
lög höfðu, eins og félög annars
staðar, til að skipta um leikmenn
var meira um að belgísku félögin
minnkuðu leikmannahópa sína,
tækju nýja menn á leigu eða semdu
við leikmenn sem voru með útrunna
samninga. Roger Lambrecht, for-
seti Lokeren, snaraði hins vegar út
300 þúsund evrum, um 25 millj-
ónum ís-
lenskra
króna, til að
kaupa Mar-
el af Stabæk
í Noregi.
Alls
fengu liðin
18 í belg-
ísku 1.
deildinni til
sín 26 leik-
menn í janúar. Sex þeirra nældu sér
ekki í neinn, þar á meðal stórliðin
Club Brugge og Anderlecht, og af
þessum 26 fóru átta sem lánsmenn
til botnliðsins Mechelen. Aftur á
móti fóru 22 leikmenn frá Mechelen
í janúar, enda var félagið nánast
gjaldþrota fyrir áramótin. Lokeren
losaði sig við fjóra leikmenn í stað-
inn fyrir Marel.
Marel sá dýrasti
Morgunblaðið/Kristján Bernburg
Marel og Paul Put, þjálfari Lokeren.
RÚNAR Kristinsson var val-
inn í lið vikunnar í belgísku
knattspyrnunni af dagblaðinu
Het Nieuwsblad í gær og var
jafnframt útnefndur maður
leiksins í sigri Lokeren á La
Louviere um helgina. Lokeren
vann, 4:2, og Rúnar skoraði tvö
markanna, og í umfjöllun
blaðsins sagði að Rúnar hefði
stjórnað liði sínu til sigurs.
Ariel Jacobs, þjálfari La
Louviere, sagði við blaðið Het
Laaste Nieuws í gær að Rúnar
hefði leikið mjög vel. Því mið-
ur hefði félag sitt ekki efni á
að kaupa hann því það myndi
kosta 20 þúsund evrur á mán-
uði, eða 1,6 milljónir króna.
„Allt sem hann gerði var
mjög gott, hver sending, hver
hreyfing og öll hlaup. Það
þýddi ekkert að taka Rúnar úr
umferð, þá hefði losnað um
Arnar Grétarsson, og ef hans
hefði verið gætt hefði Arnar
Viðarsson tekið við,“ sagði
Jacobs. Hann bætti því við að
Lokeren væri með best skipu-
lagða lið deildarinnar.
Arnar Grétarsson fékk gula
spjaldið gegn La Louviere og
verður í leikbann í næsta leik,
gegn Beveren.
Rúnar í liði vikunnar